ചൂടുകാലത്ത് സര്വ സാധാരണമായി കണ്ടുവരുന്ന രോഗങ്ങളിലൊന്നാണ്ചിക്കന്പോക്സ്. അതിവേഗം പടരുന്ന രോഗമാണിത്. വേരിസെല്ലസോസ്റ്റര് എന്ന വൈറസാണ് ചിക്കന്പോക്സ് പടര്ത്തുന്നത്. പൊതുവേ പ്രതിരോധ ശക്തികുറഞ്ഞിരിക്കുമെന്നതിനാല് ഗര്ഭിണികള്, എയ്ഡ്സ് രോഗികള്, പ്രമേഹരോഗികള്, നവജാത ശിശുക്കള്, അര്ബുദം ബാധിച്ചവര് തുടങ്ങിയവര് ഇതിനെ ഏറെശ്രദ്ധയോടെ കാണേണ്ടതുണ്ട്. 176.
പ്രധാന ലക്ഷണങ്ങള്
മിക്കവരിലുംതലയിലും വായിലും ആണ് കുരുക്കള് ആദ്യം പ്രത്യക്ഷപ്പെടുക. പിന്നീട് നെഞ്ചത്തും പുറത്തും ഉണ്ടാകുന്നു. എണ്ണത്തില് ഇത് കൂടുതലാണ്.എന്നാല്, കൈകാലുകളില് എണ്ണം കുറവാണ്. എന്ന പ്രത്യേകതയുമുണ്ട്.
ചിക്കന്പോക്സിന്റെ മറ്റൊരു പ്രധാന ലക്ഷണമാണ് ചൊറിച്ചില്. കുരുക്കളുള്ള ഭാഗത്ത് മാത്രമായോശരീരം മുഴുവനുമായോ ചൊറിച്ചില് അനുഭവപ്പെടാം. ചൊറിഞ്ഞ് പൊട്ടിയാല്പഴുക്കാന് സാധ്യത കൂടുതലാണ്.
രോഗം പകരുന്നത് എങ്ങനെ?
ഒരാള്രോഗിയാകുന്നതിനു മുമ്പു തന്നെ രോഗംപരത്താന് പ്രാപ്തനാകുന്നു എന്ന ദൗര്ഭാഗ്യകരമായ അവസ്ഥയുള്ള ഒരു രോഗമാണ് ചിക്കന്പോക്സ്. .. ഉയര്ന്നതോതില് രോഗം പടര്ത്തുന്നു എന്നതു തന്നെയാണ് ഈ രോഗത്തിന്റെ പ്രധാനപ്രശ്നം.
രോഗിയുടെ വായില്നിന്നും മൂക്കില്നിന്നും ഉള്ളസ്രവങ്ങളാണ് പ്രധാനമായും രോഗം പരത്തുക. കൂടാതെ, സ്പര്ശനം മൂലവും ചുമക്കുമ്പോള് പുറത്തുവരുന്ന ജലകണങ്ങള് വഴിയും രോഗം പടരും. കുമിളകള്പ്രത്യക്ഷപ്പെടുന്നതിന് രണ്ടുദിവസം മുമ്പ് മുതല് കുമിള പൊന്തി 6-10 ദിവസം വരെയും രോഗം പരത്തും. സാധാരണ ഗതിയില് ഒരിക്കല് രോഗം ബാധിച്ചാല് ജീവിതകാലം മുഴുവന് ഈ രോഗം വരാതെയിരിക്കാം. എന്നാല്, പൊതു പ്രതിരോധം തകരാറിലായാല് മാത്രം വീണ്ടും രോഗം വരാറുണ്ട്.
ഷിംഗിള്സ് : ചിക്കന്പോക്സിന്റെ വകഭേദം
ഒരിക്കല് ചിക്കന്പോക്സ് ബാധിച്ചവരില് മാത്രം കാണപ്പെടുന്ന ചിക്കന്പോക്സിന്റെ ഒരു വകഭേദമാണ് ഞരമ്പ്പൊട്ടി' അഥവാ ഷിംഗിള്സ്. ഇവരില് ശരീരത്തില് ശക്തമായ വേദന അനുഭവപ്പെടുകയും സംവേദനനാഡികളുടെ വിന്യാസത്തില് കൂട്ടമായി കുരുക്കള് ഉണ്ടാവുകയും ചെയ്യും.ചിക്കന്പോക്സ് വന്നവരില് വൈറസ് ഉറങ്ങിക്കിടക്കുകയും അനുകൂലസാഹചര്യത്തില് പ്രവര്ത്തന സജ്ജമാകുകയും ചെയ്യുന്നതാണ് ഷിംഗിള്സിന് ഇടയാക്കുന്നത്. നെഞ്ചത്തും പുറത്തും മുഖത്തുമാണ് ഇവ സാധാരണ കാണപ്പെടുക. കുരുക്കള് പോയാലും വര്ഷങ്ങള് കഴിഞ്ഞും വേദന നിലനില്ക്കുന്നവരുമുണ്ട്.
പരിഹാരങ്ങള്
ചികിത്സ, പോഷക ഭക്ഷണം, വിശ്രമം ഇവ അനിവാര്യമായ ഒരു രോഗമാണ് ചിക്കന്പോക്സ്. . കുരുക്കള് ഉണക്കുക, പ്രതിരോധ ശക്തി വര്ദ്ധിപ്പിക്കുക, വേദന കുറക്കുക, പനി ശമിപ്പിക്കുക ഇവ ഉള്പ്പെട്ടതാണ് ചിക്കന് പോക്സിന്റെ ആയുര്വേദചികിത്സകള്. കണിക്കൊന്ന, വേപ്പ്, മഞ്ചട്ടി, ഗുഗ്ഗുലു ഇവ ഉള്പ്പെട്ടമരുന്നുകള് അതിവേഗം കുരുക്കളെ ഉണക്കുകയും പാട് ഇല്ലാതാക്കുകയും ചെയ്യും. കുളിക്കാന് നാല്പാമരമോ ത്രിഫലയോ വേപ്പിലയും മഞ്ഞളും ചേര്ത്തതോ ആയ ചെറുചൂടുള്ള വെള്ളം ഉപയോഗപ്പെടുത്താം. പ്രതിരോധ ശക്തിക്ക് രസായനൗഷധങ്ങളും നല്കുന്നു. ചികിത്സക്കൊപ്പം വിശ്രമം അനിവാര്യമാണ്. മറ്റുള്ളവര്ക്ക്രോഗം പരത്താതിരിക്കാനും രോഗി ശ്രദ്ധിക്കേണ്ടതുണ്ട്.
പച്ചക്കറികള് ധാരാളമടങ്ങിയ നാടന് വിഭവങ്ങള് ചിക്കന്പോക്സ് ബാധിച്ചവര്ക്ക് അനുയോജ്യം. ഒപ്പം വെള്ളവും ധാരാളം ഉള്പ്പെടുത്തേണ്ടതാണ്. തിളപ്പിച്ചാറിയവെള്ളം, ഇളനീര്, പഴച്ചാറുകള് ഇവ പ്രയോജനപ്പെടുത്താം.
മിശ്രി എന്ന് സാധാരണ അറിയപ്പെടുന്ന റോക് ഷുഗർ / കൽക്കണ്ടം പഞ്ചസാരയുടെ അസംസ്കൃത രൂപമാണ്. ഇത് പാചക, ഔഷധ ആവശ്യകതകൾക്ക് ഉപയോഗിക്കുന്നു. ഇതിൽ പഞ്ചസാരയുടെ അളവ് കുറവാണ്. പരമ്പരാഗത വെളുത്ത പഞ്ചസാരയുമായി താരതമ്യം ചെയ്യുമ്പോൾ ഇതിന് രുചിയിൽ ചെറിയ വ്യതിയാനമുണ്ട്.
മിശ്രി, അല്ലെങ്കിൽ റോക്ക് പഞ്ചസാര/ കൽക്കണ്ടം , കരിമ്പിന്റെയും പന മരത്തിൻറെയുംസ്രവത്തിൽ നിന്നുമാണ് നിർമ്മിച്ചിരിക്കുന്നത്. കൽക്കണ്ടത്തിന്റെ രൂപത്തിൽകാണുന്ന ഈ പന കൽക്കണ്ടം നിരവധി പോഷകഘടകൾ നിറഞ്ഞതാണ്.
കൽക്കണ്ടത്തിൽഅവശ്യ ജീവകങ്ങളും ധാതുക്കളും അമിനോ ആസിഡുകളും അടങ്ങിയിട്ടുണ്ട്. മാംസത്തിൽ അടങ്ങിയിരിക്കുന്ന വൈറ്റമിൻ ബി 12 ഇതിൽ ധാരാളം അടങ്ങിയിരിക്കുന്നു
പഞ്ചസാരക്ക് പകരം ഉപയോഗിക്കാവുന്ന ആരോഗ്യകരമായ ഒന്നാണിത് . ഭക്ഷണത്തിനു ശേഷം ബ്രഷ് ചെയ്യുകയോ അല്ലെങ്കിൽ കഴുകുകയോ ചെയ്തില്ലെങ്കിൽ മണിക്കൂറുകൾ കഴിയുമ്പോൾ നിങ്ങളുടെ മോണയിൽ ബാക്ടീരിയകൾ ഉണ്ടാകാം.ഭക്ഷണത്തിനു ശേഷം കൽക്കണ്ടം കഴിച്ചാൽ അത് ശ്വാസത്തിൽ ഫ്രഷ്നസ്നിലനിറുത്തുന്നു. ഇത് വായിലും ശ്വസനത്തിലും പുതുമ ഉറപ്പ് തരുന്നു.
നിങ്ങൾക്ക് തൊണ്ട രോഗങ്ങളോ അല്ലെങ്കിൽ പനിയോ ഉണ്ടെങ്കിൽചിലപ്പോൾ ചുമഉണ്ടാകാം . കൽക്കണ്ടം ഇതിന് ഉടൻ ആശ്വാസം നൽകും . കൽക്കണ്ടം വായിലിട്ട് പതിയെ അലിയിച്ചിറക്കിയാൽ ചുമയ്ക്ക് ആശ്വാസം ലഭിക്കും.
തണുത്ത കാലാവസ്ഥ നിരവധി ആരോഗ്യപ്രശ്നങ്ങൾ ഉണ്ടാക്കാം . കൽക്കണ്ടം വരണ്ട തൊണ്ടയ്ക്ക് പെട്ടെന്നുള്ള പരിഹാരമാണ്. കൽക്കണ്ടം കറുത്ത കുരുമുളക്, നെയ്യു എന്നിവ ചേർത്ത് രാത്രിയിൽ കഴിച്ചാൽ മതിയാകും.
ഹീമോഗ്ലോബിന്റെ അളവ് കുറവുള്ള ആളുകൾക്ക് വിളർച്ച, മങ്ങിയ ത്വക്ക്, തലകറക്കം, ക്ഷീണം, ബലഹീനത തുടങ്ങിയ പ്രശ്നങ്ങൾ ഉണ്ടാകാം.കൽക്കണ്ടം ഹീമോഗ്ലോബിന്റെ അളവ് വർദ്ധിപ്പിച്ച് ഇതിൽ നിന്നും നമ്മെ രക്ഷപ്പെടുത്തും . ശരീരത്തിലെ രക്തചംക്രമണം പുനരുജ്ജീവിപ്പിക്കുകയും ചെയ്യും.
കൽക്കണ്ടം വായയുടെ ഫ്രെഷിനായി മാത്രമല്ല ഉപയോഗിക്കുന്നത് . കൽക്കണ്ടവുംപെരുംജീരകവും ചേർന്നത് ദഹനത്തെ സഹായിക്കുന്നു. ഇതിന് ഉടനടി ദഹനപ്രക്രിയയിൽ സഹായിക്കാനാകും . ദഹനക്കേട് ഒഴിവാക്കാൻ ഭക്ഷണത്തിനു ശേഷം ഏതാനും കൽക്കണ്ടം കഴിക്കുക.
കൽക്കണ്ടതിന് ഒരു ഉന്മേഷ രുചിയുണ്ട്,അതിനാൽ ഭക്ഷണം കഴിച്ചശേഷം ഇത് ഊർജ്ജംനൽകും. ഭക്ഷണത്തിനുശേഷം നിങ്ങൾക്ക് മന്ദതയായിരിക്കും . എന്നാൽ കൽക്കണ്ടംനിങ്ങളുടെ ഊർജ്ജം വർദ്ധിപ്പിക്കുകായും മന്ദത തടയുകയും ചെയ്യും. അതിനാൽ കൽക്കണ്ടവും പെരും ജീരകവും ചേർത്ത് ഭക്ഷണശേഷം കഴിക്കുക.
മൂക്കിലെ രക്തസ്രാവം നിർത്താൻ കൽക്കണ്ടം സഹായിക്കും എന്നറിഞ്ഞാൽ നിങ്ങൾഅത്ഭുതപ്പെടും.ഇത് തികച്ചും സാധാരണ അവസ്ഥയാണ് . നിങ്ങൾക്ക് മൂക്കിൽ രക്തസ്രാവംഉണ്ടെങ്കിൽ, കൽക്കണ്ടവും വെള്ളവും ഉപയോഗിക്കുക.രക്തസ്രാവംനിൽക്കും.
കൽക്കണ്ടം മസ്തിഷ്കത്തിന് ഒരു ഔഷധമായി ഉപയോഗിക്കുന്നു. കൽക്കണ്ടത്തിനു ഓർമ്മ മെച്ചപ്പെടുത്താനും മാനസിക ക്ഷീണം തടയാനും സഹായിക്കുന്നു. കൽക്കണ്ടം ചൂട് പാലിൽ ചേർത്ത് ഉറങ്ങുന്നതിനു മുൻപ് കുടിയ്ക്കുക. ഇത് ഓർമ്മ മെച്ചപ്പെടുത്തുന്നതിന് നല്ലൊരു പ്രകൃതിദത്ത പരിഹാരമായി പ്രവർത്തിക്കും.
കൽക്കണ്ടം അല്ലെങ്കിൽ റോക്ക് പഞ്ചസാര, മുലയൂട്ടുന്ന അമ്മമാർക്ക് ഉപയോഗപ്രദമാണ്. കാരണം ഇത് ആൻറി-ഡിപ്രസന്റ് ആയി പ്രവർത്തിക്കുകയും മുലപ്പാൽ ഉത്പാദിപ്പിക്കുകയും ചെയ്യുന്നു. മിശ്രിക്ക്കുറവ് മധുരമാണ്, അത് അമ്മയെ ഒരു തരത്തിലും ദോഷകരമായി ബാധിക്കുകയില്ല.
വളരെ പെട്ടെന്ന് ദഹിക്കുന്ന പഴമായ സപ്പോട്ടയില് ഗ്ലൂക്കോസ്ഉയര്ന്ന അളവില് അടങ്ങിയിട്ടുണ്ട്. ഇത് ശരീരത്തിന് ഊര്ജ്ജവും ഉന്മേഷവും നല്കുന്നു. കായികരംഗത്ത്പ്രവര്ത്തിക്കുന്നവര്ക്കും കളികളില് ഏര്പ്പെടുന്ന കുട്ടികള്ക്കും ഗ്ലൂക്കോസിന്റെ ആവശ്യം ഏറെയുള്ളതിനാല് ഇവര്ക്ക് കഴിക്കാവുന്ന മികച്ച ഫലമാണ് സപ്പോട്ട.
വൈറ്റമിനുകളുടെയും ധാതുക്കളുടെയും കലവറയുമാണ് സപ്പോട്ട. ദഹനപ്രക്രിയ സുഗമമാക്കാന് കഴിവുണ്ടിതിന്. ഉദരസംബന്ധമായ പ്രശ്നങ്ങള്ക്കും ഉത്തമമാണ് ഈ പഴം. സപ്പോട്ടയില് അടങ്ങിയിട്ടുള്ള ആന്റി ഓക്സിഡന്റുകളും നാരുകളും വിവിധതരം രോഗങ്ങളില് നിന്ന് ശരീരത്തെ സംരക്ഷിക്കുന്നു.വൈറ്റമിന് എ, ബി, ഇ കാര്ബോഹൈഡ്രേറ്റ് എന്നിവ സപ്പോട്ടയില്അടങ്ങിയിട്ടുണ്ട്. ചര്മ്മ സംരക്ഷണത്തിന് സഹായകമാണ് സപ്പോട്ട ഉള്പ്പെടുന്ന ആഹാരക്രമം.
സപ്പോട്ടയില്അടങ്ങിയിട്ടുള്ള വൈറ്റമിന് ഇ ചര്മ്മത്തിന് മൃദുത്വവും തിളക്കവും നല്കും. ഉറക്കം പ്രദാനം ചെയ്യാന് കഴിവുണ്ട് സപ്പോട്ടയ്ക്ക് . മാനസിക ഉന്മേഷം ലഭിക്കാനും സപ്പോട്ടകഴിക്കാം.
ആഹാരത്തില് ഉപ്പില്ലെന്ന് പറഞ്ഞു കറികള്വലിച്ചെറിയുന്ന ധാരാളം പേര് നമുക്ക് ചുറ്റുമുണ്ട്. എല്ലാവര്ക്കും ഉപ്പ് ആവശ്യമാണ്. എന്നാല് അമിതമായാല് മരണത്തിനു കാരണമാകും എന്ന് നമ്മളില് ആരുംതിരിച്ചറിയുന്നില്ല. ഉപ്പിന്റെ അമിത ഉപയോഗം മൂലം മരിക്കുന്നവരുടെ നിരക്ക് ഇന്ന് ലോകത്ത്കൂടിവരുകയാണ്. ദക്ഷിണേഷ്യയില് ഇന്ന് മരണനിരക്ക് കൂടുന്നതിനുള്ള മുഖ്യകാരണങ്ങളിലൊന്ന് രക്തസമ്മര്ദ്ദമാണ്. ഉപ്പിന്റെ അമിത ഉപയോഗമാണ് അമിത രക്തസമര്ദ്ദത്തിനുള്ള പ്രധാനകാരണം. ഇതു മൂലം ഹാര്ട്ട് അറ്റാക്ക് വരാനുള്ള സാധ്യത 57 ശതമാനവും പക്ഷാഘാത നിരക്ക് 40 ശതമാനവും ആണ്.
നമ്മുടെ ഭക്ഷണക്രമം ഇപ്പോള് പഴയതുപോലെയല്ല. ഫാസ്റ്റ്ഫുഡ് ജീവിതത്തിന്റെ ഭാഗമായി മാറിക്കഴിഞ്ഞു. നമ്മള് ആവേശത്തോടെ കഴിക്കുന്ന ഇത്തരം ആഹാര സാധനങ്ങളില് രുചിക്ക് വേണ്ടി പലകൃത്രിമ രാസവസ്തുക്കളും ഉപ്പും അമിതമായി ചേര്ക്കുന്നുണ്ട്. ഹൈപെര്ടെന്ഷന്, അമിത രക്ത സമ്മര്ദം, അമിതവണ്ണം എന്നീ രോഗങ്ങള് ബാധിക്കുന്നവരുടെ എണ്ണം ക്രമാതീതമായി വര്ദ്ധിക്കുന്നതിന് മുഖ്യ കാരണം ഇതാണ്. കുട്ടികളിലും അമിത രക്തസമ്മര്ദ്ധവും അമിതവണ്ണവും പതിവാകുന്നതിന്കാരണവും മാറിയ ഭക്ഷണക്രമം തന്നെയാണ്. ലോകാരോഗ്യ സംഘടനയുടെ കണക്കനുസരിച്ച്ഒരു വ്യക്തിക്ക് ഒരു ദിവസം ഉപയോഗിക്കാവുന്നത് അഞ്ച് ഗ്രാം ഉപ്പ് മാത്രമാണ്. അടുത്ത അഞ്ച് വര്ഷം കൊണ്ട് ഉപ്പിന്റെ ഉപഭോഗം 10 ശതമാനം കുറയ്ക്കണമെന്നാണ് ലോകാരോഗ്യ സംഘടന ലക്ഷ്യമിടുന്നത്. 2025 ആകുമ്പോഴേയ്ക്ക് ഉപ്പിന്റെ ഉപഭോഗം 30 ശതമാനം കുറക്കണമെന്നും ലക്ഷ്യമുണ്ട്.
ഒറ്റനോട്ടത്തില് നിരുപദ്രവകാരിയാണ് ഉപ്പ്. ഉപ്പ് ധാരാളം അടങ്ങിയ ഭക്ഷണപദാര്ത്ഥങ്ങള് കഴിക്കുമ്പോള് ദാഹം കൂടുതലായി അനുഭവപ്പെടുന്നു. ഇത് സോഫ്റ്റ് ഡ്രിംങ്സ് ധാരാളം കഴിക്കാന് ഇടയാക്കുന്നു. ഇത് മൂലം കുട്ടികളില് അമിതവണ്ണം ഉണ്ടാകുന്നു. പച്ചകറികളോ, ഫലങ്ങളോ കഴിക്കാത്തത് പ്രശ്നം സങ്കീര്ണ്ണമാക്കുണ്ട്. പച്ചക്കറികളിലും,ഫലങ്ങളിലും, ധാരാളം പൊട്ടാസ്യം അടങ്ങിയിരിക്കുന്നു. ഇത് രക്തത്തില് അടങ്ങിയ സോഡിയത്തിന്റെ അളവ്കുറയ്ക്കുകയും അതുവഴി രക്തസമ്മര്ദം കുറയ്ക്കുകയും ചെയ്യുന്നു.
ഫാസ്റ്റ് ഫുഡ് ഉപയോഗം പൂര്ണമായി ഉപേക്ഷിക്കുക എന്നതാണ് ഏറ്റവും പ്രധാന മാര്ഗം. കഴിക്കുന്ന സമയത്ത് ആഹാരസാധനങ്ങളില് വീണ്ടും ഉപ്പ് ചേര്ക്കരുത്. അച്ചാറ്, പപ്പടം, എന്നിവ പാടെ ഉപേക്ഷിക്കുക. വീട്ടില് ഉണ്ടാക്കുന്ന ഭക്ഷണപദാര്ഥങ്ങള് കഴിക്കാന് ശ്രമിക്കുക. ഹോട്ടലുകളില് നിന്ന്കഴിക്കുന്ന ആഹാരസാധനങ്ങളില് ധാരാളം ഉപ്പ് ചേര്ക്കുന്നുണ്ട്.പഴകിയ പച്ചകറികള് കഴിവതും ഉപയോഗിക്കാതിരിക്കുക.
ശുദ്ധമായ തേന് ആരോഗ്യത്തിനും സൗന്ദര്യത്തിനും വിശേഷപ്പെട്ട ഒരു ഔഷധമാണ്എന്നറിയുന്നവര് നന്നേ ചുരുങ്ങും , ഇതാ തേനിന്റെ ചില ഗുണങ്ങള്. തേന് ഒരു ടേബിള് സ്പൂണ് വീതം നിത്യേന കഴിച്ചാല് അധിക തടി മാറി ശരീരം മെലിയും. മുഖത്ത് ദിവസവും തേന് പുരട്ടി 10 മിനിട്ടിനു ശേഷം കഴുകിക്കളഞ്ഞാല് ചര്മ്മ സൗന്ദര്യം വര്ദ്ധിക്കുമത്രേ. കരിയില് തേന്ചേര്ത്ത് പല്ലുതേച്ചാല് പല്ല് വെട്ടിത്തിളങ്ങും. പച്ചവെള്ളത്തില് തേന്ചേര്ത്ത് കവിള്കൊണ്ടാല് വായ്പുണ്ണ് മാറും. വസൂരിക്കല മാറാന് തേന് പുരട്ടിയാല് മതി. ചെറിയ തീ പൊള്ളലേറ്റാല് ആ ഭാഗത്ത് തേന് പുരട്ടിയാല് കുമിള വരില്ല.
ചെറുപയര് മുളപ്പിക്കുന്നതില് പല ഗുണങ്ങളുമുണ്ട്. മുളപ്പിക്കുമ്പോള് ജീവകം ഡി ഉള്പ്പെടെയുള്ള ജീവകങ്ങളുടെയും ധാതുക്കളുടെയും അളവ് വര്ധിക്കുന്നു. ചെറുപയര് മുളപ്പിക്കുന്നതിന്റെ ചില പ്രധാന ഗുണങ്ങള് നോക്കാം.
മുളപ്പിച്ച പയറില് ജീവനുള്ള എന്സൈമുകള് ധാരാളമുണ്ട്.ദഹനസമയത്ത് രാസപ്രവര്ത്തനങ്ങളെ മെച്ചപ്പെടുത്താന് ഇത് സഹായിക്കുന്നു. രക്തത്തിലെ ഇരുമ്പിന്റെയും കോപ്പറിന്റെയും അളവ് കൂട്ടുന്നു. രക്തചംക്രമണംവര്ധിപ്പിക്കുന്നു.
ജീവകം സി മുളപ്പിച്ച പയറില് ധാരാളം ഉണ്ട്. ഇത് ശ്വേതരക്താണുക്കള്ക്ക് ഉത്തേജകമായി പ്രവര്ത്തിക്കുന്നു. ശരീരഭാരംകുറയ്ക്കാന് ഏറ്റവും മികച്ച ഭക്ഷണം മുളപ്പിച്ച പയര് വര്ഗങ്ങളാണ്.കാലറി കുറവും പോഷകങ്ങള് കൂടുതലും ആകയാല് ഭാരം കൂടുമോ എന്ന പേടി കൂടാതെ തന്നെ മുളപ്പിച്ച പയര് കഴിക്കാവുന്നതാണ്.
ജീവകം എ ധാരാളം ഉള്ളതിനാല് കണ്ണിന്റെ ആരോഗ്യത്തിനും കാഴ്ചശക്തിക്കും നല്ലതാണ്. മുളയില് ഒമേഗ 3 ഫാറ്റി ആസിഡ് ഉണ്ട്. ഇവ നല്ല കൊളസ്ട്രോള് കൂട്ടാന് സഹായിക്കുന്നു.
പരീക്ഷാ കാലമാണിത്. എല്ലാം മാറ്റിവെച്ച് ഒട്ടേറെപഠിക്കാനുണ്ടാകും. പരീക്ഷാചൂടിനിടയില് ശ്രദ്ധവെക്കേണ്ടതാണ് ഈ സമയത്തെഭക്ഷണവും. ശ്രദ്ധ മുഴുവന് പുസ്തകത്തിലും പഠനത്തിലും കേന്ദ്രീകരിക്കാന്ഭക്ഷണവും ഘടകമാണ്. ലക്ഷ്യം നേടാന് ശരീരത്തെ ഊര്ജത്തോടെ നിലനിര്ത്തണം.
ക്ഷീണിതരായും സമ്മര്ദത്തോടെയും ആയാസത്തോടെയും പരീക്ഷയെ നേരിടാന് കഴിയില്ല. നല്ലഭക്ഷണം നിങ്ങളുടെ ഊര്ജ നിലയെ മികച്ചതാക്കി നിര്ത്തും. അത് മസ്തിഷ്കത്തെ ജാഗ്രതയോടെ നിര്ത്താന് സഹായിക്കും. ഇത് പരീക്ഷയിലെ നിങ്ങളുടെ പ്രകടനത്തെ മികച്ചതാക്കാനും വഴിവെക്കും. അതിനായി ശ്രദ്ധിക്കേണ്ടകാര്യങ്ങള്:
പ്രാതല് ഒഴിവാക്കരുത്: നല്ല പ്രഭാത ഭക്ഷണം നിങ്ങളെ ദിവസം മുഴുവന് ഊര്ജത്തോടെ നിര്ത്താന് സഹായിക്കും.വിറ്റാമിനും ധാതുക്കളാലും സമ്പന്നമായ പ്രാതല് കഴിക്കുന്നത് നല്ലതുടക്കത്തിന് വഴിയൊരുക്കും. റെഡി ടു കുക്ക്, റെഡി ടു ഈറ്റ് ഇനത്തില് പാക്കറ്റില് വരുന്ന ഭക്ഷണങ്ങള് ഒഴിവാക്കണം. ഇവ പോഷക ഗുണത്തില് കുറവും കൊഴുപ്പിന്റെ അളവില് കൂടുതലുമായിരിക്കും.
പ്രാതലിന് ഇവയാകാം: ഓസ്, പാലും ഡ്രൈ ഫ്രൂട്സും, ബദാം മില്ക്ക്, കപ്പലണ്ടി എന്നിവ പ്രാതലില് ഉള്പ്പെടുത്താം. പാലും മുട്ടയും ധാന്യങ്ങള് ഉപയോഗിച്ചുള്ള റൊട്ടിയും ചേര്ന്നുള്ള പ്രാതല് ഊര്ജദായകമാണ്. തക്കാളിയും പനീറും ചേര്ന്നുള്ള സാന്റ്വിച്ചും പാലും നല്ല പ്രഭാത ഭക്ഷണമാണ്. റാഗി ഇഡലിയും സാമ്പാറും തേങ്ങാ ചട്ണിയും പരീക്ഷാകാലങ്ങളില് കൂടി മികച്ച പ്രാതലാണ്.
ഉച്ച ഭക്ഷണം: മിക്സഡ് വെജ് പുലാവ്, പച്ചക്കറി വിഭവങ്ങളും വീട്ടിലുണ്ടാക്കിയ റൊട്ടിയും ഉച്ചഭക്ഷണമാക്കാം. ഇതോടൊപ്പം തൈരുംചേര്ത്ത് കഴിക്കാം. ചിക്കന് കട്ലെറ്റ്, പനീര് കട്ലെറ്റ് എന്നിവയുംവെജിറ്റബിള് സാലഡും ചേര്ത്തുള്ള ഉച്ചഭക്ഷണവും ആകാം. വെജിറ്റബിള് സൂപ്പും ഈ സമയത്ത് ഗുണകരമാണ്. ഭക്ഷണത്തില് മിതത്വം നല്ലതാണ് .അരിഭക്ഷണത്തിന്റെ കാര്യത്തിലും ഇത് ബാധകം.
ലഘുഭക്ഷണത്തിലും ശ്രദ്ധ വേണം: കേക്ക്, കുക്കീസ്, ചോക്ലേറ്റ് എന്നിവ കഴിക്കുന്നത് സ്വാദിഷ്ടവും പെട്ടെന്ന് ഊര്ജം ലഭിക്കുന്നതിനും സഹായിക്കുമെങ്കിലും ഇവകൊഴുപ്പ് വര്ധിപ്പിക്കാന് കാരണമാകും. എല്ലാതരം പഴങ്ങളും ലഘുഭക്ഷണത്തില് ഉള്പ്പെടുത്താം. ഡ്രൈ ഫ്രൂട്സും കപ്പലണ്ടിയും ലഘുഭക്ഷണത്തിന് പരിഗണിക്കാം.
ജലാംശം കുറയരുത്: ശരീരത്തില് ജലാംശം കുറയുന്നത് മയക്കത്തിന് കാരണമാകും. ഇത് പഠനത്തെയും പരീക്ഷയെയും പ്രതികൂലമായി ബാധിക്കും. അനുവദിനീയമെങ്കില് പരീക്ഷാ ഹാളില് വെള്ളക്കുപ്പി കരുതുക. തേങ്ങാവെള്ളം, കഞ്ഞിവെള്ളം, നിമ്പുപാനി എന്നിവയും ക്ഷീണമകറ്റാന്കുടിക്കാം. അധികമായി കാപ്പി കുടിക്കുന്നത് രക്തത്തിലെ പഞ്ചസാരയുടെ അളവില് മാറ്റമുണ്ടാക്കും. ഇത് ഇടക്കിടെ മൂത്രമൊഴിക്കാനുള്ള പ്രവണതയും വര്ധിപ്പിക്കും. പഠനത്തിലെയും പരീക്ഷയിലെയും ശ്രദ്ധകുറവിന് ഇത്കാരണമാകും.
വിശ്രമം വേണം: പഠനത്തിനിടയില് അല്പ്പം വിശ്രമം ഗുണംചെയ്യും. രാത്രിയില് ഏഴ് മണിക്കൂര് ഉറങ്ങിയിരിക്കണം. ശരിയായ ഉറക്കം നിങ്ങളുടെ ഓര്മ ശക്തിയെ സഹായിക്കും. ഉറക്കത്തിന് മുമ്പ് 15 മുതല് 20 മിനിറ്റ് വരെ വിശ്രമിക്കുന്നതും ഗുണകരമാണ്.
വെണ്ടയ്ക്കയിലുളള ജലത്തിൽ ലയിക്കാത്ത തരം നാരുകൾ ദഹനേന്ദ്രിയ വ്യവസ്ഥയെപ്രത്യേകിച്ച് അന്നനാളത്തെ മാലിന്യ വിമുക്തമാക്കുന്നു. ഇതുകുടലിലെ കാൻസർ സാധ്യത കുറയ്ക്കുന്നു. വെണ്ടയ്ക്ക പതിവായി കഴിക്കുന്നത് മലബന്ധം, ഗ്യാസ് തുടങ്ങിയവയ്ക്കുളള സാധ്യത കുറയ്ക്കുന്നു. കുടലിലുളള മിത്ര ബാക്ടീരിയത്തിന്റെ എണ്ണം കൂട്ടുന്നതിനും വെണ്ടയ്ക്ക സഹായകം. കൂടാതെ ശരീരത്തിൽ അടിഞ്ഞുകൂടുന്ന അമിത കൊഴുപ്പ് ഇല്ലാതാക്കുന്നതിനും നാരുകൾ സഹായകം. വെണ്ടയ്ക്കയിലുളള നാരുകൾ ചെറുകുടലിലെ പഞ്ചസാരയുടെ ആഗിരണം വൈകിപ്പിക്കുന്നതിലൂടെ രക്തത്തിലെ ഗ്ലൂക്കോസിന്റെ തോത് നിയന്ത്രിതമാക്കുന്നു. കൂടാതെ അതിലുളള eugenol പ്രമേഹത്തിനെതിരേ പോരാടുന്നു.
വെണ്ടയ്ക്കയിലെ വിറ്റാമിൻ സി രോഗപ്രതിരോധ ശക്തിക്ക് മുതൽക്കൂട്ടു തന്നെ. രോഗാണുക്കളോടും അന്യപദാർഥങ്ങളോടും പോരാടുന്നതിനു കൂടുതൽ വെളുത്ത രക്താണുക്കളെ സൃഷ്ടിക്കാൻ വിറ്റാമിൻ സി പ്രേരണചെലുത്തുന്നു. ജലദോഷം, ചുമ തുടങ്ങിയവയ്ക്കെതിരേ പോരാടുന്നു. ശ്വസന സംബന്ധമായപ്രശ്നങ്ങൾ പ്രത്യേകിച്ചും ആസ്ത്മയിൽ നിന്ന് ആശ്വാസംനേടുന്നതിന് വെണ്ടയ്ക്കയിലുളള ആന്റിഓക്സിഡന്റുകളും വിറ്റാമിൻ സിയും സഹായകം. രക്തസമ്മർദം കുറയ്ക്കുന്നതിനും ഹൃദയാരോഗ്യം മെച്ചപ്പെടുത്തുന്നതിനും വെണ്ടയ്ക്കയിലുള്ള പൊട്ടാസ്യം സഹായകം. രക്തം കട്ടപിടിക്കുന്നതിനും ആർട്ടീരിയോ സ്ളീറോസിസിനുമുളള സാധ്യത കുറയ്ക്കുന്നു. വെണ്ടയ്ക്കയിലുളള ജലത്തിൽ ലയിക്കുന്നതരം നാരുകൾ രക്തത്തിലെ സെറം കൊളസ്ട്രോൾ നില കുറയ്ക്കുന്നതിനു സഹായകം. അതു വിവിധതരം ഹൃദയരോഗങ്ങൾക്കുളള സാധ്യതകുറയ്ക്കുന്നു.
വെണ്ടയ്ക്കയിൽ സോഡിയം കുറവ്, പൊട്ടാസ്യം ഇഷ്ടംപോലെ. ശരീരത്തിലെ സോഡിയത്തിന്റെ തോത് സംതുലനംചെയ്തു നിർത്തുന്നതിൽ പൊട്ടാസ്യത്തിനു പങ്കുണ്ട്. വെണ്ടയ്ക്കയിലുളള വിറ്റാമിൻ എ എന്ന ആൻറി ഓക്സിഡന്റ് ചർമാരോഗ്യം സംരക്ഷിക്കുന്നു. ചുളിവുകൾ നീക്കുന്നു. പാടുകളും കുരുക്കളും കുറയ്ക്കുന്നു. ചർമകോശങ്ങൾക്കു കേടുപാടു വരുത്തുന്ന ഫ്രീറാഡിക്കലുകളെ വെണ്ടയ്ക്കയിലുളള ആൻറിഓക്സിഡൻറുകൾ നിർവീര്യമാക്കുന്നു.
സ്ത്രീകളുടെ ആരോഗ്യജീവിതത്തിനും വെണ്ടയ്ക്ക ഗുണകരം. പ്രത്യേകിച്ചു ഗർഭിണികളുടെ ഭ്രൂണാവസ്ഥയിൽ തലച്ചോറിന്റെ വികാസത്തിനു ഫോളിക്കാസിഡ് അവശ്യം. വെണ്ടയ്ക്കയിൽ ഫോളേറ്റുകൾ ധാരാളം. ഗർഭസ്ഥശിശുവിന്റെ ന്യൂറൽ ട്യൂബിനെ തകരാറിൽ നിന്നു രക്ഷിക്കുന്നതിനും ഫോളേറ്റുകൾ അവശ്യം.വെണ്ടയ്ക്കയിലുളള ഇരുമ്പും ഫോളേറ്റും ഹീമോഗ്ലോബിന്റെ നിർമാണം ത്വരിതപ്പെടുത്തുന്നു. ഗർഭകാലത്തെ വിളർച്ചതടയുന്നതിനും അതു സഹായകം. അതിനാൽ ഗർഭിണികളുടെ ഭക്ഷണക്രമത്തിൽ വെണ്ടയ്ക്ക പതിവായി ഉൾപ്പെടുത്തണം.
പ്രമേഹ രോഗികള്ക്കും ആസ്മാ രോഗികള്ക്കും ഉത്തമ ഔഷധമാണ് വെണ്ടക്ക. ഫൈബര്, വിറ്റാമിന് സി, വിറ്റാമിന് എ, വിറ്റാമിന് കെ, വിറ്റാമിന് കെ1, വിറ്റാമിന് ബി6, മഗ്നീഷ്യം, ബീറ്റാ കരോട്ടിന് തുടങ്ങി നിരവധി പോഷകങ്ങളുടെ കലവറയാണ് വെണ്ടക്ക. വെണ്ടയിലെ ഉയര്ന്ന അളവിലുള്ള ഫൈബര് ദഹനത്തെ സഹായിക്കും. രക്തത്തിലെ ഷുഗര് ലെവല് നിയന്ത്രിക്കാന്വെണ്ടക്ക സഹായിക്കും.എന്നാല് ഇതിനായി വെണ്ടക്ക പാകം ചെയ്തല്ല കഴിക്കേണ്ടത്. ഒരു ഗ്ലാസ് വെള്ളത്തിലേക്ക് രണ്ട് വെണ്ടക്ക അഗ്രഭാഗങ്ങള് മുറിച്ചുമാറ്റിഇട്ടുവെ്ക്കുക. വെണ്ടക്കയില് നിന്നും ഊറി വരുന്ന കറ വെള്ളത്തില് കലരാന്വേണ്ടിയാണിത്. മണിക്കൂറുകളോളം ഇങ്ങനെ വെണ്ടക്ക വെള്ളത്തില് കിടന്നതിനുശേഷം ആ വെള്ളം കുടിക്കുമ്ബോള് ഷുഗര് ലെവല് നിയന്ത്രിക്കാന് സാധിക്കും.ദിവസവും ഇങ്ങനെ ചെയ്താല് പ്രമേഹ രോഗികള്ക്ക് വലിയ മാറ്റംഅനുഭവിച്ചറിയാന് കഴിയും. അതുപോലെ പകുതി വേവിച്ച വെണ്ടക്ക ഭക്ഷണത്തിനായി ഉപയോഗിക്കുന്നതും നല്ലതാണ്.
കണ്പീലികളുടെ സ്ഥാനം ക്രമമല്ലാതെയും പല ദിശകളിലുമാവുന്ന അവസ്ഥയാണ് ട്രൈക്കിയാസിസ്. ഈ അവസ്ഥയില്, കണ്ണില് നിന്ന് പുറത്തേക്കുള്ള കണ്പീലികള് മാത്രമായിരിക്കില്ല, കണ്ണിനുള്ളിലേക്ക് വളഞ്ഞവയും ഉണ്ടായിരിക്കും. ഇത്തരത്തിലുള്ള അസ്വാഭാവിക പീലികള് കോര്ണിയയിലും കണ്പോളകളുടെ ഉള്വശത്തും മറ്റും ഉരസുന്നതിലൂടെ കണ്ണിന് അസ്വസ്ഥതയുണ്ടാവും.
കാരണങ്ങള് : അണുബാധ, കണ്പോളകളുടെ വീക്കം, ആഘാതം, ഓട്ടോഇമ്മ്യൂണ് (പ്രതിരോധ ശേഷി ശരീരത്തിനെതിരെ തിരിയുന്ന അവസ്ഥ) എന്നിവ മൂലം ഇത് സംഭവിക്കാം.
അപകടസാധ്യതാ ഘടകങ്ങള് :
ചില അവസ്ഥകള് ട്രൈക്കിയാസിസിനുള്ള അപകടസാധ്യത വര്ദ്ധിപ്പിക്കും.
ലക്ഷണങ്ങള്
ട്രൈക്കിയാസിസ് മൂലം ബുദ്ധിമുട്ടുന്നവര്ക്ക് ഇനി പറയുന്ന പ്രശ്നങ്ങള് ഉണ്ടാകാം;
പ്രതിരോധം
ഇതിനെ പ്രതിരോധിക്കാന് നിലവില് വഴികളൊന്നുമില്ല
സങ്കീര്ണതകള്
അപകട സൂചനകള്
കണ്ണില് എന്തോ വീണതു പോലെയുള്ള തോന്നല് ഒന്നോ രണ്ടോ ദിവസത്തിനുള്ളില് മാറിയില്ല എങ്കില് ഡോക്ടറെ സന്ദര്ശിക്കുക.
ആരോഗ്യമുളള ജീവിതരീതി നമ്മളില് ആരോഗ്യം നിലനിര്ത്തും. രോഗങ്ങള് വരാതെനോക്കേണ്ടത് നമ്മുടെ കടമയാണ്. രോഗങ്ങള് വരുന്നത് പലപ്പോഴും പലതരത്തിലുളള ബാക്ടീരിയകള് വഴിയാണ്. അതിനാല് ബാക്ടീരിയകള് വരാതെ നോക്കണം. ബാക്ടീരിയകള് കൂടുതലായി കാണുന്നത് അടുക്കളകളിലെ വസ്തുക്കളിലാണ്. പഴകിയ പച്ചക്കറികള്, പഴവര്ഗങ്ങള്, മത്സ്യമാംസാദികള് തുടങ്ങിയ ഭക്ഷണ വസ്തുക്കളിലുള്ളത് മാരകമായ ബാക്ടീരിയകളാണ്. അതുകൊണ്ടുതന്നെ അടുക്കള ഉപകരണങ്ങള് വൃത്തിയായി സൂക്ഷിക്കേണ്ടത് സാംക്രമിക രോഗങ്ങളെ തടയാന് അത്യാവിശ്യമാണ്. അടുക്കളയില് നിന്നും രോഗം വരുന്നതെങ്ങനെയെന്ന് നോക്കാം.
ടൗവല് : അടുക്കളയില്ഉപയോഗിക്കുന്ന ടൗവലില് ബാക്ടീരിയകള് കൂടുതലാകും. കാരണം പല തരത്തലുളള ഭക്ഷണങ്ങള് പാചകം ചെയ്തിട്ടും പാത്രം കഴുകിട്ടും ഒക്കെഎപ്പോഴും തുടക്കുന്നത് ഇത്തരത്തിലുളള ടൗവലുകളില് ആയിരിക്കുമല്ലോ. അതിനാല് ഇവ ദിവസവും കഴുകി ഉപയോഗിക്കുക.
ഫ്രിഡ്ജ് : ബാക്ടീരിയകള് കൂടുതലായി കാണുന്ന ഒരു വസ്തുവാണ് ഫ്രിഡ്ജ്. ഫ്രിഡ്ജിലെ വെജിറ്റബിള് ബോക്സിന്റെ അടിഭാഗത്തുള്ള പച്ചക്കറികളാണ് ആദ്യം അഴുകി തുടങ്ങുക. ഇങ്ങനെ ചീഞ്ഞ പച്ചക്കറികള്, പഴവര്ഗ്ഗങ്ങളിലൂടെ ബാക്ടീരിയകള് ഫ്രിഡ്ജ് മുഴുവന് വ്യാപിക്കും. അതിനാല് മാസത്തിലൊരിക്കല് ഈ ബോക്സുകളെ വ്യത്തിയാക്കുക.
ചപ്പാത്തി പലക : ചപ്പാത്തി പലക തടികൊണ്ടുള്ളതായാല് ഇതില് കൃമികള് അധികം ഉണ്ടാവും. അതിനാല് ചപ്പാത്തി പലക വെളളത്തില് കഴുകി ഉണക്കി സൂക്ഷിക്കുക.
വാട്ടര്ടാപ്പ് : അടുക്കളയിലേക്ക് വെള്ളം വരുന്ന ടാപ്പുകളില് മിക്കവരും ഫില്ട്ടര്ഘടിപ്പിച്ചിട്ടുണ്ടാവും. അതാരും വ്യത്തിയാക്കില്ല എന്നു മാത്രമല്ല ധൃതിയില്പാചകം ചെയ്ത കൈകൊണ്ടു തന്നെ ടാപ്പ് തുറക്കുകയും അടയ്ക്കുകയും ചെയ്യും. ഇങ്ങനെ ദിവസവും ചെയ്യുമ്പോള് ബാക്ടീരിയകള് കൂടുതലായി കാണാം. അതുകൊണ്ട്ടാപ്പും വ്യത്തിയാക്കുക.
പാത്രം തേയ്ക്കുന്ന സ്ക്രബ്ബര് : ഏറ്റവുമധികം ബാക്ടീരിയാകള് ഉള്ള ഒരു വസ്തുവാണ് സ്ക്രബ്ബര്. പാത്രങ്ങള് കഴുകിയശേഷം സ്ക്രബ്ബറിനേയും നല്ലവണ്ണം കഴുകി വൃത്തിയാക്കുക. ഇടയ്ക്കിടെ സ്ക്രബ്ബറുകള് മാറ്റുന്നതും നല്ലതാണ്.
ശരീരത്തിനു പുതുമ നല്കി ചെറുപ്പം നിലനിര്ത്താനും ഉണര്വേകാനും നിത്യവും മാതളം കഴിക്കുന്നത് നല്ലതാണ്. ബ്രെസ്റ്റ് ക്യാന്സര് ഉള്പ്പെടെയുളള നിരവധിരോഗങ്ങള് തടയാനുളള മുന്കരുതലാണ് നിത്യേനയുളള മാതളം ഉപയോഗം.
നിത്യവും മാതളം കഴിച്ചാല് ലഭിക്കുന്ന ഗുണങ്ങള് അതിശയിപ്പിക്കുന്നതാണ്. ബ്രെസ്റ്റ്ക്യാന്സറിനെ ചെറുക്കാന് കഴിവുളള ഫലമാണ് മാതളം. കരള് ശുദ്ധമാക്കാനും മാതളത്തിനു കഴിയും. മാതളം സ്ഥിരമായി കഴിച്ചാല് കരള് ശുദ്ധമാകുന്നതോടെ ശരീരത്തിന് ഒരു റിഫ്രെഷ് ലുക്കാണ് ലഭിക്കുന്നത്. കൊളസ്ട്രാള് കുറയ്ക്കുന്നു. ഹീമോഗ്ലോബിനെ ഉയര്ത്തി രക്തത്തിന്റെ അളവു വര്ദ്ധിപ്പിക്കുന്നു. പ്രമേഹത്തെയും മെറ്റബോളിക്ക് പ്രശ്നങ്ങളെയും കുറക്കാനും വിശപ്പില്ലായ്മ മാറ്റാനും മാതളം സഹായിക്കുന്നു. ക്യാന്സറിനു കാരണമായ ഫ്രീ റാഡിക്കലുകളെ തടയുന്നു. ധമനികളുടെ സമ്മര്ദ്ദം സന്തുലനപ്പെടുത്തുന്നു. മാനസിക ശാരീരിക ഊര്ജ്ജം കൂട്ടുന്നു. നീര്ക്കെട്ട് കുറയ്ക്കുന്നു. ശരീരത്തിലെ മാലിന്യങ്ങളെയും വിഷവസ്തുക്കളെയും നീക്കം ചെയ്യുന്ന മാതളത്തിന് പലരോഗങ്ങളെയും ഇല്ലാതാക്കാനുളള കഴിവുണ്ട്. വൈറ്റമിനുകളുടെ കലവറയാണ് മാതളം. വൈറ്റമിന്-ഇ, ബി-1, ബി-2ബി-3, ബി-6,ബി-9, സി എന്നിവക്കു പുറമെ അമിനോ ആസിഡും, ഫാറ്റി ആസിഡും,ധാതുക്കളും മാതളത്തില് അടങ്ങിയിട്ടുണ്ട്.
സാത്വിക ഭക്ഷണമായാണ് ആയൂര്വേദം മാതളത്തെക്കാണുന്നത്. ശുദ്ധി,ക്രീയാത്മത,തെളിച്ചം,സ്വയംപര്യാപ്തത എന്നിവ മാതളത്തിന്റെ പ്രത്യകതകളാണ്. ത്രിദോഷങ്ങളെ അകറ്റി നാഡീവ്യൂഹത്തെ ശക്തിപ്പെടുത്തുന്ന മാതളത്തിന്റെ തൊലി, വേര് എന്നിവയും ഔഷധഗുണമുളളതാണ്. തൊലി പൊളളലും വീക്കവും ശമിപ്പിക്കാന് ഉപയോഗിക്കുന്നതിനൊപ്പം നല്ലൊരു ആസ്ട്രിജന്റും കൂടിയാണ്. മാതള വേര് ഗ്രാമ്പുവുമായി ചേര്ത്തു കഴിച്ചാല് വിരശല്യം ശമിപ്പിക്കും. മാതളപ്പഴത്തിന്റെ ഉള്ളിലെ വെളുത്ത പാട ഉണക്കി പൊടിച്ചെടുത്ത് ചായക്കൊപ്പം കുടിക്കുന്നത് നാഡിവ്യൂഹത്തെ ശക്തിപ്പെടുത്തും. മാനസിക സമ്മര്ദ്ദവും ആകാംക്ഷരോഗവും അകറ്റാനും സഹായിക്കുന്നു.
ചിലരോഗങ്ങള്ക്കുളള പരിഹാര മാര്ഗ്ഗമാണ് മാതളം.
കുട്ടികളിലെ ചുമ- അര കപ്പ് മാതള നീര് കുറച്ച് ഇഞ്ചിയും തിപ്പലിയും ചേര്ത്തു കൊടുക്കുക.
വിളര്ച്ച- ഭക്ഷണത്തിനു അരമണിക്കുര് മുമ്പ് അര കപ്പ് മാതളനീര് കുടിക്കുക.
ഓക്കാനം,ചര്ദ്ദി- ഒരു ടീ സ്പൂണ് ശര്ക്കര കുറച്ച് ഇഞ്ചി ചെറിയ കഷ്ണങ്ങളാക്കിയത് ഇവ അരകപ്പ് മാതള ജ്യുസില് ചേര്ത്ത് ഉപയോഗിക്കണം.
മൂക്കില് നിന്നും രക്തം വരുന്നതിന്- രണ്ടു തുളളി ഫ്രെഷ് മാതള നീര് മൂക്കില് ഇറ്റിക്കുക.
ശരീരത്തിലെ തിണര്പ്പ്, ചൊറിഞ്ഞുപൊട്ടല് - ഒരു കപ്പ് മാതളനീരില് ഒരു സ്പൂണ് പഞ്ചസാരയും അഞ്ച്- പത്ത് തുളളി നാരങ്ങാനീരും ചേര്ത്ത് കുടിക്കണം.
ഗര്ഭിണികളില് രാവിലെയുളള ചര്ദ്ദി- കുറച്ചു മാതള നീര് ചായയില് ചേര്ത്തു കുടിക്കുക.
നിര്ജ്ജലീകരണം ഉണ്ടെന്നു തോന്നിയാല്- ഒരുകപ്പ്മാതള ജ്യുസ് ,അരകപ്പ് മുന്തിരി ജ്യൂസുമായി യോജിപ്പിച്ച് ഒരു സ്പൂണ്പഞ്ചസാരയും കുറച്ച് ഇഞ്ചിയും ചേര്ത്ത് കുടിക്കാന് കൊടുക്കണം.
ഇത്രയും ഔഷധമുല്യങ്ങള് ഉണ്ടെങ്കിലും ചില അവസരങ്ങളില് മാതളം ഒഴിവാക്കണമെന്നാണ് ആയൂര്വേദം പറയുന്നത്. വയറു സംബന്ധമായി അള്സര് പോലെയുളള അസുഖങ്ങള്ഉളളവര് മാതളം കഴിക്കുന്നത് നല്ലതല്ല. അസഡിക്ക് ഗുണം ഉളളതിനാല് മാതളം കഴിച്ചു കഴിഞ്ഞാല് ഉടനെ തന്നെ പല്ല് വ്യത്തി്യാക്കണമെന്നാണ് ഡന്റിസ്റ്റുകള് പറയുന്നത്. പല്ലിന്റെ ഇനാമല് കേടു വരാനുളള സാധ്യതകണക്കിലെടുത്താണ് ഈ നിര്ദ്ദേശം. മാതളത്തിന്റെ തോട് മരുന്നിനെടുക്കുമ്പോള് ശ്രദ്ധിക്കണം. ഇതില് 0.5% ടോക്സിക്ക് ആല്ക്കലോയിഡ് അടങ്ങിയിട്ടുണ്ട്.ക്യത്യമായ അളവില് എടുത്താല് മാതളത്തിന്റെ തോട് പൊളളലിനും വീക്കത്തിനും ഉളള നല്ലൊരു ഔഷധമാണ്.
നിത്യ ജീവിതത്തില് ഒഴിച്ചുകൂടാനാകാത്ത ഒരു വസ്തുവാണ് വെളിച്ചെണ്ണ.എന്നാല് അടുത്തിടെ വെളിച്ചെണ്ണ ഉപയോഗിച്ചാല് ഹൃദ്രോഗം, കാന്സര് തുടങ്ങിയ മാരക രോഗങ്ങള് ഉണ്ടാകുമെന്ന് ചില പ്രചാരണങ്ങള്വന്നിരുന്നു. എന്നാല് അത്തരം വര്ത്തകളൊക്കെ ചിലരുടെ കള്ള പ്രചരണങ്ങള്ആണെന്ന് പിന്നീട് സമൂഹത്തിന് ബോധ്യമായി.
പഴയകാലത്ത് വെളിച്ചെണ്ണമാത്രം ലഭിച്ചിരുന്ന ഇടങ്ങളില് ഇന്ന് വിവിധതരം എണ്ണകള് സുലഭമായിലഭിക്കാറുണ്ട്. സസ്യ എണ്ണകള് കൂടുതലായി ഉപയോഗിച്ച് തുടങ്ങിയപ്പോഴാണ് മാരകമായ പല അസുഖങ്ങളും ഉണ്ടാകാന് തുടങ്ങിയതെന്ന് പഠനങ്ങള് പോലും തെളിയിച്ചതാണ്.
ഗുരുതരമായ ആരോഗ്യ പ്രശ്നങ്ങള്ക്ക് സസ്യഎണ്ണകള്വഴിയൊരുക്കുന്നുവെന്ന് കണ്ടെത്തിയത് യൂ.കെ ആസ്ഥാനമായ ഡി മോണ്ട്ഫോര്ട്സര്വകലാശാലയിലെ ബയോ അനലിറ്റിക്കല് കെമിസ്ട്രി, കെമിക്കല് പതോളജിവിഭാഗങ്ങളുടെ തലവനായ പ്രൊഫ. മാര്ട്ടിന് ഗ്രൂട്ട്വെല്ഡിന്റെ നേതൃത്വത്തിലുള്ള ഒരു സംഘം ശാസ്ത്രഞ്ജന്മാരാണ്. ചോളം, സൂര്യകാന്തി, സോയാബീന് എണ്ണകളും പാമോയിലുംപാചകത്തിന് ഉപയോഗിക്കുന്നത് കാന്സറിനും മസ്തിഷ്കത്തിന്റെ ശേഷി കുറയ്ക്കുന്നതിനും കാരണമാകുമെന്നാണ് ശാസ്ത്രജ്ഞരുടെ മുന്നറിയിപ്പ്.
മസ്തിഷ്കത്തിന് വേണ്ട ഒമേഗ 3 ഫാറ്റി ആസിഡുകളുടെ അളവു കുറയ്ക്കാന് സസ്യഎണ്ണകളിലുള്ള ഒമേഗ 6 ഫാറ്റി ആസിഡുകള്ക്കു സാധിക്കും. ഇതു മസ്തിഷ്കത്തിലെ ട്യൂമര്, കാന്സര് എന്നിവയ്ക്കും രക്തസമ്മര്ദം വര്ധിക്കാനും കാരണമാകും. മാത്രമല്ല ഡിസ്ലെക്സിയ പോലുള്ള മസ്തിഷ്ക രോഗങ്ങള്ക്കും കാരണമാകും.
ഈ എണ്ണകള് ഒന്നും ഉപയോഗിക്കാന് കഴിയില്ലെങ്കില് മറ്റെന്ത് എന്നൊരു സംശയം പലരിലും ഉണ്ടായേക്കാം. അതിനും പരിഹാരമുണ്ട് , പാചകത്തിന് വെളിച്ചെണ്ണ, ഒലിവെണ്ണ, വെണ്ണ, പന്നിക്കൊഴുപ്പ് എന്നിവയാണ് നല്ലതെന്നാണ് പുതിയ പഠനങ്ങള് വ്യക്തമാക്കുന്നു.
ചൂടാകുമ്പോള് സോയാബീന് ,സൂര്യകാന്തി, ചോളം എണ്ണകളും പാമോയിലും ആല്ഡിഹൈഡുകള് എന്ന രാസവസ്തു ഉല്പാദിപ്പിക്കപ്പെടുമെന്നും ഇതു പലതരം കാന്സറുകള്ക്കും അല്ഷീമേഴ്സിനും നാഡീരോഗങ്ങള്ക്കും കാരണമാകുന്നു.
എന്നാല് വെണ്ണ, ഒലിവെണ്ണ, വെളിച്ചെണ്ണ, പന്നിക്കൊഴുപ്പ് എന്നിവ ചീനച്ചട്ടിയില് ചൂടാക്കുമ്പോള്സസ്യഎണ്ണയേക്കാള് വളരെക്കുറവു മാത്രം ആല്ഡിഹൈഡേ ഉല്പാദിപ്പിക്കപ്പെടുന്നുള്ളൂ. അതുകൊണ്ട് കഴിയുന്നതും വെളിച്ചെണ്ണ തന്നെ ഭക്ഷണം പാകം ചെയ്യാന് ഉപയോഗിക്കുന്നതാണ് ഉത്തമമെന്നും പഠനങ്ങള്വ്യക്തമാക്കുന്നു.
കടുത്ത ചൂടാണ് ഇപ്പോള്.. അതോടൊപ്പം നിരവധി രോഗങ്ങളും. മഞ്ഞപ്പിത്തം, ചിക്കന്പോക്സ്, അഞ്ചാംപനി, വയറുകടി, കോളറ, ശ്വാസകോശ രോഗങ്ങള്, നേത്രരോഗങ്ങള്, ത്വക്ക് രോഗങ്ങള്, മൂത്രാശയ രോഗങ്ങള് എന്നിവയാണ് വേനല്ക്കാലത്ത് പിടിപെടുന്ന രോഗങ്ങള്.
മഞ്ഞപ്പിത്തം
ചൂടുക്കാലത്ത് കൂടുതലായി കാണപ്പെടുന്ന ഒരു രോഗമാണ് മഞ്ഞപ്പിത്തം. മഞ്ഞപ്പിത്തം പ്രധാനമായും പകരുന്നത് വെള്ളത്തിലൂടെയും ആഹാരത്തിലൂടെയുമാണ്. കരളിനെ ബാധിക്കുന്ന ഈ രോഗത്തിന് കാരണം പ്രധാനമായും ശുചിത്വമില്ലായ്മയാണ്. ആരംഭത്തില് തന്നെ കണ്ടെത്തി ചികിത്സിച്ചില്ലെങ്കില് മരണം വരെസംഭവിക്കാവുന്ന രോഗമാണിത്.
രോഗ ലക്ഷണങ്ങള്:
കണ്ണിലും നഖത്തിലും ചര്മ്മത്തിലും മൂത്രത്തിലും മലത്തിലും മഞ്ഞനിറം, വിശപ്പില്ലായ്മ, ഛര്ദ്ദി, ശരീരമാസകലം പുകച്ചില്, കടുത്ത ദാഹം എന്നിവയാണ് പ്രധാന ലക്ഷണങ്ങള്.
മുന്കരുതലുകള്:
ചുറ്റുപാടും ശരീരവും വൃത്തിയാക്കുക, തിളപ്പിച്ചാറ്റിയ വെള്ളം കുടിക്കണം, ദിവസേന കുളിക്കണം, ആഹാര സാധനങ്ങള് അടച്ചു സൂക്ഷിക്കണം.
സുര്യാഘാതം
വേനല്ക്കാലം മുന്നോട്ട് വയ്ക്കുന്ന ഏറ്റവും വലിയ ഭീഷണിയാണ് സൂര്യാഘാതം. പൊതുവേ ഉത്തെരേന്ത്യന് സംസ്ഥാനങ്ങിലാണ് സുര്യഘാതം കൂടുതലായി ഉണ്ടാകാറുള്ളത്. എന്നാല് ഇപ്പോള് കേരളത്തിലും പൊള്ളലേറ്റ് നിരവധിആളുകളാണ് മരണമടയുന്നത്. അന്തരീക്ഷത്തിലെ താപനിലാ ഉയരുന്നതാണ്സുര്യഘാതമുണ്ടാവാന് കാരണം.
രോഗ ലക്ഷണങ്ങള്:
ചൊറിച്ചില്, പനി, മനം പുരട്ടല്, തണുപ്പ് തോന്നല്, ജലദോഷം എന്നിവയാണ് രോഗ ലക്ഷണങ്ങള്.
മുന്കരുതലുകള്
അയഞ്ഞതും, ഇളം-വര്ണത്തിലുമുള്ളതും, കനംകുറഞ്ഞതുമായ കോട്ടണ് വസ്ത്രങ്ങള് കൂടുതല് ധരിക്കുക, ചൂട് കാലത്ത് സിന്തറ്റിക് വസ്ത്രങ്ങള് നന്നല്ല. വെള്ളം ധാരാളം കുടിക്കുക. മിനിമം മൂന്നു ലീറ്റര് വെള്ളമെങ്കിലും കുടിക്കുക.
പുറത്തിറങ്ങുമ്പോള് അള്ട്രാ വയലറ്റ് കോട്ടിങ്ങുള്ള കുട ഉപയോഗിക്കുക.മാത്രമല്ല, പുറത്തിറങ്ങുമ്പോള് ചെരിപ്പോ അല്ലെങ്കില് ഷൂ ധരിക്കുക.
ചായയും,കോഫിയും അതുപോലെ തന്നെ മദ്യപാനവും ഒഴിവാക്കുന്നത് ശരിരത്തിന് നല്ലതാണു. കാരണം ഇവ നമ്മുടെ ശരീരത്തിലെ ജലാംശം നീക്കുന്നതിന് ഇടയാകും.
ശുദ്ധ ജലം കിട്ടാന് ബുദ്ധിമുട്ടുള്ളതിനാല് യാത്രയില് എപ്പോഴും വെള്ളം കൊണ്ടുപോകണം.
ദിവസവും രണ്ടു നേരമെങ്കിലും കുളിക്കുക. കിടക്കുന്നതിനു മുന്പ്കുളിക്കുകയാണെങ്കില് അതു ശരീരത്തിന്റെ താപനില കുറക്കുവാന് സഹായിക്കും.
ചിക്കന്പോക്സ്
ചിക്കന്പോക്സ് വേഗത്തില് പകരുന്ന ഒരു വൈറസ് രോഗമാണ്. വെരിസെല്ല സോസ്റ്റര് എന്ന വൈറസാണ് രോഗം പരത്തുന്നത്. രോഗത്തിന്റെ ആരംഭത്തില് ശരീരത്തിന്റെ വിവിധ ഭാഗങ്ങളില് ചെറിയ ചുവന്ന തടിപ്പുകള് പ്രത്യക്ഷപ്പെടുന്നു. അടുത്തിടപഴകുന്നവരിലേക്ക് വളരെ പെട്ടെന്ന് പകരുന്നരോഗമാണിത്. ഒരിക്കല് രോഗം വന്നവരില് ചിക്കന്പോക്സ് പിന്നീട് ഉണ്ടാകില്ല എന്നാണ് പറയപ്പെടുന്നത്.
രോഗലക്ഷണങ്ങള്:
ദേഹത്ത് കുമിളകള് വരുക, പനി, പിന്ഭാഗത്ത് വേദന, വയര്വേദന, ക്ഷീണം, ശരീര വേദന, വിറയല്, ചൊറിച്ചില്.
മുന്കരുതല്
രോഗ ലക്ഷണങ്ങള് കാണുന്ന വ്യക്തിയില് നിന്ന് നിശ്ചിത അകലം പാലിക്കുക.
രോഗി ഉപയോഗിക്കുന്ന വസ്ത്രങ്ങള്, പത്രങ്ങള് മറ്റു വസ്തുക്കള് എന്നിവ ഉപയോഗിക്കാതിരിക്കുക.
കുത്തിവയ്പിലൂടെ ഈ രോഗത്തെ പ്രതിരോധിക്കാം.ഡോക്ടറെ കണ്ട് നിര്ദ്ദേശിക്കുന്ന രീതിയില് കുത്തിവയ്പുകള് എടുക്കണം.
വലിയ പനിയോ, വയറിളക്കമോ, ഛര്ദ്ദിയോ മറ്റ് കാര്യമായ അസുഖങ്ങളോ ഉണ്ടെങ്കില് ഡോക്ടറെ കണ്ട് ഉടന് ചികിത്സിക്കുക.
ചെങ്കണ്ണ്
വേനല്ക്കാലത്ത് സര്വ സാധരണയായിപടര്ന്നുപിടിക്കുന്ന രോഗമാണ് ചെങ്കണ്ണ്. നേത്രപടലത്തില് ഉണ്ടാകുന്ന അണുബാധയാണ് രോഗകാരണം. ബാക്ടീരിയ മൂലമുള്ള ചെങ്കണ്ണ് ആദ്യം ഒരു കണ്ണിനെയും തുടര്ന്ന് അടുത്ത കണ്ണിനെയും ബാധിക്കും.
രോഗ ലക്ഷണങ്ങള്:
കണ്ണിന് കടുത്ത ചുവപ്പുനിറം, മണ്തരികള്കണ്ണില് പോയതുപോലെയുള്ള അസ്വസ്ഥത, കണ്ണില് പീളകെട്ടല് , ചൊറിച്ചില് , വേദന, കണ്ണില് നീന്ന് വെള്ളം വരുക എന്നിവയാണ് പ്രധാന ലക്ഷണങ്ങള്.
മുന്കരുതലുകള്:
കണ്ണും കൈകളും എപ്പോഴും വൃത്തിയായി സൂക്ഷിക്കുക.
പുറത്ത് പോകുമ്പോള് കുട പിടിക്കുക.
എന്നും കണ്ണുകള് ശുദ്ധവെള്ളം കൊണ്ട് കഴുക.
സണ് ഗ്ലാസ്സുകള് ഉപയോഗിക്കുക.
ചെങ്കണ്ണ് ഉള്ളവരുടെ അടുത്ത് പോകാതിരിക്കുക.
ടൈഫോയ്ഡ്
ടൈഫോയിഡും പൊതുവെ കണ്ടുവരുന്ന ഒരു വേനല്ക്കാലരോഗമാണ്. ബാക്ടീരിയയാണ് രോഗ കാരണം. മലിനമായ വെള്ളത്തിലൂടെയും ആഹാരത്തിലൂടെയുമാണ് രോഗം പകരുന്നത്.
രോഗ ലക്ഷണങ്ങള്:
നീണ്ടുനില്ക്കുന്ന പനി, ശക്തമായ തലവേദന, ക്ഷീണം, വിശപ്പില്ലായ്മ, വയറ്റില് അസ്വസ്ഥത, വേദന, മലബന്ധം, കറുത്ത നിറത്തില് വയറ്റില് നിന്ന് പോകുക എന്നിവയാണ് പ്രധാനലക്ഷണങ്ങള്. രോഗലക്ഷണം കണ്ട ഉടന് ഡോക്ടറെ കണ്ട് ചികില്സ തേടുക.
വിറ്റാമിനുകളും, പോഷകങ്ങളും ധാതുക്കളും അടങ്ങിയിട്ടുള്ള പച്ചക്കറിയാണ് വഴുതനങ്ങ.വിറ്റാമിന് സി, വിറ്റാമിന് കെ, വിറ്റാമിന് ബി സിക്സ്, തയാമിന്, നിയാസിന്, മഗ്നീഷ്യം, ഫോസ്ഫറസ്, കോപ്പര്, ഫൈബര്, ഫോളിക് ആസിഡ്, പൊട്ടാസ്യം, മാംഗനീസ് എന്നീ പദാര്ത്ഥങ്ങള് അടങ്ങിയിട്ടുള്ള പച്ചക്കറികൂടിയാണ് വഴുതനങ്ങ. ഇതില് കൊളസ്ട്രോളോ കൊഴുപ്പോ അടങ്ങിയിട്ടുമില്ല.
ദഹനത്തെ സഹായിക്കുന്നു
ദഹനത്തെസഹായിക്കുന്ന ഫൈബര് ഘടകങ്ങള് വന്തോതില് വഴുതനങ്ങയില്അടങ്ങിയിട്ടുണ്ട്. ഉദരാരോഗ്യത്തിന് ഇത്തരം ഫൈബര് ആവശ്യമാണ്. ദഹനത്തിന്സഹായിക്കുന്ന രസങ്ങളെ ഉല്പാദിപ്പിക്കാനും വഴുതനങ്ങയിലെ ഘടകങ്ങള്സഹായകമാണ്. ഭക്ഷണത്തിലെ പോഷകങ്ങള് കൃത്യമായി ശരീരം ആഗിരണം ചെയ്യാനുംവഴുതനങ്ങ സഹായിക്കുന്നു.
അര്ബുദം തടയും
വഴുതനങ്ങയിലടങ്ങിയ ഭക്ഷ്യ നാരുകള് അന്നനാളത്തിലെ വിഷഹാരികളെ നീക്കുന്നതില്സഹായിക്കുന്നുണ്ട്. ഇത് മലാശയ അര്ബുദത്തെ തടയാന് സഹായിക്കുന്നു. വഴുതനങ്ങയില് അടങ്ങിയിട്ടുള്ള നിരോക്സീകാരികളായ ഘടകങ്ങള് അര്ബുദ സാധ്യത വന്തോതില് കുറയ്ക്കുന്നുണ്ട്.
ശരീരഭാരം കുറയ്ക്കുന്നു
വഴുതനങ്ങ ശരീരഭാരം കുറയ്ക്കാനും സഹായിക്കും. ഇതില് നാരുകള് ധാരാളം ഉണ്ട്. ഭക്ഷണംകഴിക്കുമ്പോള് പെട്ടന്ന് തന്നെ വയര് നിറഞ്ഞു എന്ന തോന്നല് ഉണ്ടാക്കാന് ഈഫൈബറിന് സാധിക്കും. ഇത് മൂലം അമിതമായി ഭക്ഷണം കഴിക്കുന്നത് തടയാന്സാധിക്കും.
എല്ലുകളുടെ ആരോഗ്യം
വഴുതനങ്ങയിലടങ്ങിയ ഫീനോളിക് സംയുക്തങ്ങള് എല്ലുകള്ക്ക് ശക്തി നല്കുന്നതില് നിര്ണായകമാണ്. ഇവ ഓസ്റ്റിയോ പോറോസിസ് വരാതിരിക്കുന്നതില് സഹായകരമാണ്. വഴുതനയില് അടങ്ങിയ ഇരുമ്പ്, കാത്സ്യം എന്നിവ എല്ലുകളുടെ ആരോഗ്യത്തിനും ശരീരശക്തിക്കും ഗുണകരമാണ്. വഴുതനങ്ങയിലടങ്ങിയ കാല്സ്യം എല്ലുകളുടെ ആരോഗ്യത്തിന് ഏറെ ഉപകാരപ്രദമാണ്
വിളര്ച്ച തടയുന്നു
ശരീരത്തില് വിളര്ച്ചയുണ്ടാവാന് ധാരാളം കാരണമുണ്ട്. തലവേദന, ക്ഷീണം, തളര്ച്ച, വിഷാദം ഇവയെല്ലാം വിളര്ച്ച ഉണ്ടാക്കാന് കാരണമാകുന്നു. ഇരുമ്പിന്റെ അംശം ധാരാളമുള്ള ഭക്ഷണങ്ങള് കഴിക്കുന്നത് വിളര്ച്ച തടയാന് സഹായിക്കുന്നതാണ്. വഴുതനങ്ങയില് ഇരുമ്പിന്റെ സാന്നിധ്യം ധാരാളമായുണ്ട് . അരുണ രക്താണുക്കള് ഉദ്ദീപിപ്പിക്കാന് കോപ്പറും വഴുതനങ്ങയില് ഉണ്ട്. ക്ഷീണവും വിളര്ച്ചയും സമ്മര്ദ്ദവും അകറ്റാന് വഴുതനങ്ങ ശീലമാക്കിയാല്മതി.
ഹൃദയാരോഗ്യമേകുന്നു
വഴുതനങ്ങയിലെ പോഷകങ്ങള് ഹൃദയാരോഗ്യത്തില് നിര്ണായകമാണ്. വഴുതനങ്ങയിലെ നാരുകള്, പൊട്ടാസ്യം, ജീവകം ബി 6, ഫൈറ്റോ ന്യൂട്രിയന്റുകള് പോലെയുള്ള ഫ്ലേവനോയിഡുകള് എന്നിവ ഹൃദ്രോഗ സാധ്യത കുറയ്ക്കുന്നു. വഴുതനങ്ങയിലെ ആന്റിഓക്സിഡന്റുകള് ഹൃദയ ധമനികളെ ആരോഗ്യമുള്ളതാക്കുന്നു. ഇങ്ങനെ വഴുതനങ്ങ ഹൃദ്രോഗം തടയുന്നു.
രക്തസമ്മര്ദം നിയന്ത്രിക്കുന്നു
ശരീരത്തിലെ ഇലക്ട്രോലൈറ്റ് ബാലന്സ് നിലനിര്ത്താന് വഴുതനങ്ങയിലടങ്ങിയ പ്രധാന ധാതുവായ പൊട്ടാസ്യത്തിനു സാധിക്കുന്നു. സോഡിയത്തിന്റെ ഫലത്തെ നിര്വീര്യമാക്കുക വഴിയാണ് ഇത് സാധ്യമാകുന്നത്. കൂടാതെ വഴുതനങ്ങയില് കൂടിയ അളവിലുള്ള ആന്തോസയാനിനുകളും രക്തസമ്മര്ദം കുറയ്ക്കുന്നു.
പ്രമേഹത്തിന്
ഭക്ഷണപ്രിയരായ ഏല്ലാവരും ഇപ്പോള് ഏറെ ആകുലരാകുന്ന ഒരു രോഗമാണ് പ്രമേഹം.എന്നാല് പ്രമേഹത്തെ ചെറുക്കാന് വഴുതനങ്ങ സഹായിക്കുന്നു. കുറഞ്ഞ അളവിലെ അന്നജവും കൂടിയ അളവില് ഫൈബറും അടങ്ങിയിട്ടുള്ള പച്ചക്കറിയാണ് ഇത്.വഴുതനങ്ങയിലെ നാരുകള്, ഭക്ഷണത്തില് നിന്നും ഗ്ലൂക്കോസിന്റെ ആഗിരണം നിയന്ത്രിക്കുക വഴി രക്തത്തിലെ പഞ്ചസാരയുടെ അളവ് നിയന്ത്രിക്കുന്നു.
കൊളസ്ട്രോള് കുറയ്ക്കുന്നു
വഴുതനങ്ങയിലടങ്ങിയ ക്ലോറോജനിക് ആസിഡ് ശക്തിയേറിയ ആന്റിഓക്സിഡന്റ് ഏജന്റായി പ്രവര്ത്തിച്ച് കൊളസ്ട്രോള് കുറയ്ക്കുന്നു.
ഓര്മശക്തിക്ക്
തലച്ചോറിലെ കോശസ്തരങ്ങളെ സംരക്ഷിക്കുന്ന ഫൈറ്റോ ന്യൂട്രിയന്റുകള് വഴുതനങ്ങയില് അടങ്ങിയിട്ടുണ്ട്. ഓര്മശക്തി മെച്ചപ്പെടുത്താനും ഇവ സഹായക്കുന്നുണ്ട്.
തിളങ്ങുന്ന ചര്മത്തിന്
പ്രായം കൂടുമ്പോളും തിളങ്ങുന്ന ചര്മം ആഗ്രഹിക്കാത്ത ആളുകള് കുറവാണ്.പ്രായത്തനനുസരിച്ച് ഫ്രീറാഡിക്കലുകള്ക്ക് നാശം സംഭവിക്കുന്നത് മൂലമാണ്ചര്മത്തില് ചുളിവുകള് വീഴുന്നത്. എന്നാല് വഴുതനങ്ങയിലടങ്ങിയ ആന്റിഓക്സിഡന്റുകളും ജീവകങ്ങളും ഇതു സംഭവിക്കാതെ തടയുന്നു. കൂടാതെ ധാരാളം ജലാംശം അടങ്ങിയ പച്ചക്കറി ആയതിനാല് ശരീരത്തിലെ വിഷ പദാര്ത്ഥങ്ങളെ നീക്കുകയും. ആരോഗ്യകരമായ തിളക്കം ചര്മത്തിന് നല്കുകയും ചെയ്യും.
ഇവയെല്ലാം വഴുതനങ്ങയുടെ ഗുണമാണ്. ഇത് കൃത്യമായ ശരീരത്തില് ലഭിക്കാന് വഴുതനങ്ങ പാകം ചെയ്യുമ്പോള് ഏതാനും കാര്യങ്ങള് ശ്രദ്ധിക്കേണ്ടതുണ്ട്. സ്റ്റീല് കത്തികൊണ്ട് മുറിക്കുന്നത് മുറിച്ച ഭാഗങ്ങളില് കറുപ്പ് നിറം വരാതിരിക്കാന് സഹായിക്കും. മുറിച്ച ശേഷം ഉപ്പു വിതറുന്നത് കയ്പ്പ് ഇല്ലാതാക്കും. കുറച്ചുസമയം കഴിഞ്ഞ് കഴുകി എടുക്കാം.
ഇത്രയേറെ ആരോഗ്യകരമായ പച്ചക്കറിയാണെങ്കില് കൂടിയും ചിലര് ഇത് ഒഴിവാക്കേണ്ടതുണ്ട്. സന്ധി വാതവും വൃക്കരോഗവുമുള്ളവര് ഇത് ഒഴിവാക്കണം. വഴുതനങ്ങയിലെ ഓക്സലേറ്റ് ചില ആല്ക്കലോയ്ഡുകളുടേയും സാന്നിധ്യമാണ് ഇതിന് കാരണം. ഇത് രോഗാവസ്ഥമൂര്ച്ഛിക്കാന് കാരണമാകുന്നത് മൂലമാണ് ഈ നിര്ദ്ദേശം.
രക്തത്തില് ഗ്ലൂക്കോസിന്റെ അളവ് ക്രമാതീതമായി കൂടുകയും ശരീരത്തിന്ഗ്ലൂക്കോസിന്റെ അളവ് നിയന്ത്രിക്കാന് കഴിയാതാവുകയും ചെയ്യുന്ന അവസ്ഥയാണ്പ്രമേഹം. പ്രമേഹത്തെ നിയന്ത്രിക്കാന് ജീവിതത്തില് പാലിക്കേണ്ട ചിലകാര്യങ്ങള് ഇതൊക്കെയാണ്.
വ്യായാമം
ശരീരഭാരം കൂടുന്നത് ഇന്സുലിന്റെപ്രവര്ത്തനത്തെ പ്രതികൂലമായി ബാധിക്കും. ബോഡി മാസ് ഇന്ഡക്സ് ശ്രദ്ധിക്കണം. ഇതിന് വ്യായാമം ഉറപ്പായും വേണം. ദിവസവും മുടങ്ങാതെ വ്യായാമംചെയ്യുക. ഇത് രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാന് സഹായിക്കും.
രക്തപരിശോധന
രക്തത്തിലെ ഗ്ലൂക്കോസിന്റെ അളവ് രോഗം നിര്ണയിക്കുന്ന പ്രധാന ഘടകമാണ്. ഈ അളവ് കൂടുതലായാലും കുറവായാലും അപകടമാണ്. പ്രമേഹത്തിനുളള രക്ത പരിശോധന പൊതുവെ രണ്ടുതരമാണ്. ഭക്ഷണത്തിന് മുമ്പും ഭക്ഷണത്തിന് ശേഷവും രക്തം പരിശോധിക്കണം.
കൊളസ്ട്രോള് അളവ് നിയന്ത്രിക്കുക
പ്രമേഹരോഗികള്ക്ക്ചീത്ത കൊളസ്ട്രോളിന്റെ അളവ് കൂടാനുളള സാധ്യത ഏറെയാണ്. ഈ അവസ്ഥ ഹൃദയ ധമനികള്ക്ക് കട്ടികൂടാനും അതുവഴി ഹൃദ്രോഗമുണ്ടാകാനും ഇടവരുത്തും.
ശരിയായ ക്രമത്തിലുളള ഭക്ഷണം
പ്രമേഹരോഗികള് ആഹാരകാര്യം പ്രത്യേകം ശ്രദ്ധിക്കണം. സംസ്കരിച്ച ഭക്ഷ്യവസ്തുക്കള് ഒഴിവാക്കണം. ഓട്സ്, ഗോതമ്ബ് എന്നിവ പ്രമേഹരോഗികള്ക്ക് കഴിക്കാവുന്നഭക്ഷണമാണ്.
മാറുന്ന ജീവിത ശൈലിയും ജോലിത്തിരക്കുമൊക്കെ കാരണം പുറത്തെ ഭക്ഷണത്തെ കൂടുതലായും ആശ്രയിക്കുന്നവരാണ് ഇന്നത്തെ തലമുറ. ഫലമോ ഫുഡ് പോയിസണിംഗ്പോലുള്ള അസുഖങ്ങളും. ഫുഡ് പോയിസണിംഗിന് വീട്ടില് തന്നെ ചില പരിഹാരങ്ങളിതാ....
വെളുത്തുള്ളി
ഭക്ഷണത്തിലൂടെയുണ്ടാകുന്ന പല രോഗങ്ങള്ക്കും ഉത്തമ പരിഹാരമാണ് വെളുത്തുള്ളി. ഒരല്ലി വെളുത്തുള്ളി കഴിച്ച ശേഷം ഒരു ഗ്ലാസ് ഇളം ചൂടു വെള്ളവും കുടിക്കാം, ഇത് ഉദരരോഗങ്ങള് മാറ്റാന് സഹായിക്കും. വെളുത്തുള്ളിയിട്ട് തിളപ്പിച്ചവെള്ളം കുടിക്കുന്നതും നല്ലതാണ്.
നാരങ്ങാനീര്
വയറില് കടന്നു കൂടിയ ബാക്ടീരിയകളെ നശിപ്പിക്കാന് നാരങ്ങാനീര് സഹായിക്കും. ഭക്ഷ്യ വിഷബാധ യുണ്ടാവുകയാണെങ്കില് ഒരു സ്പൂണ് നാരങ്ങാ നീരില് ഒരു നുള്ള്പഞ്ചസാരയും ചേര്ത്ത് കഴിക്കാം, ദിവസം രണ്ടോ മൂന്നോ തവണ ഇത് ചെയ്യാം. ഇളം ചൂടുവെള്ളത്തില് ഒരു നാരങ്ങയുടെ നീര് ചേര്ത്ത് കുടിക്കുന്നതും നല്ലതാണ്.
തുളസി
പണ്ടുകാലം മുതല്ക്കെ പല ആരോഗ്യപ്രശ്നങ്ങള്ക്കും ഉപയോഗിച്ച് വരുന്ന ഒന്നാണ് തുളസി. രണ്ട് കപ്പ് വെള്ളത്തില് ഒരുപിടി തുളസിയില ചേര്ത്ത്തിളപ്പിക്കുക. തണുത്തതിന് ശേഷം അല്പം തേന് ചേര്ത്ത് കുടിക്കുക.
ജീരകം
ഫുഡി പോയ്സണ് മൂലമുണ്ടാകുന്ന നെഞ്ചെരിച്ചിലിനും അസ്വസ്ഥതകള്ക്കും ഉത്തമ പരിഹാരമാണ് ജീരകം. ജീരകം വെള്ളത്തിലിട്ട് തിളപ്പിച്ചോ, നേരിട്ടോ കഴിക്കാവുന്നതാണ്.
തേന്
തേന് കഴിക്കുന്നതും ഉദരസംബന്ധമായ അസ്വസ്ഥതകള്ക്ക് ഉത്തമ പ്രതിവിധിയാണ്.
പഴം
ശരീരത്തിലെ പൊട്ടാസ്യം ലെവല് നിലനിര്ത്താന് പഴം കഴിക്കുന്നതിലൂടെ സാധിക്കും. പഴവും പാലും ഉപയോഗിച്ച് ഷെയ്ക് ഉണ്ടാക്കിയും കഴിക്കാം.
കടപ്പാട് : ഇന്ഫോ മാജിക്
അവസാനം പരിഷ്കരിച്ചത് : 7/26/2020