തണുപ്പ് തുടങ്ങി ഇനി ആസ്മരോഗികള്ക്ക് അസുഖം മാറാത്ത ദിനങ്ങളായിരിക്കും. പലപ്പോഴും പൊടിപടലങ്ങളും , കാലാവസ്ഥ വ്യതിയാനവും ആസ്ത്മക്ക് കാരണമാകാറുണ്ട് .പാരമ്പര്യഘടകങ്ങളും പാരിസ്ഥിതിക പ്രശ്നങ്ങളുമാണ് ആസ്തമയ്ക്കുള്ള പ്രധാനകാരണങ്ങള്. എന്നാല് തുടക്കത്തില് കണ്ടെത്തിയാല് പൂര്ണമായും നിയന്ത്രിക്കാവുന്ന ഒരു രോഗമാണ് ആസ്ത്മ. ചന്ദനത്തിരി, കൊതുകുതിരി, പെര്ഫ്യൂമുകള് തുടങ്ങി മുഖത്തിടുന്ന പൗഡര്വരെ പലപ്പോഴും ആസ്ത്മ നിയന്ത്രണത്തെ ബാധിക്കാറുണ്ട്.
എളുപ്പത്തില് കണ്ടുപിടിക്കാവുന്ന ഒരു രോഗാവസ്ഥയാണ് ആസ്ത്മ. പുകവലിയും വായുമലിനീകരണവുമൊക്കെ ഉണ്ടാക്കുന്ന ദീര്ഘകാല ശ്വാസതടസ്സരോഗങ്ങള്, ശ്വാസനാളികള് സാധാരണയില് കവിഞ്ഞ് വലുതായി കഫം കെട്ടിക്കിടക്കുന്ന അവസ്ഥ ഇവയൊക്കെ ആസ്ത്മയുടെതിന് സമാനമായ ലക്ഷണങ്ങളോടെ കണ്ടുവരാറുണ്ട്.
ഡോക്ടര്മാരുടെ നിര്ദേശമില്ലാതെ തന്നെ സ്വയം മരുന്നുകളുടെ ഉപയോഗത്തില് മാറ്റങ്ങള് വരുത്തുന്നത് ആസ്ത്മയുടെ കാര്യത്തില് ഇത് അപകടം ക്ഷണിച്ചു വരുത്തും .നിര്ദേശിക്കപ്പെട്ട മരുന്നുകള് ശരിയായ അളവിലും രീതിയിലും ഉപയോഗിക്കുന്നതിലെ ക്യത്യനിഷ്ഠ ആസ്ത്മ രോഗനിയന്ത്രണത്തില് സുപ്രധാനമാണ്. ഇന്ഹേലര് രൂപത്തിലുള്ള മരുന്നുകളാണ് ആസ്ത്മ ചികിത്സയില് ഏറ്റവും പ്രധാനം. ആവശ്യമായ മരുന്നുകള് തീരെ ചെറിയ അളവില് ശ്വാസനാളികളിലേക്ക് നേരിട്ട് എത്തിക്കുകയാണ് ഇന്ഹേലറുകള് ചെയ്യുന്നത്.
ആസ്തമയുള്ളവര് ചില ഭക്ഷണങ്ങള് നിര്ബന്ധമായും ഒഴിവാക്കണം. ബീന്സ്,ക്യാബേജ്,സവാള, ഇഞ്ചിഎന്നിവ നിര്ബന്ധമായും ഒഴിവാക്കണം. കടയില്നിന്നു വാങ്ങുന്ന പാക്ക്ഡ് ഭക്ഷണപദാര്ഥങ്ങള് കഴിക്കാതിരിക്കുക. ബേക്കറി പലഹാരങ്ങള് നിര്ബന്ധമായും ഒഴിവാക്കണം. വെജിറ്റബിള് ഓയില് ഉപയോഗിച്ചു പാകം ചെയ്യുന്ന ഭക്ഷണം കഴിക്കാതിരിക്കുക. അതുപോലെ ആസ്തമയുള്ളവര് എണ്ണ പലഹാരങ്ങള് പൂര്ണമായും ഒഴിവാക്കുക. പാല് ഉല്പ്പന്നങ്ങള് ആസ്തമയുള്ളവര് പൂര്ണമായും ഒഴിവാക്കുക. വിവിധതരം അച്ചാറുകള്, നാരങ്ങ വെള്ളം, വൈന്, ഡ്രൈഫ്രൂട്ട്സ്, ചായ, കാപ്പി എന്നിവ ഒഴിവാക്കുക. എന്നാല് ആസ്തമയുള്ളവര് ദിവസവും ഓരോ ആപ്പിള് കഴിക്കുന്നത് ഏറെ നല്ലതാണ്. ധാരാളം വെള്ളംകുടിക്കാന് ശ്രമിക്കുക.
ഷാംപു മുടിയുടെ ആരോഗ്യത്തിനുവേണ്ടി മാത്രം പ്രത്യേകമായിനിര്മ്മിക്കുന്നതാണ് എന്ന് നമുക്കറിയാം. അതിനാല് തന്നെ ഇത് മുടിയിലല്ലാതെശരീരത്തിന്റെ മറ്റൊരു ഭാഗത്തും ഉപയോഗിക്കരുത്. ശരീത്തിന്റെ ഓരോ ഭാഗത്തുംഅതിന്റേതായ പ്രത്യേകതകളാല് വ്യത്യസ്തമാണ് എന്നതിനാലാണ് ഇത്.
ചിലരെങ്കിലും ഷാംപു മുഖത്ത് ഉപയോഗിക്കാറുണ്ട്, ചിലര് ഷാംപുവിന്റെ പതവെറുതെ മുകഖത്താക്കാറുണ്ട്. എന്നാല് ഇത് ഒരിക്കലും ചെയ്യരുത്. മുടിയില്ഉപയോഗിക്കുമ്ബോള് ഷാംപു മുഖത്താവാതിരിക്കാന് പ്രത്യേകം ശ്രദ്ധിക്കണം.ചില പുരുഷന്മാര് താടിയില് ഷാംപു ഉപയോഗിക്കാറുണ്ട്. ഈശീലം ഒഴിവാക്കണം.
ഷാംപു മുഖ ചര്മ്മത്തിന് പല തരത്തിലുള്ള പ്രശ്നങ്ങള് ഉണ്ടാക്കും.മുഖ ചര്മ്മം വളരെയധികം ഡ്രൈ ആകുന്നതിനുംഅലര്ജികള്ക്കുമെല്ലാം ഇത് കാരണമായെന്നുവരാം. ബോഡി ലോഷനുകളുടെകാര്യത്തിലും ഇത് ബാധമകാണ്. ബോഡി ലോഷനുകള് ശരീരത്ത് മാത്രം പുരട്ടുക.മുഖത്ത് ഇത് ഉപയോഗിക്കുന്നത് പ്രശ്നങ്ങള് ഉണ്ടാക്കും.
പുതിയ കാലഘട്ടത്തില് ഭൂരിപക്ഷം ആളുകളെയും വലയ്ക്കുന്ന ഒരു രോഗമാണ് രക്തസമ്മര്ദ്ദം. ഒന്നിനും സമയം തികയാതെ ഒത്തിരിയേറെ സമ്മര്ദ്ദത്തില്ഉള്ള ജീവിതവും ക്രമമല്ലാത്ത ഭക്ഷണ രീതികളും ചിട്ടയില്ലാത്ത ജീവിതശൈലിയുമൊക്കെ ഒടുവില് നമുക്ക് നല്കുന്നത് ഇത്തരം രോഗാവസ്ഥകളാണ്.രക്തസമ്മര്ദ്ദം ഉയരുകയും താഴുകയും ചെയ്യാം. എന്നാല് ഒരു പരിധി കഴിഞ്ഞാല് ഇത് ശരീരത്തെ ബാധിക്കുകയും തളര്ന്നു പോകുന്ന അവസ്ഥകളോ അല്ലെങ്കില് സ്ട്രോക് വരുന്നതിനോ ഇത് കാരണമാകുകയും ചെയ്യുന്നു.
രക്തസമ്മര്ദ്ദം സമതുലനാവസ്ഥ നഷ്ടമാകുന്നത് ശ്രദ്ധയില്പ്പെട്ടു കഴിഞ്ഞാല് അതിനു ശേഷം ഇത് നിയന്ത്രിക്കുന്നതിനായി കൃത്യമായ ചര്യകളും ഡയറ്റുമെല്ലാം അത്യന്താപേക്ഷിതം തന്നെ.നമ്മുടെ ഭക്ഷണ ക്രമത്തില് മല്ലിയെ ധാരാളമായി ഉള്പ്പെടുത്തണമെന്നാണ് വിദഗ്ധരുടെ നിര്ദ്ദേശം.
കാരണം രക്തസമ്മര്ദ്ദത്തെ നിയന്ത്രിക്കാന് ഏറ്റവുമധികം സഹായകമായ ഒന്നാണ് മല്ലി എന്നാണ് പഠനങ്ങള് തെളിയിക്കുന്നത്. പരമ്പരാഗത ആയുര്വേദ ചികിത്സാവിധികളില് പോലും ഇക്കാര്യം വ്യക്തമാക്കിയിട്ടുണ്ടത്രേ. ശരീരത്തിലെത്തുന്ന അമിത അളവ് സോഡിയത്തെ പുറന്തള്ളുന്നതിനുള്ള കഴിവ് മല്ലിക്കുള്ളതിനാലാണ് രക്ത സമ്മര്ദത്തെ നിയന്ത്രിക്കാന് മല്ലിക്ക് കഴിയുന്നത്.
മല്ലി പൊടി ഭക്ഷണത്തില് ഉപയോഗിക്കുന്നതിനേക്കാള് രോഗാവസ്ഥകളെ ചെറുക്കാനായി മല്ലിയിട്ട വെള്ളം കുടിക്കുന്നതാണ് ഉത്തമം. ഇതിനായി ഒരു വലിയ സ്പൂണ് നിറയെ മല്ലിയെടുത്ത് രാത്രി മുഴുവനും ഒരു കപ്പ് വെള്ളത്തില് മുക്കിവെച്ച ശേഷം രാവിലെ ആ വെള്ളം അരിച്ചെടുത്ത് വെറും വയറ്റില് കുടിക്കുക. ഇതാണ് രക്തസമ്മര്ദ്ദമുള്ളവര്ക്ക് ഏറ്റവും നല്ലത്. കൂടാതെ ദഹന സംബന്ധമായ പ്രശ്നങ്ങളെ നേരിടാന് പച്ചമല്ലിയെടുത്ത് വെറുതെ ചവച്ച് കഴിക്കുന്നതും നല്ലതാണ്.
പുതിയ ഭക്ഷണ രീതികള് ജീവിതത്തിലേക്ക് കടന്നു വന്നതോടെ നമ്മുടെ ആഹാരരീതികളില് മാറ്റം വന്നു. ജങ്ക് ഫുഡുകളും എണ്ണയില് വറുത്തതും പൊരിച്ചതുമായഭക്ഷണങ്ങളുമാണ് ഇന്ന് എല്ലാവര്ക്കും പ്രിയം. ഇത്തരം രീതികള് കടന്നുവന്നതോടെ അടുക്കളയില് നിന്നും പുറത്തായ ഒന്നാണ് ചേന.
ശരീരത്തിന് ആരോഗ്യം പ്രദാനം ചെയ്യുന്ന ധാരാളം ഘടകങ്ങള് അടങ്ങിയിരിക്കുന്ന ഭക്ഷണമാണ് ചേന. ധാരാളം മിനറല്സും കാത്സ്യവും അടങ്ങിയിട്ടുള്ളതിനാല് എല്ലുകള്ക്ക് കരുത്ത്പകരാന് ചേന ഉത്തമമാണ്.
രോഗപ്രതിരോധശേഷി വര്ദ്ധിപ്പിക്കുന്നതിനൊപ്പം ഇന്സുലിന്റെ അളവ് നിയന്ത്രിച്ച് പ്രമേഹം നിയന്ത്രിക്കാനും ചേനയ്ക്ക് സാധിക്കും. നാരുകള് അടങ്ങിയിരിക്കുന്നതിനാല് ശരീരത്തിലെ വിഷാംശം നീക്കം ചെയ്യാനും ദഹനപ്രക്രിയ മെച്ചപ്പെടുത്താനും സാധിക്കും.
നല്ല ചര്മം കൈവരാനും കൊളസ്ട്രോള് കുറച്ച് രക്തസമ്മര്ദ്ദം നിയന്ത്രിക്കാനും ചേനയ്ക്ക് സാധിക്കും. അതിനാല് തന്നെ ഉത്തമമായ ഒരു വിഭവമാണ് ചേന. നിശ്ചിത ഇടവേളകളില് ഇത് ശീലമാക്കുന്നത് ശരീരത്തിനും ആരോഗ്യത്തിനും ഗുണകരമാകും
വേനല്ക്കാലത്ത് ചിക്കന്പോക്സിനെതിരെ കരുതല് വേണം
വേനല്ക്കാലത്ത് ഏറ്റവും കൂടുതല് സൂക്ഷിക്കേണ്ട അസുഖങ്ങളിലൊന്നാണ് ചിക്കന്പോക്സ്. അതീവ ശ്രദ്ധയോടെയും കരുതലോടെയും വേണം ചിക്കന്പോക്സിനെ പ്രതിരോധിക്കാന്. ശരീരത്തില് കുമിളകളായാണ് ചിക്കന്പോക്സ് വരുന്നത്. ആദ്യം ചെറിയ കുരുവായും പിന്നീട് അത് ഒരു തരം ദ്രാവകം നിറഞ്ഞ കുമിളകാളായും മാറുന്നു. പലരിലും ചിക്കന്പോക്സ് വരുന്നത് വ്യത്യസ്ഥമായിട്ടായിരിക്കും. ഇക്കാരണത്താല് തന്നെ ചിക്കന്പോക്സിന് പൊതുവായ ഒരു സ്വഭാവം പറയാന് കഴിയില്ല.
രോഗത്തെ ആദ്യ അവസരങ്ങളില്മനസിലാക്കാന് കഴിയാതെ പോകുന്നത് രോഗത്തിന്റെ തീവ്രത വര്ധിപ്പിക്കുന്നു. ശരീരത്തില് അസാധാരണമായി ചെറിയ കുരുക്കള് പൊന്തുകയും അതിനൊപ്പം ശരീരതാപനിലയില് വ്യത്യാസമുണ്ടാകുകയും ചെയ്താല് എത്രയും പെട്ടെന്ന്ചികിത്സ തുടങ്ങുകയാണ് വേണ്ടത്. പനിക്കൊപ്പം ഛര്ദ്ദി, തലവേദന, ശരീരവേദന, തലകറക്കം, ക്ഷീണം, വിശപ്പില്ലായ്മ, ശരീരത്തില് അസഹനീയ ചൊറിച്ചില് തുടങ്ങിയവയും ചിക്കന് പോക്സിന്റെ മറ്റ് ലക്ഷണങ്ങളാണ്. പത്തു മുതല് 20 ദിവസം വരെയാണ്ചിക്കന്പോക്സ് പിടിപെടുക. വാരിസെല്ലാ സോസ്റ്റര് എന്ന വൈറസാണ് ചിക്കന്പോക്സിന് കാരണം.
തല ചുറ്റുന്നത് ശരീരത്തിന് സംഭവിയ്ക്കുന്ന ഒരു അവസ്ഥയാണ്. ഇത്ചിലപ്പോള് രോഗലക്ഷണമാകം. അല്ലെങ്കില് മറ്റു പല കാരണങ്ങളാലും തലചുറ്റല് അനുഭവപ്പെടാം. തല ചുറ്റാന് കാരണമാകുന്ന ചില കാര്യങ്ങളെ ക്കുറിച്ചറിഞ്ഞിരിയ്ക്കൂ,
വെള്ളത്തിന്റെ കുറവ്
ശാരീരിക പ്രവര്ത്തനങ്ങള് കൃത്യമായി നടക്കാന് ശരീരത്തിന് വെള്ളം ആവശ്യമാണ്. വെള്ളത്തിന്റെ കുറവ് ശരീരത്തിലെ രക്തപ്രവാഹത്തെ ബാധിയ്ക്കും. ഇത് തലചുറ്റലിന് ഇടയാക്കും.
അനീമിയ
അനീമിയ കാരണവും പലര്ക്കും തലചുറ്റലുണ്ടാകാറുണ്ട്. ശരീരത്തിലെ അയേണ് തോത് കുറയുന്നതാണ് ഇതിന് കാരണം.
മരുന്നുകള്
ചിലതരം മരുന്നുകള് കഴിയ്ക്കുമ്പോഴും തലചുറ്റലുണ്ടാകും. ശരീരത്തിനു ചേരാത്ത ഘടകങ്ങള് മരുന്നിലുണ്ടാകുന്നതാണ് കാരണം.
ചെവി
ചെവിയിലുണ്ടാകുന്ന ചില പ്രശ്നങ്ങളും തലചുറ്റലുണ്ടാക്കും. ചെവിയിലെ ഫല്യിഡ് കുറയുക, അണുബാധ തുടങ്ങിയവയെല്ലാം ഇതിന് കാരണമാകാറുണ്ട്.
സ്ട്രോക്ക്
സ്ട്രോക്ക് ലക്ഷണം കൂടിയാണ് തലചുറ്റല്. തലചുറ്റുന്നതിനൊപ്പം ഒരു വശത്തു തളര്ച്ച, ചുണ്ടു കോടിപ്പോവുക തുടങ്ങിയവ ലക്ഷണങ്ങളാണ്.
ഹൈപ്പര് ടെന്ഷന്
ഹൈപ്പര് ടെന്ഷന് തലചുറ്റലുണ്ടാക്കുന്ന മറ്റൊരു അവസ്ഥയാണ്. വിയര്ക്കുക, ക്ഷീണം തോന്നുക തുടങ്ങിയവും ലക്ഷണങ്ങളാണ്.
അമിതമായ വ്യായാമം
അമിതമായ വ്യായാമം തലചുറ്റലിന് ഇടയാക്കുന്ന മറ്റൊരു അവസ്ഥയാണ്. ശരീരത്തിന് താങ്ങാനാവുന്നതില് കൂടുതല് മര്ദം അനുഭവപ്പെടുന്നതാണ് കാരണം.
ഇന്ന് മിക്കവരിലും കാണുന്ന പ്രശ്നമാണ് മൂത്രാശയ അണുബാധ. മൂത്രാശയ അണുബാധയ്ക്ക് പ്രധാന കാരണം ഇ-കോളി ബാക്ടീരിയയാണ്. മലദ്വാരത്തിലും മലാശയത്തിലുമാണ് ഈ ബാക്ടീരിയ സാധാരണ കാണപ്പെടുന്നത്. പുരുഷന്മാരെ അപേക്ഷിച്ച് സ്ത്രീകളിലാണ് മൂത്രാശയ അണുബാധ കൂടുതലായി കാണപ്പെടുന്നത്.മലദ്വാരത്തില് നിന്നുള്ള ബാക്ടീരിയകള് മൂത്രനാളിയിലേക്ക് കടക്കാന് വളരെ എളുപ്പമാണ്.
കൃത്യമായി മൂത്രം ഒഴിക്കാതിരിക്കുന്നതും ശരിയായ ശുചിത്വം പാലിക്കാത്തതുമാണ് സ്ത്രീകളില് മൂത്രാശയ അണുബാധയ്ക്ക് കാരണമാകുന്നത്. മൂത്രനാളിയിലോ മൂത്രസഞ്ചിയിലോ അണുബാധ ഉണ്ടാകാം. അണുബാധ ഉള്ളിലേക്ക് വ്യാപിക്കുന്നതോടെ വൃക്കകളെ ബാധിക്കുന്ന പൈലോനെഫ്രൈറ്റിസ് എന്ന ഗുരുതര അവസ്ഥയ്ക്ക് കാരണമാകുന്നു.
ലക്ഷണങ്ങള്.......
മുകളില്പറഞ്ഞ ലക്ഷണങ്ങള് കണ്ടാല് മൂത്ര പരിശോധന നടത്തണം. മൂത്രം കള്ച്ചര്ചെയ്തു കൃത്യമായ രോഗനിര്ണയം നടത്താവുന്നതാണ്. ഏതു തരം അണുക്കളാണ് വളരുന്നതെന്ന് കൃത്യമായി മനസിലാക്കുന്നതിനു വേണ്ടിയാണിത്. അണുബാധ കണ്ടെത്തിയാല് ഉടന് ചികിത്സ ആരംഭിക്കണം. ആന്റിബയോട്ടിക് മരുന്നുകള് കഴിക്കുന്നതിലൂടെ അണുബാധ ഭേദമാക്കാം. കൃത്യമായ കാലയളവില് ഡോക്ടര് പറയുന്ന സമയം വരെ ആന്റിബയോട്ടിക്സ് കഴിക്കാന് പ്രത്യേകം ശ്രദ്ധിക്കണം. സ്വയം ചികിത്സയ്ക്ക് മുതിരരുത്.
ശ്രദ്ധിക്കേണ്ട ചില കാര്യങ്ങള്...
പെണ്ണഴക് കൂടുതല് ദൃശ്യമാക്കുന്നതില് മൂക്കുത്തിക്ക് വലിയ പങ്കുണ്ട്. നമ്മുടെ പരമ്പരാഗതമായ ഒരു രീതിയായിരുന്നു മൂക്ക് കുത്തുക എന്നത് എങ്കില് ഇപ്പോള് അത് കടലുകള് താണ്ടി വലിയ തരംഗമായി മാറിക്കഴിഞ്ഞിരിക്കുന്നു.
എന്നാല് മൂക്കുത്തി അണിയുന്നതിനെ അത്ര നിസാരമായി കാണരുത്. മൂക്കുത്തി അണിയുന്നവര്ക്ക് അണുബധ വരാനുള്ള സാധ്യത വളരെ കൂടുതലാണ് ഇതില് നിന്നും രക്ഷനേടാന് പ്രത്യേകം ശ്രദ്ധിക്കുക തന്നെ വേണം. മുഖം വൃത്തിയാക്കുമ്പോഴും സ്ക്രബ് ചെയ്യുമ്പോഴും നമ്മള് മൂക്ക് കുത്തിയ ഭാഗത്തെ ഒഴിവാക്കറുണ്ട്. എന്നാല് ഇത് പാടില്ല ഈ ഭാഗം കൃത്യമായി വൃത്തിയാക്കിയിരിക്കണം.
മുക്ക് കുത്തിയതിന് ശേഷമുള്ള കുറച്ചുദിവസങ്ങളാണ് വളരെയധികം ശ്രദ്ധികേണ്ടത്. ഈ സമയത്ത് മുക്കില് നീരുവക്കാനും പഴുപ്പ്വരാനുമെല്ലാം സാധ്യത കൂടുതലാണ്. ഈ ഭാഗത്ത് മൃതകോഷങ്ങള് അടിഞ്ഞു കൂടുന്നത് ഒഴിവാക്കണം. മൂക്കില് അലര്ജികള് ഉണ്ടെങ്കില് അത് ചികിത്സിച്ചതിന് ശേഷം മാത്രമേ മൂക്ക് കുത്താവു. മൂക്കുത്തി ധരിക്കുമ്പോഴും ശ്രദ്ധ വേണം. ഭാരം നന്നേ കുറവായതും നേരിയതുമായ മൂക്കുത്തികളാണ് ഉത്തമം.
പഴവര്ഗ്ഗങ്ങളില് എല്ലാവരും ഇഷ്ടപ്പെടുന്ന ഒന്നാണ് മള്ബറി. മറ്റ്പഴങ്ങളേ പോലെ ഏറെ ആരോഗ്യകരമായ ഗുണങ്ങള് മള്ബറിക്കും ഉണ്ട്. പല ആരോഗ്യ പ്രശ്നങ്ങള്ക്കും ഉള്ള പരിഹാരം ഈ കുഞ്ഞനില് ഉണ്ട്.
88 ശതമാനം വെള്ളമടങ്ങിയ ഇതിലെ കലോറിയുടെ മൂല്യം വെറും 60 ശതമാനം മാത്രമാണ്. അതിനാല് ഇതില് കൊഴുപ്പ് തീരെ ഇല്ല എന്ന് തന്നെ പറയാം.
ചീത്ത കൊളസ്ട്രോള് കുറയ്ക്കാന് മള്ബറി കഴിച്ചാല് മതിയെന്ന് ഡോക്ടര്മാര് പോലും വിലയിരുത്തുന്നു. എല്ഡിഎല് കൊളസ്ട്രോള് കുറയ്ക്കുകയും ഇതുവഴി ഹൃദയാരോഗ്യത്തെ സംരക്ഷിക്കുന്നതിനും മള്ബറിനല്ലതാണ്.
കാര്ബോഹൈഡ്രേറ്റ്, പ്രോട്ടീന്, ഫൈബര്, ഫാറ്റ് എന്നിവയും ഈ കുഞ്ഞ് പഴത്തില് അടങ്ങിയിട്ടുണ്ട്. ദഹനം എളുപ്പമാക്കാനും ഈ പഴം കഴിക്കുന്നതിലൂടെ കഴിയും.പ്രമേഹം, ക്യാന്സര്, മലബന്ധം, ഗ്യാസ്, അസിഡിറ്റി പ്രശ്നങ്ങള്ക്കും ഇവ സഹായകമാണ്.
തല പൊട്ടിത്തെറിക്കുന്ന വേദനയുമായെത്തുന്ന മൈഗ്രേന് ഒരു വില്ലന് തന്നെയാണ്. മരുന്ന് കഴിച്ചാല് പോലും ഇതിന് ശമനം ഉണ്ടാകാത്ത സാഹചര്യവുംഉണ്ട്. അതുകൊണ്ടുതന്നെ ഈ വില്ലനെ അകറ്റാന് നമ്മള് ജീവിത ശൈലിയില് ചിലമാറ്റങ്ങള് വരുത്തേണ്ടത് അനിവാര്യമാണ്.
മൈഗ്രേന് വരുന്നതിന് മുമ്പുതന്നെ തടയാനുള്ള ചില വഴികളുണ്ട്. മൈഗ്രേന് പ്രശ്നമാകുന്നത് പ്രധാനമായും ആഹാരത്തിലൂടെയാണ്. ചില ആഹാരം കഴിക്കുമ്പോള് അത് പ്രശ്നമാകുമെന്ന്പഠനങ്ങള് സൂചിപ്പിക്കുന്നു. ചോക്ലേറ്റ്, റെഡ് വൈന്, ചീസ്, പ്രോസസ് ചെയ്ത മാംസം എന്നിവ ഒഴിവാക്കേണ്ടത് അത്യാവശ്യമാണ്. തലവേദന വരുന്നുണ്ടോ എന്ന്ശ്രദ്ധിക്കുക.
മാനസികസമ്മര്ദം ഉണ്ടാക്കുന്ന സാഹചര്യങ്ങള് കഴിവതും ഒഴിവാക്കാന് ശ്രമിക്കുക. കൂടാതെ നന്നായി ഉറങ്ങുക. മനസ്സ്എപ്പോ ഴും ഫ്രീ ആയി വിടുക. ശരീരത്തില് വെള്ളത്തിന്റെ അളവ് കുറയുന്നതും മൈഗ്രേന് ഉണ്ടാക്കാനിടയാക്കും. അതുകൊണ്ട് ദിവസവും ആറ് അല്ലെങ്കില് എട്ട്ഗ്ലാസ് വെള്ളമെങ്കിലും കുടിക്കാന് ശ്രമിക്കുക.
മൃഗങ്ങളില് നിന്നു മനുഷ്യരിലേക്കു പടരുന്ന മാരകമായ വൈറസ് രോഗമാണ് കോംഗോ ഫീവര്. ക്രൈമീന് - കോംഗോ ഹിമറാജിക് ഫീവര് എന്നാണ് കോഗോ ഫീവറിന്റെ മുഴുവന് പേര്. വളര്ത്തുമൃഗങ്ങളിലും വന്യമൃഗങ്ങളിലും കാണുന്ന ഒരുതരം ചെള്ളാണ് രോഗം പരത്തുന്നത്.
ചെള്ള് കടിച്ചു കഴിഞ്ഞാല് മൂന്നുദിവസം കൊണ്ട് പനിയുടെ ലക്ഷണം കണ്ടുതുടങ്ങും. എന്നാല് രോഗം വായുവിലൂടെ പകരില്ലെന്നും കണ്ടെത്തിയിട്ടുണ്ട്. അതിനാല് വ്യാപകമായി പടരാന് സാധ്യത കുറവാണ് എന്നാണ് കണക്കുകൂട്ടല്. മൃഗങ്ങളുടെ സാമീപ്യമാണ് മനുഷ്യരിലേക്ക് രോഗം പടരുന്നതിന്റെ മുഖ്യ കാരണം.
കോംഗോഫീവറിന്റെ പ്രധാന ലക്ഷണം പനിയാണ്. കൂടാതെ തലവേദന ശക്തമായ ശരീരവേദന, കഴുത്തുവേദന, പുറംവേദന, ഛര്ദി ഇവയെല്ലാം രോഗ ലക്ഷണങ്ങളാണ്. രോഗം ഗുരുതരമായാല് രണ്ടാം ആഴ്ച മുതല് മൂത്രത്തില് രക്താംശം, മൂക്കില് നിന്ന് രക്തം വരിക, ഛര്ദില് തുടങ്ങിയവ കണ്ടുതുടങ്ങും. ക്രമേണ കരളിനെയും വൃക്കകളെയും രോഗം ബാധിക്കും. ഇത് മരണത്തിലേക്ക് വരെയെത്താം.
കന്നുകാലികളുമായി നേരിട്ട് സമ്പര്ക്കം പുലര്ത്തുന്നത് ഒഴുവാക്കുന്നതിലൂടെ രോഗം പടരുന്നത് തടയാനാകും. വളര്ത്തുമൃഗങ്ങളുടെ ശരീരത്തുള്ള ചെള്ളിനെ നശിപ്പിക്കുക. അവയുമായി അടുത്ത് ഇടപെട്ടാല് വസ്ത്രങ്ങളിലും മറ്റും ചെള്ള് ഉണ്ടോ എന്നു പരിശോധിക്കുക. അസുഖ ബാധിതരുള്ള പ്രദേശങ്ങളിലെ ആളുകള് കൂടുതല് ശ്രദ്ധ പുലര്ത്താനും ശ്രദ്ധിക്കാണം. ഫലപ്രദമായി ഉപയോഗിക്കാന് സാധ്യമാവുന്ന ഒരു പ്രതിരോധ മരുന്ന് കോംഗോ വൈറസിനെതിരെ കണ്ടെത്തിയിട്ടില്ല എന്നതും ആശങ്ക് ഉണര്ത്തുന്ന ഘടകമാണ്.
വളരെയധികം കരുതലോടെയും ശ്രദ്ധയോടെയും കാണേണ്ട പകര്ച്ചപ്പനിയാണ് കരിമ്പനി. ലീഷ്മാനിയാസിസ് എന്ന രോഗം ആന്തരികാവയവത്തെ ബാധിക്കുമ്പോഴാണ് കരിമ്പനി ഉണ്ടാകുന്നത്. തൊലിപ്പുറത്തെ മുഴകളുംപാടുകളുമായും ഈ രോഗം പ്രത്യക്ഷപ്പെടുന്നു. കൊതുകുകളുടെ മൂന്നിലൊന്ന് വലിപ്പമുള്ള മണലീച്ചകള് അഥവാ സാന്റ് ഫ്ളൈ ആണ് കരിമ്പനി പരത്തുന്നത്. ഈ പ്രാണികള് പൊടിമണ്ണിലാണ് മുട്ടയിട്ട് വിരിയിക്കുന്നത്.
പൊടിമണ്ണ് ധാരാളമായി കാണുന്ന സ്ഥലങ്ങളിലും പൂശാത്ത ചുമരുകളുള്ള വീടുകളിലും ഈജീവികള് ധാരാളമുണ്ട്. മണലീച്ചകളുടെ കടിയേറ്റതിനു ശേഷം മാസങ്ങളോ ആഴ്ച്ചകളോ കഴിഞ്ഞു തൊലിയില് വ്രണങ്ങള് കാണുന്നതാണ് പ്രാഥമിക ലക്ഷണം. കൃത്യമായി ചികിത്സിച്ചില്ലെങ്കില് മരണം വരെ സംഭവിക്കാവുന്ന രോഗമാണിത്. എന്നാല് നേരത്തെ കണ്ടെത്തിയാല് ചികിത്സിച്ചുഭേദമാക്കാനും സാധിക്കും.
രോഗ ലക്ഷണങ്ങള്
വിട്ടുമാറാത്ത പനി
രക്തക്കുറവ്
ക്ഷീണം
ശരീരഭാരം കുറയുക.
തൊലിയില് വ്രണങ്ങള് കാണുക.
ശ്രദ്ധിക്കേണ്ട കാര്യങ്ങള്
സാഹസികയാത്രികര്, പക്ഷി നിരീക്ഷകര്, ഇക്കോ ടൂറിസ്റ്റുകള്, വനഗവേഷകര്, സൈനികര് എന്നിവര്ക്കും ഈ രോഗം പിടിപെടാം. രോഗബാധിതയായ അമ്മയില് നിന്നും ഗര്ഭസ്ഥശിശുവിലേക്കും അണുവിമുക്തമാക്കാത്ത സൂചികള് വഴിയും കരിമ്പനിപകരാന് സാധ്യതയുണ്ട്.
കേരളത്തിന്റെ സ്വന്തം ഭക്ഷണമാണ് പഴങ്കഞ്ഞി. പണ്ടുകാലങ്ങളില് ആളുകള്പ്രഭാത ഭക്ഷണമായി കഴിച്ചുകൊണ്ടിരുന്നതും ഇതുതന്നെയാണ്. എന്നാല് ഇന്നത്തെ ജീവിത ശൈലിയും രീതിയുമെല്ലാം മാറിയതിനൊപ്പം ആ രീതിയും പാടെ അങ്ങ് മാറി.എന്നാല്, ഔഷധ ഗുണമുള്ള പഴങ്കഞ്ഞിയോളം വരുന്ന പ്രഭാത ഭക്ഷണം മറ്റൊന്നില്ല.
അത്താഴം കഴിഞ്ഞു മിച്ചം വരുന്ന ചോറ് ഒരു മണ്കലത്തിലിട്ട് തണുത്ത വെള്ളംഒഴിച്ച് അടച്ചു വയ്ക്കുക. പിറ്റേന്ന് രാവിലെ ചുവന്നുള്ളിയും പച്ചമുളകോ കാന്താരിയോ ചതച്ചിട്ട് തൈരും അല്പം ഉപ്പും ചേര്ത്ത് കഴിക്കുന്നതിന്റെ ടേസ്റ്റ് മറ്റൊരു ഭക്ഷണത്തിനും ഉണ്ടാകില്ല.
പ്രഭാതത്തില് മാത്രമല്ല ഒരു ദിവസത്തേക്കു മുഴുവന് ശരീരത്തിനു വേണ്ട ഉന്മേഷവും കുളിര്മയും നല്കുന്ന ഭക്ഷണമാണിത്. സെലേനിയം ധാരാളം അടങ്ങിയിരിക്കുന്നതിനാല് സന്ധിവാതം,ഹൃദയസംബന്ധമായ അസുഖങ്ങള്, ക്യാന്സര് എന്നിവ ഒരു പരിധിവരെ ഒഴിവാക്കാന് സഹായിക്കും.
പഴങ്കഞ്ഞിയിലാണ്ഏറ്റവും കൂടുതല് വൈറ്റമിന് ബി 6,ബി 12 എന്നിവ ധാരാളം അടങ്ങിയിട്ടുള്ളത്. കുത്തരി കൊണ്ടുള്ള പഴങ്കഞ്ഞിയില് മഗ്നീഷ്യം അടങ്ങിയിരിക്കുന്നതിനാല് എല്ലുകളുടെ ബലം വര്ദ്ധിക്കുന്നു. ആരോഗ്യകരമായ ബാക്ടീരിയയെ ശരീരത്തില് ഉല്പാദിക്കാനും ഇത് കേമനാണ്.
ശരീരത്തിന്റെ വിവിധഭാഗങ്ങളില് കാന്സര് ബാധിക്കാറുണ്ടെങ്കിലും ചെവിയിലെ കാന്സര് വളരെ അപൂര്വ്വമാണ്. മാത്രമല്ല, ചെവിയുടെ പുറം തൊലിയില് വളരുകയും ചെവിയിലെ മൂന്നു ഭാഗങ്ങളിലും ബാധിക്കുന്നതാണ് ഈ കാന്സറിന്റെ പ്രത്യേകത. ഈ മൂന്നുഭാഗങ്ങളില് എവിടെയാണ് കാന്സറിന് കാരണമായ ട്യൂമര് വളരുന്നത്എന്നതിനെ ആശ്രയിച്ചാണ് രോഗത്തിന്റെ ലക്ഷണങ്ങള് കാണപ്പെടുന്നത്. പിങ്ക് നിറത്തിലുള്ള ഒരുതരം ശ്രവം ചെവിയില് നിന്ന് പുറത്തുവരുന്നതാണ് കാന്സറിന്റെ പ്രധാന ലക്ഷണങ്ങളിലൊന്ന്. മാത്രമല്ല ചെവിയുടെ മധ്യഭാഗത്ത് ബാധിക്കുന്ന കാന്സറിന്റെ മറ്റൊരു ലക്ഷണം കടുത്ത ചെവി വേദനയും ചെവിയില്നിന്നുണ്ടാകുന്ന രക്തം പുറത്തേക്ക് വരുന്നതുമാണ്. ചെവിക്കുള്ളില് എപ്പോഴും ഉണ്ടാകുന്ന മുഴക്കം, തലകറക്കം, കടുത്ത തലവേദന എന്നിവ ചെവി കാന്സറിനുള്ള ലക്ഷണങ്ങളാണ്.
കാന്സര് രോഗ നിര്ണയം സ്ഥിരീകരിക്കാനുള്ള ഒരേയൊരു മാര്ഗ്ഗം ചെവിയിലെ വേദനയുള്ള ഭാഗത്തുള്ള ടിഷ്യുവിനെ ബയോപ്സിക്ക് വിധേയമാക്കുകയെന്നതു മാത്രമാണ് എന്നാണ്ഗവേഷകര് പറയുന്നത്.
നമ്മുടെ നാട്ടില് മിക്കവാറും പേരും നരച്ചു തുടങ്ങിയ മുടിയെകറുപ്പിക്കാനായി ഹെയര് ഡൈ ഉപയോഗിക്കുന്നവരാണ്. പലരും ഹെയര്ഡൈ വാങ്ങി അതില് പറഞ്ഞിരിക്കുന്ന പോലെ തന്നെ തേക്കുകയും ചെയ്യും. എന്നാല് ഡൈചെയ്യുന്നതിന് മുന്പ് അത് ഒന്ന് കൈയിലോ,മറ്റോ പരീക്ഷിക്കുന്നത് നല്ലതായിരിക്കും.
ചിലര്ക്ക് അത് കൂടിയ തരത്തില് അലര്ജി ഉണ്ടാക്കും. ചിലപ്പോള് മരണത്തിന് വരെ കാരണമാകുകയും ചെയും. വിപണിയില് ലഭിക്കുന്ന വില കുറഞ്ഞ ഉല്പന്നങ്ങള് ഉപയോഗിക്കുന്നവര്ക്കാണ് പലപ്പോഴും ഇത്തരത്തില് അപകടങ്ങള് ഉണ്ടാകുന്നത്.
ഉപയോഗിക്കുന്നതിന് മുന്പ് ഒരു പാച്ച് ടെസ്റ്റ്നടത്തുന്നത് നല്ലതാണ്. ഡൈനേരിട്ടു തലയില് തേച്ചു പിടിപ്പിക്കുന്നവര്ക്ക് ഗുരുതരമായ രോഗങ്ങള് ഉണ്ടാകും. ഡൈയുടെ അമിത ഉപയോഗം മുടി കൊഴിയുന്നതിന് കാരണമാകും. ഡൈ അപകടകാരിയാണെങ്കില് ചെവിയുടെ പുറകുവശം വീര്ത്തു വരികയും കണ്ണുകള് പശവച്ചപോലെ ഒട്ടിയിരിക്കുകയും മുഖവും ശരീരവുമാകെ തിണര്ക്കുകയും ചുവക്കുകയും ചെയും
കൈകളില് കഴപ്പും പെട്ടെന്നു തരിപ്പും ചുളുചുളെ സൂചി കുത്തുന്ന വേദനയുമെല്ലാം പലപ്പോഴും പലര്ക്കും അനുഭവപ്പെടാറുണ്ട്. എന്നാല് ഇതൊന്നും അത്ര കാര്യമായിഎടുക്കാത്തവരാണ് പലരും. നിസാരമാക്കി തള്ളിക്കളയുന്നവര്. കയ്യൊന്നു കുടഞ്ഞും അമര്ത്തിപ്പിടിച്ചുമെല്ലാം ഇതിനു പരിഹാരം കണ്ടെത്തി അടുത്ത പണിയിലേയ്ക്കു തിരിയുന്നവര്.
എന്നാല് കയ്യിലെ ഇത്തരം വേദനയും തരിപ്പും കഴപ്പുമൊന്നും നിസാരമാക്കിതളളിക്കളയേണ്ടതില്ല. ഇത് ഒരു രോഗം തന്നെയാണ്. വേണ്ട ചികിത്സയെടുത്തില്ലെങ്കില് ഗുരുതരമായി മാറാവുന്ന ഒരു രോഗം. കാര്പല് ടണല് സിന്ഡ്രോം എന്നാണ് ഈ പ്രത്യേക രോഗം അറിയപ്പെടുന്നത്. 30 മുതല് 60 വയസു വരെ പ്രായമുളളവരിലാണ് ഇത് ഏറ്റവും കൂടുതല് കാണപ്പെടുന്നത്.പ്രധാനമായും സ്ത്രീകളിലാണ് ഇതു കൂടുതലായി കണ്ടു വരുന്നത്.
കൈനീളത്തില് പോകുന്ന കയ്യിന്റെ മീഡിയന് നെര്വില് അഥവാ നാഡിയില് ഉണ്ടാകുന്ന മര്ദ്ദമാണ് ഇതിനു കാരണമാകുന്നത്. കൈ തിരിച്ചും മറിച്ചും കയ്യിനു കൂടുതല് മര്ദം നല്കിയും ജോലി ചെയ്യുന്നവരിലാണ് ഇതു പ്രത്യേകിച്ചും കണ്ടുവരുന്നത്. നിര്മാണ മേഖലയിലെ ആളുകള്, തടിപ്പണി ചെയ്യുന്നവര്, കമ്പ്യൂട്ടറുമായി ബന്ധപ്പെട്ട ജോലികള് ചെയ്യുന്നവര് എന്നിവരില് ഇതുകൂടുതലായി കണ്ടു വരുന്നു.
പ്രമേഹ രോഗബാധിതര്ക്ക് ഇതുണ്ടാകാറുണ്ട്. പ്രമേഹം നാഡികളെ ബാധിയ്ക്കുന്നതാണ് ഇതിനുള്ള കാരണം. ഇതുപോലെ സന്ധിവാതം. അമിത വണ്ണം, ഹൈപ്പോതൈറോയ്ഡ് തുടങ്ങിയവയും ഇതിനുള്ള കാരണങ്ങളാണ്. സ്ഥിരം മദ്യപിയ്ക്കുന്നത് ഇതിനുള്ള കാരണമാണ്. ഇത്തരം സ്ഥിതി തുടക്കത്തിലേ ചികിത്സിച്ചില്ലെങ്കില് പിന്നീട് കാര്പെല് സിന്ഡ്രോമായി മാറാന് സാധ്യതയുണ്ട്.
തുടക്കത്തില് പച്ചക്കറികള് അരിയുമ്പോഴോ വീട്ടു പണികള് ചെയ്യുമ്പോഴോ ഒക്കെയാണ് ഈതരിപ്പ് അനുഭവപ്പെടുക. ഇത്തരക്കാര്ക്ക് കൈ ഉയര്ത്തിപ്പിടിച്ചുനില്ക്കാന് സാധിയ്ക്കാതെ വരും. പ്രത്യേകിച്ചും കൂടുതല് സമയത്ത്. രാത്രിസമയത്താണ് ഇത് വേദനയോടു കൂടിയ അസ്വസ്ഥതയായി കൂടി വരാറ്.
കൈ ഉപയോഗിച്ചുള്ള പ്രത്യേക ജോലികള് കൊണ്ട് ടണലിന്റെ വിസ്താരം കുറയുന്നതാണ് ഇതിനുള്ള പ്രധാനപ്പെട്ട ഒരു കാരണം. തുടക്കത്തില് കണ്ടെത്തിയാല് വ്യായാമങ്ങളിലൂടെയും മറ്റും ഇതിനു പരിഹാരം കണ്ടെത്തുവാന് സാധിയ്ക്കും. എന്നാല് അല്പം കൂടി കഴിഞ്ഞാല് സര്ജറിയിലൂടെ ഇതിനു പരിഹാരം കണ്ടെത്താം. എന്നാല് ഇത്തരം പ്രശ്നം അവഗണിച്ചാല് പിന്നീട് കൈകളിലെ മസിലുകള് പൂര്ണമായും നശിച്ചു പോകും. കൈ കൊണ്ട് ഒരു ചെറിയ വടി പോലും എടുക്കാന് ആകാത്ത അവസ്ഥ വരികയും ചെയ്യും.
ഇൗരോഗത്തിന് സാധ്യതയുള്ള ജോലിയില് ഏര്പ്പെടുന്നവര് അടുപ്പിച്ച് ജോലിചെയ്യാതെ ഇടയ്ക്കിടെ കയ്യിനു വിശ്രമം നല്കിയും ആ സമയങ്ങളില് കൈപ്പത്തിചുരുക്കിയും നിവര്ത്തിയുമെല്ലാം വ്യായാമം ചെയ്തും ജോലി തുടരുക. തുടര്ച്ചയായി ഇതു ചെയ്തു കൊണ്ടിരുന്നാല് പ്രശ്നം കൂടുതല് ഗുരുതരമാകും.
ഒമേഗ 3 ഫാറ്റി ആസിഡുകള്, വൈറ്റമിന് ബി തുടങ്ങിയവ കഴിയ്ക്കുന്നത് ഇത്തരം പ്രശ്നങ്ങള്ക്കുള്ള പരിഹാരമാണ്. കയ്യില് ഗ്ലൗസുകളും മറ്റും ധരിച്ചു ചൂടുകൊടുക്കുന്നതും ഇതിനുള്ള നല്ലൊരു പ്രതിവിധിയാണ്. കൈകള് നീട്ടുന്നതും വളയ്ക്കാതെ പിടിയ്ക്കുന്നതുമെല്ലാം നല്ലതാണ്.
കൈകളിലെ തരിപ്പും കഴപ്പും പിന്നെ ചുളുചുളെയുള്ള വേദനയുമെല്ലാം നിസാരമാക്കി അവഗണിച്ചാല് ഈ പ്രശ്നം ഗുരുതരമായി സര്ജറിയിലേയ്ക്കോ അല്ലെങ്കില് കയ്യുശോഷിയ്ക്കുക, കയ്യിനു ശേഷിക്കുറവ് തുടങ്ങിയ പ്രശ്നങ്ങളിലേയ്ക്കോ എത്താന് സാധ്യത ഏറെയാണെന്നോര്ക്കുക
നിങ്ങളുടെ ചര്മ്മത്തിന് വളരെയേറെ കരുതല് ആവശ്യമുള്ള സമയമാണ് മഞ്ഞുകാലം. ചര്മ്മ സൗന്ദര്യം കാത്തു സൂക്ഷിക്കുവാനും ചര്മ്മ രോഗങ്ങള്വരുന്നത് തടയുവാനും പ്രത്യേക ശ്രദ്ധ ആവശ്യമാണ്. ചില ചര്മ്മ രോഗങ്ങള് തണുപ്പുകാലത്ത് കൂടുതല് രൂഷമാവുന്നു. ഇതിന് കാരണം അന്തരീക്ഷത്തിലെ ഈര്പ്പം കുറയുന്നതാണ്.
കുട്ടികളില് തണുപ്പുകാലത്ത് ഏറ്റവുമധികം ശ്രദ്ധ ലഭിക്കേണ്ട രോഗമാണ് കരപ്പന് (Atopic Dermatitis). കരപ്പനുള്ള കുട്ടികളുടെ ചര്മ്മം സ്വാഭാവികമായും വരണ്ടതാണ്. തണുപ്പുകാലത്ത് ഇത് കൂടുതല് രൂക്ഷമാകുന്നു. ചര്മ്മം ചൊറിഞ്ഞു തടിക്കുവാനും കാരണമാകുന്നു. കരപ്പനുള്ള കുട്ടികള് സോപ്പിന്റെ ഉപയോഗം പൂര്ണ്ണമായും ഒഴിവാക്കേണ്ടതാണ്.സോപ്പിനു പകരമായി ചര്മ്മത്തിന് വരള്ച്ച ഉണ്ടാക്കാത്ത ക്ലെന്സസുകള് ഉപയോഗിക്കാവുന്നതാണ്. മാത്രമല്ല കുളിക്കുന്നതിന് മുന്പ്എണ്ണ ശരീരത്തില് പുരട്ടുന്നത് ചര്മ്മം കൂടുതല് വരളാന് കാരണമാകും. ഇതിന് പകരമായി കുളിക്കുന്ന വെള്ളത്തില് ചേര്ക്കാനുള്ള ബാത്ത് ഓയില് ലഭ്യമാണ്. കുട്ടികളെ ഇളം ചൂടുവെള്ളത്തില് കുളിപ്പിച്ച് ഉടനെ തന്നെ മോയിസ്ചൈറസര് ഉപയോഗിക്കേണ്ടതാണ്. കൊച്ചുകുട്ടികളില് ഇത് ഒരു ദിവസം രണ്ടോ മൂന്നോ തവണയോ ചെയ്യാവുന്നതാണ്. തണുപ്പുകാലത്ത് രൂക്ഷമാകുന്ന മറ്റു ചില ചര്മ്മരോഗങ്ങളാണ് താരന്, പലതരം അലര്ജികള്, ഫോര്ഫൂട്ട് എക്സീമ (forefoot eczema), നമൂലാര് എക്സീമ (nummular eczema), പാദം വിണ്ടുകീറല് എന്നിവ.
സോപ്പിന്റെ ഉപയോഗം പരമാവധി കുറയ്ക്കുക. ചര്മ്മരോഗമുള്ളവര് സോപ്പ് പൂര്ണ്ണമായും ഒഴിവാക്കുകയാണ് നല്ലത്. സോപ്പിന് പകരം സിന്തെറ്റ്സ് (syndet) അല്ലെങ്കില് ക്ലെന്സേഴ്സ് (cleanser) ഡോക്ടറുടെ നിര്ദ്ദേശപ്രകാരം ഉപയോഗിക്കാവുന്നതാണ്.
കുളിക്കുന്നതിന് മുന്പ് ശരീരത്തില് എണ്ണ പുരട്ടാതിരിക്കുക. ഇത് ചര്മ്മം കൂടുതല് വരളാന് കാരണമാകും. ചെറുചൂട് വെള്ളത്തില് കുളിച്ചതിനു ശേഷം ഉടന് തന്നെ മോയ്സ്ചൈറസര് ഉപയോഗിക്കുക. ശരീരത്തില് നിന്ന് വെള്ളം വലിഞ്ഞു പോകുന്നതിനു മുന്പ് വേണം ഇത് പുരട്ടാന്. ഇത് ചര്മ്മത്തിന് മൃദുത്വം നിലനിര്ത്താന് സഹായിക്കുന്നു. വരണ്ട ചര്മ്മമുള്ളവര് ദിവസം രണ്ടോ മൂന്നോ തവണ മോയ്ശ്ച്വറൈസര് പുരട്ടേണ്ടതാണ്. എണ്ണമയമുള്ള ചര്മ്മക്കാര്ക്ക് തണുപ്പുകാലത്ത് ഓയില് ഫ്രീ മോയ്സചൈറസര് ഉപയോഗിക്കാവുന്നതാണ്.
രക്തത്തില് യൂറിക് ആസിഡ് ഉയരുന്നത് പലരേയും അലട്ടുന്ന ആരോഗ്യപ്രശ്നമാണ്. ശരീരകോശങ്ങളില് ഉല്പാദിപ്പിക്കപ്പെടുന്നതോ, ഭക്ഷണത്തിലൂടെ ശരീരത്തിലെത്തുന്നതോ ആയ പ്യൂരിനുകള് എന്ന നൈട്രജന് സംയുക്തങ്ങള് വിഘടിച്ചാണ് ശരീരത്തില് യൂറിക് ആസിഡ് ഉണ്ടാകുന്നത്. ജീവിത ശൈലികള് കാരണവും ഭക്ഷണ രീതികള് കാരണവും ഇന്നത്തെ കാലത്ത് യുവാക്കളില് പോലും ഈ പ്രശ്നം കണ്ടു വരുന്നുണ്ട്.
പൊണ്ണത്തടി, ജനിതക തകരാറ്, വൃക്കയുടെ തകരാറ്, മദ്യപാനം, പ്യൂരിനടങ്ങിയ ഭക്ഷണത്തിന്റെ അമിത ഉപയോഗം, പ്രമേഹം എന്നിവയും യൂറിക് ആസിഡിന്റെ അളവ് വര്ദ്ധിക്കുവാന് കാരണമാകാം.
രക്തത്തില് യൂറിക് ആസിഡ് അടിഞ്ഞു കൂടുന്നത് ഹൈപ്പര് യൂറിസെമിയ എന്നാണ് അറിയപ്പെടുന്നത്.യൂറിക് ആസിഡ് കൂടുമ്പോള് ഇത് ക്രിസ്റ്റലുകളായി മാറി സന്ധികളിലും മറ്റും അടിഞ്ഞു കൂടി നീരും വേദനയുമെല്ലാം ഉണ്ടാക്കുന്നു. ഗൗട്ട് എന്നാണ് പൊതുവേ ഇതറിയപ്പെടുന്നത്. കൈകാല് കാല് മുട്ടുകളിലും കണങ്കാലിലുമെല്ലാം നീരു വരുന്ന അവസ്ഥ ഇതു കൊണ്ടുണ്ടാകുന്നു. ഒരു സമയം ഒരു സന്ധിയിലേ സാധാരണയായി ഈ അവസ്ഥ ഉണ്ടാകും. രണ്ടു സന്ധികളില് ഒരേ സമയം നീരുവരുന്നത് അപൂര്വമാണ്
യൂറിക് ആസിഡ് നിയന്ത്രിച്ചു നിര്ത്തുന്നത്വാതം, സന്ധിവേദന പോലുള്ള രോഗങ്ങളെ അകറ്റി നിര്ത്താന് ഏറെഅത്യാവശ്യവുമാണ്. യൂറിക് ആസിഡ് അളവു കൂടുന്നത് വാത സംബന്ധമായ പ്രശ്നങ്ങള്മാത്രമല്ല, കരള് രോഗം, ക്യാന്സര് തുടങ്ങിയ പ്രശ്നങ്ങള്ക്കുംഇടയാക്കും. ഇതിനായി പല വീട്ടുവൈദ്യങ്ങളുമുണ്ട്. ഇതെക്കുറിച്ചറിയൂ.
പച്ചപ്പപ്പായ
ശരീരത്തിലെ യൂറിക് ആസിഡ് ഒഴിവാക്കാനും ഗൗട്ട് പോലെയുള്ള പ്രശ്നങ്ങള്ക്കും നല്ലൊരു പരിഹാരമാണ് പപ്പായ. പ്രത്യേകിച്ചും പച്ചപ്പപ്പായ. ഇതിലെ പാപെയ്ന് എന്ന ഘടകമാണ് ഇതിനു സഹായിക്കുന്നത്. പച്ചപ്പപ്പായ തൊലി കളഞ്ഞ് കഷ്ണങ്ങളാക്കി വെള്ളത്തിലിട്ടു തിളപ്പിയ്ക്കുക. ഈ വെള്ളം കുടിയ്ക്കുന്നത് ഗൗട്ട് ഒഴിവാക്കാനും രക്തത്തിലെ യൂറിക് ആസിഡ് ഒഴിവാക്കാനും സഹായിക്കുന്നു.
ചെറുനാരങ്ങാനീരും തേനും
വെറും വയറ്റില് വെള്ളത്തില് ചെറുനാരങ്ങാനീരും തേനും ചേര്ത്തു കുടിയ്ക്കുന്നതും ശരീരത്തിലെ യൂറിക്ആസിഡ് നിയന്ത്രിയ്ക്കാന് സഹായിക്കുന്ന ഒന്നാണ്. വൈറ്റമിന് സി പൊതുവേയൂറിക് ആസിഡ് നിയന്ത്രിയ്ക്കാന് ഏറെ നല്ലതാണ്. വൈറ്റമിന് സി അടങ്ങിയ ഭക്ഷണങ്ങള് കഴിയ്ക്കുന്നതും ഏറെ ഗുണം നല്കും.
ഇഞ്ചി
10-15 ഗ്രാം പച്ചമഞ്ഞള്, ഇത്ര തന്നെ പച്ച ഇഞ്ചി, ഇത്രതന്നെ കറുവാപ്പട്ട, ഒരു ടീസ്പൂണ് കുരുമുളക് എന്നിവ നന്നായി പൊടിച്ചോ ചതച്ചോ എടുക്കുക. ഇത് നാലു ഗ്ലാസ് വെള്ളത്തില് തിളപ്പിച്ച് 1 ഗ്ലാസ്ആക്കി വറ്റിച്ചെടുത്ത് അര ഗ്ലാസ് വീതം രാവിലെയും വൈകീട്ടും കുടിയ്ക്കാം. ഇത് യൂറിക് ആസിഡ് നീക്കാനുളള, ഇതു കാരണമുള്ള അസ്വസ്ഥതകളും വേദനയും നീക്കാനുള്ള നല്ലൊരു വഴിയാണ്.
വെള്ളം
ശരീരത്തിന്റെ പ്രവര്ത്തനങ്ങള്ക്കുണ്ടാവുന്ന എല്ലാ തകരാറുകള്ക്കും വെള്ളം ഒരു പരിഹാരമാണ്. ശരീരത്തിലെ യൂറിക് ആസിഡിന്റെ അളവ് നിയന്ത്രിക്കുന്നതിന് ദിവസം 2-3 ലിറ്റര് വെള്ളം കുടിക്കുക. ധാരാളം വെള്ളം കുടിക്കുമ്പോള് യൂറിക് ആസിഡ് വൃക്കയില് നിന്നും മൂത്രമായി പുറത്തു പോകും. അതേ സമയം കോള പോലെയുളള ഒഴിവാക്കണം.
ക്യാബേജ്
നെയ്യുളള മീനുകള്, ഒലീവ് ഓയില്, എക്സ്ട്രാ വിര്ജിന്വെളിച്ചെണ്ണ, ഇഞ്ചി, തക്കാളി, ചുവന്ന ക്യാബേജ്, റാഗി, തവിടുളള അരി എന്നിവയെല്ലാം യൂറിക് ഒഴിവാക്കാന് നല്ലതാണ്. തവിട് അടങ്ങിയ ധാന്യങ്ങള് ഇതിനുള്ള നല്ലൊരു പരിഹാരമാണ്.
ബ്രെഡ്, കേക്ക്
പ്യൂരിന് എന്ന പദാര്ത്ഥം വിഘടിച്ചാണ് യൂറിക് ആസിഡുണ്ടാകുന്നത്. ഇത് യീസ്റ്റ് അടങ്ങിയ ബ്രെഡ്, കേക്ക് എന്നിവയിലും മൈദയിലുമെല്ലാം ധാരാളമുണ്ട്. ഇവയെല്ലാം കുറയ്ക്കുന്നതോ ഒഴിവാക്കുന്നതോ ഗുണം ചെയ്യും.
ആപ്പിള് സിഡെര് വിനെഗര്
ആപ്പിള് സിഡെര് വിനെഗര് ഇതിനുള്ള നല്ലൊരു പരിഹാരമാണ്. ഒരു ടീസ്പൂണ് ആപ്പിള് സൈഡര് വിനഗര് ഒരു ഗ്ലാസ് വെള്ളത്തില് കലക്കി കുടിക്കാം. ദിവസവും രണ്ട്,മൂന്നു തവണ ഈ പാനീയം കുടിക്കുക. ആപ്പിള് സിഡെര് വിനെഗറില് അടങ്ങിയിട്ടുള്ള മാലിക് ആസിഡാണ് ഈ ഗുണം നല്കുന്നത്. എന്നാല് പാസ്ചറൈസ് ചെയ്യാത്ത വിനെഗറായിരിക്കണം ഉപയോഗിക്കുന്നത്
ഫൈബര്
ബ്രെക്കോളി, ഇലക്കറികള്, കാബേജ്, ഫൈബര് കൂടുതലായി അടങ്ങിയ ഭക്ഷണങ്ങള് എന്നിവ കഴിക്കുന്നത് യൂറിക് ആസിഡിന്റെ അളവ് കുറയ്ക്കാന് സാധിക്കും.വെളുത്തുളളി, ഇഞ്ചി എന്നിവ ഭക്ഷണത്തില് ഉള്പ്പെടുത്തുന്നതും ഏറെ നല്ലതാണ്.
മലയാളികളുടെ തീന്മേശയിലെ ഒഴിച്ചുകൂടാനാവാത്ത ഒരുവിഭവമാണ് മീന് വിഭവങ്ങള് . മലയാളികള്ക്ക് ഒഴിച്ചുകൂടാനാവാത്ത വളരെ രുചികരവും എളുപ്പത്തില് തയാറാക്കാവുന്നതുമാണ് മീന്വിഭവങ്ങള്. മിക്കവര്ക്കും മീന്കറിയില്ലാതെ ചോറ് കഴിക്കാന് തന്നെ വലിയബുധിമുട്ടുതന്നെയാണ് .എന്നാല് ആഴ്ച്ചയില് ഒന്നോ രണ്ടോ തവണ മത്സ്യം കഴിക്കുന്നത് ആരോഗ്യത്തിന് വളരെ നല്ലതാണ്. മീന് ഇഷ്ടമില്ലാത്തവരുമുണ്ട്ധാരാളം എന്നാല് അവര് ഒന്നറിഞ്ഞോളൂ മീന് കഴിച്ചാലുള്ള ഗുണങ്ങള്ഒരുപാടാണ്. മീനില് ധാരാളം പോഷകഗുണങ്ങള് അടങ്ങിയിട്ടുണ്ട്. കൊഴുപ്പ് നിറഞ്ഞ മത്സ്യങ്ങളാണ് ഏറ്റവും ആരോഗ്യപ്രദമായത്. ഒമേഗ 3 ആസിഡിനാല് സമ്പുഷ്ടമായ മത്സ്യം ആഴ്ച്ചയില് രണ്ടുതവണയെങ്കിലും കഴിക്കുന്നത് ആരോഗ്യത്തിന് വളരെ ഗുണം ചെയ്യും. രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് വളരെ നല്ലതാണ് മീന്. അതിനാല് മീന് കഴിക്കുന്നത് പ്രമേഹ സാധ്യത കുറയ്ക്കും എന്നാണ് പഠനങ്ങള്സൂചിപ്പിക്കുന്നത്.
ആസ്ത്മയ്ക്ക് മീന് വിഴുങ്ങുന്ന ചികിത്സഉണ്ടെന്ന് പലര്ക്കും അറിയാം. എന്നാല് മീന് കഴിക്കുന്നത് ആസ്ത്മ എന്നരോഗം വരാതിരിക്കാന് സഹായിക്കും. ആസ്ത്മയുള്ളവര് ദിവസവും മീന് കഴിക്കാന്ശ്രമിക്കുക. മീനില് കാത്സ്യം ധാരാളം അടങ്ങിയിട്ടുണ്ട്. ഹൃദ്രോഗമുള്ളവര് മീന് ധാരാളം കഴിക്കുക. ദിവസത്തില് ഒരു തവണയോ, അതില് കൂടുതലോ മത്സ്യംകഴിക്കുന്നവര്ക്ക് ഹൃദയസംബന്ധമായ അസുഖങ്ങള് വരാനുള്ള സാധ്യത15 ശതമാനം കുറയും എന്നാണ് പലപഠനങ്ങളും ചൂണ്ടിക്കാണിക്കുന്നത്. അല്ഷിമേഴ്സ് രോഗം പിടിപ്പെട്ടവരുടെ എണ്ണം ദിവസവും കൂടി വരുന്നു. മീന് കഴിക്കുന്നത് മസ്തിഷ്കരോഗ്യത്തിനും വളരെ നല്ലതാണ്. മസ്തിഷ്ക സംബന്ധമായ രോഗങ്ങള് തടയുന്നതില് മത്സ്യത്തിന് വലിയൊരു പങ്കുണ്ട്.
മത്സ്യത്തിലുള്ള ഒമേഗ 3 ആസിഡ് കരളിന്റെ ആരോഗ്യത്തിന് വളരെ നല്ലതാണ്. കൊളംബിയ യൂണിവേഴ്സിറ്റി നടത്തിയ പഠനത്തില് പറയുന്നത് ഒമേഗ 3 ആസിഡ് രക്തത്തിലെ ട്രിഗ്ലൈസെറിഡീസ് (triglycerides) കൊഴുപ്പ് കുറയ്ക്കും. ഇതിലൂടെ ഫാറ്റി ലിവര് അസുഖം തടയാന് സഹായിക്കും. ഇന്ന് ലോകം നേരിടുന്ന മാനസികപ്രശ്നങ്ങളില് പ്രധാനപ്പെട്ട ഒന്നാണ് വിഷാദരോഗം. കൃത്യമായ മരുന്നുകളുടെ ഒപ്പം മത്സ്യം കഴിക്കുന്നത് മരുന്നുകളുടെ പ്രവര്ത്തനത്തെ ഉത്തേജിപ്പിക്കും. പ്രത്യേകിച്ച് സ്ത്രീകളില് പ്രസവശേഷം ഉണ്ടാകുന്ന വിഷാദാവസ്ഥ തടയാന് മത്സ്യം നല്ലതാണ്. ഉറക്കക്കുറവ് തടയുന്നതിന് വളരെ നല്ലതാണ് മീന്. മാത്രമല്ല എല്ലുകളുടെയും പല്ലുകളുടെയും ആരോഗ്യത്തിനും മീന് കഴിക്കുന്നത് ഗുണം ചെയ്യും. മീനില് ഏറ്റവും കൂടുതല് അടങ്ങിയിട്ടുള്ളത് ഒമേഗ 3 ഫാറ്റി ആസിഡാണ്. അത് കണ്ണുകളുടെ ആരോഗ്യത്തിനും കാഴ്ച്ചശക്തി വര്ധിപ്പിക്കുന്നതിനും സഹായിക്കും. അതുപോലെ തന്നെ ചര്മസംരക്ഷണത്തിന് വളരെ നല്ലതാണ് മീന്. ഹോര്മോണ് വ്യതിയാനം മൂലമുണ്ടാകുന്ന മുഖക്കുരു അകറ്റുവാന് മത്സ്യം കഴിക്കുന്നത് ഉപകരിക്കും.
ഇന്ന് മിക്കവരിലും കണ്ട് വരുന്ന ഒന്നാണ് വെരിക്കോസ് വെയ്ന്. പലകാരണങ്ങള് കൊണ്ടാണ് വെരിക്കോസ് വെയ്ന് ഉണ്ടാകുന്നത്. ചര്മ്മത്തിന് തൊട്ടുതാഴെയുള്ള സിരകള് തടിച്ച് പിണഞ്ഞു കിടക്കുന്ന അവസ്ഥയാണ് വെരിക്കോസ് വെയ്ന് . കാലുകളിലാണ് വെരിക്കോസ് വെയ്ന് അഥവാ സിരാവീക്കം കൂടുതലായി കാണപ്പെടുന്നത്. അധിക നേരം നില്ക്കുമ്പോള് ശരീരഭാരം മുഴുവന് കാലിന്കൊടുക്കുന്നത് കൊണ്ടാണ് പലപ്പോഴും വെരിക്കോസ് വെയ്ന് ഉണ്ടാകുന്നത്.
രക്തക്കുഴലുകള് മൂന്ന് തരത്തിലുണ്ട്. ഒന്ന് ശുദ്ധരക്തം വഹിക്കുന്ന ധമനികള് അഥവാ ആര്ട്ടറികള്. രണ്ട്, ധമനികളിലെ രക്തം കോശങ്ങളിലേക്ക് എത്തിക്കുന്ന സൂക്ഷ്മ രക്തക്കുഴുലുകളായ കാപ്പില്ലറികള്. ശരീരം ഉപയോഗിച്ച് കഴിഞ്ഞ രക്തം ശുദ്ധീകരിക്കാനായി തിരിച്ച് കൊണ്ട് പോകുന്ന രക്തക്കുഴലുകളായ സിരകളാണ് മൂന്നാമത്തേത്. ഈ സിരകളെയാണ് വെരിക്കോസ് വെയ്ന് എന്ന രോഗം ബാധിക്കുക.
വെരിക്കോസ് വെയ്ന് കൂടുതലും കാണുന്നത് ഇടത് കാലിലാണ്. രണ്ട് കാലിലും വെരിക്കോസ് വെയ്ന് വരുന്നത് കരുതലോടെ കാണണം. വെരിക്കോസ് വെയ്ന് കാര്യമായ അസ്വസ്ഥത സൃഷ്ടിക്കുകയോ വെരിക്കോസ് വ്രണമായി മാറുകയോ ചെയ്യുന്ന ഘട്ടത്തിലാണ് ചികിത്സ ചെയ്യേണ്ടത്.
അധ്യാപനം, പൊലീസ് ജോലി തുടങ്ങി ദീര്ഘസമയം പതിവായി നില്ക്കേണ്ടി വരുന്നത് പോലുള്ള ജോലികള് ചെയ്യുന്നവരില് വെരിക്കോസ് വെയ്ന് സാധാരണമാണ്. ദീര്ഘസമയത്തെ നില്പ് കാലുകളിലെ സിരകളില് സമ്മര്ദ്ദം കൂട്ടുന്നതാണ് പ്രശ്ന കാരണം. വെരിക്കോസ് വെയ്ന് പാരമ്പര്യം സ്വഭാവമുള്ള രോഗമായതിനാല് അച്ഛനോ അമ്മയ്ക്കോ ഉണ്ടെങ്കില് മക്കള്ക്കും വരാം. ഗര്ഭകാലത്തും വെരിക്കോസ് വെയ്ന് ഉണ്ടാകാം. അമിതവണ്ണമുള്ളവരിലും വെരിക്കോസ് വെയ്ന് ഉണ്ടാകാം.
നെതര്ലാന്റ്, ബെല്ജിയം,അമേരിക്ക എന്നി രാജ്യങ്ങളില് കൂടുതലായി കണ്ട് വരുന്ന ഫലമാണ് പൈന്ബെറി. ധാരാളം ആന്റിഓക്സിഡന്റുകളും പോഷകങ്ങളും അടങ്ങിയ പൈന് ബെറി കഴിക്കുന്നത് കാന്സര് രോഗം ചെറുക്കുമെന്ന് അധികമാര്ക്കും അറിയില്ല.
പൈന്ബെറിയില്വിറ്റാമിന് സി ധാരാളം അടങ്ങിയിരിക്കുന്നതിനാല് ഇത് ശരീരത്തിലെ അണുക്കളെ നശിപ്പിക്കുകയും ജലദോഷം,അലര്ജി, ചുമ എന്നിവ അകറ്റുകയും ചെയ്യുന്നു. കൂടാതെ, പ്രതിരോധശേഷി കൂട്ടാനും ഏറ്റവും നല്ലതാണ് പൈന്ബെറി.
പൊട്ടാഷ്യം ധാരാളം അടങ്ങിയ പഴവര്ഗമായതിനാല് ഇത് രക്തസമ്മര്ദ്ദം നിയന്ത്രിക്കുന്നു. പക്ഷാഘാതം, അസിഡിറ്റി പോലുള്ള അസുഖങ്ങള് വരാതിരിക്കാന് പൈന്ബെറി സഹായിക്കും. ശരീരത്തിലെ കൊഴുപ്പ് അകറ്റി തടി കുറയ്ക്കാന് ഏറെനല്ലതാണ് പൈന്ബെറി. ചീത്ത കൊളസ്ട്രോള് അകറ്റി നല്ല കൊളസ്ട്രോള് നിലനിര്ത്താന് സഹായിക്കുന്നു.
മലബന്ധം അകറ്റാന് ഏറ്റവും നല്ലതാണ് പൈന്ബെറി. ദഹനസംബന്ധമായ പ്രശ്നങ്ങള് ഇല്ലാതാക്കാനും പൈന്ബെറി കഴിക്കുന്നത് ഗുണം ചെയ്യും.
ജനനവൈകല്യപ്രശ്നങ്ങള് തടയാന് ഗര്ഭിണികള് പൈന്ബെറി കഴിക്കുന്നത് നല്ലതാണ്. ഡൗണ് സിഡ്രം, ഓട്ടിസം പോലുള്ള പ്രശ്നങ്ങള് വരാതിരിക്കാന് പൈന്ബെറി സഹായിക്കും.
ധാരാളം പോഷകഗുണങ്ങളുള്ള ഇലക്കറിയാണ് ചീര. ജീവകംഎ, ജീവകം സി, ജീവകം കെ, ഇരുമ്പ് എന്നിവ ചീരയില് ധാരാളം അടങ്ങിയിട്ടുണ്ട്. ചീരയില് അയണ് ധാരാളം അടങ്ങിയിട്ടുള്ളത് കൊണ്ട് തന്നെ വിളര്ച്ച കുറയ്ക്കാന് സഹായിക്കുന്നു. ചീരയില് അടങ്ങിയിരിക്കുന്ന ഫ്ളേവനോയിഡ്സ്, ആന്റിഓക്സിഡന്റ്സ് എന്നിവ ക്യാന്സര് രോഗത്തെ പ്രതിരോധിക്കും. എല്ലുകള്ക്ക് ബലം കൂട്ടാന് ചീര കഴിക്കുന്നത് വളരെയധികം നല്ലതാണ്. ചീരയില് അടങ്ങിയിരിക്കുന്ന ആല്ഫാ-ലിപോയ്ക് ആസിഡ് രക്തത്തിലെ ഗ്ലൂക്കോസിന്റെ അളവ് കുറയ്ക്കും. പോഷകങ്ങള് കൂടിയ തോതില് അടങ്ങിയ ചീര ശ്വാസകോശ സംബന്ധമായ എല്ലാരോഗങ്ങളും അകറ്റാന് സഹായിക്കും.
ചീരയില് അടങ്ങിയിരിക്കുന്ന ബീറ്റാ കരോട്ടീന് ആസ്ത്മ പോലുള്ള പ്രശ്നങ്ങള്ക്ക്ആശ്വാസം പകരും. ചീര കഴിക്കുന്നതിലൂടെ ക്രമാനുസൃതമായി ദഹനം നടക്കുന്നു. മലബന്ധം, അസിഡിറ്റി പോലുള്ള പ്രശ്നങ്ങള് ഇല്ലാതാക്കുകയും ചെയ്യും. കൊളസ്ട്രോള് അടിഞ്ഞുകൂടുന്നത് ഇല്ലാതാക്കാന് ശേഷിയുള്ള ചീര ഹൃദയത്തിന്റെ ആരോഗ്യവും സംരക്ഷിക്കും. ഇതിലടങ്ങിയിരിക്കുന്ന ബീറ്റാ കരോട്ടീന്, വൈറ്റമിന് സി എന്നിവ കോശങ്ങളെ സംരക്ഷിക്കുന്നു.
കുട്ടികളെ ബാധിക്കുന്ന വളരെ സാധാരണമായ ആരോഗ്യപ്രശ്നങ്ങളില് ഒന്നാണ് ആസ്ത്മ. പലകാരണങ്ങള് കൊണ്ടാണ് കുട്ടികളില് ആസ്ത്മ പിടിപ്പെടുന്നത്. കുട്ടികളില് ആസ്ത്മ പല രീതികളില് പ്രത്യക്ഷപ്പെടുകയും വിവിധ ലക്ഷണങ്ങള് പ്രകടിപ്പിക്കുകയും ചെയ്യും. ഒരു വയസ് കഴിഞ്ഞാലാണ് കുട്ടികളില് ആസ്ത്മരോഗം പിടിപെടുന്നത്.
ബ്രോങ്കിയോലൈറ്റിസ്, ന്യൂമോണിയ എന്നിവ ഉണ്ടായാല് കുട്ടികള്ക്ക് ശ്വാസതടസ്സവും ചുമയും പിന്നീട് ആസ്ത്മയും ഉണ്ടാകാന് സാധ്യതയേറെയാണ്. ഈ രോഗം ജനിതക പാരിസ്ഥിതിക കാരണങ്ങളാല് ഉണ്ടാകുന്നു. അതിനാല് മാതാപിതാക്കള്ക്ക് ആസ്ത്മയുണ്ടെങ്കില് കുട്ടികള്ക്ക് വരാന് സാധ്യതയുണ്ട്. ചുറ്റുപാടുമുള്ള പൊടികള്, പഞ്ഞി, തുണി, കടലാസ്, തടിസാധനങ്ങളുടെ ഇടയിലെ പൊടി എന്നിവ അലര്ജിക്ക് കാരണമാകാം.
വളര്ത്തു മൃഗങ്ങള്, പൂച്ച, പട്ടി, പക്ഷികള് എന്നിവയുടെ സാമീപ്യവും അലര്ജി ഉണ്ടാക്കാം. ചില കുട്ടികളില് ജലദോഷമോ പനിയോ വരുമ്പോള് മാത്രമാണ് ശ്വാസമുട്ടലും നീണ്ടുനില്ക്കുന്ന ചുമയും ഉണ്ടാവുക. പ്ലേ സ്കൂളിലും ഡേ കെയറിലും പോകുന്ന കുട്ടികള്ക്ക് ഇത് അടുത്തടുത്ത് വരാറുണ്ട്. ഇത് ആസ്ത്മ രോഗമാകണമെന്നില്ല. 5-6 വയസ്സു കഴിയുമ്പോള് തനിയെ മാറും. മറ്റ് അലര്ജി രോഗങ്ങള്, ഉദാഹരണത്തിന് അറ്റോപി (തൊലിപ്പുറത്തെ അലര്ജി), തടിപ്പുകള്, നീണ്ടു നില്ക്കുന്ന തുമ്മല്, കണ്ണുചൊറിച്ചില് എന്നിവയോടൊപ്പം വരുന്ന ആസ്ത്മരോഗം നീണ്ടു നില്ക്കാന് സാധ്യതയുണ്ട്.
ശ്രദ്ധിക്കേണ്ട കാര്യങ്ങള്...
വീട് എപ്പോഴും വൃത്തിയായി സൂക്ഷിക്കുക.
ബഡ്ഷീറ്റുകള് വൃത്തിയായി വയ്ക്കുക
പൊടിയുണ്ടാകാന് സാധ്യതയുള്ള കളിപ്പാട്ടങ്ങള് നല്കരുത്.
കമ്പിളി, പഞ്ഞി സാധനങ്ങള് ഒഴിവാക്കുക.
വളര്ത്തുമൃഗങ്ങളുമായുള്ള അടുത്ത സമ്പര്ക്കം ഒഴിവാക്കുക.
വീട് പൊടിയും ചെളിയുമില്ലാതെ സൂക്ഷിക്കുക.
കുഞ്ഞ് ജനിച്ച് കഴിഞ്ഞാല് പ്രധാനമായി ശ്രദ്ധിക്കേണ്ട ഒന്നാണ്ശിശുസംരക്ഷണം. കുഞ്ഞുങ്ങളെ എങ്ങനെ കുളിപ്പിക്കണം, ഡയപ്പര് എപ്പോഴൊക്കെയാണ് ഉപയോഗിക്കേണ്ടത് ഇതിനെ പറ്റിയൊക്കെ അമ്മമാര് അറിയണം. നവജാതശിശുവിനെ പരിചരിക്കുമ്പോള് ശ്രദ്ധിക്കേണ്ട ചില കാര്യങ്ങള് എന്തൊക്കെയാണെന്ന് നോക്കാം.
കുഞ്ഞിനെ എന്നും കുളിപ്പിക്കണമെന്നില്ല.എങ്കിലും ശരീരം എല്ലാദിവസവും വൃത്തിയാക്കണം. വളരെ ശ്രദ്ധയോടെ വേണം കുഞ്ഞിന്റെ ശരീരം വൃത്തിയാക്കാന്.
നവജാതശിശുക്കള്ക്ക് കൂടുതലും കോട്ടണ് വസ്ത്രങ്ങള് ധരിപ്പിക്കുന്നതാണ് നല്ലത്.
കുഞ്ഞിന്റെ കണ്ണുകള് വൃത്തിയാക്കുമ്പോള് ഉള്വശത്ത് നിന്നു പുറത്തേക്ക് മെല്ലെ തുടച്ചെടുക്കുക. ചെവിയുടെ പിന്വശം മാത്രമേ തുടയ്ക്കാവൂ. ഒരുകാരണവശാലും ചെവിയുടെ ഉള്ഭാഗത്ത് ബഡ്സോ കോട്ടണ് തുണിയോ ഉപയോഗിക്കരുത്.
കുഞ്ഞിന്റെ കഴുത്തും നെഞ്ചും വളരെ മൃദുവായി വേണം വൃത്തിയാക്കുവാന്.മടക്കുള്ള ഭാഗം പ്രത്യേകം ശുചിയാക്കുക. കക്ഷവും കൈയും തുടച്ചതിനു ശേഷംകുഞ്ഞിനെ ഉണങ്ങിയ ടൗവല് കൊണ്ടു പൊതിയുക. പൊക്കിള്ക്കൊടിപൊഴിഞ്ഞിട്ടില്ലെങ്കില് അതു നനയാതെ സൂക്ഷിക്കണം. മുകളില് പറഞ്ഞതുപോലെതന്നെ പുറകുവശവും നന്നായി തുടയ്ക്കുക.
ഗര്ഭകാലത്ത് അമ്മയില് നിന്നും കുഞ്ഞിന് ആവശ്യമായ വായുവും ആഹാരവും കിട്ടുന്നത് പൊക്കിള്ക്കൊടി വഴിയാണ്. പൊക്കിള്ക്കൊടി ഈര്പ്പം തട്ടാതെ സൂക്ഷിക്കുക. അഥവാ ഈര്പ്പം തട്ടിയാല് ഉണങ്ങിയ തുണികൊണ്ട് ശ്രദ്ധയോടെ തുടയ്ക്കുക
കുഞ്ഞുങ്ങള് ഉറങ്ങുമ്പോഴാണ് പ്രത്യേകം ശ്രദ്ധിക്കേണ്ടത്. ഉറങ്ങുമ്പോള് മലര്ത്തിക്കിടത്തുവാന് ശ്രദ്ധിക്കുക. കുഞ്ഞിന്റെ പുതപ്പ് ഭാരമുള്ളതായിരിക്കരുത്.
ഉറക്കം വരുന്ന കുഞ്ഞിനെ തനിയെ കിടന്നുറങ്ങാന് സഹായിക്കുക. എടുത്തോ തൊട്ടിലില് ആട്ടിയോ ഉറക്കുവാന് ശ്രമിച്ചാല് അതു ശീലമാകും. നവജാതശിശുവിനെ ആദ്യത്തെ മൂന്ന് ആഴ്ച്ചകളില് എപ്പോഴും ഒരു ടൗവല് കൊണ്ടു പൊതിയുവാന് ശ്രദ്ധിക്കുക.
പ്രധാനമായും ഉമിനീരിലൂടെ പകരുന്നതിനാല് മോണോന്യൂക്ളിയോസിസ് എന്ന പകര്ച്ചവ്യാധിയെ " ചുംബന രോഗം "എന്നും വിളിക്കുന്നു. മിക്കപ്പോഴും യുവാക്കളിലും കൗമാരക്കാരിലും ആണ് റിപ്പോര്ട്ടുചെയ്യപ്പെടുന്നത് എങ്കിലും ഇത് ഏതു പ്രായത്തിലുള്ളവരെയും ബാധിക്കാം. 'മോണോ', 'മോണോന്യൂക്ളിയോസിസ്', 'ഗ്ളാന്ഡുലര് ഫീവര്' എന്നിങ്ങനെയും ഈ രോഗാവസ്ഥ അറിയപ്പെടുന്നു.
കാരണങ്ങള്
മറ്റു വൈറസുകളും ഈ രോഗത്തിനു കാരണമാകാമെങ്കിലും പ്രധാനമായും എപ്സ്റ്റൈന്-ബാര്വൈറസ് (ഇബിവി) ആണ് മോണോന്യൂക്ളിയോസിസ് എന്ന പകര്ച്ച വ്യാധിക്ക് കാരണമാവുന്നത്. സാധാരണയായി, ഉമിനീര് ഉള്പ്പെടെയുള്ള ശാരീരിക സ്രവങ്ങളിലൂടെയാണ് വൈറസ് പകരുന്നത്. ശുക്ളം, രക്തം എന്നിവയിലൂടെയും അവയവം മാറ്റിവയ്ക്കല് നടത്തുമ്പോഴും അണുബാധ ഉണ്ടാവാം.
അപകടസാധ്യത കൂടിയ വിഭാഗങ്ങള്
ലക്ഷണങ്ങള്
ഇബിവി അണുബാധ ഉണ്ടായി നാല് മുതല് ആറ് ആഴ്ചകള്ക്ക് ശേഷമായിരിക്കും പകര്ച്ചവ്യാധിയായ മോണോന്യൂക്ളിയോസിസിന്റെ ലക്ഷണങ്ങള് പ്രകടമാവുന്നത്. മിക്കപ്പോഴും ലക്ഷണങ്ങള് സാവധാനത്തിലായിരിക്കും രൂപംകൊള്ളുന്നത്, എല്ലാലക്ഷണങ്ങളും ഒറ്റയടിക്ക് പ്രത്യക്ഷമാവണമെന്നുമില്ല. ലക്ഷണങ്ങളില് ഇനിപറയുന്നവയും ഉള്പ്പെടുന്നു;
ചിലയവസരങ്ങളില് പ്ളീഹയ്ക്കും കരളിനും വീക്കമുണ്ടായേക്കാം. ലക്ഷണങ്ങള് ഇടയ്ക്കിടെ ഉണ്ടാവുകയും ആറ് മാസം വരെയോ അതില് കൂടുതല് സമയമോ നീണ്ടുനില്ക്കുകയും ചെയ്തേക്കാം.
ചികിത്സ
മോണോന്യൂക്ളിയോസിസിന് പ്രത്യേക ചികിത്സയൊന്നും നിലവിലില്ല. ലക്ഷണങ്ങളുടെ തീവ്രത കുറയാന് ജലീകരണം നടത്തുക. ഇതിനായി ധാരാളം വെള്ളം കുടിക്കുകയും വിശ്രമിക്കുകയും ചെയ്യുക.
പ്രതിരോധം
ചുംബനരോഗം എന്നറിയപ്പെടുന്ന മോണോന്യൂക്ളിയോസിസ് പകര്ച്ചവ്യാധിക്ക് പ്രതിരോധ കുത്തിവയ്പുകള് ഒന്നുമില്ല. രോഗത്തെ പ്രതിരോധിക്കാനായി വൈറസ് ബാധിച്ചവരുമായി ചുംബനത്തില് ഏര്പ്പെടാതിരിക്കുക, ഇവരുമായി ഭക്ഷണം, പാനീയങ്ങള് വ്യക്തിപരമായ സാധനങ്ങള് തുടങ്ങിയവ പങ്കിടാതിരിക്കുക.
സങ്കീര്ണതകള്
അടുത്ത നടപടികള്
ഡോക്ടര് അനുവദിക്കുന്നത് വരെ മറ്റുള്ളവരുമായി ശാരീരിക സമ്ബര്ക്കത്തില് ഏര്പ്പെടാതിരിക്കാന് ശ്രദ്ധിക്കുക. പ്ളീഹ താല്ക്കാലികമായി വീങ്ങാം. ചിലപ്പോള് ഗുരുതരമായ അവസ്ഥയില് പ്ളീഹ പൊട്ടുകയും ആന്തരിക രക്തസ്രാവം ഉണ്ടാകുകയും പനിയും അടിവയറ്റില് വേദനയും ഉണ്ടാവുകയും ചെയ്തേക്കാം.
അപകട സൂചനകള്
അടിവയറ്റിനു മുകളില് ഇടതു ഭാഗത്തായി കടുത്ത വേദന ഉണ്ടാവുകയാണെങ്കില് ഉടന് അടിയന്തിര വൈദ്യസഹായം തേടുക. ഇത് പ്ളീഹ പൊട്ടുന്നതു മൂലമാകാം, ഈ ഘട്ടത്തില് അടിയന്തിര ശസ്ത്രക്രിയ ആവശ്യമാണ്.
കടപ്പാട് : ഇന്ഫോ മാജിക്
അവസാനം പരിഷ്കരിച്ചത് : 2/16/2020