പോസ്റ്റ്-മട്രിക് സ്കോളർഷിപ്പ്
പോസ്റ്റ്-മട്രിക് സ്കോളർഷിപ്പ്
- ലക്‌ഷ്യം
- സാദ്ധ്യത
- യോഗ്യതയ്ക്കുള്ള വ്യവസ്ഥകള്‍
- സ്കോളര്‍ഷിപ്പിന്‍റെ മൂല്യം
- i) ജീവനാംശ അലവന്‍സ്
- ii) അന്ധ വിദ്യാര്ത്ഥികള്ക്ക് വേണ്ടി വരുന്ന വായനക്കാരുടെ നിരക്ക് (അന്ധ വിദ്യാര്‍ത്ഥികള്‍)
- iii) ഫീസ്‌
- iv) പഠനയാത്രകള്‍
- V) പ്രബന്ധം ടൈപ്പുചെയ്യല്‍/അച്ചടിക്കല്‍ നിരക്കുകള്‍
- അപേക്ഷകരുടെ തിരഞ്ഞെടുപ്പ്
- അവാര്‍ഡുകളുടെ കാലാവധിയും പുതുക്കലും
- സ്കോളര്ഷിപ്പ് തുക നല്‍കല്‍
- സ്കോളര്ഷിപ്പ് ലഭിക്കുന്നതിനു വേണ്ട മറ്റു വ്യവസ്ഥകള്‍
- പദ്ധതിയുടെ വിജ്ഞാപനം
- അപേക്ഷിക്കുന്നതിനുള്ള നടപടിക്രമം
- നിരീക്ഷണം
- മൂല്യനിര്‍ണയം
ഇന്ത്യയില്‍ പഠനം നടത്തുന്നതിന്, മറ്റു പിന്നോക്കവിഭാഗര്‍ക്കുള്ള പോസ്റ്റ്-മട്രിക് സ്കോളര്ഷിപ്പ് പദ്ധതി.
ലക്‌ഷ്യം
സ്വാതന്ത്ര്യ ലബ്ധിക്കു ശേഷം, വിദ്യാഭ്യാസത്തിന്‍റെയും, സാക്ഷരതയുടേയും നിലവാരം ഉയര്‍ത്തുന്നതിനു വേണ്ടി ഭാരതസര്‍ക്കാര്‍ ചില നടപടികള്‍ ആരംഭിച്ചിട്ടുണ്ട്. ഈ അവസരത്തില്‍ പിന്നോക്ക വിഭാഗങ്ങള്‍ക്ക് നല്‍കിവരുന്ന, സാമ്പത്തികവും വിദ്യാഭാസപരവുമായ സഹായങ്ങള്‍ അപര്യാപ്തമാണെന്നും, അവരും മുന്നോക്ക ജനവിഭാഗങ്ങളും തമ്മില്‍ എല്ലാ തലങ്ങളിലും അന്തരം നിലനില്‍ക്കുന്നതായും സര്‍ക്കാര്‍ കണ്ടെത്തിയിട്ടുണ്ട്. പിന്നോക്ക വിഭാഗങ്ങളുടെ ഫലപ്രദമായ വികസനത്തിന്‌ സഹായിക്കുന്ന ഒരു പ്രധാനപ്പെട്ട മാധ്യമം വിദ്യാഭ്യാസമാണെന്നത് സ്പഷ്ടമായതും സര്‍വസാധാരണമായി അംഗീകരിക്കപ്പെട്ടതുമായ ഒരു കാര്യമാണ്.
പിന്നോക്ക വിഭാഗക്കാരുടെ ക്ഷേമ വികസന പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്നവരുടെ ശുപാര്‍ശകളുടെ അടിസ്ഥാനത്തില്‍ മറ്റുപിന്നോക്ക വിഭാഗങ്ങള്‍ക്ക്(ഒ.ബി,സി) വേണ്ടി കേന്ദ്ര സഹായത്തോടുകൂടിയുള്ള ഒരു പോസ്റ്റ്-മട്രിക് സ്കോളര്ഷിപ്പ് പദ്ധതി സമാരംഭിക്കാന്‍ നിര്‍ദ്ദേശിക്കപ്പെട്ടിടുണ്ട്.
മട്രിക്കുലഷന്‍ ശേഷമോ സെക്കന്‍ഡറി വിദ്യാഭ്യാസത്തിനു ശേഷമോ ഉപരിപഠനം നടത്തുന്ന മറ്റുപിന്നോക്ക വിഭാഗങ്ങളില്‍പ്പെട്ട കുട്ടികള്‍ക്ക് അവരുടെ പഠനം പൂര്‍ണമാക്കാന്‍ വേണ്ട സാമ്പത്തിക സഹായം നല്‍കുക എന്നുള്ളതാണ് ഈ പദ്ധതിയുടെ ലക്‌ഷ്യം.
സാദ്ധ്യത
ഇന്ത്യയില്‍ നടക്കുന്ന പഠനങ്ങള്‍ക്ക് മാത്രമാണ് ഈ സ്കോളര്ഷിപ്പ് ലഭ്യമായിട്ടുള്ളത്. അപേക്ഷകന്‍ ഉള്‍പ്പെടുന്ന, അതായത്‌ സ്ഥിരതാമസമാക്കിയിട്ടുള്ള പ്രദേശത്തെ സംസ്ഥാന സര്‍ക്കാര്‍ അല്ലെങ്കില്‍ കേന്ദ്ര ഭരണ പ്രദേശമാണ് ഇത് നല്‍കുന്നത്. സംസ്ഥാന സര്‍ക്കാരുകള്‍ക്കും, കേന്ദ്ര ഭരണ പ്രദേശങ്ങള്‍ക്കും,നുറു ശതമാനം കേന്ദ്ര സഹായം ഈ പദ്ധതിക്കായി ലഭ്യമാണ്.
യോഗ്യതയ്ക്കുള്ള വ്യവസ്ഥകള്‍
i.കേന്ദ്ര/സംസ്ഥാന സര്‍ക്കാരുകള്‍ /കേന്ദ്രഭരണ പ്രദേശങ്ങള്‍ എന്നിവ മറ്റുപിന്നോക്ക വിഭാഗങ്ങളില്‍ ഉള്‍പ്പെടുത്തിയിട്ടുള്ള ഭാരതീയ പൗരന്‍മാര്‍ക്കാണ് ഇത് ലഭിക്കുന്നത്.
ii.അംഗീകൃത സ്ഥാപനങ്ങളില്‍ നടത്തപ്പെടുന്ന, മട്രിക്കുലേഷന്‍ ശേഷമോ സെക്കന്‍ഡറി വിദ്യാഭ്യാസത്തിനു ശേഷമോ പഠിക്കാവുന്ന എല്ലാ അംഗീകൃത കോഴ്സുകള്‍ക്കും ഈ സ്കോളര്ഷിപ്പ് ലഭ്യമാണ്.
സ്കോളര്ഷിപ്പ് ലഭ്യമല്ലാത്ത കോഴ്സുകള് താഴെപ്പറയുന്നവയാണ്.
പരിശീലന കോഴ്സുകള് ആയ എയര്‍ക്രാഫ്റ്റ്‌ മെയിന്‍റനന്‍സ് എന്‍ജിനീയേഴ്സ് കോഴ്സ്, പ്രൈവറ്റ് പൈലറ്റ് ലൈസന്‍സ് കോഴ്സ്, ട്രെയിനിംഗ്-ഷിപ്പ് ഡഫറില്‍(ഇപ്പോള്‍ ഐ.എന്‍.എസ് രജേന്ദ്ര) നടത്തപ്പെടുന്ന കോഴസുകള്‍ ,ഡറാഡൂണ്‍ മിലിട്ടറി കോളേജിലെ പരിശീലന കോഴ്സുകള്.
iii. അപേക്ഷകരെ, അവര്‍ സ്ഥിരതാമസമാക്കിയിട്ടുള്ള സംസ്ഥാനമോ കേന്ദ്രഭരണ പ്രദേശമോ മറ്റു പിന്നോക്ക വിഭാഗത്തില് ഉള്‍പ്പെടുത്തിയിട്ടുള്ളവരാകണം. കൂടാതെ ഏതെങ്കിലും അംഗീകൃത സര്‍വകലാശാലയില്‍ നിന്നോ, സെക്കന്‍ഡറി പരീക്ഷാ സമിതിയില്‍ നിന്നോ മട്രിക്കുലേഷനോ, ഹയര്‍സെക്കന്‍ഡറിയോ മറ്റേതെങ്കിലും ഉയര്‍ന്ന പരീക്ഷയോ ജയിച്ചിട്ടുള്ളവരും ആയിരിക്കണം.
iv. ഒരു ഘട്ട പഠനം കഴിഞ്ഞതിനു ശേഷം അതേ ഘട്ടത്തില്‍ തന്നെ മറ്റൊരു വിഷയത്തില്‍ പഠനം നടത്തുന്ന അപേക്ഷകര്‍, ഉദാഹരണത്തിന് ഐ.എയ്ക്കോ ബി.കോമിനോ ശേഷം ഐ.എസ്.സി. അല്ലെങ്കില്‍ ബി.എയ്ക്കോ എം.എയ്ക്കോ ശേഷം മറ്റൊരു വിഷയത്തില്‍ എം.എ തുടങ്ങിയവ പഠിക്കാന്‍ ആഗ്രഹിക്കുന്നവര്‍ സ്കോളര്ഷിപ്പിന് അര്‍ഹരായിരിക്കുന്നതല്ല.
V. ഒരു പ്രൊഫഷണല്‍ ശാഖയില്‍ പഠനം പൂര്‍ത്തിയാക്കിയ വിദ്യാര്ത്ഥികള്ക്ക് മറ്റൊരു പ്രൊഫഷണല്‍ ശാഖയില്‍, ഉദാഹരണത്തിന് ബി.ടി അല്ലെങ്കില്‍ ബി.എഡ്‌ നു ശേഷം എല്‍ .എല്‍ .ബി., പഠനം നടത്തുവാന്‍ സ്കോളര്ഷിപ്പ് ലഭിക്കുന്നതല്ല.
VI. ഹയര്‍ സെക്കന്‍ഡറി ക്ലാസ്സുകളിലോ വിവിധോദ്ദേശ ഹൈസ്കൂളില്‍ പ്ലസ്‌ ടു ക്ലാസ്സിലോ പഠിക്കുന്നവര്‍ ഇവ തുടര്‍ച്ചയായുള്ള കോഴ്സുകള് ആയതിനാല്‍ ഈ സ്കോളര്ഷിപ്പിന് അര്‍ഹരായിരിക്കില്ല. എന്നിരുന്നാലും ഈ സ്കൂളുകളിലെ പത്താം ക്ലാസ്സ്‌ പരീക്ഷ മട്രിക്കുലേഷന്‍ തുല്യമായി കണക്കാക്കപ്പെടുന്നുണ്ടങ്കില്‍ ആ വിദ്യാര്‍ഥികള്‍ക്കു പത്താം ക്ലാസിനു ശേഷം മറ്റുകോഴ്സുകള്‍ക്ക് ചേരാവുന്നതാണ്. അപ്പോള്‍ അവര്‍ പോസ്റ്റ്-മട്രിക് വിദ്യാര്‍ത്ഥികളായി കണക്കാക്കപ്പെടുകയും,അവര്‍ സ്കോളര്ഷിപ്പിന് അര്‍ഹരായി തീരുകയും ചെയ്യും.
VII. മെഡിസിനില്‍ ബിരുദാനന്തരബിരുദ പഠനം നടത്തുന്ന വിദ്യാര്‍ത്ഥികള്‍, അവരുടെ പഠന കാലയളവില്‍ പ്രവൃത്തി ചെയ്യാന്‍ അനുവദിക്കപ്പെട്ടിട്ടില്ലെങ്കില്‍ മാത്രമേ ഈ സ്കോളര്ഷിപ്പിന് അര്‍ഹരാവുകയുള്ളൂ.
VIII. മാനവികം / ശാസ്ത്രം/ വാണിജ്യം ശാഖകളില്‍ ബിരുദ/ബിരുദാനന്തരബിരുദ പരീക്ഷകള്‍ ജയിക്കുകയോ തോല്‍ക്കുകയോ ചെയ്ത വിദ്യാര്‍ത്ഥികള്‍ അതിനു ശേഷം മറ്റൊരു അഗീകൃത തൊഴിലധിഷ്ഠിത അല്ലെങ്കില്‍ സാങ്കേതിക സര്‍ട്ടിഫിക്കറ്റ്/ഡിപ്ലോമ/ ബിരുദ/ കോഴ്സുകള്‍ക്ക് ചേരുകയാണെങ്കില്‍, അവര്‍ മറ്റെല്ലാത്തരത്തിലും അര്‍ഹരാണെങ്കില് ഈ സ്കോളര്ഷിപ്പ് ലഭിക്കുന്നതായിരിക്കും. ഗണം എയിലല്ലാതെ മറ്റൊരു കോഴ്സിനും പിന്നീടുണ്ടാവുന്ന തോല്‍വികള്‍ അനുവദനീയമല്ല. കോഴ്സില്‍ വ്യത്യാസം വരുത്താനും സാദ്ധ്യമല്ല.
IX. തപാല്‍ മാര്‍ഗത്തില്‍ പഠനം നടത്തുന്നവര്‍ക്ക് തിരികെ ലഭിക്കാത്ത ഫീസിനങ്ങള്‍ മടക്കി ലഭിക്കുന്നതാണ്. വിദൂര അല്ലെങ്കില്‍ തുടര്‍ വിദ്യാഭ്യാസം ആണ് തപാല്‍ മാര്‍ഗത്തിലുള്ള പഠനം എന്നത് കൊണ്ട് ഉദ്ദേശിക്കുന്നത്. ഈ വിദ്യാര്ത്ഥികള്ക്ക് തിരികെ ലഭിക്കാത്ത ഫീസിനങ്ങള്‍ മടക്കി ലഭിക്കുന്നതിനോടൊപ്പം തന്നെ അത്യാവശ്യമുള്ള പുസ്തകങ്ങള്‍ക്കും മറ്റുമായി 500 രൂപയുടെ വാര്‍ഷിക അലവന്‍സും ലഭിക്കുന്നതാണ്.
X. ജോലി ചെയ്യുന്ന വിദ്യാര്ത്ഥികള്ക്ക് അവരുടെ വാര്‍ഷിക വരുമാനവും അവരുടെ മാതാപിതാക്കളുടെയോ രക്ഷകര്‍ത്താക്കളുടെയോ വാര്‍ഷിക വരുമാനവും കൂട്ടുമ്പോഴുള്ള തുക 44,500/- രൂപയില്‍ കൂടുതല് ആവുന്നില്ല എങ്കില്‍ അവര്‍ ഈ സ്കോളര്ഷിപ്പിന് അര്‍ഹരായിരിക്കും. നിര്‍ബന്ധിതമായും അടയ്ക്കേണ്ട തിരികെ ലഭിക്കാത്ത ഫീസിനങ്ങളും അവര്‍ക്ക് മടക്കി ലഭിക്കുന്നതായിരിക്കും.
XI. ഒരു രക്ഷകര്‍ത്താവിന്‍റെയോ മാതാപിതാക്കളുടെയോ രണ്ടു കുട്ടികള്‍ക്ക് മാത്രമായിരിക്കും ഈ സ്കോളര്ഷിപ്പ് ലഭിക്കാനുള്ള യോഗ്യത ഉണ്ടായിരിക്കുന്നത്. ഈ നിയന്ത്രണം പെണ്‍കുട്ടികള്‍ക്ക് ബാധകമല്ല. അതിനാല്‍ ഒരേ രക്ഷകര്‍ത്താവിന്‍റെയോ മാതാപിതാക്കളുടെയോ രണ്ടു പെണ്‍കുട്ടികള്‍ക്ക് ഈ സ്കോളര്ഷിപ്പ് ലഭിക്കുന്നുണ്ടെങ്കില്‍ അതേ രക്ഷകര്‍ത്താവിന്‍റെയോ മാതാപിതാക്കളുടെയോ രണ്ടു ആണ്‍കുട്ടികള്‍ക്കും ഈ സ്കോളര്ഷിപ്പ് ലഭിക്കുന്നതിനു തടസ്സം ഉണ്ടാവുകയില്ല.
XII. ഈ പദ്ധതി പ്രകാരം സ്കോളര്ഷിപ്പ് ലഭിക്കുന്ന വിദ്യാര്‍ത്ഥി മറ്റൊരു സ്കോളര്‍ഷിപ്പും സ്റ്റൈപെന്‍ടും സ്വീകരിക്കാന്‍ പാടുള്ളതല്ല. മറ്റേതെങ്കിലും സ്കോളര്‍ഷിപ്പോ സ്റ്റൈപെന്ടോ ലഭിക്കുകയാണെങ്കില് ആ വിദ്യാര്‍ത്ഥിക്ക് തനിക്ക് ഏതാണോ കൂടുതല് പ്രയോജനപ്രദമായിട്ടുള്ളത് അത് സ്വീകരിക്കുവാന്‍ തീരുമാനിക്കാവുന്നതാണ്. ഈ തീരുമാനം സ്ഥാപനത്തിന്‍റെ മേലധികാരി വഴി സ്കോളര്ഷിപ്പ് അധികാരികളെ അറിയിക്കേണ്ടതാണ്. മറ്റൊരു സ്കോളര്‍ഷിപ്പോ സ്റ്റൈപെന്ടോ സ്വീകരിക്കുന്ന ദിവസം മുതല്‍ ആ വിദ്യാര്‍ത്ഥിക്ക് ഈ പദ്ധതി പ്രകാരമുള്ള സ്കോളര്ഷിപ്പ് തുടര്‍ന്ന് ലഭിക്കുന്നതല്ല. എന്നിരുന്നാലും ആ വിദ്യാര്‍ത്ഥിക്ക് പുസ്തകങ്ങള്‍ക്കും, മറ്റുപകരണങ്ങള്‍ക്കും വേണ്ടിയോ അല്ലെങ്കില്‍ താമസത്തിനു വേണ്ടിയോ ചിലവാകുന്ന തുക കണ്ടെത്തുന്നതിന് വേണ്ടി സര്‍ക്കാരില്‍ നിന്നോ മറ്റേതെങ്കിലും സ്രോതസ്സില്‍ നിന്നോ സൗജന്യ താമസമോ, വേതനമോ, താല്‍ക്കാലികമായ സാമ്പത്തിക സഹായമോ സ്വീകരിക്കാവുന്നതാണ്.
XIII. സര്‍ക്കാരില്‍ നിന്നുള്ള സാമ്പത്തിക സഹായത്തോടു കൂടി ഏതെങ്കിലും പരീക്ഷാ പരിശീലന കേന്ദ്രങ്ങളില്‍ പരിശീലനം നേടിയവര്‍ക്ക് ഈ സ്കോളര്ഷിപ്പ് ലഭിക്കുന്നതല്ല.
XIV.തൊഴില്‍രഹിതരായ വിദ്യാര്‍ത്ഥികളുടെ കാര്യത്തില്‍ അവരുടെ മാതാപിതാക്കളുടെയോ രക്ഷകര്‍ത്താക്കളുടെയോ വാര്‍ഷിക വരുമാനം 44,500 രൂപയില്‍ കൂടുതല് അല്ല എങ്കില്‍ അവര്‍ ഈ സ്കോളര്ഷിപ്പിന് അര്‍ഹരായിരിക്കും.
കുറിപ്പ്‌ 1: മാതാപിതാക്കളില്‍ ഒരാള്‍ എങ്കിലും ജീവിച്ചിരിക്കുന്ന സാഹചര്യത്തില്‍ (വിവാഹിതയും തൊഴില്‍രഹിതയുമായ വിദ്യാര്‍ത്ഥിനിയുടെ കാര്യത്തില്‍ ഭര്ത്താവ്) മാതാപിതാക്കളുടെയോ ഭര്‍ത്താവിന്‍റെയോ വരുമാനം മാത്രമേ കണക്കിലെടുക്കേണ്ടതുള്ളു. കുടുംബത്തിലെ മറ്റു അംഗങ്ങള്‍ സമ്പാദിക്കുന്നുണ്ടെങ്കില്‍ പോലും അത് കണക്കിലെടുക്കില്ല. ഈയൊരു അടിസ്ഥാനത്തിലാണ് വരുമാന പ്രഖ്യാപനത്തിന്‍റെ ഫോര്മില് വരുമാനം പ്രതിപാദിക്കേണ്ടത്. മാതാപിതാക്കള്‍ രണ്ടും മരിച്ചു പോയ ( വിവാഹിതയും തൊഴില്‍രഹിതയും ആയ വിദ്യാര്‍ത്ഥിനിയുടെ കാര്യത്തില്‍ ഭര്ത്താവ്) സാഹചര്യത്തില്‍ വിദ്യാര്‍ത്ഥിയെ അല്ലെങ്കില്‍ വിദ്യാര്‍ത്ഥിനിയെ പഠനത്തില്‍ സഹായിക്കുന്ന രക്ഷകര്‍ത്താവിന്‍റെ വരുമാനം കണക്കിലെടുക്കാവുന്നതാണ്. മാതാപിതാക്കളില്‍ ഒരാളുടെ മരണ ശേഷം മറ്റേയാളുടെ വരുമാനം പദ്ധതയില്‍ നിഷ്കര്ഷിക്കപ്പെട്ടിട്ടുള്ള വരുമാനപരിധിക്കുള്ളില്‍ വരുന്നുണ്ടെങ്കില്‍ ആ വിദ്യാര്‍ത്ഥികള്‍ സ്കോളര്ഷിപ്പിന് അര്‍ഹരായിരിക്കും. യോഗ്യതയ്ക്കുള്ള മറ്റു വ്യവസ്ഥകള്‍ പാലിക്കുന്നുണ്ടെങ്ങില്‍ മരണം നടന്ന ആ മാസം മുതല്‍ തന്നെ ഈ വിദ്യാര്‍ത്ഥികള്‍ സ്കോളര്ഷിപ്പിന് അര്‍ഹരാണ്. അങ്ങനെയുള്ളവരുടെ അപേക്ഷകള്‍, അപേക്ഷകള്‍ സ്വീകരിക്കുന്നതിനുള്ള അവസാന തീയതിക്ക് ശേഷമാണു ലഭിക്കുന്നതെങ്കില്‍ പോലും അനുകമ്പാപൂര്‍വം പരിഗണിക്കേണ്ടതാണ്.
കുറിപ്പ്‌ 2: വിദ്യാര്‍ത്ഥികളുടെ മാതാപിതാക്കള്‍ക്ക് വീട്ടുവാടകയിനത്തില്‍ ലഭിക്കുന്ന അലവന്‍സ് വരുമാന നികുതിയില്‍ നിന്ന് ഒഴിവാക്കപ്പെട്ടിട്ടുണ്ടെങ്കില്‍ വരുമാനം കണക്ക് കൂട്ടുമ്പോഴും ഒഴിവാക്കാവുന്നതാണ്.
കുറിപ്പ്‌ 3: ഒരു വര്‍ഷത്തിനപ്പുറത്തേക്കു നീണ്ടു പോകുന്ന കോഴ്സുകളുടെ പ്രവേശന സമയത്ത് മാത്രമേ വരുമാന സര്‍ട്ടിഫിക്കററ് ആവശ്യമായി വരുകയുള്ളു.
സ്കോളര്‍ഷിപ്പിന്‍റെ മൂല്യം
ജീവനാംശ അലവന്‍സ്, അന്ധ വിദ്യാര്ത്ഥികള്ക്ക് വേണ്ടിയുള്ള വായനക്കാര്‍ക്ക്‌ വേണ്ടിവരുന്ന തുക, തിരികെ ലഭിക്കാത്ത എന്നാല്‍ നിര്‍ബന്ധമായും അടച്ചിരിക്കേണ്ട ഫീസുകളുടെ തിരിച്ചടവ്, പ്രബന്ധം ടൈപ്പ് ചെയ്യല്‍ /അച്ചടിക്കല്‍ നിരക്കുകള്‍,പഠന യാത്രാ നിരക്കുകള്‍, തപാല്‍ വഴി പഠനം നടത്തുന്നവര്‍ക്കു വേണ്ട ബുക്ക്‌ അലവന്‍സ് തുടങ്ങിയവയാണ് ഈ സ്കോളര്‍ഷിപ്പിന്‍റെ മുല്യത്തില്‍ ഉള്‍പ്പെടുന്നവ. വിശദ വിവരങ്ങള്‍ താഴെപ്പറയുന്നു.
.
i) ജീവനാംശ അലവന്‍സ്
|
കോഴ്സുകള് (1) |
പ്രതിമാസ അലവന്‍സ് തുക (പ്രതിമാസ തുക രൂപയില്‍) |
|
|
ഹോസ്റ്റല്‍ വാസികള്‍ (2) |
വീട്ടില്‍ നിന്നും പോയി വരുന്നവര്‍ (3) |
|
|
ഗണം എ |
425 |
190 |
|
ഗണം ബി ഭാരതീയ വൈദ്യശാസ്ത്രത്തിലുള്ള ഡിപ്ലോമ കോഴ്സുകള്,അതിനു സമാനമായി ആയുര്‍വേദ,യുനാനി/ടിബിയ/ഹോമിയോപ്പതി വൈദ്യ ശാസ്ത്രശാഖകളിലുള്ള കോഴ്സുകള്, |
290 |
190 |
|
ഗണം സി എന്‍ജിനീയറിംഗ് /സാങ്കേതികവിദ്യ, വാസ്തുവിദ്യ, വൈദ്യശാസ്ത്രം എന്നിവയിലെ സര്‍ട്ടിഫിക്കറ്റ് കോഴ്സുകള്, കൃഷി, ഫാര്‍മസി, വെറ്റിനറി സയന്‍സ്, ഫിഷറീസ്, ക്ഷീര വികസനം, ആരോഗ്യ പരിപാലന പരിശോധക കോഴ്സ്, ഗ്രാമീണ സേവനത്തിനു വേണ്ടിയുള്ള കോഴ്സുകള്, നഗരസഭയുടെയും സമൂഹത്തിന്‍റെയും വികസനത്തിനായുള്ള കോഴ്സ്, നാഗ്പൂരിലെ ദേശീയ അഗ്നിശമനസേനാ കലാലയത്തിലെ ഉപ-ഉദ്യോഗസ്ഥ കോഴ്സ്, അധ്യാപക പരിശീലനത്തിലെ ബിരുദ/ബിരുദാനന്തരബിരുദ ഡിപ്ലോമ കോഴ്സുകള്, ലൈബ്രറി സയന്‍സ്,കായിക പഠനം ,സംഗീതം,ലളിത കലകള്‍ ,നിയമം,കരകൌശല അധ്യാപക പരിശീലന കോഴ്സ്. ഹോട്ടല്‍ മാനേജ്‌മെന്‍റ്/കാറ്ററിംഗ് ടെക്നോളജി,അപ്ലൈഡ് നുട്രീഷന്‍ എന്നിവയിലെ കോഴ്സുകള്, യാത്രികരെ കടത്തിവിടുന്നതിന്‍റെ നിര്‍വഹണം, അസ്സോസിയേറ്റ്‌ ബിരുദം I ഫാര്‍മസി. മാനവിക വാണിജ്യ ശാഖകളിലെ ബിരുദാനന്തരബിരുദ കോഴ്സുകള്. |
290 |
190 |
|
ഗണം ഡി |
230 |
120 |
|
ഗണം ഇ പ്ലസ്‌ടു സമ്പ്രദായത്തിലെ പതിനൊന്ന്, പന്ത്രണ്ട് ക്ലാസുകള്‍,ഇടക്കാല കോഴ്സുകള്, ബിരുദ തലം വരെയുള്ള പൊതു കോഴ്സുകള് ഒന്നാം വര്ഷം. |
150 |
90 |
കുറിപ്പ്‌ 1:കോമേര്‍ഷിയല്‍ പൈലറ്റ് ലൈസന്‍സ് കോഴ്സ്.(സി.പി.എല്‍).
സി.പി.എല്‍ കോഴ്സ് ഗണം ബിയുടെ പരിധിയിലാണ് വരുന്നത്. സി.പി.എല്‍. കോഴ്സിനു വേണ്ടി ഒരു വര്ഷം 20 എണ്ണമാണ് നല്കാന്‍ കഴിയുക. വിദ്യാര്‍ത്ഥികളില്‍ നിന്നും അപേക്ഷകള്‍ ലഭിക്കുന്ന പക്ഷം, അവയുടെ യോഗ്യത നിര്‍ണയിക്കുന്നതിന് വേണ്ടി ഉത്തരവാദപ്പെട്ട സംസ്ഥാന സര്‍ക്കാര്‍/കേന്ദ്ര ഭരണ പ്രദേശം ഈ അപേക്ഷകളെ സുക്ഷ്മ പരിശോധനയ്ക്ക് വിധേയമാക്കേണ്ടതാണ്. അതിനു ശേഷം സി.പി.എല്‍.ട്രെയിനിംഗിന് യോഗ്യതയുള്ള അപേക്ഷകളുടെ എണ്ണം(അവരുടെ പേര് സഹിതം) സാമൂഹ്യ നീതി ശാക്തീകരണ മന്ത്രാലയത്തെ, ഓരോ സാമ്പത്തിക വര്‍ഷവും അറിയിക്കേണ്ടതുമാണ്. (അപേക്ഷകള്‍ നേരിട്ടു അയക്കേണ്ട കാര്യമില്ല). ഇപ്രകാരം വിവരം ലഭിക്കുന്ന പക്ഷം സമൂഹ്യ നീതി ശാക്തീകരണ മന്ത്രാലയം ആദ്യം വരുന്ന മുറയ്ക്ക് 20 അപേക്ഷകള്‍ക്ക് സ്കോളര്ഷിപ്പ് നല്‍കുന്നതിനുള്ള അനുവാദം സംസ്ഥാന സര്‍ക്കാരിനോ കേന്ദ്രഭരണ പ്രദേശത്തിനോ നല്‍കുന്നു. തിരഞ്ഞെടുക്കപ്പെട്ട അപേക്ഷകര്‍ക്ക് ഗണം ബി യിലെ കോഴ്സുകള്‍ക്ക് ലഭിക്കുന്ന പ്രകാരമുള്ള അലവന്‍സ് ലഭിക്കുന്നതാണ്. അതായതു ഹോസ്റ്റലില്‍ താമസിച്ചു പഠിക്കുന്നവര്‍ക്ക് 290 രൂപയും വീട്ടില്‍ നിന്നും പോയി വരുന്നവര്‍ക്ക് 190 രൂപയുമാണ് ലഭിക്കുക. മറ്റെല്ലാ നിര്‍ബന്ധിത ഫീസിനങ്ങളും വിമാന നിരക്കുകള്‍ ഉള്‍പ്പെടെ ലഭിക്കുന്നതാണ്.
കുറിപ്പ്‌ 2: എം.ഫിലും പി.എച്ച്.ഡിയും ബിരുദാനന്തരബിരുദ കോഴ്സുകള് ആണ്. ഈ കോഴ്സുകള് ചെയ്യുന്ന വിദ്യാര്ത്ഥികള്ക്ക്, ഗണം എയിലോ, ബിയിലോ സിയിലോ ഉള്ള കോഴ്സുകള്‍ക്ക് ലഭ്യമായ അലവന്‍സ് ലഭിക്കുന്നതാണ്.
കുറിപ്പ്‌ 3: സൗജന്യ താമസത്തിനു അര്‍ഹരായ കുട്ടികള്‍ക്ക് ഹോസ്റ്റലില്‍ താമസിക്കുന്നവര്‍ക്ക് ലഭിക്കുന്നതിന്‍റെ 1/3 തുക എന്ന നിരക്കിലായിരിക്കും ജീവനാംശം ലഭിക്കുക.
ii) അന്ധ വിദ്യാര്ത്ഥികള്ക്ക് വേണ്ടി വരുന്ന വായനക്കാരുടെ നിരക്ക് (അന്ധ വിദ്യാര്‍ത്ഥികള്‍)
അന്ധ വിദ്യാര്‍ത്ഥികള്‍ക്കു ആവശ്യമായി വരുന്ന വായനക്കാര്‍ക്ക്‌ വേണ്ടുന്ന തുക താഴെ പറയുന്ന നിരക്കില്‍ ലഭിക്കുന്നതാണ്:-
|
ഗണം |
വായനക്കാര്‍ക്കു വേണ്ടിയുള്ള അലവന്‍സ് .(പ്രതിമാസ തുക രൂപയില്‍) |
|
ഗണം എ.ബി,സി |
100 |
|
ഗണം ഡി |
75 |
|
ഗണം ഇ |
50 |
iii) ഫീസ്‌
അംഗത്വം/പേര്ചേര്‍ക്കല്‍, ട്യൂഷന്‍, കളികള്‍, സമാജം, മാസിക, വൈദ്യ പരിശോധന തുടങ്ങി സ്ഥാപനത്തിനോ സര്‍വകലാശാലയ്ക്കോ, ഭരണസമിതിയ്ക്കോ നിര്‍ബന്ധമായും അടയ്ക്കേണ്ട തുക വിദ്യാര്‍ത്ഥിക്ക് ലഭിക്കുന്നതാണ്. തിരികെ ലഭിക്കുന്ന നിക്ഷേപങ്ങളായ ജാമ്യത്തുക, സുരക്ഷാനിക്ഷേപം, എന്നിവ ഒഴിവക്കപ്പെടുന്നതാണ്.
iv) പഠനയാത്രകള്‍
തൊഴിലധിഷ്ഠിത/ സാങ്കേതിക കോഴ്സുകള് പഠിക്കുന്ന വിദ്യാര്ത്ഥികള്ക്ക് പഠനയാത്രാ ചിലവുകള്‍ക്കായി വര്‍ഷത്തില്‍ 500 രൂപ വരെ നല്‍കുന്നതാണ്. ഈ പഠന യാത്ര ആ വിദ്യാര്‍ത്ഥിയുടെ കോഴ്സ് പൂര്‍ത്തിയാക്കുന്നതിനു ആവശ്യമാണെന്ന് സ്ഥാപനത്തിന്‍റെ മേലധികാരി സാക്ഷ്യപ്പെടുത്തിയിരിക്കണം.
V) പ്രബന്ധം ടൈപ്പുചെയ്യല്‍/അച്ചടിക്കല്‍ നിരക്കുകള്‍
സ്ഥാപനത്തിന്‍റെ മേലധികാരിയുടെ ശുപാര്‍ശ പ്രകാരം പ്രബന്ധം ടൈപ്പുചെയ്യല്‍ /അച്ചടിക്കല്‍ എന്നിവയ്ക്കു വേണ്ടി 600 രൂപ വരെ ഗവേഷണ വിദ്യാര്ത്ഥികള്ക്ക് ലഭിക്കുന്നതാണ്.
അപേക്ഷകരുടെ തിരഞ്ഞെടുപ്പ്
ഈ പദ്ധതിയുടെ മൂന്നാം ഖണ്ഡികയില്‍ പറഞ്ഞിരിക്കുന്ന യോഗ്യതാ വ്യവസ്ഥകള്‍ പാലിക്കുന്ന എല്ലാ മറ്റു പിന്നോക്ക വിഭാഗങ്ങളില്‍പ്പെട്ട വിദ്യാര്‍ത്ഥികള്‍ക്കും ഈ സ്കോളര്ഷിപ്പ് ലഭിക്കുന്നതായിരിക്കും. ഒരു സംസ്ഥാനത്തില്‍ ഉള്‍പ്പെടുന്ന വിദ്യാര്‍ഥികള്‍ മറ്റൊരു സംസ്ഥനത്തിലാണ് പഠിക്കുന്നതെങ്കില്‍ സ്കോളര്ഷിപ്പ് ലഭിക്കുന്നതിനായി വിദ്യാര്‍ത്ഥികള്‍ ഉള്‍പ്പെടുന്ന സംസ്ഥാനത്തിലെ അധികാരികള്‍ക്കാണ്‌ അപേക്ഷകള്‍ സമര്‍പ്പിക്കേണ്ടത്. ഫീസില്‍ നിന്നു ഒഴിവാക്കപ്പെടുന്നതിനോ മറ്റു ഇളവുകള്‍ക്കു വേണ്ടിയോ അപേക്ഷിക്കുമ്പോള്‍ ആ വിദ്യാര്‍ത്ഥി സ്വന്തം സംസ്ഥാനത്തില്‍ പഠിക്കുന്നതായിട്ടാണ് കണക്കാക്കപ്പെടുന്നത്.
അവാര്‍ഡുകളുടെ കാലാവധിയും പുതുക്കലും
I.ഒരു വിദ്യാര്‍ത്ഥി കോഴ്സ് കാലയളവില്‍ നല്ല പെരുമാറ്റവും ഹാജരില്‍ കൃത്യതയും പുലര്‍ത്തുന്നുണ്ടെങ്കില്‍ കോഴ്സ് പൂര്‍ത്തിയാവുന്ന കാലയളവ് വരെ ഈ സ്കോളര്ഷിപ്പ് തുടര്‍ന്ന് നല്‍കാവുന്നതാണ്. കുറച്ചു വര്‍ഷങ്ങളിലേക്ക് തുടരുന്ന കോഴ്സുകള് ചെയ്യുന്ന വിദ്യാര്ത്ഥികള്ക്ക് അവര്‍ ഒരു ക്ലാസ്സില്‍ നിന്നും മറ്റൊരു ഉയര്‍ന്ന ക്ലാസ്സിലേക്ക് പ്രവേശനം നേടുകയാണെങ്കില്‍, പരീക്ഷകള്‍ നടത്തുന്നത് സര്‍വകലാശാലയാണോ സ്ഥാപനം തന്നെയാണോ എന്നു നോക്കാതെ തന്നെ സ്കോളര്ഷിപ്പ് നല്‍കാവുന്നതാണ്.
II. ഗണം എയിലെ കോഴ്സുകള് പഠിക്കുന്ന മറ്റു പിന്നോക്ക വിഭാഗത്തില്‍പ്പെട്ട വിദ്യാര്‍ത്ഥികള്‍, പരീക്ഷയില്‍ ആദ്യമായി തോല്‍ക്കുകയാണെങ്കില്‍ സ്കോളര്ഷിപ്പ് പുതുക്കാവുന്നതാണ്. എന്നാല്‍ രണ്ടാമതായും അതിനുശേഷവും തോല്‍വികള്‍ ഉണ്ടായാല്‍ അടുത്ത ഉയര്‍ന്ന ക്ലാസ്സില്‍ എത്തുന്നത്‌ വരെയുള്ള ചിലവുകള്‍ വിദ്യാര്‍ത്ഥികള്‍ തന്നെ വഹിക്കേണ്ടാതാണ്.
iii.. ഒരു വിദ്യാര്‍ത്ഥിക്ക് അസുഖം മൂലമോ മറ്റേതെങ്കിലും മുന്‍കൂട്ടി കാണാന്‍ കഴിയാത്ത കാരണത്താലോ പരീക്ഷ എഴുതാന്‍ കഴിയാതെ വരുകയാണെങ്കില്‍ അടുത്ത അദ്ധ്യയന വര്ഷം മുതല്‍ സ്കോളര്ഷിപ്പ് പുതുക്കാവുന്നതാണ്. സ്ഥാപനത്തിന്‍റെ മേലധികാരിക്ക് ബോധ്യപ്പെടുന്നതിനായി മെഡിക്കല്‍ സര്‍ട്ടിഫിക്കറ്റോ മറ്റേതെങ്കിലും പര്യാപ്തമായ രേഖകളോ ഹാജരാക്കി, ഈ വിദ്യാര്‍ത്ഥി പരീക്ഷ എഴുതിയിരുന്നെങ്കില്‍ ജയിക്കുമായിരുന്നു എന്ന് സാക്ഷ്യപ്പെടുത്തിയാല്‍ മാത്രമേ സ്കോളര്ഷിപ്പ് പുതുക്കാന്‍ കഴിയുകയുള്ളൂ.
iv. സര്‍വകലാശാലയുടെയോ സ്ഥാപനത്തിന്‍റെയോ നിയന്ത്രണങ്ങള്‍ പ്രകാരം ഒരു വിദ്യാര്‍ത്ഥി താഴ്ന്ന ക്ലാസ്സിലെ പരീക്ഷ ജയിക്കാതെ തന്നെ ഒരു ഉയര്‍ന്ന ക്ലാസ്സിലേക്ക് പ്രവേശനം നേടുകയും അതിനുശേഷം താഴ്ന്ന ക്ലാസ്സിലെ പരീക്ഷ പിന്നീടെഴുതുകയും ചെയ്യണമെങ്കില്‍, ആ വിദ്യാര്‍ത്ഥിക്ക് സ്ഥാനക്കയറ്റം ലഭിച്ച ക്ലാസ്സിലേക്കുള്ള സ്കോളര്ഷിപ്പിന് അര്‍ഹതയുണ്ടയിരിക്കും. വിദ്യാര്‍ത്ഥി മറ്റു യോഗ്യതാ വ്യവസ്ഥകള്‍ പാലിക്കുന്നുണ്ടെങ്കില്‍ മാത്രമേ ഇത് ബാധകമാവുകയുള്ളൂ.
സ്കോളര്ഷിപ്പ് തുക നല്‍കല്‍
I.തുടര്‍ച്ചയായുള്ള കോഴ്സുകള് പഠിക്കുന്ന വിദ്യാര്ത്ഥികള്ക്ക് (ഉദാഹരണത്തിന് താഴ്ന്ന ഇടക്കാല, ഉയര്‍ന്ന ഇടക്കാല കോഴ്സുകള്) മുന്‍വര്‍ഷങ്ങളില്‍ ലഭിച്ചിരുന്ന സ്കോളര്ഷിപ്പ് പുതുക്കണമെങ്കില്‍, ഏതു മാസം വരെയാണോ മുന്‍വര്‍ഷത്തില്‍ ലഭിച്ചിരുന്നത് അതിന്‍റെ അടുത്ത മാസം മുതലാണ് ജീവനാംശ തുക നല്‍കപ്പെടുന്നത്.
ii. എല്ലാ വിദ്യാര്‍ത്ഥികളും അവര്‍ക്ക് ലഭ്യമാകുന്ന സ്കോളര്‍ഷിപ്പ തുകയില്‍ നിന്ന് ആവശ്യമായ പുസ്തകങ്ങളും മറ്റു സാമഗ്രികളും വാങ്ങിയിരിക്കേണ്ടാതാണ്. ഏതെങ്കിലും വിദ്യാര്‍ത്ഥി പുസ്തകങ്ങളോ മറ്റു സാമഗ്രികളോ വാങ്ങിയിട്ടില്ല എന്ന് ഒരു സ്ഥാപനത്തിന്‍റെ മേലധികാരി സ്കോളര്ഷിപ്പ് അധികാരികളെ അറിയിക്കുകയാണെങ്കില്‍ അവരുടെ വിവേചന പ്രകാരം സ്കോളര്ഷിപ്പ് തുക വെട്ടി കുറച്ചേക്കാം.
iii. തിരഞ്ഞെടുക്കപ്പെടുന്ന വിദ്യാര്ത്ഥികള്ക്ക് അവരുള്‍പ്പെടുന്ന സംസ്ഥാനത്തെ സര്‍ക്കാരോ അല്ലെങ്കില്‍ കേന്ദ്ര ഭരണ പ്രദേശത്തെ ഭരണ സംവിധാനമോ അവരുടെ നടപടിക്രമങ്ങള്‍ക്ക് അനുസരിച്ച് സ്കോളര്ഷിപ്പ് തുക നല്‍കുന്നതാണ്.
iv. ഒരു എം.ബി.ബി.എസ് വിദ്യാര്‍ത്ഥി അയാളുടെ തുടക്കത്തിലുള്ള പരിശീലനം/ആശുപത്രിയില്‍ താമസിച്ചു കൊണ്ടുള്ള പരിശീലനം എന്നീ കാലയളവില്‍ പ്രതിഫലം പറ്റുന്നുണ്ടെങ്കിലോ, മറ്റേതെങ്കിലും പരിശീലന കോഴ്സ് ചെയ്യുന്ന വിദ്യാര്‍ത്ഥി പഠനകാലയളവില്‍ സ്റ്റൈപെന്ടോ അലവന്‍സോ പറ്റുന്നുണ്ടെങ്കിലോ ഈ സ്കോളര്ഷിപ്പ് ലഭിക്കുന്നതല്ല.
സ്കോളര്ഷിപ്പ് ലഭിക്കുന്നതിനു വേണ്ട മറ്റു വ്യവസ്ഥകള്‍
i. ഈ സ്കോളര്ഷിപ്പ് വിദ്യാര്‍ത്ഥികളുടെ തൃപ്തികരമായ പുരോഗതിയേയും പെരുമാറ്റത്തെയും ആശ്രയിച്ചിരിക്കുന്നു. ഒരു വിദ്യാര്‍ത്ഥി സ്വന്തം പ്രവൃത്തികളാലോ, തെറ്റുകുറ്റങ്ങളാലോ തൃപ്തികരമായ പുരോഗതിയുണ്ടാക്കിയിട്ടില്ലാത്തതായും, സമരങ്ങളില്‍ പങ്കെടുക്കുക, ക്ലാസ്സുകളില്‍ കൃത്യമായി ഹാജരാകാതെയിരിക്കുക തുടങ്ങിയ പെരുമാറ്റദൂഷ്യങ്ങളില്‍ ഏര്‍പ്പെടുകയും ചെയ്യുന്നതായും സ്ഥാപനത്തിന്‍റെ മേലധികാരി സ്കോളര്ഷിപ്പ് അധികാരികളെ അറിയിക്കുകയാണെങ്കില്‍ അവര്‍ ഈ വിദ്യാര്‍ത്ഥിയുടെ സ്കോളര്ഷിപ്പ് റദ്ദാക്കുകയോ, നിര്‍ത്തിവയ്ക്കുകയോ, ഒരു ഉചിതമായ കാലയളവുവരെ പിടിച്ചു വയ്ക്കുകയോ ചെയ്തേക്കാം.
ii. ഒരു വിദ്യാര്‍ത്ഥി അസത്യ പ്രസ്ഥാവനകള്‍ കൊണ്ടാണ് സ്കോളര്ഷിപ്പ് നേടിയതെന്ന് വ്യക്തമായാല്‍, ആ വിദ്യാര്‍ത്ഥിയുടെ സ്കോളര്ഷിപ്പ് റദ്ദാക്കുന്നതിനും, അതുവരെ കൊടുത്ത തുക തിരികെ നേടി എടുക്കുന്നതിനും ബന്ധപ്പെട്ട സംസ്ഥാന സര്‍ക്കാരിനു അധികാരമുണ്ടായിരിക്കും. ആ വിദ്യാര്‍ത്ഥി മറ്റേതൊരു പദ്ധതി പ്രകാരമുള്ള സ്കോളര്ഷിപ്പ് നേടുന്നതില്‍ നിന്നും വിലക്കപ്പെടുന്നതുമാണ്.
iii. സംസ്ഥാന സര്‍ക്കാരിന്‍റെ മുന്‍കൂട്ടിയുള്ള അനുമതിയില്ലാതെ ഒരു വിദ്യാര്‍ത്ഥി തന്‍റെ പഠന സ്ഥാപനമോ, പഠന വിഷയമോ മാറ്റുകയാണെങ്കില്‍ ആ വിദ്യാര്‍ത്ഥിക്ക് ലഭിക്കുന്ന സ്കോളര്ഷിപ്പ് റദ്ദു ചെയ്യപ്പെട്ടേക്കാം. സ്ഥാപനത്തിന്‍റെ മേലധികാരി ഈ വിവരം അവരെ അറിയിക്കേണ്ടതും തുക തിരിച്ചെടുക്കപ്പെടുന്നത് തടയുകയും ചെയ്യേണ്ടതാണ്.
iv.ഒരു വിദ്യാര്‍ത്ഥി തന്‍റെ പഠന കാലയളവ് തീരുന്നതിനു മുന്‍പ് തന്നെ പഠനം അവസാനിപ്പിക്കുകയാണെങ്കില്‍ സ്കോളര്‍ഷിപ്പിനായി ലഭിച്ച തുക സര്‍ക്കാരിനു തിരികെ നല്കാന്‍ ബാദ്ധ്യസ്ഥനാണ്.
v. ഭാരത സര്‍ക്കാരിന്‍റെ വിവേചന പ്രകാരം ചട്ടങ്ങള്‍ ഏതു സമയത്തും മാറാവുന്നവയാണ്.
പദ്ധതിയുടെ വിജ്ഞാപനം
എല്ലാ സംസ്ഥാന സര്‍ക്കാരുകളും കേന്ദ്ര ഭരണ പ്രദേശങ്ങളും,മെയ്‌-ജൂണ്‍ മാസങ്ങളില്‍ എല്ലാ പ്രധാനപ്പെട്ട ദിനപത്രങ്ങളിലും, മറ്റു മാധ്യമങ്ങളിലും ഈ പദ്ധതിയുടെ വിശദാംശങ്ങള്‍ പരസ്യപ്പെടുത്തുകയും, അപേക്ഷകള്‍ ക്ഷണിക്കുകയും ചെയ്യാറുണ്ട്. അപേക്ഷ ഫോമുകള്‍ക്കും മറ്റുമുള്ള അപേക്ഷകള്‍ വിദ്യാര്‍ത്ഥി ഉള്‍പ്പെടുന്ന സംസ്ഥാന സര്‍ക്കാരിനെയോ കേന്ദ്ര ഭരണ പ്രദേശത്തേയോ ആണ് സംബോധന ചെയ്യേണ്ടത്. അപേക്ഷകര്‍, പൂര്‍ത്തിയാക്കിയ അപേക്ഷ ഫോമുകള്‍ ബന്ധപ്പെട്ട അധികാരികള്‍ക്ക്, അപേക്ഷകള്‍ സ്വീകരിക്കുന്നതിനായി നിഷ്കര്ഷിക്കപ്പെട്ടിട്ടുള്ള അവസാന തീയതിക്കുമുന്നെ സമര്‍പ്പിക്കേണ്ടതാണ്.
അപേക്ഷിക്കുന്നതിനുള്ള നടപടിക്രമം
i) സ്കോളര്‍ഷിപ്പിനുള്ള അപേക്ഷകളില്‍ ഉണ്ടായിരിക്കേണ്ടവ.
a) സ്കോളര്ഷിപ്പിന് വേണ്ടി, നിഷ്കര്ഷിക്കപ്പെട്ട രീതിയിലുള്ള അപേക്ഷയുടെ ഒരു പകര്‍പ്പ്.(പുതിയതിനും, പഴയത് പുതുക്കുന്നതിനും പ്രത്യേകം പ്രത്യകം അപേക്ഷ ഫോമുകളാണ് ഉപയോഗിക്കേണ്ടത്.
b) അപേക്ഷകന്‍റെ ഒപ്പോടുകൂടിയ പാസ്പോര്‍ട്ട്‌ സൈസ് ഫോട്ടോയുടെ ഒരു പകര്‍പ്പ്.(പുതിയ സ്കോളര്ഷിപ്പിന് വേണ്ടി).
c) പാസ്സായ എല്ലാ പരീക്ഷകളുടെയും ബിരുദ/ഡിപ്ലോമ സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ ഓരോ പതിപ്പുകള്‍.
d) തഹസില്‍ദാറിനു താഴ്ന്ന നിരയിലുള്ള , അധികാരപ്പെട്ട സര്‍ക്കാര്‍ നികുതി ഉദ്യോഗസ്ഥന്‍ ഒപ്പ് വച്ച ജാതി സര്‍ട്ടിഫിക്കറ്റ്.
e) മാതാപിതാക്കളുടെയോ, രക്ഷകര്‍ത്താവിന്‍റെയോ ഭാഗത്തുനിന്നും എല്ലാ സ്രോതസ്സുകളില്‍ നിന്നുമുള്ള വരുമാനം കാണിച്ചുകൊണ്ടുള്ള ഒരു വരുമാന സത്യവാങ്മൂലം.
f) മുന്‍ വര്‍ഷത്തില്‍ വിദ്യാര്‍ത്ഥിക്കു ഈ പദ്ധതി പ്രകാരമുള്ള സ്കോളര്ഷിപ്പ് ലഭിച്ചിരുന്നു എങ്കില്‍ അതിന്‍റെ രസീത്, സ്ഥാപനത്തിന്‍റെ മേലധികാരിയുടെ മേലോപ്പോടുകൂടി അപേക്ഷ ഫോമിനൊപ്പം വയ്ക്കേണ്ടതാണ്.
പൂര്‍ത്തിയായ അപേക്ഷകള്‍ വിദ്യാര്‍ത്ഥി ഇപ്പോള്‍ പഠിക്കുന്നതോ മുന്‍പ് പഠിച്ചിരുന്നതോ ആയ സ്ഥാപനത്തിന്‍റെ മേലധികരിക്ക് സമര്‍പ്പിക്കേണ്ടതാണ്. സംസ്ഥാന സര്‍ക്കാരോ കേന്ദ്ര ഭരണ പ്രദേശമോ ഈ ലക്ഷ്യത്തോടെ നിയോഗിച്ചിട്ടുള്ള ഉദ്യോഗസ്ഥനെ സംബോധന ചെയ്തായിരിക്കണം അപേക്ഷകള്‍ സമര്‍പ്പിക്കേണ്ടത്.
അവസാന തീയതിക്ക് ശേഷം ലഭിക്കുന്ന അപൂര്‍ണമായ അപേക്ഷകള്‍ സ്വീകരിക്കപ്പെടുന്നതല്ല.
നിരീക്ഷണം
ഈ പദ്ധതി നടപ്പിലാക്കുന്നതിനായി നിയോഗിക്കപ്പെട്ടിട്ടുള്ള ഏജന്‍സികളില്‍ നിന്നും വിശദവിവരങ്ങള്‍ തേടുന്നത് വഴി ഈ പദ്ധതിയുടെ സാമ്പത്തികവും, ഭൗതികവുമായ നിര്‍വഹണത്തിന്‍റെ നിരീക്ഷണം നടത്താവുന്നതാണ്. ഭൗതികവശം നോക്കുമ്പോള്‍ വര്‍ഗപരമായും, ലിംഗപരമായും എത്രപേര്‍ ഈ പദ്ധതിയുടെ ഗുണഭോക്താക്കളായിട്ടുണ്ട് എന്നുള്ള ഒരു വിവരണം മൂന്നുമാസത്തിലൊരിക്കല്‍ സമര്‍പ്പിക്കുകയാണ് ഏജന്‍സികള്‍ ചെയ്യേണ്ടത്, സാമ്പത്തിക വശം വിശകലന്‍ ചെയ്യുമ്പോള്‍ കഴിഞ്ഞ സാമ്പത്തിക വര്‍ഷത്തില്‍ ഉണ്ടായിട്ടുള്ള ചിലവുകളുടെയും,വരുന്ന വര്ഷം ഉണ്ടാകാന്‍ സാധ്യതയുള്ള ചിലവുകളുടെയും കണക്കുകള്‍ ഏജന്‍സികള്‍ സമര്‍പ്പിക്കേണ്ടതുണ്ട്. ഔദ്യോഗികമായി പരിശോധിക്കപ്പെട്ട കണക്കുകളുടെ വിവരങ്ങളും ഏജന്‍സികള്‍ സമര്‍പ്പിക്കേണ്ടതുണ്ട്.
മൂല്യനിര്‍ണയം
ഈ പദ്ധതിയുടെ,രാജ്യത്തിന്‍റെ വിവിധ ഭാഗങ്ങളില്‍ ഉള്ള പ്രവര്‍ത്തനം പഠിക്കുന്നതിനായി സാമൂഹ്യ നീതി ശാക്തീകരണ മന്ത്രാലയം പ്രസിദ്ധമായ സ്ഥാപനങ്ങളിലും, ഏജന്‍സികളിലും ഗവേഷണ പഠനങ്ങള്‍ നടത്താറുണ്ട്. മന്ത്രാലയത്തിന്റെ കേന്ദ്ര ധന സഹായത്തോട് കൂടിയുള്ള ഗവേഷണ പരിശീലന പദ്ധതിയാണ് ഇത് നടത്തുന്നത്.
അവസാനം പരിഷ്കരിച്ചത് : 4/23/2020
വിവിധ പരിപാടികളും പദ്ധതികളും
കുറഞ്ഞ പലിശ നിരക്കില്‍ വൈവിധ്യമാര്‍ന്ന വായ്പാ പദ്ധ...
രാജ്യത്തിന്‍റെ ആകെ ജനസംഖ്യയുടെ 8.14% ഗോത്ര വര്‍ഗക...
പട്ടിക ജാതി പട്ടിക വര്‍ഗ്ഗര വകുപ്പിന് കീഴില്‍ പ്ര...
