ദിവസവും ഡ്രൈ നട്സ്

ക്യാന്‍സര്‍ പോലുള്ള രോഗങ്ങള്‍ ചെറുക്കാന്‍ ഇവ ഉത്തമമാണ്. ബദാം പ്രത്യേകിച്ചും ബ്രെസ്റ്റ് ക്യാന്‍സര്‍ പോലുള്ളവയ്ക്കുള്ള നല്ലൊരു പ്രതിവിധിയാണ്. ഇതിലും കശുവണ്ടിപ്പരിപ്പിലുമുള്ള ഫ്‌ളേവനോയ്ഡുകളും ക്യാന്‍സര്‍ തടയാനുള്ള നല്ലൊരു പ്രതിവിധി തന്നെയാണ്. പ്രോസ്‌റ്റേറ്റ്, ലംഗ്‌സ് എന്നിവിടങ്ങളെ ബാധിയ്ക്കുന്ന ട്യൂമറിനുള്ള നല്ലൊരു പ്രതിവിധിയാണ് പിസ്ത.

തടി കുറയ്ക്കാന്‍ സഹായിക്കുന്നവയാണ് ഇത്തരം ഡ്രൈ ഫ്രൂട്‌സും നട്‌സും. അതേ സമയം ആരോഗ്യകരമായി തൂക്കം കൂട്ടാന്‍ സഹായിക്കുന്നവ കൂടിയാണിവ. പ്രത്യേകിച്ചും ഈന്തപ്പഴം പോലുള്ള. അമിതമായി കഴിയ്ക്കരുതെന്നു മാത്രം.

ശോധനാ പ്രശ്‌നങ്ങള്‍ക്കും ദഹനത്തിനുമുള്ള നല്ലൊരു പരിഹാരമാണ് ഡ്രൈ നട്‌സും ഫ്രൂട്‌സുമെല്ലാം. ഇവയെല്ലാം നാരുകളടങ്ങിയ നല്ലൊരു ഭക്ഷണമാണ്. വയറിന്റെ ആരോഗ്യപരമായ ഗുണങ്ങള്‍ക്കായി വളരെ നല്ലതാണ് ഇവ. ദഹനപ്രശ്‌നങ്ങള്‍ അകറ്റാന്‍ അത്യുത്തമം. ദഹിച്ച ഭക്ഷണം കുടലിലൂടെ വേഗത്തില്‍ നീങ്ങാനും ഇതു സഹായിക്കും.

ചര്‍മത്തിന്റെയും മുടിയുടേയും ആരോഗ്യത്തിന് ഏറെ ഉത്തമമാണ് ഡ്രൈ നട്‌സും ഫ്രൂട്‌സും. ഇവയിലെ ആന്റിഓക്‌സിഡന്റുകളാണ് ഈ ഗുണം നല്‍കുന്നത്. ഇവ ചര്‍മത്തിലെ ചുളിവുകള് അകറ്റാനും ചുളിവുകള്‍ വരാതെ തടയാനും ചര്‍മത്തിന് ഇറുക്കം നല്‍കാനുമെല്ലാം ഏറെ നല്ലതാണ്. ബദാം അരച്ചു ഫേസ് പായ്ക്കാക്കി മുഖത്തിടാനും നല്ലതാണ്. വാള്‍നട്‌സിലെ ഒമേഗ ത്രീ ഫാററി ആസിഡുകള്‍ വരണ്ട ചര്‍മത്തിനുള്ള നല്ലൊരു പ്രതിവിധിയുമാണ്.

ബ്രെയിന്‍ ആരോഗ്യത്തിന് അത്യുത്തമമായതു കൊണ്ടു തന്നെ കുട്ടികള്‍ക്കും മുതിര്‍ന്നവര്‍ക്കുമെല്ലാം ഏറെ നല്ലതാണ് ഇത്. ഓര്‍മ ശക്തിയും ബുദ്ധിശക്തിയും വര്‍ദ്ധിയ്ക്കാന്‍ ഏറെ നല്ലതാണ്. പഠിയ്ക്കുന്ന കുട്ടികള്‍ക്കു ഗുണകരം. പ്രായമായവരില്‍ അല്‍ഷീമേഴ്‌സ് പോലുള്ള പ്രശ്‌നങ്ങള്‍ക്കും ഇത് അത്യുത്തമമാണ്.

ഇവയെല്ലാം മിതമായ അളവില്‍ കഴിയ്ക്കാന്‍ ശ്രദ്ധിയ്ക്കുക. അമിതമായാല്‍ അമൃതും വിഷം എന്നു പറഞ്ഞതു പോലെ ഡ്രൈ നട്‌സും അമിതമാകുന്നത് ആരോഗ്യപരമായി നല്ലതല്ല. മിതത്വം എല്ലാറ്റിലും ഗുണം നല്‍കുന്ന ഒന്നാണ്.