നികുതി ആവശ്യപ്പെടലും വീണ്ടെടുക്കലും

അടക്കാത്തതോ കുറവായി അടച്ചതോ ആയ നികുതികൾ അഥവാ തെറ്റായി തിരികെ നൽകിയ നികുതികൾ അഥവാ തെറ്റായി എടുത്തതോ ഉപയോഗിച്ചതോ ആയ ഇൻപുട നികുതികൾ എന്നിവ തിരികെ പിടിക്കുന്നതിനുള്ള വകുപ്പ് ഏതാണ്?

തട്ടിപ്പ്, മറച്ചുവെക്കൽ, തെറ്റായ വിവരം നൽകൽ എന്നിവ ഉൾപ്പെടാത്ത കേസുകളിൽ ചരക്കുസേവന നിയമത്തിലെ 73-)ം വകുപ്പിലും മേല്പറഞ്ഞവ ഉൾപ്പെട്ട കേസുകളിൽ 74 വകുപ്പ് പ്രകാരവും തിരികെ പിടിക്കാവുന്നതാണ്.

നികുതി അടക്കാൻ ബാധ്യതപ്പെട്ട വ്യക്തിക്ക തൻറ്റെ നികുതി യും പലിശയും 73 വകുപ്പ് പ്രകാരമുള്ള കാരണം കാണിക്കൽ നോട്ടീസ് ലഭിക്കുന്നതിനുമുൻപ് അടക്കുവാൻ സാധിക്കുമോ?

തീർച്ചയായും. അങ്ങനെയുള്ള സന്ദർഭങ്ങളിൽ ചുമതലപ്പെടുത്തിയ ഉദ്യോഗസ്ഥന് നോട്ടീസ് നൽകുവാൻ സാധിക്കില്ല. {വകുപ്പ് 73 (6)

73 വകുപ്പ് പ്രകാരമുള്ള കാരണം കാണിക്കൽ നോട്ടീസ് ലഭിച്ചത്തി നുശേഷം തുക അടച്ചാൽ പ്രസ്തുത നോട്ടീസിൽ വിധി പ്രസ്താവിക്കേണ്ടതു ണ്ടോ?

നോട്ടീസ് ലഭിച്ച വ്യക്തി, നോട്ടീസ് പുറപ്പെടുവിച്ച് 30 ദിവസത്തിനുള്ളിൽ, നികുതി പലിശ സഹിതം അടക്കുകയാണെങ്കിൽ, യാതൊരു പിഴയും ഉണ്ടാവുന്നതല്ല. കൂടാതെ, നോട്ടീസിൽ പറഞ്ഞപ്രകാരമുള്ള നടപടികൾ അവസാനിച്ചതായി കണക്കാക്കുകയും ചെയ്യും. {വകുപ്പ് 73(8).

നോട്ടീസ് നൽകുവാനുള്ള പ്രസക്ത തിയതി എന്താണ്?

(i) 73 വകുപ്പ് പ്രകാരം (തട്ടിപ്പ്, മറച്ചുവെക്കൽ, തെറ്റായ വിവരം നൽകൽ എന്നിവ ഉൾപ്പെടാത്ത കേസുകളിൽ) ഏതു സാമ്പത്തിക വർഷത്തെ നികുതിയാണോ ആവശ്യപ്പെടുന്നത്, ആ സാമ്പത്തിക വർഷത്തെ വാർഷിക റിട്ടേൺ സമർപ്പിക്കേണ്ട തായ തിയതി മുതലാണ് പ്രസക്ത തിയതി കണക്കാ ക്കുന്നത്. ഇത്തരം കേസുകളിൽ പുറപ്പെടുവിക്കുന്ന കാരണം കാണി ക്കൽ നോട്ടീസുകളിൽ വാർഷിക റിട്ടേൺ സമർപ്പിക്കേണ്ട തായ തിയത്തിമുതൽ മുന്നു വർഷത്തിനുള്ളിൽ വിധി പ്രസ്താ വിക്കപ്പെടേണ്ടതാണ്. വിധിപ്രസ്താവിക്കലിന് നിശ്ചയിച്ചിട്ടു ള്ള സമയപരിധിയുടെ മൂന്ന് മാസം മുൻപെങ്കിലും കാരണം കാണിക്കൽ നോട്ടീസ് പുറപ്പെടുവിച്ചിരിക്കണം. {വകുപ്പ് 73 (2 & 10)}

(ii) 74 വകുപ്പ് പ്രകാരം (തട്ടിപ്പ്, മറച്ചുവെക്കൽ, തെറ്റായ വിവരം നൽകൽ എന്നിവ ഉൾപ്പെട്ട കേസുകളിൽ), ഏതു സാമ്പത്തിക വർഷത്തെ നികുതിയാണോ ആവശ്യപ്പെടുന്നത്, ആ സാമ്പത്തിക വർഷത്തെ വാർഷിക റിട്ടേൺ സമർപ്പിക്കേണ്ടതായ തിയതി മുതലാണ് പ്രസക്ത തിയതി കണക്കാക്കുന്നത്. ഇത്തരം കേസുകളിൽ പുറപ്പെടുവിക്കുന്ന കാരണം കാണിക്കൽ നോട്ടീസുകളിൽ വാർഷിക റിട്ടേൺ സമർപ്പിക്കേണ്ടതായ തിയതി മുതൽ അഞ്ച് വർഷത്തിനുള്ളിൽ വിധി പ്രസ്താവിക്ക പ്പെടേണ്ടതാണ്. വിധിപ്രസ്താവിക്കലിന് നിശ്ചയിച്ചിട്ടുള്ള സമയപരിധിയുടെ ആറുമാസം മുൻപെങ്കിലും കാരണം കാണിക്കൽ നോട്ടീസ് പുറപ്പെടുവിച്ചിരിക്കണം. {വകുപ്പ് 74 (28, 10).

കേസുകളിൽ വിധി പറയുന്നതിന് സമയപരിധിയുണ്ടോ?

(i) 73 വകുപ്പ് പ്രകാരം (തട്ടിപ്പ്, മറച്ചുവെക്കൽ, തെറ്റായ വിവരം നൽകൽ എന്നിവ ഉൾപ്പെടാത്ത കേസുകളിൽ) ഏതു സാമ്പത്തിക വർഷത്തെ നികുതിയാണോ ആവശ്യപ്പെടുന്നത്, ആ സാമ്പത്തിക വർഷത്തെ വാർഷിക റിട്ടേൺ സമർപ്പിക്കേണ്ടതായ തീയതി മുതൽ 3 വർഷത്തിനുള്ളിൽ പ്രസ്താവിക്കപ്പെ ടേണ്ടതാണ്. തെറ്റായി റീഫണ്ട് കൊടുത്ത കേസുകളിലും ഇൻപുട്ട് ടാക്സ് ക്രൈഡിറ്റ് തെറ്റായി എടുത്ത കേസുകളിലും തുക മടക്കികൊടുത്തതോ തെറ്റായി ക്രൈഡിറ്റ് എടുത്തതോ ആയ തീയതി മുതൽ മുന്നു വർഷത്തിനുള്ളിൽ വിധി പ്രസ്താ വിക്കപ്പെടേണ്ടതാണ്. {വകുപ്പ് 73(10)}

(ii)74 വകുപ്പ് പ്രകാരം (തട്ടിപ്പ്, മറച്ചുവെക്കൽ, തെറ്റായ വിവരം നൽകൽ എന്നിവ ഉൾപ്പെട്ട കേസുകളിൽ), ഏതു സാമ്പത്തിക വർഷത്തെ നികുതിയാണോ ആവശ്യപ്പെടുന്നത്, ആ സാമ്പ ത്തിക വർഷത്തെ വാർഷിക റിട്ടേൺ സമർപ്പിക്കേണ്ടതായ തീയതി മുതൽ 5 വർഷത്തിനുള്ളിൽ വിധി പ്രസ്താവിക്കപ്പെടേണ്ടതാണ്. തെറ്റായി റീഫണ്ട് കൊടുത്ത കേസുകളിലും ഇൻപുട്ട് ടാക്സ് ക്രൈഡിറ്റ് തെറ്റായി എടുത്ത കേസുകളിലും തുക മടക്കികൊടുത്തതോ തെറ്റായി ക്രൈഡിറ്റ് എടുത്തതോ ആയ തീയതി മുതൽ 5 വർഷത്തിനുള്ളിൽ വിധി പ്രസ്താവി ക്കപ്പെടേണ്ടതാണ്. {വകുപ്പ് 74(10)}

തട്ടിപ്പ്, മറച്ചുവെക്കൽ, തെറ്റായ വിവരം നൽകൽ എന്നിവ ഉൾപ്പെ ട്ട കേസുകളിൽ, നികുതി അടക്കുവാൻ ബാധ്യതയുള്ള വ്യക്തിക്ക് തൻറ്റെ നികുതിയും പലിശയും അടക്കമുള്ള തുക കാരണം കാണിക്കൽ നോട്ടീസ് പുറപ്പെടുവിക്കുന്നതിനു മുൻപ് അടച്ചാൽ എന്തെങ്കിലും ആനുകൂല്യം കിട്ടുമോ

തീർച്ചയായും. മേല്പറഞ്ഞ കേസുകളിൽ നിയമപ്രകാരം നികുതി അടക്കാൻ ബാധ്യതപ്പെട്ട വ്യക്തിക്ക് സ്വയം കണക്കാക്കിയതോ അഥവാ ചുമ തലപ്പെടുത്തിയ ഉദ്യോഗസ്ഥൻ കണക്കാക്കിയതോ ആയ നികുതിയും പലിശ യും 15% പിഴ ഉൾപ്പെടെ അടക്കാവുന്നതാണ്. അപ്രകാരം അടക്കുന്ന പക്ഷം നികുതിക്ക് കാരണം കാണിക്കൽ നോട്ടീസ് നൽകുന്നതല്ല. {വകുപ്പ് 74 (6).

കാരണം കാണിക്കൽ നോട്ടീസ് ലഭിച്ച വ്യക്തി തുക അടച്ചാൽ, പ്രസ്തുത നോട്ടീസിൽ വിധി പ്രസ്താവിക്കേണ്ട ആവശ്യം ഉണ്ടോ?

വകുപ്പ് 74-ൻറ്റെ ഉപവകുപ്പു (1) പ്രകാരം നോട്ടീസ് ലഭിച്ച വ്യക്തി, നോട്ടീസ് ലഭിച്ച് 30 ദിവസത്തിനുള്ളിൽ നികുതി പലിശയും 25% പിഴയും സഹിതം അടക്കുകയാണെങ്കിൽ, നോട്ടീസിൽ പറഞ്ഞ പ്രകാരമുള്ള എല്ലാ നടപടികളും അവസാനിച്ചതായി കണക്കാക്കും. {വകുപ്പ് 74 (8).

വകുപ്പ് 74 പ്രകാരമുള്ള വിധിപ്രകാരം നികുതിയും പിഴയും അടക്കാൻ ബാധ്യതപ്പെട്ട വ്യക്തിക്ക് കുറഞ്ഞ നിരക്കുള്ള പിഴ അടക്കുവാൻ അവസരമുണ്ടോ?

ഉണ്ട്. അയാൾ വിധി ലഭിച്ച തിയതി മുതൽ 30 ദിവസത്തിനു ള്ളിൽ നികുതിയും പലിശയും നികുതിയുടെ 50% പിഴ സഹിതം അടച്ചാൽ, ആ നികുതിയുടെ മേലുള്ള എല്ലാ നടപടികളും അവസാനിച്ചതായി കണക്കാ ക്കും. {വകുപ്പ് 74 (11).

കാരണം കാണിക്കൽ നോട്ടീസുകളിൽ വകുപ്പ് 73 & 74 പ്രകാരം സമയപരിധിക്കുള്ളിൽ (3/5 വർഷം) വിധി പ്രസ്താവിച്ചിട്ടില്ലെങ്കിൽ ഉള്ള തുടർ നടപടികൾ എന്താണ്?

ചരക്ക് സേവന നിയമത്തിലെ വകുപ്പ് 75(10) പ്രകാരം, നിശ്ചിത വകുപ്പുകളിൽ പറഞ്ഞിരിക്കുന്ന സമയ പരിധിക്കുള്ളിൽ (3 വർഷത്തിനു ള്ളിലും 5 വർഷത്തിനുള്ളിലും) വിധി പറയാത്ത കേസുകൾ തുടർ നടപടി കൾ ഇല്ലാതെ അവസാനിച്ചതായി കണക്കാക്കപ്പെടുന്നതായിരിക്കും.

ഒരു വ്യക്തി മറ്റൊരു വ്യക്തിയിൽ നിന്നും നികുതിയായി പിടിക്കുന്ന തുക ഗവെർമെൻറ്റിലേക്ക് അടക്കാതിരുന്നാൽ തുടർനടപടികൾ എന്താണ്?

ഓരോ വ്യക്തിയും, തൻറ്റെ സപ്ലൈ നികുതിബാധകമല്ലെങ്കിൽ പോലും, നികുതിയിനത്തിൽ ഏതെങ്കിലും തുക വേറൊരാളിൽ നിന്നും പിടിച്ചിട്ടുണ്ടെങ്കിൽ, പ്രസ്തുത തുക കേന്ദ്ര/സംസ്ഥാന ഗവെർമെൻറ്റിലേക്ക് അടയ്ക്കുവാൻ ബാധ്യസ്ഥനാണ്. അങ്ങിനെ ചെയ്യാത്ത പക്ഷം ബന്ധപ്പെട്ട ഉദോഗസ്ഥൻ ആ വ്യക്തിക്ക് പ്രസ്തുത തുകയും സമാനമായ തുക പിഴയും വസൂലാക്കുവാൻ കാരണം കാണിക്കൽ നോട്ടീസ് നൽകേണ്ടതാണ്. {വകുപ്പ 76(182)}.

വകുപ്പ് 76(1)-നു വിരുദ്ധമായി ഒരു വ്യക്തി നികുതിയായി പിടിച്ച തുക അടക്കാതിരുന്നാൽ തുടർനടപടികൾ എന്താണ്?

നോട്ടീസ് നൽകിയത്തിന് ശേഷം സ്വാഭാവിക നീതി ഉറപ്പാക്കി വിധി പ്രസ്താവിക്കേണ്ടതാണ്. ഇങ്ങനെയുള്ള കേസുകളിൽ നോട്ടീസ് നൽ കിയ തീയതി മുതൽ ഒരു വർഷത്തിനുള്ളിൽ വിധി പ്രസ്താവിക്കേണ്ടതാണ്. {വകുപ്പ് 76(2 to 6).

നികുതി പിടിച്ചതിനു ശേഷം അടക്കാത്ത കേസുകളിൽ വകുപ്പ 76 പ്രകാരം നോട്ടീസ് നൽകുന്നതിന് സമയപരിധി ഉണ്ടോ?

ഇല്ല. ഇപ്രകാരമുള്ള കേസുകളിൽ സമയപരിധി ഇല്ലാത്തെ നോട്ടീസ് നൽകാവുന്നതാണ്.

അധികാരപ്പെട്ട ഉദ്യാഗസ്ഥന് നികുതി വസൂലാക്കുന്നത്തിന് നിയമ പ്രകാരമുള്ള രീതികൾ ഏതൊക്കെയാണ്?

നികുതി വസൂലാക്കുന്നതിനു താഴെ പറയുന്ന രീതികൾ ലഭ്യമാണ്.

(എ) നികുതി അടക്കാൻ ബാധ്യതപ്പെട്ട ആൾക്ക് പണം കൊടുക്കുവാനുള്ള

തുകയിൽ നിന്നും ഉത്തരവാദപ്പെട്ട അധികാരിക്ക് തുക തട്ടിക്കിഴിക്കാവുന്ന താണ്.

(ബി) നികുതി അടക്കാൻ ബാധ്യതപ്പെട്ട ആളിൻറ്റെ ഉടമസ്ഥതയിലുള്ള ചരക്ക് പിടിച്ചെടുക്കുവാനും അവ വില്പന നടത്തി തുക വസൂലാക്കുവാനും ഉത്തര വാദപ്പെട്ട അധികാരിക്ക് അധികാരം ഉണ്ടായിരിക്കുന്നതാണ്.

(സി) നികുതി അടക്കാൻ ബാധ്യതപ്പെട്ട ആൾക്ക് ഇപ്പോൾ പണം നല്ലുവാനോ ഭാവിയിൽ പണം നല്ലുവാനോ ഉള്ള വ്യക്തികളിൽ നിന്നും അല്ലെങ്കിൽ നികുതി അടയ്ക്കാൻ ബാധ്യതപ്പെട്ട ആളുടെ പണം ഇപ്പോൾ കൈവശം വെച്ചിരിക്കുന്ന അല്ലെങ്കിൽ ഭാവിയിൽ കൈവശം വരാൻ സാധ്യതയുള്ള വ്യക്തികളിൽ നിന്നും ഉത്തരവാദപ്പെട്ട അധികാരി നികുതി വസൂലാക്കി കേന്ദ്ര/സംസ്ഥാന അക്കൗണ്ടുകളിൽ ചേർക്കേണ്ടതാണ്.

(ഡി) അധികാരപ്പെടുത്തിയ ഉദ്യാഗസ്ഥന്, നികുതി നല്ലാൻ ബാധ്യതപ്പെട്ട ആളിൻറ്റെ ഉടമസ്ഥതയിൽ അല്ലെങ്കിൽ നിയന്ത്രണത്തിൽ ഉള്ള വസ്തുവക കൾ കണ്ടുകെട്ടുന്നതിനും തടഞ്ഞു വെക്കുന്നതിനും അധികാരം ഉണ്ടായിരി ക്കുന്നതാണ്. അടക്കുവാനുള്ള തുക, 30 ദിവസത്തിനുള്ളിൽ അടയ്ക്കാതിരു ന്നാൽ, പ്രസ്തുത വസ്തുവകകൾ വിൽക്കുകയും, വിറ്റുവരവ് തുകയിൽ നിന്നും, അടക്കുവാനുള്ള തുക, വില്പനയ്ക്കുള്ള ചെലവ് എന്നിവ വസൂലാക്കേണ്ടതുണ്ട്.

(ഇ) ബന്ധപ്പെട്ട അധികാരി നികുതി നല്ലാൻ ബാധ്യതപ്പെട്ട ആൾക്ക് സ്വന്ത മായി ഭൂമിയുള്ളതോ, അയാൾ താമസിക്കുന്നതോ അല്ലെങ്കിൽ ബിസ്സിനസ്സ ചെയ്യുന്നതോ ആയ പ്രദേശത്തെ ജില്ലാ കളക്ടർ മുഖാന്തരം ലാൻഡ് റവന്യൂ കുടിശ്ശിക പോലെ കണക്കാക്കി വസൂലാക്കേണ്ടതാണ്.

(എഫ്) ബന്ധപ്പെട്ട മജിസ്ട്രേട്ടിന് അപ്ലിക്കേഷൻ സമർപ്പിക്കുകയും ആ മജിസ്ട്രേറ്റ് അത് താൻ ചുമത്തിയ പിഴയായി കണക്കാക്കി റിക്കവറി നടപടി കൾ കൈക്കൊണ്ടും വസൂലാക്കേണ്ടതാണ്.

(ജി) ഈ ആക്ട് അല്ലെങ്കിൽ അതിനോടനുബന്ധിച്ചുള്ള മറ്റു നിയമങ്ങൾ പ്രകാ രം നിർവഹിച്ചിട്ടുള്ള ബോണ്ടുകളും രേഖകളും നടപ്പിലാക്കുക മുഖേന.

(എച്) സീ. ജി. എസ്. ടി. കുടിശ്ശിക എസ്. ജി. എസ്. ടി. കുടിശ്ശികയായും, തിരിച്ചും, വസൂലാക്കാവുന്നതാണ്. {വകുപ്പ് 76(1, 2, 3, 4}.

അടക്കുവാനുള്ള നികുതി ഗഡുക്കളായി അടക്കാൻ അനുവദിക്കാമോ?

സ്വയം നിർണയിച്ച നികുതി ഒഴികെ മറ്റെല്ലാം 24 എണ്ണത്തിൽ കവിയാത്ത മാസ ഗഡുക്കളായി അടക്കുവാൻ കമ്മീഷണർ / ചീഫ് കമ്മീഷ ണർക്ക്, നിർദ്ദേശിക്കപ്പെട്ട വ്യവസ്ഥകൾക്കും നിയന്ത്രണങ്ങൾക്കും വിധേയ മായി അനുവദിക്കാവുന്നതാണ്. ഇങ്ങനെ അടക്കുന്ന ഗഡുക്കൾക്കു വകുപ്പ് 50 ൽ പറയുന്ന പലിശ അടക്കേണ്ടതാണ്. ഏതെങ്കിലും സാഹചര്യത്തിൽ ഒരു ഗഡു അടക്കുവാൻ മുടക്കം വരുത്തിയാൽ ബാക്കി അടക്കേണ്ടതായ തുക മുഴുവനും മറ്റൊരു നോട്ടീസ് നൽകാതെ തന്നെ വസൂലാക്കാവുന്നതാണ്. {വകുപ്പ് 80).

അപ്പീലിലോ പുനർനിർണയത്തിലോ നികുതി ബാധ്യത ഉയർത്തപ്പെട്ടാൽ എന്ത് ചെയ്യും?

നേരത്തെ നിർണയിച്ച ബാധ്യത നിലനിൽക്കുകയും പ്രസ്തുത ബാധ്യത തിരിച്ചു പിടിക്കാൻ ഉള്ള നടപടികൾ തുടരുകയും ചെയ്യും. എന്നാൽ പുനർനിർണയിച്ചപ്പോൾ ഉള്ള അധിക ബാധ്യതയ്ക്ക് ഡിമാൻഡ് നോട്ടീസ് നൽകുകയും വേണം. {വകുപ്പ് 84(എ},

നികുതി അടക്കാൻ ബാധ്യതപ്പെട്ട ഒരു വ്യക്തി തൻറ്റെ ബാധ്യത നിലനിൽക്കുമ്പോൾ തന്നെ തൻറ്റെ ബിസിനസ്സ് മുഴുവനായോ ഭാഗികമായോ മറ്റൊരാൾക്ക് കൈമാറ്റം ചെയ്താൽ എന്ത് സംഭവിക്കും?

നികുതി അടക്കാൻ ബാധ്യതപ്പെട്ട ഒരു വ്യക്തി തൻറ്റെ ബാധ്യത നിലനിൽക്കുമ്പോൾ തന്നെ ബിസിനസ്സ് മറ്റൊരാൾക്ക് കൈമാറ്റം ചെയ്താൽ, ബാധ്യത കൈമാറുന്നതിന് മുമ്പുള്ളതും പക്ഷെ അടക്കാത്തതാണെങ്കിലും അല്ലെങ്കിൽ കൈമാറ്റത്തിന് ശേഷം വന്നിട്ടുള്ള ബാധ്യതയാണെങ്കിലും കൈ മാറ്റം ചെയ്ത വ്യക്തിയും ലഭിച്ച വ്യക്തിയും കൈമാറ്റം ചെയ്യുന്ന തീയതിയിൽ നികുതിക്ക് പലിശയും പിഴയും സഹിതം പ്രത്യേകമായോ ഒരുമിച്ചോ ബാധ്യ തപ്പെട്ടവർ ആകുന്നതാണ്. നികുതി അടക്കാൻ ബാധ്യത്തപ്പെട്ട വ്യക്തി ബാധ്യത നിലനിൽക്കുമ്പോൾ ബിസിനസ് മറ്റൊരാൾക്ക് കൈമാറ്റം ചെയ്താൽ പുതിയ ഉടമസ്ഥൻ മേല്പറഞ്ഞ നികുതിയും, പലിശയും പിഴയും അടക്കാൻ ബാധ്യസ്ഥനാവുന്നതാണ്. ഇത്തരം ബാധ്യതകൾ കൈമാറ്റത്തിന് മുൻപോ, കൈമാറ്റത്തിന് ശേഷമോ നിശ്ചയിക്കപ്പെട്ടവയാകാം.

ഒരു കമ്പനി അടച്ചു പൂട്ടിയാൽ നിലവിലുള്ള നികുതി ബാധ്യത എന്ത് ചെയ്യും?

നിയമിക്കപ്പെട്ടിട്ടുള്ള ലിക്വിഡേറ്റർമാർ 30 ദിവസത്തിനകം തൻറ്റെ നിയമനം കമ്മീഷണറെ അറിയിച്ചിരിക്കണം. അറിയിപ്പ് ലഭിച്ചു 3 മാസത്തിനകം കമ്മിഷണർ നികുതി ബാധ്യത വസൂലാക്കാനാവശ്യമായ തുക, ലിക്വിഡേറ്ററെ അറിയിച്ചിരിക്കണം.

ഒരു കമ്പനി അടച്ചു പൂട്ടിയാൽ ഡയറക്ടർമാർക്കുള്ള ഉള്ള ബാധ്യത എങ്ങിനെയാണ്?

ഒരു കമ്പനി അടച്ചുപൂട്ടിയാൽ, അങ്ങിനെ അടച്ചുപൂട്ടുന്നതിനു മുൻപോ അതിനു ശേഷമോ ഉള്ള നികുതി/മറ്റു ബാധ്യതകൾക്കു പ്രസ്തുത ബാധ്യതകൾ നിലവിലിരുന്ന കാലയളവിലെ ഡയറക്ടർമാർ ഒന്നിച്ചോ പ്രത്യേ കമായോ ബാധ്യതപ്പെട്ടവർ ആകുന്നതാണ്. ഏതെങ്കിലും ഡയറക്ടർ തൻറ്റെ അവഗണന കൊണ്ടോ കടമ നിർവഹിക്കാതിരിക്കൽ കൊണ്ടോ അതല്ലെ ങ്കിൽ കൃത്യവിലോപം കൊണ്ടോ അല്ല പ്രസ്തുത ബാധ്യത കമ്പനിക്കു വന്ന തെന്ന് കമ്മീഷണർക്ക് ബോധ്യപ്പെടുംവണ്ണം തെളിയിച്ചാൽ പ്രസ്തുത ഡയറക്ടർ ബാധ്യതയിൽ നിന്നും ഒഴിവാകുന്നതാണ്. {വകുപ്പ് 88(3), 89),

നികുതി ബാധ്യതയിൽ പാർട്ട്ണർഷിപ്ത് (പങ്കാളിത്ത്) ബിസിനസ്സിൽ ഉൾപ്പെട്ട പാർട്ട്ണർമാർക്ക് ഉള്ള ബാധ്യത എങ്ങിനെയാണ്?

എല്ലാ പങ്കാളികളും ഒന്നിച്ചോ പ്രത്യേകമായോ നികുതി ബാധ്യതക്ക് പലിശയും പിഴയും ഉൾപ്പെടെ ബാധ്യതപ്പെട്ടവർ ആകുന്നതാണ്. ഏതെങ്കി ലും ഒരു പാർട്ട്ണർ വിരമിക്കുകയോ വിട്ടുപോകുകയോ ചെയ്യുന്നുവെങ്കിൽ പ്രസ്തുത വിവരം പങ്കാളിയോ, സ്ഥാപനമോ കമ്മീഷണറെ അറിയിക്കേണ്ട താണ്. അങ്ങിനെ അറിയിച്ചാൽ വിരമിക്കുന്ന തീയതി വരെയുള്ള ബാധ്യത മാത്രമേ പ്രസ്തുത പാർട്ട്ണർക്ക് ഉണ്ടായിരിക്കുകയുള്ളൂ. അങ്ങിനെ വിരമിക്കുന്ന കാര്യം ഒരു മാസത്തിനുള്ളിൽ അറിയിക്കാത്ത പക്ഷം വിരമിക്കുന്ന പാർട്ടണറുടെ ബാധ്യത കമ്മീഷണറെ അറിയിക്കുന്നത് വരെ തുടരുന്നതാണ്. (വകുപ്പ് 90)

ഒരു മൈനറായ വ്യക്തിയുടെ ബിസിനസ്സ് ഒരു ഏജൻറ് അല്ലെ ങ്കിൽ രക്ഷാകർത്താവ് അല്ലെങ്കിൽ ട്രസ്റ്റി മുഖാന്തിരം നടത്തപ്പെടുകയാണെങ്കിൽ നികുതി ബാധ്യത എങ്ങിനെയാണ്?

മൈനറായ വ്യക്തിയുടെ/കഴിവില്ലാത്ത വ്യക്തിയുടെ ബിസിനസ്സ് ഒരു ഏജൻറ് അല്ലെങ്കിൽ രക്ഷാകർത്താവ് അല്ലെങ്കിൽ ട്രസ്റ്റി മുഖാന്തിരം നടത്തപ്പെടുകയാണെങ്കിൽ നികുതി ബാധ്യത പലിശയും പിഴയും സഹിതം പ്രസ്തുത ഏജൻറി/രക്ഷാകർത്താവ്/ടസ്റ്റിയുടെ കയ്യിൽ നിന്നും ഈടാക്കുന്ന താണ്. (വകുപ്പ് 91)

ഒരു നികുതിദായകൻറ്റെ എസ്റ്റേറ്റ് ഒരു കോടതി നിയോഗിച്ച ട്രസ്റ്റി/അഡ്മിനിസ്ട്രേറ്റർ/റിസീവർ ഭരണത്തിൽ ആണെങ്കിൽ നികുതി ബാധ്യത എങ്ങിനെയാണ്?

ഒരു നികുതിദായകൻറ്റെ എസ്റ്റേറ്റ് ഒരു കോടതി നിയോഗിച്ച ട്രസ്റ്റി /അഡ്മിനിസ്ട്രേറ്റർ/റിസീവർ ഭരണത്തിൽ ആണെങ്കിൽ നികുതി പലിശയും പിഴയും ഉൾപ്പെടെ പ്രസ്തുത അധികാരിയുടെ പക്കൽ നിന്നും ബാധ്യതപ്പെട്ട ആളെന്നു കണക്കാക്കി ഈടാക്കുന്നതാണ്. (വകുപ്പ് 92)

Source : Central Board of Excise and Customs