ആദിവാസികാര്യ മന്ത്രാലയത്തിന്റെ പരിപാടികളും പദ്ധതികളും

ആദിവാസികാര്യ മന്ത്രാലയത്തിന്റെ പ്രധാന പരിപാടികളും/ പദ്ധതികളും

ഭരണഘടനയിലെ ആര്‍ട്ടിക്കിള്‍ 275 (1) പ്രകാരമുള്ള പ്രത്യേക കേന്ദ്ര സഹായവും ഗ്രാന്‍റുകളും

ട്രൈബല്‍ സബ്-പ്ളാനിലൂടെ ആദിവാസി വികസനത്തിനുള്ള ശ്രമങ്ങള്‍ക്ക് പിന്തുണയേകാനാണ് സംസ്ഥാനങ്ങള്‍ക്കും/  കേന്ദ്രഭരണ പ്രദേശങ്ങള്‍ക്കും  പ്രത്യേക കേന്ദ്രസഹായം നല്‍കുന്നത്. കൃഷി, ഹോര്‍ട്ടികള്‍ച്ചര്‍, മൈനര്‍ ഇറിഗേഷന്‍, മണ്ണൊലിപ്പ് സംരക്ഷണം, മൃഗസംരക്ഷണം, (one word missing) വിദ്യാഭ്യാസം, സഹകരണസംഘങ്ങള്‍, മത്സ്യബന്ധനം, ഗ്രാമ - കുടില്‍ വ്യവസായം എന്നി മേഖലകളിലെ കുടുംബാധിഷ്ഠിത വരുമാന സ്രോതസുള്ള  പദ്ധതികള്‍ക്കും ഏറ്റവും കുറഞ്ഞ ആവശ്യങ്ങളുള്ള പദ്ധതികള്‍ക്കും വേണ്ടിയാണ് ഈ പദ്ധതി അടിസ്ഥാനപരമായി ലക്ഷ്യമിടുന്നത്.

ഭരണഘടനയിലെ ആര്‍ട്ടിക്കിള്‍  275 (1) ലെ ഒന്നാം വകുപ്പ് പ്രകാരവും സംസ്ഥാനങ്ങള്‍ക്കും കേന്ദ്ര ഭരണപ്രദേശങ്ങള്‍ക്കും ഗ്രാന്‍റുകള്‍ നല്‍കുന്നുണ്ട്. ആദിവാസി വികസനത്തിനുള്ള പ്രോജക്ടുകള്‍ നടപ്പാക്കുന്നതിനുള്ള ചെലവുകള്‍ വഹിക്കുന്നതിനും മറ്റ് സംസ്ഥാനങ്ങളുടെയും കേന്ദ്ര ഭരണപ്രദേശങ്ങളുടെയും നിലയിലേക്ക് നിര്‍ദിഷ്ട മേഖലയുടെ ഭരണതലം ഉയര്‍ത്തുന്നതിനുംവേണ്ടിയുമാണ് ഇത് വിനിയോഗിക്കുക. ഫണ്ടുകളുടെ ഒരു ഭാഗം  ഗോത്രവര്‍ഗ വിദ്യാര്‍ത്ഥികള്‍ക്ക് ഗുണമേന്മയേറിയ വിദ്യാഭ്യാസം ലഭ്യമാക്കുന്നതിനുള്ള റസിഡന്‍ഷ്യല്‍ സ്കൂളുകള്‍ രൂപീകരിക്കുന്നതിനുവേണ്ടിയും ഉപയോഗിക്കുന്നു

പ്രിമിറ്റീവ് ട്രൈബല്‍ ഗ്രൂപ്പുകളുടെ (പി ടി ജികളുടെ)

വികസനത്തിനായുള്ള സ്കീം

സാങ്കേതികയുടെ കാര്‍ഷികപൂര്‍വതലം, കുറഞ്ഞ സാക്ഷരത തലം, ജനസംഖ്യയുടെ ശോഷണം അല്ലെങ്കില്‍  നിശ്ചലാവസ്ഥ എന്നിവയുടെ അടിസ്ഥാനത്തില്‍ 17 സംസ്ഥാനങ്ങളിലും കേന്ദ്ര ഭരണപ്രദേശമായ ആന്‍ഡമാന്‍ - നിക്കോബര്‍ ദ്വീപിലുമുള്ള 75 ആദിവാസി സമൂഹങ്ങളെ പ്രിമിറ്റീവ് ട്രൈബല്‍ ഗ്രൂപ്പുകളായി (പി.ടി.ജി) കണ്ടെത്തുകയും ഇനംതിരിക്കുകയും ചെയ്തിട്ടുണ്ട്. ഈ ഗ്രൂപ്പുകളുടെ ശോചനീയാവസ്ഥ പരിഗണിച്ചുകൊണ്ട് ഇവരുടെ സര്‍വതോന്മുഖമായ വികസനത്തിനായി 1998--99 വര്‍ഷത്തേക്ക് ഒരു കേന്ദ്ര പദ്ധതി അവതരിപ്പിച്ചിരുന്നു. വളരെയധികം അയഞ്ഞ സ്കീമുകള്‍ ഭവന നിര്‍മാണം, അടിസ്ഥാനസൌകര്യ വികസനം, വിദ്യാഭ്യാസം, ആരോഗ്യം, ഭൂമി വിതരണം/ വികസനം, കാര്‍ഷിക വികസനം, കന്നുകാലി വികസനം, സാമുഹ്യ സുരക്ഷ, ഇന്‍ഷ്വറന്‍സ് എന്നി മേഖലകളെ ഉള്‍ക്കൊള്ളുന്നു. 2007 - 2008 സാമ്പത്തിക വര്‍ഷത്തില്‍ കണ്‍സര്‍വേഷന്‍ കം ഡവലപ്പ്മെന്റ് (സിസിഡി) പദ്ധതികള്‍ എന്ന ദീര്‍ഘകാല സമ്പൂര്‍ണ പരിപാടികള്‍ പിടിജികള്‍ക്കായി നടപ്പാക്കി. പതിനൊന്നാം പഞ്ചവല്‍സര പദ്ധതികള്‍ക്കായാണ്  സംസ്ഥാന സര്‍ക്കാരുകളും കേന്ദ്ര ഭരണ പ്രദേശങ്ങളിലെ ഭരണ സംവിധാനങ്ങളും നടത്തിയ സര്‍വേകളുടെ അടിസ്ഥാനത്തില്‍ ഇവ രൂപീകരിച്ചത്. സംസ്ഥാന സര്‍ക്കാരുകളുടെയും സര്‍ക്കാര്‍ ഇതര സംഘടനകളുടെയും സംയുക്ത ശ്രമങ്ങളാണ് ഈ പദ്ധതകളില്‍ വിഭാവന ചെയ്യുന്നത്.

ട്രൈബല്‍ റിസര്‍ച്ച് ഇന്‍സ്റ്റിറ്റ്യൂട്ടുകള്‍

ആന്ധ്രാ പ്രദേശം, ആസാം, ബീഹാര്‍, ഗുജറാത്ത്, കേരളം, മധ്യപ്രദേശ്, മഹാരാഷ്ട്ര, ഒറീസ, രാജസ്ഥാന്‍, തമിഴ്നാട്, പശ്ചിമ ബംഗാള്‍, ഉത്തര്‍ പ്രദേശ്, മണിപ്പൂര്‍, ത്രിപുര എന്നിവിടങ്ങളിലായി 14 ട്രൈബല്‍ റിസര്‍ച്ച് ഇന്‍സ്റ്റിറ്റ്യൂട്ടുകള്‍ (ടി.ആര്‍.ഐ.കള്‍) സ്ഥാപിച്ചിട്ടുണ്ട്. സംസ്ഥാന സര്‍ക്കാരുകള്‍ക്ക് പ്ളാനിങ്ങ് സംബന്ധമായ വിവരങ്ങള്‍ നല്‍കുക, ഗവേഷണ- വിശകലന പഠനങ്ങള്‍ നടത്തുക, ഡാറ്റാകള്‍ ശേഖരിക്കുക, പാരമ്പര്യ നിയമങ്ങള്‍ ക്രോഡീകരിക്കുക, പരിശീലനവും സെമിനാറുകളും വര്‍ക്ഷോപ്പുകളും നടത്തുക തുടങ്ങിയവ ലഭ്യമാക്കുന്നതില്‍ ഈ ഇന്‍സ്റ്റിറ്റ്യൂട്ടുകള്‍ ഏര്‍പ്പെട്ടിരിക്കുന്നു. ചില ഇന്‍സ്റ്റിറ്റ്യൂട്ടുകള്‍ക്ക് ആദിവാസി കലാരൂപങ്ങള്‍ പ്രദര്‍ശിപ്പിക്കുന്ന മ്യൂസിയങ്ങളുമുണ്ട്

പട്ടികവര്‍ഗങ്ങള്‍ക്കുള്ള പെണ്‍കുട്ടികളുടെ/ ആണ്‍കുട്ടികളുടെ ഹോസ്റ്റലുകള്‍

വിദ്യാഭ്യാസം തേടുന്ന ആദിവാസി പെണ്‍കുട്ടികള്‍ക്ക് താമസസൌകര്യം ലഭ്യമാക്കുക എന്ന ലക്ഷ്യത്തോടെയാണ് മൂന്നാം പഞ്ചവത്സര പദ്ധതിക്കാലത്ത് ഗേള്‍സ് ഹോസ്റ്റല്‍  സ്കീം ആരംഭിച്ചത്.  ഇതനുസരിച്ച് സംസ്ഥാന സര്‍ക്കാരുകള്‍ക്ക് നിര്‍മാണച്ചെലവുകളുടെ അമ്പതുശതമാനവും കേന്ദ്ര ഭരണ പ്രദേശങ്ങള്‍ക്ക് നൂറു ശതമാനവും കേന്ദ്ര സഹായം നല്‍കി. 1999-2000 വര്‍ഷത്തില്‍ 29 ഗേള്‍സ് ഹോസ്റ്റലുകളുടെയും 2000--2001 വര്‍ഷത്തില്‍ 11 ഗേള്‍സ് ഹോസ്റ്റലുകളുടെയും നിര്‍മാണത്തിന് ഫണ്ടുകള്‍ അനുവദിച്ചു. ഗേള്‍സ് ഹോസ്റ്റലുകളുടെ  മാതൃകയില്‍ 1989--90 സാമ്പത്തിക വര്‍ഷത്തില്‍ ബോയ്സ് ഹോസ്റ്റല്‍ പദ്ധതിയും ആരംഭിച്ചു. 2000--2001  സാമ്പത്തിക വര്‍ഷം 15 ബോയ്സ് ഹോസ്റ്റലുകളുടെ നിര്‍മാണത്തിനുള്ള ഫണ്ടുകളും അനുവദിച്ചു.

ടി എസ് പി മേഖലകളിലെ ആശ്രമം സ്കൂളുകള്‍

സംസ്ഥാനങ്ങള്‍ക്കും കേന്ദ്ര ഭരണ പ്രദേശങ്ങള്‍ക്കും യഥാക്രമം അമ്പതു ശതമാനവും നൂറുശതമാനവും കേന്ദ്ര സഹായം ലഭ്യമാക്കുന്നതിനുള്ള ഈ കേന്ദ്രാധിഷ്ഠിത പദ്ധതി 1990--91 ലാണ് തുടക്കം കുറിച്ചത്. 1999-2000 വര്‍ഷത്തില്‍ 35 ആശ്രമം സ്കൂളുകളുടെ നിര്‍മാണത്തിനായി ഫണ്ടുകള്‍ അനുവദിച്ചു.

ആദിവാസി മേഖലകളിലെ വൊക്കേഷണല്‍ ട്രെയിനിങ് സെന്ററുകള്‍

വിദ്യാഭ്യാസ യോഗ്യതകള്‍, നിലവിലുള്ള സാമ്പത്തിക പ്രവണതകള്‍, വിപണിയിലെ സാധ്യതകള്‍ എന്നിവയുടെ അടിസ്ഥാനത്തിലുള്ള വിവിധ പരമ്പരാഗത/  ആധുനിക തൊഴിലുകളില്‍ ആദിവാസി യുവാക്കളുടെ കഴിവുകള്‍ നവീകരിക്കുകയാണ് ഈ സ്കീമിന്റെ ലക്ഷ്യം. അനുയോജ്യമായ തൊഴില്‍ നേടുന്നതിനും സ്വയം തൊഴില്‍ തേടുന്നതിനുമായി അവരെ പ്രാപ്തരാക്കാനും ഈ സ്കീം ലക്ഷ്യമിടുന്നു. ഈ സ്കീം 100 ശതമാനം ഗ്രാന്റും ലഭ്യമാക്കുന്നു. സംസ്ഥാന സര്‍ക്കാരുകള്‍, കേന്ദ്ര ഭരണപ്രദേശങ്ങളിലെ ഭരണസംവിധാനങ്ങള്‍, എന്‍ ജി ഒകള്‍ എന്നിവയിലൂടെയാണ് ഈ സ്കീം നടപ്പാക്കിവരുന്നത്. നിശ്ചിത സാമ്പത്തിക മാനദണ്ഡങ്ങള്‍ ഈ സ്കീം നിര്‍ദേശിക്കുന്നു. നിര്‍മാണച്ചെലവുകള്‍ ലഭ്യമാക്കില്ല.

എന്‍ ജി ഒകളുടെ പ്രോജക്ട് നിര്‍ദേശങ്ങള്‍ സംസ്ഥാന സര്‍ക്കാരുകള്‍ വഴിയാണ് സമര്‍പ്പിക്കേണ്ടത്. സംസ്ഥാനങ്ങളിലെ/ കേന്ദ്രഭരണ പ്രദേശത്തെ ആദിവാസി ക്ഷേമ/ വികസന ഡിപ്പാര്‍ട്ട്മെന്റിന്റെ  പ്രിന്‍സിപ്പല്‍ സെക്രട്ടറി/ സെക്രട്ടറിയുടെ അധ്യക്ഷതയില്‍ രൂപീകരിക്കപ്പെടുന്ന ‘സന്നദ്ധ ശ്രമങ്ങളെ പിന്തുണക്കുന്ന സംസ്ഥാന കമ്മിറ്റി'യുടെ നാമനിര്‍ദേശവും ഇതിനുണ്ടായിരിക്കണമെന്നത് നിയമപ്രകാരം നിര്‍ബന്ധമാക്കിയിട്ടുണ്ട്. ഈ കമ്മിറ്റി രൂപീകരിക്കപ്പെട്ട സാമ്പത്തിക വര്‍ഷത്തേക്ക് ഇതിന്റെ നിര്‍ദേശങ്ങള്‍ക്ക് പ്രാബല്യമുണ്ടായിരിക്കുന്നതാണ്.

സാക്ഷരത കുറഞ്ഞ ജില്ലയിലെ പട്ടികവര്‍ഗ പെണ്‍കുട്ടികള്‍ക്കിടയില്‍ വിദ്യാഭ്യാസം ശക്തമാക്കല്‍

മന്ത്രാലയത്തിന്റെ ലിംഗപരമായ പദ്ധതിയാണിത്. പൊതുവായ പെണ്‍കുട്ടികളും ആദിവാസി പെണ്‍കുട്ടികളും തമ്മിലുള്ള സാക്ഷരതാ തലങ്ങളിലെ അന്തരം ഇല്ലാതാക്കാനാണ് ഈ സ്കീം ലക്ഷ്യമിടുന്നത്. തെരഞ്ഞെടുക്കപ്പെട്ട ജില്ലകളിലെ അല്ലെങ്കില്‍ ബ്ളോക്കുകളിലെ, പ്രത്യേകിച്ച് നക്സല്‍ ബാധിത പ്രദേശങ്ങളിലേയും പ്രിമിറ്റീവ് ട്രൈബല്‍ ഗ്രൂപ്പുകള്‍ അധിവസിക്കുന്ന മേഖലകളിലേയും മുഴുവന്‍ ആദിവാസി പെണ്‍കുട്ടികളെയും സ്കൂളുകളില്‍ ചേര്‍ക്കുകയാണ് ഇതിലെ നടപടി. വിദ്യാഭ്യാസത്തിനുവേണ്ട സൌകര്യങ്ങള്‍ സൃഷ്ടിച്ചുകൊണ്ട് പ്രാഥമിക തലത്തിലെ ഡ്രോപ്പൌട്ടുകള്‍ കുറയ്ക്കാനും ഇത് വഴിയൊരുക്കുന്നു. സാമൂഹ്യ-സാമ്പത്തിക വികസനത്തില്‍ ഫലപ്രദമായി പങ്കുചേരാനും അതില്‍നിന്ന് നേട്ടങ്ങള്‍ കൊയ്യാനും ആദിവാസി പെണ്‍കുട്ടികളെ പ്രാപ്തരാക്കുന്നതിന് അവരുടെ സാക്ഷരതാ നിരക്ക് (one word missing) അത്യാവശ്യമാണെന്ന യാഥാര്‍ത്ഥ്യം ഈ സ്കീം അംഗീകരിക്കുന്നു.

2001 ലെ സെന്‍സസ് പ്രകാരം പട്ടികജാതി ജനസംഖ്യ 25 ശതമാനമോ അതിലധികമോ, പട്ടികജാതി സ്ത്രീകളിലെ സാക്ഷരതാ നിരക്ക് 35 ശതമാനമോ അതിനുതാഴെയോ ആയി നില്‍ക്കുന്ന 12 സംസ്ഥാനങ്ങളിലെയും ഒരു കേന്ദ്രഭരണ പ്രദേശത്തെയും 54 തെരഞ്ഞെടുക്കപ്പെട്ട ജില്ലകള്‍ ഈ സ്കീമില്‍ ഉള്‍ക്കൊള്ളുന്നു. ഇവയ്ക്കുപുറമെ 2001 ലെ സെന്‍സസ് പ്രകാരം 25 ശതമാനമോ അതിലധികമോ പട്ടികവര്‍ഗ ജനസംഖ്യയും 35 ശതമാനമോ അതില്‍ താഴെയോ ആദിവാസി പെണ്‍കുട്ടികളുടെ സാക്ഷരതാ നിരക്കുള്ളതുമായ ഏതൊരു ആദിവാസി ബ്ളോക്കുകളെയും ഇതില്‍ ഉള്‍പ്പെടുത്തുന്നു. പി ടി ജി പ്രദേശങ്ങളെയും ഈ സ്കീമില്‍ ഉള്‍പ്പെടുത്തിയിട്ടുണ്ട്. നക്സല്‍ ബാധിത മേഖലയ്ക്ക് ഇത് മുന്‍ഗണന നല്‍കുകയും ചെയ്യുന്നു. സര്‍ക്കാരേതര സംഘടനകളും ( എന്‍ ജി ഒ), സംസ്ഥാന സര്‍ക്കാരുകളുടെയും കേന്ദ്ര ഭരണപ്രദേശങ്ങളുടെയും കീഴിലുള്ള സ്വയംഭരണാധികാരമുള്ള സംഘങ്ങളുമാണ് സ്കീം നടപ്പാക്കുന്നത്.

സര്‍വ ശിക്ഷ അഭിയാന്‍ അല്ലെങ്കില്‍ വിദ്യഭ്യാസ വകുപ്പിന്റെ മറ്റേതെങ്കിലും സ്കീമുകള്‍ എന്നിവയ്ക്കു കീഴില്‍ പ്രവര്‍ത്തിച്ചുവരുന്ന സ്കൂളുകളുമായി ബന്ധിപ്പിച്ചുള്ള ഹോസ്റ്റലുകളുടെ നടത്തിപ്പിനും മെയിന്റനന്‍സിനുമാണ്  ഈ സ്കീം പ്രാഥമികമായും ലക്ഷ്യമിടുന്നത്. ഇത്തരം സ്കൂള്‍ സൌകര്യങ്ങള്‍ ലഭ്യമല്ലാത്തയിടങ്ങളില്‍ റസിഡന്‍ഷ്യല്‍ സ്കൂള്‍ സൌകര്യങ്ങളോടെ സമ്പൂര്‍ണ വിദ്യാഭ്യാസ കോംപ്ളെക്സ് സ്ഥാപിക്കാനും നിര്‍ദേശമുണ്ട്. ട്യൂഷന്‍, ഇന്‍സെന്റീവുകള്‍, പട്ടികവര്‍ഗ വിദ്യാര്‍ത്ഥികളെ കൃത്യമായ കാലയളവുകളില്‍ പ്രോത്സാഹിപ്പിക്കുന്നതിനുള്ള നിര്‍ദേശങ്ങളും സ്കീമിലുണ്ട്. നിര്‍മാണച്ചെലവ് സ്കീമില്‍ ഉള്‍പ്പെടുത്തുന്നതല്ല. നിശ്ചിതമായ സാമ്പത്തിക മാനദണ്ഡങ്ങളും നിര്‍ദേശിക്കുന്നു. നൂറു ശതമാനം എന്‍റോള്‍മെന്റ് ഉറപ്പാക്കല്‍, ഡ്രോപ്പൌട്ടുകള്‍ കുറയ്ക്കല്‍, പ്രതിരോധ ആരോഗ്യ വിദ്യാഭ്യാസം ലഭ്യമാക്കല്‍, എന്‍ ജി ഒകളുടെ പ്രകടനം നിരീക്ഷിക്കല്‍ തുടങ്ങി വിവിധ പ്രവര്‍ത്തനങ്ങള്‍ നടപ്പാക്കുന്ന ജില്ല വിദ്യാഭ്യാസ സപ്പോര്‍ട്ട് ഏജന്‍സി(ഡി ഇ എസ് എ) സ്ഥാപിക്കുന്നതും ഈ സ്കീമിലുണ്ട്. ഈ ഏജന്‍സി സര്‍ക്കേരതര സംഘടനയോ അല്ലെങ്കില്‍ അവയുടെ ഫെഡറേഷനോ ആകാവുന്നതാണ്.

എന്‍ ജി ഒകളുടെ പ്രോജക്ട് നിര്‍ദേശങ്ങള്‍ സംസ്ഥാന സര്‍ക്കാരുകള്‍ വഴിയാണ് സമര്‍പ്പിക്കേണ്ടത്. സംസ്ഥാനങ്ങളിലെ/ കേന്ദ്രഭരണ പ്രദേശത്തെ ആദിവാസി ക്ഷേമ/ വികസന ഡിപ്പാര്‍ട്ട്മെന്റിന്റെ  പ്രിന്‍സിപ്പല്‍ സെക്രട്ടറി/ സെക്രട്ടറിയുടെ അധ്യക്ഷതയില്‍ രൂപീകരിക്കപ്പെടുന്ന 'സന്നദ്ധ ശ്രമങ്ങളെ പിന്തുണക്കുന്ന സംസ്ഥാന കമ്മിറ്റി'യുടെ നാമനിര്‍ദേശവും ഇതിനുണ്ടായിരിക്കണമെന്നത് നിയമപ്രകാരം നിര്‍ബന്ധമാക്കിയിട്ടുണ്ട്. ഈ കമ്മിറ്റി രൂപീകരിക്കപ്പെട്ട സാമ്പത്തിക വര്‍ഷത്തേക്ക് ഇതിന്റെ നിര്‍ദേശങ്ങള്‍ക്ക് പ്രാബല്യമുണ്ടായിരിക്കുന്നതാണ്.

ട്രൈബല്‍ കോ ഓപ്പറേറ്റീവ് മാര്‍ക്കറ്റിങ് ഡെവലപ്പ്മെന്റ് ഫെഡറേഷന്‍ ഓഫ് ഇന്ത്യ ലിമിറ്റഡ്

പട്ടികവര്‍ഗ സമുദായങ്ങള്‍ക്ക് തങ്ങളുടെ വനോല്‍പ്പന്നങ്ങളും അധികമുള്ള കാര്‍ഷികോല്‍പ്പന്നങ്ങളും വില്‍ക്കുന്നതിന് സഹായമേകുന്നതിനും ആകര്‍ഷകമായ വിലകള്‍ ലഭ്യമാക്കുന്നതിനും സ്വകാര്യ വ്യാപാരികളുടെയും ഇടനിലക്കാരുടെയും ചൂഷണത്തില്‍നിന്ന് മുക്തമാക്കുന്നതിനുംവേണ്ടി 1987ല്‍ ഭാരത സര്‍ക്കാര്‍ രൂപീകരിച്ച സ്ഥാപനമാണ് ട്രൈബല്‍ കോ- ഓപ്പറേറ്റീവ് മാര്‍ക്കറ്റിങ് ഡെവലപ്പ്മെന്റ് ഫെഡറേഷന്‍ ഓഫ് ഇന്ത്യ ലിമിറ്റഡ്. 1984ലെ മള്‍ട്ടി സ്റ്റേറ്റ് കോ-ഓപ്പറേറ്റീവ് സൊസൈറ്റീസ് ആക്ട് പ്രകാരം പ്രവര്‍ത്തിക്കുന്ന ദേശിയ തല സഹകരണ പ്രസ്ഥാനമാണ് ഫെഡറേഷന്‍.  ഇതിന്റെ അംഗീകൃത ഓഹരി മൂലധനം 100 കോടി രൂപയും അടവു മൂലധനം 99.98 കോടി രൂപയുമാണ്. ഇതില്‍ 99.75 കോടി രൂപ ഭാരത സര്‍ക്കാരിന്റെ വിഹിതവും ശേഷിച്ച 0.23 കോടി രൂപ മറ്റു ഓഹരി ഉടമകളുടെ വിഹിതവുമാണ്.

പട്ടികവര്‍ഗങ്ങള്‍ക്കുള്ള കോച്ചിങ്

അധസ്ഥിത സാഹചര്യങ്ങളില്‍നിന്നുവരുന്ന പട്ടികവര്‍ഗ വിദ്യാര്‍ത്ഥികള്‍ക്ക് സാമുഹ്യപരമായും സാമ്പത്തികപരമായും  മികവുള്ള പശ്ചാത്തലത്തില്  വരുന്ന വിദ്യാര്‍ത്ഥികളുമായി മത്സരിക്കാന്‍ ബുദ്ധിമുട്ടനുഭവപ്പെടുന്നു. അവരുടെ പഠന തലങ്ങള്‍ ഉയര്‍ത്താനും എസ് ടി വിദ്യാര്‍ത്ഥികള്‍ക്ക് മത്സര പരീക്ഷകളില്‍ വിജയിക്കാന്‍ മികച്ച അവസരങ്ങള്‍ ലഭ്യമാക്കുന്നതിനുമായി അവര്‍ തൊഴില്‍ പരീക്ഷകളിലും പ്രൊഫഷണല്‍ കോഴ്സുകളിലേക്കുള്ള അഡ്മിഷന്‍ പരീക്ഷകളിലും വിജയകരമായി മത്സരിക്കാന്‍ പ്രാപ്തി നല്‍കുന്ന ഗുണമേ•യാര്‍ന്ന സ്ഥാപനങ്ങളിലെ കോച്ചിങ്ങിന് വേണ്ടി ആദിവാസി കാര്യ മന്ത്രാലയം ഒരു സ്കീം തയ്യാറാക്കിയിട്ടുണ്ട്.

സിവില്‍ സര്‍വീസ്/ സ്റ്റേറ്റ് സിവില്‍ സര്‍വീസ്/  സി ഡി എസ്, എന്‍ ഡി എ പോലെ യു പി എസ് ഇ നടത്തുന്ന മറ്റു പരീക്ഷകള്‍, മെഡിക്കല്‍, എന്‍ജിനീയറിങ്, ബിസിനസ് അഡ്മിനിസ്ട്രേഷന്‍/ ബാങ്കിങ്/ സ്റ്റാഫ് സെലക്ഷന്‍ കമ്മീഷന്‍/ റെയില്‍വെ റിക്രൂട്ട്മെന്റ് ബോര്‍ഡുകള്‍/ ഇന്‍ഷ്വറന്‍സ് കമ്പനികള്‍ എന്നിവയ്ക്കുള്ള കോഴ്സുകള്‍ തുടങ്ങിയവയ്ക്കായി എസ് ടി വിദ്യാര്‍ത്ഥികള്‍ക്ക് സൌജന്യ കോച്ചിങ് നല്‍കാനും സ്കീം പിന്തുണയ്ക്കുന്നു. ഇതിന്റെ സാമ്പത്തിക മാനദണ്ഡങ്ങള്‍ 2007- 2008 വര്‍ഷത്തില്‍ മാറ്റിയിരുന്നു. കോച്ചിങ് ഫീസുകള്‍, പ്രതിമാസം ഒരു വിദ്യാര്‍ത്ഥിക്ക് 1000 രൂപ സ്റ്റൈപ്പന്റ്, പുറത്തുള്ള വിദ്യാര്‍ത്ഥികള്‍ക്ക് കോഴ്സിന്റെ കാലായളവിലേക്ക് പ്രതിമാസം 2000 രൂപ ബോര്‍ഡിങ്/ ലോഡ്ജിങ് നിരക്കുകള്‍ എന്നിവ നല്‍കുന്നതായിരിക്കും

പട്ടികവര്‍ഗങ്ങളുടെ ക്ഷേമത്തിനായി പ്രവര്‍ത്തിക്കുന്ന സന്നദ്ധ സംഘടനകള്‍ക്കുള്ള ഗ്രാന്റ്-ഇന്‍-എയ്ഡ്

സര്‍ക്കാരിന്റെ ക്ഷേമപദ്ധതികള്‍ വിദ്യാഭ്യാസം, ആരോഗ്യം, കുടിവെള്ളം, കാര്‍ഷിക - ഉദ്യാനകൃഷി ഉല്‍പ്പാദന ക്ഷമത, സാമുഹ്യ സുരക്ഷ ശൃംഖല എന്നിവ പോലുള്ള മേഖലകളിലെ സേവന അപര്യാപ്ത പ്രദേശങ്ങളില്‍ എത്തിക്കുകയും അന്തരങ്ങള്‍ അടയ്ക്കാനുമാണ് ഈ സ്കീം പ്രധാനമായും ലക്ഷ്യമിടുന്നത്. എസ് ടികളുടെ സാമുഹ്യ - സാമ്പത്തിക ഉന്നമനം, സര്‍വതോ•ുഖ വികസനം  എന്നിവയ്ക്കുള്ള പരിതസ്ഥിതി ലഭ്യമാക്കുക എന്നതും  ഇതിന്റെ ലക്ഷ്യമാണ്. സന്നദ്ധ സംഘടനകളുടെയും എന്‍ ജി ഒകളുടെയും ശ്രമങ്ങളിലൂടെയാണ് ഇവ നടപ്പാക്കുന്നത്.

ഈ സ്കീം പ്രകാരം 90 ശതമാനം ഗ്രാന്റ് മന്ത്രാലയവും പത്തു ശതമാനം എന്‍ ജി ഒകള്‍ തങ്ങളുടെ സ്വന്തം സ്രോതസുകളില്‍നിന്നുമാണ് വഹിക്കുന്നത്. എന്നാല്‍ ഷെഡ്യൂള്‍ഡ് പ്രദേശങ്ങളില്‍ മുഴുവന്‍ ചെലവും സര്‍ക്കാര്‍തന്നെ വഹിക്കുന്നു. റസിഡന്‍ഷ്യല്‍ സ്കൂള്‍, നോണ്‍ റസിഡന്‍ഷ്യല്‍ സ്കൂള്‍, പത്തോ അതിലധികമോ ബെഡ്ഡുകളുള്ള ആശുപത്രികള്‍, മൊബൈല്‍ ഡിസ്പെന്‍സറികള്‍, കമ്പ്യൂട്ടര്‍ ട്രെയിനിങ് ഇന്‍സ്റ്റിറ്റ്യൂട്ടകള്‍ എന്നിവ പോലുള്ള വിഭാഗങ്ങളിലെ പ്രോജക്ടുകളെയാണ് സ്കീമില്‍ ഉള്‍പ്പെടുത്തിയിരിക്കുന്നത്. ഇതിന് നിശ്ചിതമായ സാമ്പത്തിക മാനദണ്ഡങ്ങളുണ്ട്. ഏതെങ്കിലും തരത്തിലുള്ള നിര്‍മാണച്ചെലവുകള്‍ സ്കീമില്‍ നല്‍കുന്നതല്ല.

എന്‍ ജി ഒകളുടെ പ്രോജക്ട് നിര്‍ദേശങ്ങള്‍ സംസ്ഥാന സര്‍ക്കാരുകള്‍ വഴിയാണ് സമര്‍പ്പിക്കേണ്ടത്. സംസ്ഥാനങ്ങളിലെ/ കേന്ദ്രഭരണ പ്രദേശത്തെ ആദിവാസി ക്ഷേമ/ വികസന ഡിപ്പാര്‍ട്ട്മെന്റിന്റെ  പ്രിന്‍സിപ്പല്‍ സെക്രട്ടറി/ സെക്രട്ടറിയുടെ അധ്യക്ഷതയില്‍ രൂപീകരിക്കപ്പെടുന്ന 'സന്നദ്ധ ശ്രമങ്ങളെ പിന്തുണക്കുന്ന സംസ്ഥാന കമ്മിറ്റി'യുടെ നാമനിര്‍ദേശവും ഇതിനുണ്ടായിരിക്കണമെന്നത് നിയമപ്രകാരം നിര്‍ബന്ധമാക്കിയിട്ടുണ്ട്. ഈ കമ്മിറ്റി രൂപീകരിക്കപ്പെട്ട സാമ്പത്തിക വര്‍ഷത്തേക്ക് ഇതിന്റെ നിര്‍ദേശങ്ങള്‍ക്ക് പ്രാബല്യമുണ്ടായിരിക്കുന്നതാണ്.

എ). എസ് ടി വിദ്യാര്‍ത്ഥികള്‍ക്കുള്ള പോസ്റ്റ് മെട്രിക് സ്കോളര്‍ഷിപ്പ്

അംഗീകൃത വിദ്യാഭ്യാസ സ്ഥാപനങ്ങളില്‍ അംഗീകൃത പോസ്റ്റ് മെട്രിക് കോഴ്സുകള്‍ പിന്തുടരുന്ന പട്ടിക വര്‍ഗക്കാരായ വിദ്യാര്‍ത്ഥികള്‍ക്ക് ധനസഹായം ലഭ്യമാക്കുകയാണ് ഈ സ്കീമിന്റെ ലക്ഷ്യം. വിവിധ തലങ്ങളിലുള്ള നോണ്‍ പ്രൊഫഷണല്‍, നോണ്‍ ടെക്നിക്കല്‍ ഉള്‍പ്പെടെയുള്ള പ്രൊഫഷണല്‍, ടെക്നിക്കല്‍ കോഴ്സുകളാണ് ഇതില്‍ ഉള്‍പ്പെടുത്തിയിരിക്കുന്നത്. വിദൂര വിദ്യാഭ്യാസം, തുടര്‍വിദ്യാഭ്യാസം എന്നിവയടക്കമുള്ള കറസ്പോണ്ടന്‍സ് കോഴ്സുകളെയും ഇതില്‍ ഉള്‍പ്പെടുത്തിയിട്ടുണ്ട്. സംസ്ഥാന സര്‍ക്കാരുകളും കേന്ദ്രഭരണ പ്രദേശങ്ങളിലെ ഭരണകൂടങ്ങളുമാണ് സ്കീം നടപ്പാക്കുന്നത്. നൂറുശതമാനം കേന്ദ്ര സഹായത്തോടെയാണ് സ്കീം നടപ്പാക്കുന്നത്. തങ്ങളുടെ ബജറ്റ് വകയിരുത്തിയിട്ടുള്ള തുകകള്‍ ചെലവിട്ടുകൊണ്ട് കടപ്പാടുള്ള ബാധ്യതോടെയാണ് ഇത് നടപ്പാക്കേണ്ടത്. പദ്ധതികാലത്തെ അവസാന വര്‍ഷം എത്തിയ ചെലവിന് തുല്യമായിരിക്കണം ഈ ബാധ്യത. ഇതനുസരിച്ച് പത്താം പദ്ധതിയുടെ അവസാനവര്‍ഷമായ 2006- 07ല്‍ സംസ്ഥാനങ്ങളും കേന്ദ്രഭരണ പ്രദേശങ്ങളും ചെലവിട്ട തുകയായിരിക്കും പതിനൊന്നാം പദ്ധതിക്കാലത്തെ ഓരോ വര്‍ഷവും അവര്‍ വഹിക്കേണ്ടത്. 1997--98 വര്‍ഷം മുതല്‍ വടക്കുകിഴക്കന്‍ സംസ്ഥാനങ്ങളെ ഈ ബാധ്യതയില്‍നിന്ന് ഒഴിവാക്കിയിട്ടുണ്ട്. 1944-45 വര്‍ഷം മുതലാണ് ഈ സ്കീം പ്രവര്‍ത്തനമാരംഭിച്ചത്.

മെയിന്റനന്‍സ് അലവന്‍സ്, അന്ധവിദ്യാര്‍ത്ഥികള്‍ക്കുള്ള റീഡര്‍ ചാര്‍ജുകള്‍, സ്റ്റഡി ടൂര്‍ ചാര്‍ജുകള്‍, തീസിസ് ടൈപ്പിങ്/ പ്രിന്റിങ് ചാര്‍ജുകള്‍, കറസ്പോണ്ടന്‍സ് വിദ്യാര്‍ത്ഥികള്‍ക്കുള്ള ബുക്ക് അലവന്‍സ്, വിദ്യാഭ്യാസ സ്ഥാപനങ്ങള്‍ ഈടാക്കുന്ന നിര്‍ബന്ധവും തിരിച്ചുകിട്ടാത്തതുമായ ഫീസുകള്‍ എന്നിവ ഉള്‍പ്പെടുന്നതാണ് നിലവിലുള്ള സ്കോളര്‍ഷിപ്പ്. ഹോസ്റ്റലില്‍ കഴിയുന്നവര്‍ക്കുള്ള മെയിന്റനന്‍സ് അലവന്‍സ് പ്രതിമാസം 235 മുതല്‍ 740 രൂപവരെയായിരിക്കും. ഡെയിലി സ്കോളര്‍മാര്‍ക്ക് പ്രതിമാസം 140 മുതല്‍ 330 രൂപ വരെയുമായിരിക്കും. കോഴ്സുകളുടെ തലങ്ങള്‍ക്ക് അനുസൃതമായിട്ടായിരിക്കും ഇത്. ഈ സ്കീം പ്രകാരം മാതാപിതാക്കള്‍ക്കും/ രക്ഷിതാക്കള്‍ക്കുമുള്ള നിര്‍ദിഷ്ട വാര്‍ഷിക വരുമാനം1,08,000 രൂപയായിരിക്കും. 2007 ഏപ്രില്‍ ഒന്നിനാണ് ഈ വാര്‍ഷിക വരുമാന പരിധി നിലവില്‍ വന്നത്. വ്യവസായ തൊഴിലാളികള്‍ക്കുള്ള ഉപഭോക്തൃ വില സൂചികയുമായി വരുമാന പരിധിയെ യോജിപ്പിച്ചിരിക്കുന്നു.

എസ് ടി വിദ്യാര്‍ത്ഥികളുടെ  മെരിറ്റിന്റെ അപ്ഗ്രേഡേഷന്‍

ഒമ്പതുമുതല്‍ പന്ത്രണ്ടു വരെയുള്ള ക്ളാസുകളില്‍ പരിഹാരപരവും പ്രത്യേകവുമായ കോച്ചിങ് ലഭ്യമാക്കിക്കൊണ്ട് എസ് ടി വിദ്യാര്‍ത്ഥികളുടെ മെരിറ്റ് ഉയര്‍ത്തുകയാണ് ഈ സ്കീമിന്റെ ലക്ഷ്യം. വിവിധ കോഴ്സുകളിലെ അപര്യാപ്തതകള്‍ നീക്കുകയാണ് റെമഡിയല്‍ കോച്ചിങ് ലക്ഷ്യമിടുന്നത്.. എന്‍ജിനീയറിങ്, മെഡിക്കല്‍ പോലുള്ള പ്രൊഫഷണല്‍ കോഴ്സുകളില്‍ പ്രവേശനം തേടുന്നതിനുള്ള മത്സരപരീക്ഷകള്‍ക്കായി വിദ്യാര്‍ത്ഥികളെ ഒരുക്കുന്നതിനാണ് സ്പെഷ്യല്‍ കോച്ചിങ് നടത്തുന്നത്. ഈ സ്കീമിന് സംസ്ഥാനങ്ങള്‍ക്കും കേന്ദ്രഭരണ പ്രദേശങ്ങള്‍ക്കും നൂറു ശതമാനം കേന്ദ്രസഹായം ലഭിക്കും. ഓരോ വിദ്യാര്‍ത്ഥിക്കും ഒരുവര്‍ഷം 15,000 രൂപയുടെ ഗ്രാന്റ് ലഭ്യമാക്കുന്നതായിരിക്കും. സംസ്ഥാനങ്ങളും കേന്ദ്രഭരണ പ്രദേശങ്ങളും യാതൊരുവിധ സാമ്പത്തിക ബാധ്യതയും വഹിക്കേണ്ടിവരില്ല. സ്കോളര്‍ഷിപ്പ് തുകയ്ക്കുപുറമെ വൈകല്യമുള്ള വിദ്യാര്‍ത്ഥികള്‍ക്ക് താഴെപ്പറയുന്ന സഹായത്തിനും അര്‍ഹതയുണ്ട്്.

എ) ഒമ്പതുമുതല്‍ പന്ത്രണ്ടുവരെയുള്ള ക്ളാസുകളില്‍ പഠിക്കുന്ന അന്ധ വിദ്യാര്‍ത്ഥികള്‍ക്ക് പ്രതിമാസം 100 രൂപാവീതം റീഡര്‍ അലവന്‍സ്

ബി) വിദ്യാഭ്യാസ സ്ഥാപനത്തിന്റെ വളപ്പിനുള്ളിലെ ഹോസ്റ്റലില്‍ താമസിക്കാത്ത അംഗവൈകല്യമുള്ള വിദ്യാര്‍ത്ഥികള്‍ക്ക് പ്രതിമാസം 50 രൂപ വരെ ട്രാന്‍സ്പോര്‍ട്ട് അലവന്‍സ് ലഭിക്കാന്‍ അര്‍ഹതയുണ്ടായിരിക്കുന്നതാണ്. നിര്‍ദിഷ്ട നിയമപ്രകാരമായിരിക്കും അന്ധത, മങ്ങിയ കാഴ്ച, ഭേദമായ കുഷ്ഠം, ശ്രവണ വൈകല്യം, ചലനം നിഷേധിക്കപ്പെടുന്ന വൈകല്യം, മന്ദബുദ്ധിത്വം, മനോരോഗം എന്നിവയിലെ വൈകല്യങ്ങള്‍ കണക്കാക്കുക.

സി).. വിദ്യാഭ്യാസ സ്ഥാപനത്തിന്റെ അല്ലെങ്കില്‍ സംസ്ഥാന സര്‍ക്കാരിന്റെ/ കേന്ദ്രഭരണ പ്രദേശത്തിന്റെ ഹോസ്റ്റലില്‍ കഴിയുന്ന കടുത്ത അംഗവൈകല്യമുള്ള വിദ്യാര്‍ത്ഥികള്‍ക്ക് ഒരു സഹായകന്റെ ആവശ്യമുണ്ടെങ്കില്‍ അത്തരം സഹായത്തിന് ഹോസ്റ്റലിലെ ഏതെങ്കിലും ജീവനക്കാരന്‍ തയ്യാറാണെങ്കില്‍ അദ്ദേഹത്തിന് പ്രത്യേക വേതനമായി പ്രതിമാസം 100 രൂപ അനുവദിക്കാവുന്നതാണ്.

ഡി).എല്ലാദിവസവനും വീടുകളില്‍നിന്നെത്തുന്ന കടുത്ത വൈകല്യമുള്ളവര്‍ക്കൊപ്പം കൂട്ടുപോകുന്ന കുറഞ്ഞ വൈകല്യമുള്ള വിദ്യാര്‍ത്ഥികള്‍ക്ക് പ്രതിമാസം 50 രൂപ.

ഇ. മന്ദബുദ്ധികളും മനോരോഗികളുമായ ഒമ്പതുമുതല്‍ പന്ത്രണ്ടുവരെയുള്ള ക്ളാസുകളിലെ വിദ്യാര്‍ത്ഥികള്‍ക്ക് പ്രത്യേക പരിശീലനം നല്‍കേണ്ടതിലേക്ക് പ്രതിമാസം 100 രൂപ നിരക്കില്‍ അലവന്‍സ് നല്‍കുന്നതാണ്.

(എ) മുതല്‍ (ഇ) വരെയുള്ള ആനുകൂല്യങ്ങള്‍ കുഷ്ഠരോഗം ഭേദമായ വിദ്യാര്‍ത്ഥികള്‍ക്കും ബാധകമായിരിക്കും.

എസ് ടി വിഭാഗക്കാര്‍ക്കുള്ള ഗേള്‍സ് ഹോസ്റ്റലുകള്‍

മൂന്നാം പദ്ധതിക്കാലത്ത് ആരംഭിച്ചതാണ് ഗേള്‍സ് ഹോസ്റ്റലുകള്‍ക്കുള്ള സ്കീം. 2001ലെ സെന്‍സസ് പ്രകാരം സ്ത്രീകള്‍ക്ക് പൊതുവായുള്ള സാക്ഷരത 54.28 ശതമാനമായി നില്‍ക്കുമ്പോള്‍ 34.76 ശതമാനം മാത്രം സാക്ഷരതയുള്ള എസ് ടി വിദ്യാര്‍ത്ഥിനികളില്‍ വിദ്യാഭ്യാസം വ്യാപിക്കുന്നതിനുള്ള ഉപകാരപ്രദമായ ഉപകരണമാണ് ഇത്. ഈ സ്കീം പ്രകാരം പുതിയ ഹോസ്റ്റല്‍ മന്ദിരങ്ങള്‍ പണിയുന്നതിനും നിലവിലുള്ളവ വികസിപ്പിക്കുന്നതിനുമായി സംസ്ഥാനങ്ങള്‍ക്കും കേന്ദ്രഭരണ പ്രദേശങ്ങള്‍ക്കും കേന്ദ്ര സഹായം നല്‍കുന്നതാണ്. ഹോസ്റ്റല്‍ മന്ദിരത്തിന്റെ നിര്‍മാണച്ചെലവ് കേന്ദ്രവും സംസ്ഥാനവും 50:50  എന്ന അനുപാതത്തില്‍ വഹിക്കുന്നതായിരിക്കും.കേന്ദ്രഭരണപ്രദേശങ്ങളുടെ കാര്യത്തില്‍ മുഴുവന്‍ ചെലവും കേന്ദ്രം വഹിക്കുന്നതാണ്. സംസ്ഥാന പി ഡബ്ളിയു ഡി നിരക്കുകളുടെ പട്ടികയിലോ പ്രാദേശിക പി ഡബ്ളിയു ഡി നിരക്കുകളുടെ പട്ടികയിലോ ഏതാണോ കുറവ് അതായിരിക്കും നിര്‍മാണചെലവ്.ഹോസ്റ്റലുകളുടെ അറ്റകുറ്റപ്പണിയുടെ ഉത്തരവാദിത്തമായിരിക്കും ബന്ധപ്പെട്ട സംസ്ഥാനങ്ങളുടെ/ കേന്ദ്രഭരണ പ്രദേശങ്ങള്‍ക്കായിരിക്കും. ഹോസ്റ്റലിലെ സീറ്റുകളുടെ എണ്ണം 100 വരെയായിരിക്കും. പ്രൈമറി, മിഡില്‍, സെക്കന്‍ഡറി, കോളജ്, യൂണിവേഴ്സിറ്റി തലങ്ങളിലെ എസ് ടി വിദ്യാര്‍ത്ഥികള്‍ക്കായിരിക്കും ഹോസ്റ്റലുകള്‍.

ബി) പട്ടിക വര്‍ഗക്കാര്‍ക്കായുള്ള ബോയ്സ് ഹോസ്റ്റല്‍

ഇതിന്റെ ലക്ഷ്യങ്ങളും ഉപാധികളും വ്യവസ്ഥകളും സഹായത്തിന്റെ മാതൃകയും ഗേള്‍സ് ഹോസ്റ്റലുകള്‍ക്കുള്ളതുപോലെയാണ്. 1989--90 മുതല്‍ ഈ സ്കീം പ്രവര്‍ത്തനമാരംഭിച്ചിരുന്നു. പത്താം പദ്ധതിയില്‍ ബോയ്സ് ഹോസ്റ്റല്‍ സ്കീമും ഗേള്‍സ് ഹോസ്റ്റല്‍ സ്കീമും തമ്മില്‍ ലയിപ്പിച്ചിരുന്നു.

രാജീവ് ഗാന്ധി നാഷണല്‍ ഫെലോഷിപ്പ് സ്കീം (ആര്‍ ജി എന്‍ എഫ്)

2005-06ലാണ് ഈ സ്കീം അവതരിപ്പിക്കപ്പെട്ടത്. സ്കീം പ്രകാരം എം ഫില്‍, പി എച്ച് ഡി പോലുള്ള ഉന്നത പഠനങ്ങള്‍ തേടുന്നവര്‍ക്കാണ് ഫെലോഷിപ്പ് നല്‍കുക. അഞ്ചുവര്‍ഷമാണ് ഫെലോഷിപ്പിനുള്ള പരമാവധി കാലാവധി. ഓരോ വര്‍ഷവും 667 ഫെലോഷിപ്പുകള്‍ എസ് വിദ്യാര്‍ത്ഥികള്‍ക്ക് ലഭ്യമാക്കിവരുന്നു. ആദിവാസികാര്യ മന്ത്രാലയത്തിന്റെ പേരില്‍ യൂണിവേഴ്സിറ്റി ഗ്രാന്റസ്  കമ്മീഷനാണ് സ്കീം നടപ്പാക്കുന്നത്. യു ജി സി അംഗീകരിച്ചിട്ടുള്ള യൂണിവേഴ്സിറ്റിയില്‍നിന്ന് പോസ്റ്റ് ഗ്രാജ്വേഷന്‍ പാസായ ഏതൊരു എസ് ടി വിദ്യാര്‍ത്ഥിക്കും സ്കീം പ്രകാരം അപേക്ഷ നല്‍കാവുന്നതാണ്.