പല അവയവങ്ങളും പകരംവച്ചാല് അതിന്റെ പൂര്ണത ലഭിക്കില്ല. ഡ്യൂപ്ളിക്കേറ്റാണെന്ന് ഒറ്റ നോട്ടത്തില് തിരിച്ചറിയും. എന്നാല് ഒറിജിലനെ വെല്ലുന്ന അവയവം എന്ന നിലയില് വയ്പ്പ് പല്ലുകള് തന്നെ മുന്നില്. ഏറ്റവും അധികം ഉപയോഗിക്കുന്ന അവയവങ്ങളില് ഉള്പ്പെടുന്ന പല്ലുകള്ക്ക് കേടുകള് വന്ന് പറിച്ച് മാറ്റേണ്ടിവരുമ്പോഴോ അപകടങ്ങളിലും മറ്റും നഷ്ടപ്പെടുമ്പോഴോ പകരം പല്ലുകള് വയ്ക്കേണ്ടിവരും. ഒന്നോ രണ്ടോ എണ്ണമായോ ഒരു നിര തന്നെയോ പല്ല് മുഴുവനായോ മാറ്റിവയ്ക്കുന്നതിന് നൂതന സാങ്കേതിക വിദ്യകള് ലഭ്യമാണ്.
പല്ല് പോകുമ്പോള്ത്തന്നെ മുഖത്തിന്റെ രൂപത്തില് മാറ്റം വരും. മുഖം ഒട്ടിപ്പോകുമ്പോള് അത് സൗന്ദര്യത്തെ ബാധിക്കും.ആഹാരം ചവച്ച് കഴിക്കാനാവാതെ ബുദ്ധിമുട്ടുമ്പോള് പകരം വയ്ക്കുക്കുന്ന കൃത്രിമപ്പല്ലുകള് കൂടുതല് മുഖസൗന്ദര്യം നല്കുകയും ബുദ്ധിമുട്ടില്ലാതെ ഭക്ഷണം കഴിക്കാനും പ്രാപ്തമാക്കുകയും ചെയ്യും.
ഊരിമാറ്റാം, ഉറപ്പിച്ച് വയ്ക്കാം
കൃത്രിമദന്തങ്ങള് പലഇനമുണ്ട്. Removeble partial dentureവിഭാഗത്തില്പ്പെട്ടവ ആവശ്യമനുസരിച്ച് വയ്ക്കുകയും എടുക്കുകയും ചെയ്യാവുന്നതാണ്. ഓന്നോ രണ്ടോ പല്ലകള് ഇങ്ങനെ ചെയ്യാം. fixed partial denture അടുത്തുള്ള പല്ലുമായി ബന്ധിച്ച് ഉറപ്പിച്ച് വയ്ക്കുന്നവയാണ്. ആ നിരയില് ആരോഗ്യമുള്ള പല്ലുകള് ഉണ്ടായിരിക്കണം. എന്നത് മൊത്തമായി വയ്ക്കുന്നവയാണ്. ഇത് ആവശ്യാനുസരണം എടുക്കാം.
Implants വിഭാഗത്തില് പ്പെടുന്ന കൃത്രിമപ്പല്ലുകള് മുന് കാലങ്ങളില് ചെലവേറിയതായിരുന്നു. എന്നാല് ഇപ്പോള് സാധാരണക്കാര്ക്കും പ്രാപ്യമാണ്. പല്ല് കേടുവന്നോ ഒടിഞ്ഞോ നഷ്ടമായാല് പല്ലിന്റെ എല്ലില് സ്ക്രൂ ഇട്ട് കൃത്രിമപ്പല്ല് ഘടിപ്പിക്കും. പുതുതായി വച്ചതാണെന്ന് കണ്ടെത്താനേ കഴിയില്ല.
സംരക്ഷണം
ചൂട്തട്ടിയാല് കൃത്രിമപ്പല്ലുകള്ക്ക് കേടുവരുമോ എന്നത് സാധാരണയായി ഉയര്ന്ന് വരുന്ന ചോദ്യമാണ്. സാധാരണ ഒരു പല്ലിന് താങ്ങാവുന്ന ചൂട് കൃത്രിമപ്പല്ലിനും ഒരു കുഴപ്പവും വരുത്തില്ല. ഊരിമാറ്റാവുന്ന പല്ലുകള്കൊണ്ട് കട്ടിയുള്ള വസ്തുക്കള് കടിക്കുമ്പോള് ശ്രദ്ധിക്കണം. നമ്മുടെ ഒരു അവയവമാണ് എന്ന തോന്നല് ഉണ്ടായിരിക്കണം. അങ്ങനെ സൂക്ഷിച്ചാല് എത്രകാലംവേണമെങ്കിലും ഇത്തരം പല്ലുകള് നിലനില്ക്കും.
തൊണ്ടയിലെ ക്യാന്സര് : ശ്രദ്ധിക്കേണ്ട കാര്യങ്ങള്
ക്യാന്സര് പല ഭാഗങ്ങളേയും ബാധിയ്ക്കാം. അവയുടെ കാരണങ്ങളും ലക്ഷണങ്ങളും വ്യത്യാസപ്പെട്ടിരിയ്ക്കും. ശരീരത്തെ ബാധിയ്ക്കുന്ന പലതരം ക്യാന്സറുകളില് തൊണ്ടയിലെ ക്യാന്സറും പെടും. പലപ്പോഴും നാം നിസാരമായി തള്ളിക്കളയുന്ന പലതും തൊണ്ടയിലെ ക്യാന്സര് ലക്ഷണങ്ങളുമാകും.
കോള്ഡും തൊണ്ടയിലെ അണുബാധയും ചിലപ്പോള് ശബ്ദം മാറാന് ഇട വരുത്തിയേക്കും.എന്നാല് ഇവയൊന്നുമില്ലാതെ ശബ്ദം മാറുന്നത് തൊണ്ടയെ ബാധിയ്ക്കുന്ന ക്യാന്സറിന്റെ മറ്റൊരു ലക്ഷണമാകാം.
തൊണ്ടയില് എപ്പോഴും പറഞ്ഞറിയിക്കാന് വയ്യാത്ത അസ്വസ്ഥതയുണ്ടാകുന്നത് തൊണ്ടയിലെ ക്യാന്സറിന്റെ മറ്റൊരു ലക്ഷണമാണ്. തൊണ്ടയില് എപ്പോഴും ഒരുതരം കരുകരുപ്പനുഭവപ്പെടും. എന്നാല് ഇതിനു പിന്നില് വ്യക്തമായ ഒരു കാരണവും രോഗിയ്ക്ക് കണ്ടെത്താന് കഴിയുകയുമില്ല.
തൊണ്ടയില് വരുന്ന ട്യൂമര് കാരണം ഭക്ഷണവും വെള്ളവും ഇറക്കാന് പ്രയാസംനേരിടും. ട്യൂമര് ഭക്ഷണത്തിന്റെ സുഗമമായ നീക്കത്തെ തടയുന്നതാണ് ഇതിന്കാരണം.
എപ്പോഴുമുള്ള ചുമ തൊണ്ടയിലെ ക്യാന്സറിന്റെ മറ്റൊരു ലക്ഷണമാണ്. എപ്പോഴുംപുക വലിയ്ക്കുന്നവര് ചുമയ്ക്കും. ഇതിന് സമാനമായ ചുമയായിരിക്കും തൊണ്ടയില്ക്യാന്സര് ബാധിയ്ക്കുമ്പോഴും ഉണ്ടാവുക. മറ്റു രോഗങ്ങളില്ലാതെ നിരന്തരംവരുന്ന ചുമ ക്യാന്സര് ലക്ഷണമാണോയെന്നും സംശയിക്കണം.
ശ്വസിക്കുമ്പോള് വ്യത്യസ്തമായ ശബ്ദങ്ങളുണ്ടാകുന്നതും തൊണ്ടയിലെ ക്യാന്സറിന്റെ ഒരുലക്ഷണം തന്നെയാകാം.
കുട്ടികളിലാണ് ഈ അപകടം എപ്പോഴും പതിയിരിക്കുന്നത്. കാരണം കുട്ടികളുടെ ഓട്ടവും ചാട്ടവും തന്നെയാണ് ഇതിന് കാരണം. പലപ്പോഴും തല മുട്ടി അവിടെ മുഴച്ച് വരാറുണ്ട്. ചിലപ്പോള് ആ ഭാഗം ചതയുകയും രക്തം കല്ലിക്കുകയും ചെയ്യുന്നു. ഇത് പലപ്പോഴും തലവേദന പോലുള്ള മറ്റ് ആരോഗ്യ പ്രശ്നങ്ങളിലേക്ക് നയിക്കുന്നു.
എന്നാല് ഇത്തരത്തില് തലയിടിച്ച് മുഴക്കുന്നത് അത്ര വലിയ പ്രശ്നമുള്ള കാര്യമല്ല. എന്നാല് പലരിലും ഇത്തരം പ്രശ്നങ്ങള് ദിവസങ്ങളോളം നില്ക്കും. വീട്ടില് തന്നെ ഉടന് തന്നെ ഇത്തരം പ്രശ്നങ്ങള്ക്ക് പരിഹാരം കാണാം. അതിനായി എന്തൊക്കെ കാര്യങ്ങള് ചെയ്യണം എന്ന് നോക്കാം.
എവിടെയെങ്കിലും തട്ടി തല മുഴച്ചാല് ഉടന് തന്നെ അല്പം ഐസ് ക്യൂബ് അപകടം പറ്റിയ സ്ഥലത്ത് വെക്കാം. ഇത് അരമണിക്കൂര് കൊണ്ട് തന്നെ ഈ പ്രശ്നത്തെ പരിഹരിക്കാന് സഹായിക്കുന്നു. പാടു പോലുമില്ലാതെ തന്നെ ഇത്തരം പ്രശ്നങ്ങളെ ദിവസങ്ങള്ക്കുള്ളില് ഇല്ലാതാക്കുന്നു.
ഇത്തരം ഇടികളോ തട്ടലുകളോ ഉണ്ടായാല് ഉടന് തന്നെ തല ഉയര്ത്തി വെച്ച്കിടക്കാം. ഇത് നെറ്റി വീങ്ങുന്ന വേദനയില് നിന്ന് ആശ്വാസം നല്കും.
നെറ്റി മുട്ടിയാല് ആ ഭാഗത്ത് ഉടന് തന്നെ ഒരു ടീബാഗ് നനച്ച് വെക്കുക. ഇത് വീക്കം കുറക്കുകയും വേദനയെ ഇല്ലാതാക്കുകയും ചെയ്യുന്നു.
ആപ്പിള് സിഡാര് വിനീഗര് നല്ലൊരു പരിഹാരമാണ് ഇത്തരം പ്രശ്നങ്ങള്ക്ക്.വെള്ളത്തില് അല്പം ആപ്പിള് സിഡാര് വിനീഗര് മിക്സ് ചെയ്ത് ഇത് വേദനയുള്ള ഭാഗത്ത് ഉരസുക. ഇത്തരത്തില് ചെയ്യുന്നത് വേദന മാറ്റുകയും വീക്കംകുറക്കുകയും ചെയ്യുന്നു. ദിവസവും രണ്ട് മൂന്ന് ദിവസം ഇത്തരത്തില്ചെയ്യുക. ഇത് ചെയ്യുന്നത് പാടുപോലും മാറ്റിത്തരുന്നു.
ആവണക്കെണ്ണ കൊണ്ടും ഇത്തരം പ്രശ്നങ്ങള്ക്ക് പരിഹാരം കാണാം. ആവണക്കെണ്ണയുംതേനും മിക്സ് ചെയ്ത് ഇടിച്ച ഭാഗത്ത് പുരട്ടുക. അരമണിക്കൂറിനു ശേഷം ഇത്കഴുകിക്കളയണം. വേദനയും നീറ്റലും പുകച്ചിലും ഇല്ലാതാക്കാന് ഇത് സഹായിക്കും.
ഏത് പ്രശ്നങ്ങള്ക്കും പരിഹാരം കാണാന് മഞ്ഞളിന് കഴിയും. അല്പം മഞ്ഞള്വെളിച്ചെണ്ണയില് മിക്സ് ചെയ്ത് മുഴക്കുന്ന ഭാഗത്ത് തേച്ച് പിടിപ്പിക്കാം.ഇത് നെറ്റിയിലെ നീരിനെ ഇല്ലാതാക്കാന് സഹായിക്കുന്നു.
ഏത് പ്രശ്നങ്ങള്ക്കും പരിഹാരം കാണാന് മഞ്ഞളിന് കഴിയും. അല്പം മഞ്ഞള്വെളിച്ചെണ്ണയില് മിക്സ് ചെയ്ത് മുഴക്കുന്ന ഭാഗത്ത് തേച്ച് പിടിപ്പിക്കാം.ഇത് നെറ്റിയിലെ നീരിനെ ഇല്ലാതാക്കാന് സഹായിക്കുന്നു.
ഉള്ളി നെടുകേ മുറിച്ച് അത് കൊണ്ട് ഇടി കിട്ടിയ ഭാഗത്ത് നല്ലതു പോലെ ഉരസുക. ഇത്തരത്തില് ചെയ്യുന്നതും നെറ്റി ഇടിച്ച് ഭാഗത്തെ വേദനയും നീരും ഇല്ലാതാക്കുന്നു.
വിശ്രമം എന്ത് അപകടം പറ്റിയാലും അത്യാവശ്യമുള്ള ഒന്നാണ്. അതുകൊണ്ട് തന്നെ കുട്ടികളില് ഇത്തരത്തില് നെറ്റി ഇടിക്കുകയോ മുഴക്കുകയോ ചെയ്താല് അവരെ വഴക്ക് പറയാതെ വിശ്രമിക്കാന് സമയം നല്കുക.
എന്താണ് യൂറിക് ആസിഡ്?
നാം കഴിക്കുന്ന ഭക്ഷണത്തിലും, ശരീര കോശങ്ങളിലും ഉള്ള പ്രോട്ടീന് വിഘടിച്ചുണ്ടാകുന്ന പ്യുറിന് എന്ന സംയുക്തത്തിന്റെ ശരീരത്തിലെ രാസപ്രക്രിയയുടെ ഫലമായി ഉണ്ടാകുന്ന ഉപോത്പന്നം ആണ് യൂറിക് ആസിഡ്.
എങ്ങിനെ യൂറിക് ആസിഡ് രക്തത്തില് വര്ധിക്കുന്നു?
യൂറിക് ആസിഡിന്റെ തോത് രക്തത്തില് ക്രമീകരിക്കുന്നത് കിഡ്നി ആണ്. ശരീരത്തില് ഉണ്ടാകുന്ന യൂറിക് ആസിഡിന്റെ മൂന്നില് രണ്ടു ഭാഗം മൂത്രത്തിലൂടെയും, മൂന്നില് ഒരു ഭാഗം മലത്തിലൂടെയും പുറന്തള്ളപ്പെടുന്നു. കിഡ്നിക്കുണ്ടാകുന്ന ഏതെങ്കിലും തകരാര് മൂലവും, നാം കഴിക്കുന്ന ഭക്ഷണത്തില് പ്രോട്ടീനിന്റെ അളവ് കൂടുന്നതും യൂറിക് ആസിഡ് രക്തത്തില് വര്ധിക്കാന് കാരണമാകുന്നു.
യൂറിക് ആസിഡ് ശരീരത്തില് വര്ധിച്ചാല് ഉണ്ടാകുന്ന ബുദ്ധിമുട്ടുകള്
രക്തത്തില് യൂറിക് ആസിഡ് കൂടുന്ന അവസ്ഥയെ ഹൈപ്പര് യൂറീസെമിയ എന്ന് പറയുന്നു. യൂറിക് ആസിഡിന്റെ അളവ് രക്തത്തില് വര്ധിക്കുന്നത് യൂറിക് ആസിഡ് ക്രിസ്റ്റല്സ് ഉണ്ടാകുന്നതിനു കാരണമാകുന്നു. ഇങ്ങനെ രൂപപ്പെടുന്ന ക്രിസ്റ്റലുകള് സന്ധികളിലും അനുബന്ധ കലകളിലും അടിഞ്ഞു കൂടുന്നു. ശരീരത്തിലെ രോഗ പ്രതിരോധ സംവിധാനം അടിഞ്ഞു കൂടിയിരിക്കുന്ന യൂറിക് ആസിഡ് ക്രിസ്റ്റലുകള്ക്ക് എതിരെ പ്രവര്ത്തിക്കുമ്പോള് അവ ചില സന്ധികളില് ചുവന്ന നിറത്തോട് കൂടിയ തടിപ്പ്, സൂചി കുത്തുന്നത് പോലുള്ള വേദന, മരവിപ്പ് തുടങ്ങിയവ ഉണ്ടാകുന്നു. ഈ അവസ്ഥയാണ് ഗൗട്ട്. ആയുര്വേദത്തില് ഇതിനെ വാതരക്തം എന്നാണു അറിയപ്പെടുന്നത്.ഒരു സമയം ഒരു സന്ധിയില്, അപൂര്വ്വം രണ്ടു സന്ധികളിലുമാണ് വേദനയും മറ്റു ലക്ഷണങ്ങളും ഒരേസമയം കാണപ്പെടുന്നത്. ഇതാണ് മറ്റു സന്ധിവേദന രോഗങ്ങളെ അപേക്ഷിച്ചു ഗൗട്ടിനെ വ്യത്യസ്തമാക്കുന്നത്.
യൂറിക് ആസിഡ് രക്തത്തില് കൂടിയാല് ശ്രദ്ധിക്കേണ്ട കാര്യങ്ങള്
ശരീര ഭാരം അധികമാവലും, വ്യായാമമില്ലായ്മയും, അമിതമായി പ്രോട്ടീന് അടങ്ങിയ ഭക്ഷണം കഴിക്കുന്നതും യൂറിക് ആസിഡ് രക്തതില് വര്ധിക്കാന് കാരണമാകുന്നു.മാംസം കൊഴുപ്പ്, വിവിധയിനം യീസ്റ്റ് അടങ്ങിയ ഭക്ഷണ പദാര്ത്ഥങ്ങള്, ബ്രഡ്ഡ്, ബിയര്, മദ്യം , കേക്ക്, മുതാലാവയും കോള, ടിന്നില് വരുന്ന ജ്യൂസ്, അവയവ മാംസങ്ങളായ കരള്, കിഡ്നി തുടങ്ങിയവയും യൂറിക് ആസിഡ് വര്ധിപ്പിക്കുന്നു.
മത്സ്യങ്ങളില് ചാള, അയല, ചൂര, കണവ, കൊഞ്ച്, കക്ക തുടങ്ങിയവയും പച്ചക്കറികളില് വഴുതനങ്ങ, മഷ്റൂം, കോളിഫ്ലവര് മുതലായവയും ഒഴിവാക്കലാണ് ഉത്തമം. കൈതച്ചക്ക, മുസംബി, വാഴപ്പഴം, ഞാവല് പഴം, കറുത്ത ചെറി, ഇഞ്ചി, തക്കാളി, ചുവന്ന ക്യാബേജ്, നാരങ്ങാ, റാഗി,നാരുകള് അടങ്ങിയതും മിതമായ പ്രോടീന് ഉള്ളതുമായ ഭക്ഷണം കഴിക്കുന്നതും യൂറിക് ആസിഡ് ശമിപ്പിക്കാന് സഹായിക്കുന്നു. ദിവസവും ചുരുങ്ങിയത് എട്ട് ഗ്ലാസ് എങ്കിലും വെള്ളം കുടിക്കാന് പ്രത്യേകം ശ്രദ്ധിക്കണം.
ചില പൊടികൈകള്.
1. നാരങ്ങാനീരില് തേന് ചേര്ത്ത് രാവിലെ വെറും വയറ്റില് കുടിക്കുന്നത് നല്ലതാണ്.
2 .പച്ചപപ്പായ കുരുകളഞ്ഞത് 200 ഗ്രാം ഒരു കപ്പ് വെള്ളത്തില് തിളപ്പിച്ചു രോഗിക്ക് ദിവസത്തില് 2 -3 തവണകളായി കുടിക്കാന് കൊടുക്കുക.
3 വയല്ചുള്ളി ഒരുപിടി 2 ലിറ്റര് വെള്ളത്തില് തിളപ്പിച്ച അരിച്ചെടുത്തു ദിവസത്തിലുടനീളം കുടിക്കാം.
സ്ത്രീ-പുരുഷ ഭേദമെന്യേ സാധാരണ കണ്ടുവരുന്ന ഒരു ചര്മരോഗമാണ് പാദം വിണ്ടുകീറല്. സ്ത്രീ-പുരുഷന്മാരെ ഒരുപോലെ ബാധിക്കുന്ന ഈ രോഗം കുട്ടികളിലും കണ്ടുവരാറുണ്ട്. പാദം വിണ്ടുകീറിയതു മൂലമുള്ള വേദനകാരണം ദൈനംദിന പ്രവൃത്തികള്പോലും നിര്വഹിക്കാന് കഴിയാതെ രോഗികള് കഷ്ടപ്പെടാറാണു പതിവ്. തൊഴില്ദിനങ്ങള് നഷ്ടപ്പെടുന്നതും സാധാരണമാണ്.
കാരണങ്ങള്: പാദങ്ങള് വിണ്ടുകീറുന്നതിന്റെ പ്രധാന കാരണം ചര്മത്തിന്റെ വരള്ച്ചയാണ്. ഇതിനോടനുബന്ധിച്ചു ചര്മത്തിന്റെ കട്ടി വര്ധിക്കുകയും ചെയ്യുന്നു. കാല്വെള്ളയുടെ നിറം മഞ്ഞകലര്ന്നതോ ബ്രൗണ് നിറമായോ മാറുന്നു. പാദങ്ങള് ഭാരം താങ്ങുമ്പോള് കാല്വെള്ളയിലെ കട്ടികൂടിയ ചര്മം വശങ്ങളിലേക്ക് വികസിക്കുകയും വിണ്ടുകീറുകയും ചെയ്യുന്നു. തുടക്കത്തില് ആഴം കുറഞ്ഞവയാണെങ്കില് പിന്നീടതിന്റെ ആഴം വര്ധിക്കുകയും വേദനയ്ക്കു കാരണമായിത്തീരുകയും ചെയ്യുന്നു. ചിലപ്പോള് വിണ്ടുകീറിയ പാദത്തില്നിന്നു രക്തം പൊടിയുകയും ചെയ്യാറുണ്ട്. വിണ്ടുകീറലില് അണുബാധ ഉണ്ടാവുകയും അതില് പഴുപ്പ് നിറയുകയും ചെയ്യും. വരണ്ട ചര്മത്തിന്റെ പുറമേ താഴെപറയുന്ന ഘടകങ്ങളും പാദം വിണ്ടുകീറുന്നതിനു കാരണാവാറുണ്ട്.
*അമിതഭാരം
*തുടര്ച്ചയായി നിന്നുകൊണ്ടു ജോലിചെയ്യുക
*നഗ്നപാദരായി നടക്കല്
*പാദം മുഴുവനായി പൊതിയാത്ത പാദരക്ഷകള് ഉപയോഗിക്കുന്നതുമൂലം
ചില പ്രത്യേക ചര്മ്മരോഗങ്ങളുള്ളവരില് പാദം വിണ്ടുകീറല് സാധാരണമാണ്. അവ താഴെപറയുന്നവയാണ്.
*എട്ടോപ്പിക് ഡെര്മറ്റൈറ്റിസ്
*ജുവനൈല് പ്ലാന്റാര് ഡെര്മറ്റോസസ്
*സോറിയാസിസ്
*പ്ലാന്റാര് കെരാറ്റോഡെര്മ
*പ്രമേഹം
*ഹൈപോതൈറോയ്ഡിസം.
ചികിത്സ
*പാദങ്ങള്ക്ക് ആവശ്യമായ വിശ്രമം നല്കണം.
*അണുബാധയുണ്ടെങ്കില് ആന്റിബയോട്ടിക്കുകള് ഉപയോഗിക്കണം.
*പാദം വിണ്ടുകീറലിന് ധാരാളം മരുന്നുകള് വിപണിയില് ലഭ്യമാണ്. യൂറിയ, ലാക്ടിക് ആസിഡ്, സാലിബിലിക് ആസിഡ് എന്നിവ ഇവയില് ചിലതാണ്. ഇവ പലവീര്യങ്ങളില് ലഭ്യമാണ്. പാദചര്മത്തിന്റെ കട്ടിയനുസരിച്ച് ഉപയോഗിക്കേണ്ട ലേപനത്തിന്റെ വീര്യം വ്യത്യാസപ്പെട്ടിരിക്കും.
*ഉപ്പുചേര്ത്ത തണുത്തവെള്ളത്തില് കാലുകള് മുക്കുവയ്ക്കുന്നതു നല്ലതാണ്.
പ്രതിരോധമാര്ഗങ്ങള്
*വരണ്ട ചര്മമുള്ളവര് എന്നും രാത്രി തണുത്ത വെള്ളത്തില് കാലുകള് മുക്കിവയ്ക്കണം.
*അതിനു ശേഷം എണ്ണമയം പ്രദാനംചെയ്യുന്ന ലേപനങ്ങള് പുരട്ടണം.
*ചൂടുവെള്ളത്തിലുള്ള കുളി ഒഴിവാക്കണം
* കാലുകളില് വ്രണങ്ങളോ, അണുബാധയോ ഉണ്ടാവുന്നുണ്ടോ എന്ന് എല്ലാദിവസവും രാത്രി പരിശോധിക്കണം.
*ശരീരഭാരം നിയന്ത്രിക്കണം
*ഹൈപോ തൈറോയ്ഡിസം, പ്രമേഹം എന്നിവയ്ക്ക് ചികിത്സ സ്വീകരിക്കുക.
കെരാറ്റോസിസ് പിലാരിസിസ് എന്ന അവസ്ഥയില്, ചര്മ്മം പരുപരുത്തതും ചെറിയ കുരുക്കളോടു കൂടിയതുമായിരിക്കും. ഈ അവസ്ഥയിലുള്ളവരുടെ ചര്മ്മം കണ്ടാല്, രോമാഞ്ചം സ്ഥിരമായി നിലനില്ക്കുന്നതു പോലെ തോന്നിക്കും. അതിനാല്, ഈ അവസ്ഥ ചിക്കന് സ്കിന്എന്ന പേരിലും അറിയപ്പെടുന്നു.
ഇത് അപകടകരമായ ഒരു അവസ്ഥയല്ല എന്നു മാത്രമല്ല, ചില വീട്ടു ചികിത്സകള് പ്രയോജനപ്പെടുകയും ചെയ്യും.
കെരാറ്റോസിസ് പിലാരിസിന്റെ ലക്ഷണങ്ങള്
കൈത്തണ്ടകളെയും തുടകളെയുമാണ് ഇത് പ്രധാനമായും ബാധിക്കുന്നത്. കുട്ടികളുടെ കവിളുകളെയും ഇത് ബാധിച്ചേക്കാം.
കാരണങ്ങള്
രോമകൂപങ്ങളില് കൂടിയ അളവില് കെരാറ്റിന് എന്ന പ്രോട്ടീന് അടിഞ്ഞുകൂടുന്നതാണ് ഇതിന്റെ പ്രധാന കാരണം. കെരാറ്റിന് അടിഞ്ഞുകൂടുന്നതു മൂലം രോമകൂപങ്ങള് അടയുകയും ചര്മ്മം പരുപരുത്തത് ആവുകയും ചെയ്യുന്നു. ഇത്തരത്തില് അടയുന്നതു മൂലം രോമകൂപങ്ങള് വിസ്തൃതമാവുകയും ചര്മ്മത്തില് കുത്തുകള് പോലെ കാണപ്പെടുകയും ചെയ്യുന്നു. ഇത് കുടുംബപരമായി കൈമാറ്റം ചെയ്യപ്പെടാം. ഈര്പ്പം കുറഞ്ഞതും തണുപ്പുള്ളതുമായ കാലാവസ്ഥയില് ഇത് കൂടുതല് വ്യക്തമാവും.
കെരാറ്റോസിസ് പിലാരിസ് നിര്ണയിക്കുന്നതെങ്ങനെ?
കെരാറ്റിന് അടിഞ്ഞുകൂടുന്നതും രോമകൂപങ്ങള് അടയുന്നതും ഉള്പ്പെടെയുള്ള ലക്ഷണങ്ങള് ചര്മ്മത്തിന്റെ ബയോപ്സി നടത്തുന്നതിലൂടെ തിരിച്ചറിയാന് സാധിക്കും.
പ്രതിരോധമാര്ഗങ്ങള്
കെരാറ്റോസിസ് പിലാരിസിസ് പ്രതിരോധിക്കാന് വ്യക്തമായ മാര്ഗങ്ങളൊന്നുമില്ല. എന്നാല്, ഇനി പറയുന്ന നടപടികള് ഗുണപ്രദമായിരിക്കും;
അടുത്ത നടപടികള്
നിങ്ങള് കെരാറ്റോസിസ് പിലാരിസ് മൂലം ബുദ്ധിമുട്ട് അനുഭവിക്കുന്നുണ്ട് എങ്കില്, ഡോക്ടറുടെ ഉപദേശങ്ങള് സ്വീകരിക്കുകയും ചികിത്സ തുടരുകയും ചെയ്യുക.
വിറ്റമിന് സി യുടെ മുഖ്യ സ്രോതസാണ് കോളിഫ്ളവര്. കൂടാതെ ഫോളിക് ആസിഡ്, വിറ്റമിന് ബി6, ബി5, ഒമേഗാ 3 ഫാറ്റിആസിഡ്, നാരുകള് ഇവയും ഇതിലടങ്ങിയിട്ടുണ്ട്. കാന്സറിനെ തടയാന് സഹായിക്കും. ഫൈറ്റോന്യൂട്രിയന്റുകളായ സള്ഫോറാഫേല്, ഇന്ഡോള്3 കാര്ബിനോള്, ഗ്ലൂക്കോസിനോലേറ്റ്സ് എന്നിവയുടെയും സ്രോതസ്സാണ് കോളിഫ്ളവര്.. കൊഴുപ്പ് വളരെ കുറവാണ് കോളിഫ്ളവറില്..
സ്റ്റാര്ച്ച് കുറവായതിനാല് ഉരുളക്കിഴങ്ങിനു പകരം കറികളില് കോളിഫ്ളവര് ഉപയോഗിക്കാം. ഭാരം കുറക്കാന് ആഗ്രഹിക്കുന്നവര്ക്കും കോളിഫ്ളവര് വളരെ ഉത്തമമാണ്. കോളിഫ്ളവര് കഴിക്കുന്നത് സ്ത്രീകള്ക്ക് വളരെ നല്ലതാണ്. ഇവയിലടങ്ങിയിരിക്കു സള്ഫൊറാഫെന് സ്തനാര്ബുദ കോശങ്ങളുടെ വളര്ച്ച ആദ്യഘട്ടങ്ങളില് തന്നെ തടയുന്നതായി പഠനങ്ങള് പറയുന്നു.
സ്തനാര്ബുദം ബാധിച്ചവരും ഭക്ഷണത്തില് കോളിഫ്ളവര് ധാരാളമായി ഉള്പ്പെടുത്തുത് നല്ലതാണ്. തന്മൂലം ഇവയിലടങ്ങിയിരിക്കുന്ന സള്ഫൊറാഫേന് എന്ന സംയുക്തം സ്തനാര്ബുദ വളര്ച്ചയെ സാവധാനത്തിലാക്കുകയാണ് ചെയ്യുന്നത്.
തടിയില്ല എന്ന് പരാതി പറയുന്നവര്ക്ക് പരിഹാരമാണ് ചോളം. കാരണം തടിയും ആരോഗ്യവും വര്ദ്ധിപ്പിക്കാന് ഇത്രയും ഫലപ്രദമായ മറ്റൊരു ഭക്ഷണം ഇല്ലെന്ന് തന്നെ പറയാം. ഇതുകൂടാതെ നിരവധി ആരോഗ്യ ഗുണങ്ങള് ചോളത്തിനുണ്ട്. രുചി എന്നതിലുപരി ആരോഗ്യത്തിനാണ് ചോളത്തില് പ്രാധാന്യം. പലര്ക്കും ചോളം ഇഷ്ടമാവില്ല. എന്നാല് ആരോഗ്യത്തിന് ഇത്രയേറെ ഗ്യാരണ്ടി നല്കുന്ന മറ്റൊരു ഭക്ഷണം ഇല്ലെന്ന് തന്നെ പറയാം.
ചോളം സ്ഥിരമായി കഴിച്ചാല് അത് പല വിധത്തിലുള്ള ആരോഗ്യ ഗുണങ്ങളാണ് നിങ്ങള്ക്ക് നല്കുന്നത്. അത്രയേറെ ആരോഗ്യകരമായ ഒന്നാണ് ചോളം എന്നത് തന്നെയാണ് മറ്റ് ധാന്യങ്ങളില് നിന്ന് ചോളത്തെ വ്യത്യസ്തമാക്കുന്നത്. എന്തൊക്കെ ആരോഗ്യ ഗുണങ്ങളാണ് ചോളം കഴിക്കുന്നതിലൂടെ നമുക്ക് ലഭിക്കുന്നത് എന്ന് നോക്കാം.
ചിലര് തടി കുറക്കാന് കഷ്ടപ്പെടുമ്പോള് ചിലരാകട്ടെ തടിവര്ദ്ധിപ്പിക്കാനാണ് ശ്രമിക്കുന്നത്. അതിന് ഏറ്റവും പറ്റിയ ഒന്നാണ് ചോളം.ചോളത്തില് കാര്ബ്യുറേറ്ററുകളും കലോറിയും കൂടുതലാണ്. ഇത് തന്നെയാണ് തടിവര്ദ്ധിപ്പിക്കുന്നത്. അത് കൊണ്ട് തന്നെ തടി വര്ദ്ധിപ്പിക്കാന് ആഗ്രഹമുള്ളവര്ക്ക് ചോളം സ്ഥിരമായി കഴിക്കാം.
പ്രമേഹമുള്ളവര്ക്ക് കഴിക്കാവുന്ന ഒന്നാണ് ചോളം. ചോളത്തില്അടങ്ങിയിട്ടുള്ള കാര്ബോഹൈഡ്രേറ്റുകളും പ്രോട്ടീനും ആണ് ഇതിന് പിന്നില്.ഇതാണ് ആരോഗ്യത്തിന് സഹായിക്കുന്ന ഒന്ന്.
മലബന്ധം മൂലം കഷ്ടപ്പെടുന്നവര്ക്ക് ഉത്തമ പരിഹാരമാണ് ചോളം. ചോളത്തില്ധാരാളം നാരുകള് അടങ്ങിയിട്ടുണ്ട്. അതുകൊണ്ട് തന്നെ നാരുകള് മലബന്ധം പോലുള്ള പ്രശ്നത്തെ ഇല്ലാതാക്കുന്നു.
പലരും കാഴ്ചക്കുറവ് കൊണ്ട് വളരെ ചെറുപ്പത്തില് തന്നെ കഷ്ടപ്പെടുന്നു. എന്നാല് ചോളം വേവിച്ച് കഴിക്കുന്നത് ഇത്തരം കാഴ്ച സംബന്ധമായ പ്രശ്നത്തെ വളരെ എളുപ്പത്തില് തന്നെ ഇല്ലാതാക്കുന്നു.
ഗര്ഭിണികള്ക്ക് പലപ്പോഴും ചില ഭക്ഷണങ്ങള് നിഷിദ്ധമായിരിക്കും. എന്നാല് ആഹാരത്തില് ചോളം ഉള്പ്പെടുത്താന് ഗര്ഭിണികള് ശ്രദ്ധിക്കണം. ഇത് ഗര്ഭകാല അസ്വസ്ഥതകള് കുറക്കുകയും പ്രസവം എളുപ്പത്തിലാക്കാന് സഹായിക്കുകയും ചെയ്യുന്നു.
കൊളസ്ട്രോള് ശരീരത്തില് അപകടകരമായ വിധം വര്ദ്ധിക്കുന്നതിന് തടയിടാന് എന്തുകൊണ്ടും സഹായിക്കുന്ന ഒന്നാണ് ചോളം. ശരീരത്തിലെ ചീത്ത കൊളസ്ട്രോളിനെ ഇല്ലാതാക്കാന് എന്തുകൊണ്ടും സഹായിക്കുന്നു ചോളത്തിന്റെ ഉപയോഗം.
ഹൃദയസംബന്ധമായ രോഗങ്ങള് ഓരോ ദിവസം കഴിയുന്തോറും കൂടി വരുന്ന അവസ്ഥയാണ് ഉള്ളത്. അതുകൊണ്ട് തന്നെ ഇത്തരം പ്രശ്നങ്ങള്ക്ക് പരിഹാരം കാണാന് ചോളം സ്ഥിരം കഴിക്കുന്നത് നല്ലതാണ്.
ചര്മ്മത്തില് പലര്ക്കും പല തരത്തിലുള്ള അലര്ജികളും ചൊറിച്ചിലും ഉണ്ടാവുന്നു. ഇതിനെല്ലാം പരിഹാരം കാണാന് ഏറ്റവും ഫലപ്രദമായ മാര്ഗ്ഗമാണ് ചോളം കഴിക്കുന്നത്. ഇത് ചര്മ്മത്തെ അലര്ജികളില് നിന്നും മറ്റുംസംരക്ഷിക്കുന്നു.
രോഗപ്രതിരോധശേഷി വര്ദ്ധിപ്പിക്കുന്ന കാര്യത്തില് ഏറ്റവും ഫലപ്രദമായ മാര്ഗ്ഗമാണ് ചോളത്തിന്റെ ഉപയോഗം. ഇതിലൂടെ അനീമിയ പോലുള്ള പ്രശ്നങ്ങള്ക്ക് പരിഹാരം കാണാന് കഴിയുന്നു.
ചില കാരണങ്ങളാല് ചര്മ്മത്തില് ചലമോ രക്തമോ ദ്രാവകമോ (സെറം അഥവാ പ്ളാസ്മ) നിറയുന്നതു മൂലമാണ് ബ്ലിസ്റ്ററുകള് അഥവാ കുമിളകള് ഉണ്ടാവുന്നത്. ചര്മ്മത്തില് ഒരു ഭാഗത്തു തന്നെ ശക്തിയായി ഉരസുന്നതു മൂലമോ പൊള്ളല് മൂലമോ കടുത്ത തണുപ്പ് മൂലമോ അല്ലെങ്കില് അണുബാധ മൂലമോ ആണ് ബ്ലിസ്റ്ററുകള് ഉണ്ടാവുന്നത്. പുതിയ ഷൂസ് ധരിക്കുമ്പോള്, നഗ്നമായ കൈകള് കൊണ്ട് തോട്ടപ്പണി ചെയ്യുമ്പോള് തുടങ്ങി ലളിതമായ കാര്യങ്ങള് മൂലവും ഇവ ഉണ്ടാകാം.
ബ്ലിസ്റ്ററുകള് പ്രധാനമായും മൂന്ന് തരത്തിലുണ്ട്
വാട്ടര് ബ്ലിസ്റ്ററുകള് (വെള്ളം നിറഞ്ഞ കുമിളകള്)- ചര്മ്മത്തിന്റെ ഒരേ ഭാഗത്ത് കൂടുതല് ഉരച്ചിലുണ്ടാകുമ്പോഴാണ് വാട്ടര് ബ്ലിസ്റ്ററുകള് ഉണ്ടാകുന്നത്. ഉദാഹരണത്തിന്, നിങ്ങള് പുതിയ ഷൂസ് ധരിക്കുമ്പോള് പാദത്തില് ബ്ലിസ്റ്റര് ഉണ്ടാകാം. സെറം അഥവാ പ്ലാസ്മ എന്നറിയപ്പെടുന്ന ദ്രാവകം നിറഞ്ഞ മൃദുലങ്ങളായ ചെറിയ കുമിളകളാണിവ. വാട്ടര് ബ്ലിസ്റ്ററുകള്ക്ക് നല്ല വേദനയും നീറ്റലും ഉണ്ടായിരിക്കും.
ബ്ലഡ് ബ്ലിസ്റ്ററുകള് (രക്തം നിറഞ്ഞ കുമിളകള്)) - ബ്ലഡ് ബ്ലിസ്റ്ററുകള്ക്ക് സാധാരണ കടുത്ത ചുവപ്പ് നിറമായിരിക്കും. ചര്മ്മത്തിനടിയിലെ രക്തധമനികള്ക്കും കോശങ്ങള്ക്കും കേടുവരുമ്പോഴാണ് ഇവയുണ്ടാവുന്നത്. മൃദുലമായ ഇത്തരം കുമിളകള്ക്ക് വേദനയുണ്ടാവുമെങ്കിലും പ്രത്യേക ചികിത്സയൊന്നും കൂടാതെ ഭേദമാവും.
ബേണ് ബ്ലിസ്റ്ററുകള് (പൊള്ളല് മൂലമുണ്ടാവുന്ന കുമിളകള്)) - സെക്കന്ഡ് ഡിഗ്രി പൊള്ളല് മൂലം ചര്മ്മത്തിന്റെ ആദ്യത്തെ രണ്ട് പാളികള്ക്ക് കേടുവരുമ്പോഴാണ് ബേണ് ബ്ലിസ്റ്ററുകള് ഉണ്ടാവുന്നത്. വാട്ടര് ബ്ലിസ്റ്ററുകളെ പോലെ ബേണ് ബ്ലിസ്റ്ററുകളിലും സെറം അഥവാ പ്ളാസ്മ എന്ന ദ്രാവകം നിറഞ്ഞിരിക്കും. അടിസ്ഥാനപരമായ കാരണങ്ങളാല് ബേണ് ബ്ലിസ്റ്ററുകള് വളരെ വേദനയുണ്ടാക്കും. ഉണങ്ങാന് കൂടുതല് സമയവുമെടുക്കും.
കുഞ്ഞുങ്ങളുടെ ചര്മ്മം അതിലോലവും മൃദുലവുമാണ്. അതിനാല്, കൂടുതല് പരിചരണവും ആവശ്യമാണ്. തങ്ങളുടെ കുഞ്ഞുങ്ങളുടെ ചര്മ്മം പരിപാലിക്കുന്നതെങ്ങനെയെന്നും അതിനുള്ള ശരിയായ ഉത്പന്നങ്ങള് എന്തൊക്കെയാണെന്നുമുള്ളത് പുതിയ അമ്മമാരെ സംബന്ധിച്ചിടത്തോളം ആശയക്കുഴപ്പം സൃഷ്ടിക്കുന്ന സംഗതിയാണ്. കുഞ്ഞുങ്ങളുടെ മൃദുല ചര്മ്മം പരിപാലിക്കുന്നതിനുള്ള ചില ടിപ്പുകളിതാ
ഉത്പന്നങ്ങള് തെരഞ്ഞെടുക്കുന്നത് ശ്രദ്ധയോടെ വേണം
കുഞ്ഞിന്റെ ചര്മ്മത്തിനു പോഷണം ലഭിക്കുന്നതിനും അസ്വസ്ഥതകള് ഇല്ലാതെ വൃത്തിയായി ഇരിക്കുന്നതിനും വളരെ കുറച്ച് ചേരുവകള് മാത്രം അടങ്ങിയ ഉത്പന്നങ്ങള് ഉപയോഗിക്കുക. അവയില് പരാബെനുകള് (പ്രിസര്വേറ്റീവുകള്), ഫോര്മാല്ഡിഹൈഡ്, സുഗന്ധമുണ്ടാക്കുന്ന വസ്തുക്കള് ) എന്നിവ ചേര്ത്തിട്ടില്ല എന്ന് ഉറപ്പുവരുത്തണം. ഇവ ചര്മത്തില് ചൊറിച്ചിലിനും തടിപ്പുകള്ക്കും കാരണമായേക്കാം. സ്വാഭാവിക ചേരുവകള് അടങ്ങിയ ഉത്പന്നങ്ങള് വാങ്ങുന്നതായിരിക്കും സുരക്ഷിതം. കുഞ്ഞിനെ മസാജ് ചെയ്യുന്നതിന് ബദാം എണ്ണ (ആല്മണ്ട് ഓയില്)) ഉപയോഗിക്കാവുന്നതാണ്. കുഞ്ഞിനുള്ള ചര്മ്മ സംരക്ഷണ ഉത്പന്നങ്ങള് വാങ്ങുന്നതിനു മുമ്പ് ഡോക്ടറുടെ ഉപദേശം തേടുന്നത് നന്നായിരിക്കും. ചുരുക്കം ചില അവസരങ്ങളില്, സ്വാഭാവിക ചേരുവകള് പോലും ലോലമായ ചര്മ്മത്തില് അസ്വസ്ഥത സൃഷ്ടിച്ചേക്കാം.
കുളി
കൊച്ചു കുഞ്ഞുങ്ങളെ എല്ലാ ദിവസവും കുളിപ്പിക്കേണ്ടതില്ല. ആഴ്ചയില് 2-3 തവണ കുളിപ്പിച്ചാല് മതിയാവും. ചൂടുവെള്ളത്തിലല്ല, ഇളം ചൂടുള്ള വെള്ളത്തില് വേണം കുളിപ്പിക്കേണ്ടത്.
കുഞ്ഞുങ്ങളുടെ വസ്ത്രങ്ങള് പ്രത്യേകം കഴുകണം
സുഗന്ധവസ്തുക്കള് ചേര്ക്കാത്തതും ഡൈ അടങ്ങിയിട്ടില്ലാത്തതുമായ ഡിറ്റര്ജന്റുകള് ഉപയോഗിച്ചു വേണം കുഞ്ഞുങ്ങളുടെ വസ്ത്രങ്ങള് കഴുകേണ്ടത്. കുഞ്ഞുങ്ങളുടെ വസ്ത്രങ്ങള് പ്രത്യേകമായി വേണം കഴുകേണ്ടത്.
ഡയാപറുകള് മാറ്റുക
സമയാസമയങ്ങളില് ഡയാപറുകള് മാറ്റിയില്ല എങ്കില് കുഞ്ഞിന്റെ ചര്മ്മത്തില് തടിപ്പുകള് (ഡയാപര് റാഷ്) ഉണ്ടാകാനുള്ള സാധ്യത കൂടുതലായിരിക്കും. ഡയാപര് മാറ്റിയ ശേഷം ഇളം ചൂടുവെള്ളം/ബേബി വൈപ് ഉപയോഗിച്ച് തുടച്ച ശേഷം വേണം പുതിയ ഡയാപര് ഇടേണ്ടത്. അനുകൂല പരിത:സ്ഥിതികളില്, ഡയാപറുകള് ഇടാതെ അല്പ്പനേരം കുഞ്ഞുങ്ങളെ സ്വതന്ത്രമായി വിടുന്നതു നന്നായിരിക്കും. ഇത് കുഞ്ഞിന് കൂടുതല് സ്വാതന്ത്ര്യം നല്കുമെന്നു മാത്രമല്ല, ഡയാപര് റാഷിനുള്ള സാധ്യത കുറയ്ക്കുകയും ചെയ്യും.
ചര്മ്മപരിചരണത്തില് ശ്രദ്ധ പതിപ്പിക്കുന്നതു മൂലം കുഞ്ഞിന്റെ ശരീരത്തില് തടിപ്പുകള് ഉണ്ടാകുന്നതു തടയുന്നതിനും, ചര്മ്മം മൃദുവും കളങ്കരഹിതവുമായി സൂക്ഷിക്കുന്നതിനും സാധിക്കും.
കടപ്പാട് : ഇന്ഫോ മാജിക്
അവസാനം പരിഷ്കരിച്ചത് : 2/15/2020