സാമൂഹ്യനീതി വകുപ്പിന്റെ നിർഭയാ പദ്ധതി ലൈംഗിക പീഢനത്തിന് ഇരയായ സ്ത്രീകൾക്ക് സംരക്ഷണം നൽകാനുള്ള നിർഭയാകേന്ദ്രങ്ങൾ സജ്ജമാക്കുന്നതിന് വിഭാവനം ചെയ്യുന്നു. ലൈംഗിക പീഡനത്തിന് ഇരയായ സ്ത്രീകളുടെ സംരക്ഷണത്തിനായി 12 ഷെൽട്ടർ ഹോമുകൾ പ്രവർത്തിച്ചു വരുന്നു (തിരുവനന്തപുരം– 3, കൊല്ലം-1, എറണാകുളം-1, തൃശ്ശൂർ-1, കാസർഗോഡ്-1, കോഴിക്കോട്-1, മലപ്പുറം-1, പാലക്കാട്-1, വയനാട്-1, ഇടുക്കി-1). ഈ പദ്ധതിയുടെ കീഴിൽ സംസ്ഥാനത്തെ 14 ജില്ലാ ആശുപത്രികളിലുമായി 21 വണ്സ്റ്റോപ്പ് ക്രൈസിസ് സെൽ പ്രവർത്തനമാരംഭിച്ചിരുന്നു. ലൈംഗിക പീഢനത്തിന് ഇരയാകുന്ന സ്ത്രീകൾക്ക് വേണ്ടുന്ന അടിയന്തിര ആരോഗ്യ പരിചരണം, മനഃ ശാസ്ത്ര കൗണ്സലിംഗ്, പോലീസ് സഹായം, നിയമസഹായം, സുരക്ഷിത ഷെൽട്ടർ സേവനം എന്നിവ ഈ സെല്ലുകളിലൂടെ നൽകുന്നു. 2016-17-ൽ (2017 ആഗസ്റ്റ് 30 വരെ) ഈ കേന്ദ്രങ്ങൾ 331 സ്ത്രീകൾക്ക് സഹായം നൽകി. വനിതകൾക്കും കുട്ടികൾക്കും മാത്രമായുള്ള 3 അതിവേഗ കോടതികൾ തിരുവനന്തപുരം, എറണാകുളം, കോഴിക്കോട് എന്നിവിടങ്ങളിൽ സ്ഥാപിച്ചു.
അവസാനം പരിഷ്കരിച്ചത് : 2/16/2020