സൈനസൈറ്റിസ് അഥവാ സൈനസുകള്ക്കുണ്ടാകുന്ന വീക്കം ഈ കാലഘട്ടത്തില് വളരെകൂടുതലായി കണ്ടുവരുന്നു. സാധാരണ സൈനസ് വീക്കം മുതല് മാരകമായേക്കാവുന്ന ഫംഗസ് കൊണ്ടുണ്ടാകുന്ന സൈനസൈറ്റിസ് വരെ ഇതില്പ്പെടുന്നു. മുഖത്തിന്റെ അകവശത്തായി ശ്ളേഷ്മസ്തരത്തില് പൊതിയപ്പെട്ട അസ്ഥികളാല് നിര്മ്മിതമായപൊള്ളയായ വായു അറകളാണ് സൈനസുകള്. . സാധാരണയായി 4 തരം സൈനസുകളാണ്കണ്ടുവരുന്നത്.
സൈനസുകളുടെ പ്രയോജനം: ശ്വസിക്കുന്ന വായുവിനെ ചൂടുള്ളതാക്കുകയും, നനവുള്ളതാക്കുകയും ചെയ്യുക, മൂക്കിനകത്തുള്ള സമ്മര്ദ്ദത്തെ നിയന്ത്രിക്കുക, മുഖത്തുണ്ടായേക്കാവുന്ന ആഘാതങ്ങളെചെറുതാക്കുക എന്നിങ്ങനെയുള്ള കാര്യങ്ങളാണ് സൈനസുകള് ചെയ്യുന്നത്.
എന്താണ് സൈനസൈറ്റിസ്?
സൈനസുകള്ക്കുണ്ടാകുന്ന വീക്കമാണ് സൈനസൈറ്റിസ്. ജലദോഷം സാധാരണയായി ഇതിന്റെ കൂടെ കണ്ടുവരാറുണ്ട്. മൂന്ന് രീതിയിലാണ്സൈനസൈറ്റിസ് കണ്ടുവരുന്നത്. 10 മുതല് 30 ദിവസം വരെ നീണ്ടുനില്ക്കുന്നഅക്യൂട്ട് സൈനസൈറ്റിസ്, 30 ദിവസത്തില് കൂടുതല് നീണ്ടുനില്ക്കുന്ന സബ്അക്യൂട്ട്, 120 ദിവസത്തില് കൂടുതല് നീണ്ടുനില്ക്കുന്ന ക്രോണിക്സൈനസൈറ്റിസ് എന്നിവ.
ലക്ഷണങ്ങള്
പനി, ജലദോഷം, തലവേദന, കണ്ണിലും മുഖത്തും, നെറ്റിയുടെ പിറകിലും ഉണ്ടാകുന്നവേദനകള്, തുമ്മല്, മണം പിടിക്കാനുള്ള കഴിവ് നഷ്ടപ്പെടുക, മുഖത്ത് വീക്കം ഉണ്ടാകുക, ദുര്ഗന്ധമുള്ള കഫം മൂക്കില് നിന്ന് വരിക എന്നിവയാണ് സാധാരണയായി കണ്ടുവരുന്ന ലക്ഷണങ്ങള്.. കഫത്തില് നിറവ്യത്യാസം ഉണ്ടാകുന്നത് ഫംഗല്സൈനസൈറ്റിന്റെ ലക്ഷണമാകാം. ഇതിന് ഉടന് ചികിത്സ തേടേണ്ടതാണ്.
ജലദോഷത്തിന് കാരണമാകുന്ന വൈറസുകള്, പലതരം ബാക്ടീരിയകള്, ഫംഗസ് തുടങ്ങിയവ സൈനസൈറ്റിസ് ഉണ്ടാക്കാം.
എന്തുകൊണ്ട് സൈനസൈറ്റിസ്
തണുപ്പ്, പൊടി, പുക, ചിലതരം പൂമ്പൊടികള്, അലര്ജികള്,മൂക്കിലുണ്ടാകുന്ന ദശവളര്ച്ചകള്, മൂക്കിന്റെ പാലത്തിനുണ്ടാകുന്ന വളവ്, ശ്വാസകോശ അസുഖങ്ങള്, പല്ലിലുണ്ടാകുന്ന കേടുകള്, നീന്തല് ഇവയൊക്കെ കൊണ്ട് സൈനസൈറ്റിസ് ഉണ്ടാകാം. രോഗപ്രതിരോധ ശേഷിയെ ബാധിക്കുന്ന അസുഖങ്ങള്ഉള്ളവര്ക്കും സൈനസൈറ്റിസ് അനുബന്ധമായി കണ്ടുവരാറുണ്ട്. അന്തരീക്ഷ മര്ദ്ദവ്യത്യാസം മൂലം വിമാനയാത്രികര്ക്കും, പര്വതാരോഹകര്ക്കും എയ്റോസൈനസിറ്റിസ് എന്ന വകഭേദവും കണ്ടുവരാറുണ്ട്.
എന്തൊക്കെ ഒഴിവാക്കണം
സൈനസൈറ്റിസ് ഉള്ളവര് തണുത്ത ആഹാരങ്ങള് കഴിക്കുക. പാല്, തൈര് തുടങ്ങിയവഉപയോഗിക്കുന്നത് ഒഴിവാക്കേണ്ടതാണ്. സൈനസൈറ്റിസ് കുറയുന്നതുവരെ തലകുളിക്കുന്നത് ഒഴിവാക്കുന്നതും പ്രയോജനപ്രദമായി കണ്ടുവരുന്നു. കൂടുതല് വെയില് കൊള്ളുക, വിയര്ക്കുക എന്നിവയും ഒഴിവാക്കേണ്ടതാണ്.
ചികിത്സ
രോഗത്തിന്റെ അവസ്ഥാനുസരണമുള്ള ആയുര്വേദ ചികിത്സ വളരെ പ്രയോജനപ്രദമാണ്.മൂക്കില് മരുന്ന് ഒഴിക്കുന്ന നസ്യം പോലുള്ള ചികിത്സാരീതികള്, ആയുര്വേദമരുന്നുകള് ഉപയോഗിച്ചുള്ള ആവി കൊള്ളല്, സൈനസുകള്ക്ക് പുറത്ത് മുഖത്ത് അരച്ചിടാവുന്ന മരുന്നുകള്, ഉള്ളിലേക്ക് കഴിക്കുന്ന വിവിധ മരുന്നുകള് രോഗത്തിന്റെ അവസ്ഥാനുസരണം ഉപയോഗിക്കാവുന്നതാണ്. സൈനസൈറ്റിസ് ഉള്ളവര് മുടിവളരാനുള്ള തണുപ്പുള്ള എണ്ണകള് പൂര്ണമായി ഒഴിവാക്കേണ്ടതാണ്.
തുളസി ഇല ഇട്ട് ആവികൊള്ളുന്നതും, രാസ്നാദിചൂര്ണം നാരങ്ങനീരില് പുറമെ ഇടുന്നതും പ്രയോജനം ചെയ്യുന്നതായി കണ്ടുവരുന്നു.
ലോകത്തിലെ കണക്കുകള് പ്രകാരം ഉയര്ന്ന രക്തസമ്മര്ദ്ദം ജീവിതശൈലിരോഗങ്ങളില് പ്രധാനപ്പെട്ട ഒന്നാണ്. ഇന്ത്യയില് 40 വയസു കഴിഞ്ഞവരില് 30 ശതമാനം ആളുകള്ക്കും ഉയര്ന്ന അളവിലുള്ള രക്തസമ്മര്ദ്ദം ഉള്ളവരാണ്. ഈ രോഗാവസ്ഥക്ക് പ്രകടമായ ലക്ഷണങ്ങളൊന്നും ഇല്ലാത്തത് രോഗം വന്നാല് അറിയാതെ പോവുന്നതിന് കാരാണമാവുന്നു. നടുക്കം, പരിഭ്രമം, വിയര്ക്കുക എന്നിവയെക്കെയാണ് കാണാന് കഴിയുന്ന ലക്ഷണങ്ങള്. പക്ഷെ പഠനങ്ങളിലൊന്നും ഇത് അംഗീകരിച്ചിട്ടില്ല. ബിപി മൂലം ഹൃദയാഘാതം, പക്ഷാഘാതം എന്നിവയോക്കെ ഉണ്ടാവാന് സാധ്യത കൂടുതലാണ്. എന്നാല് ഇതിനുള്ള മരുന്നുകള് ലഭ്യമല്ല.
ചിലകാര്യങ്ങള് മനസില് സൂക്ഷിക്കുകയും അത് തന്നെ നിത്യജീവിതത്തില് കൊണ്ടു നടക്കുകയും ചെയ്യുകയാണെങ്കില് ഇത്തരത്തിലുള്ള അസുഖങ്ങള് ഒരു നിശ്ചിത തോതില് പരിഹരിക്കുവാന് സാധിക്കും.
വ്യായാമം: നിത്യേന ഉള്ള വ്യായമങ്ങള് ദിനചര്യകളില് പ്രധാനമാണ്. ദിവസവും 45 മിനിറ്റ് എങ്കിലും സൈക്ലിങ്ങ്, നടക്കുക, ഓടാന് പോവുക, നീന്തുക തുടങ്ങി കടുപ്പമേറിയ വ്യായമ മുറകള് പ്രയോഗിക്കുക. വ്യായാമം ചെയ്യുന്നതിലൂടെ ശരീരത്തില് ഉല്പ്പാദിപ്പിക്കപ്പെടുന്ന 4 മുതല് 9 മില്ലി ലിറ്റര് വരെയുള്ള രക്തസമ്മര്ദ്ദം കുറക്കുന്നു.
ആഹാരക്രമം: ആഹാരം നിയന്ത്രിക്കുമ്പോള് പ്രധാനമായും ഉപ്പിന്റെ അളവ് കുറയ്ക്കുകയും ഇലക്കറികള് കൂടുതല് കഴിക്കുകയും വേണം. മാത്രമല്ല ഉരുളകിഴങ്ങ്, പഴം എന്നിവയും ആഹാരത്തിലുള്പ്പെടുത്തുക. ഉപ്പ് കുറയ്ക്കുന്നതിലൂടെ സോഡിയത്തിന്റെ അളവ് കുറയ്ക്കാനും പച്ചക്കറികളിലും പഴത്തിലും കൂടുതല് പൊട്ടാസ്യം അടങ്ങിയിരിക്കുന്നതിനാല് ഇത് രക്തത്തിന്റെ സമ്മര്ദ്ദം കുറയ്ക്കാനും സഹായിക്കുന്നു.
ശരീരഭാരം കുറക്കുക: ശരീര ഭാരസൂചിക 18-24 എന്ന അനുപാതത്തില് അനുകൂലമാവുന്ന വിധത്തില് നിയന്ത്രിച്ചു കൊണ്ടു പോകണം. അരക്കെട്ടിന്റെ വലുപ്പം പുരുക്ഷന്മാര്ക്ക് 100 സെ.മീ ചുറ്റളവിലും സ്ത്രീകള്ക്ക് 88 സെ.മീറ്ററിലും ആയിരിക്കുകയാണ് വേണ്ടത്.
മദ്യപാനം നിയന്തിക്കുകയും പുകവലി ഉപേക്ഷിക്കുകയും ചെയ്യുക: കുറഞ്ഞ രീതിയലുള്ള ആല്ക്കഹോളിന്റെ ഉപയോഗം രക്തസമ്മര്ദ്ദത്തെ നിയന്ത്രിക്കുന്നു. എന്നാല് പുകവലി ഉപേക്ഷിക്കുക. പുകവലിക്കുന്നതിലൂടെ സമ്മര്ദ്ദം കൂടാന് സാധ്യത വളരെ കൂടുതലാണ്.
ആയാസം കുറയ്ക്കുക: ആയാസം കൂടുന്നത് രക്തസമ്മര്ദ്ദം കൂടുന്നതും തമ്മില് വലിയ ബന്ധമെന്നുമില്ല. യോഗ, മെഡിറ്റേഷന്, ചിരി തെറാപ്പി എന്നിങ്ങനെ പല വഴികളിലൂടെ നമുക്ക് ഇതിനെ നിയന്ത്രിക്കാന് കഴിയും.
വെണ്ടയ്ക്കയില് നാരുകള് ധാരാളം ഉള്ളതിനാല് ഗുണങ്ങളും ഏറെയാണ്. കൊളസ്ട്രോള് നിയന്ത്രണത്തിനും അമിതഭാരം കുറയ്ക്കുന്നതിനും വെണ്ടയ്ക്ക ഏറെ സഹായകം. വിറ്റാമിനുകളായ എ, ബി, സി, ഇ, കെ, ധാതുക്കളായ കാല്സ്യം, ഇരുമ്പ്, മഗ്നീഷ്യം, പൊട്ടാസ്യം, സിങ്ക് എന്നിവയും വെണ്ടയില് ധാരാളമായി അടങ്ങിയിട്ടുണ്ട്.
വെണ്ടയ്ക്കയിലുളള Mucilaginous നാരുകള് ആമാശയ വ്യവസ്ഥയുടെ ആരോഗ്യത്തിന് ഉത്തമം. അത് അന്നനാളത്തിനുളളില് സുരക്ഷിത ആവരണം തീര്ത്ത് ആമാശയ അള്സറില് നിന്നു സംരക്ഷിക്കുന്നു. ദഹനത്തിനു ശേഷം കുടലിലൂടെയുളള ആഹാരത്തിന്റെ ചലനം സുഗമമാക്കുകയും ചെയ്യുന്നു. വെണ്ടയ്ക്ക പതിവായി കഴിക്കുന്നത് മലബന്ധം, ഗ്യാസ് തുടങ്ങിയവയ്ക്കുളള സാധ്യത കുറയ്ക്കുന്നു. കുടലിലുളള മിത്ര ബാക്ടീരിയത്തിന്റെ എണ്ണം കൂട്ടുന്നതിനും വെണ്ടയ്ക്ക സഹായകം. കൂടാതെ ശരീരത്തില് അടിഞ്ഞുകൂടുന്ന അമിത കൊഴുപ്പ് ഇല്ലാതാക്കുന്നതിനും നാരുകള് സഹായകം. വെണ്ടയ്ക്കയിലുളള നാരുകള് ചെറുകുടലിലെ പഞ്ചസാരയുടെ ആഗിരണം വൈകിപ്പിക്കുന്നതിലൂടെ രക്തത്തിലെ ഗ്ലൂക്കോസിന്റെ തോത് നിയന്ത്രിതമാക്കുകയും ചെയ്യുന്നു.
ശുദ്ധമായ വെണ്ടയ്ക്ക പതിവായി ആഹാരക്രമത്തില് ഉള്പ്പെടുത്തിയാല് കാഴ്ചശക്തി മെച്ചമായി നിലനിര്ത്താം. മാകുലാര് ഡീജനറേഷന്, തിമിരം തുടങ്ങിയ നേത്രരോഗങ്ങളെ അകറ്റിനിര്ത്തുന്നതിനും സഹായകം. വെണ്ടയ്ക്കയിലെ വിറ്റാമിന് സി രോഗപ്രതിരോധശക്തിക്ക് മുതല്ക്കൂട്ടു തന്നെ. രോഗാണുക്കളോടും അന്യപദാര്ഥങ്ങളോടും പോരാടുന്നതിനു കൂടുതല് വെളുത്ത രക്താണുക്കളെ സൃഷ്ടിക്കാന് വിറ്റാമിന് സി പ്രേരണചെലുത്തുന്നു. ജലദോഷം, ചുമ തുടങ്ങിയവയ്ക്കെതിരേ പോരാടുകയും ചെയ്യുന്നു.
ശ്വസനസംബന്ധമായ പ്രശ്നങ്ങള് പ്രത്യേകിച്ചും ആസ്ത്മയില് നിന്ന് ആശ്വാസം നേടുന്നതിന് വെണ്ടയ്ക്കയിലുളള ആന്റിഓക്സിഡന്റുകളും വിറ്റാമിന് സിയും സഹായകം. രക്തസമ്മര്ദം കുറയ്ക്കുന്നതിനും ഹൃദയാരോഗ്യം മെച്ചപ്പെടുത്തുന്നതിനും വെണ്ടയ്ക്കയിലുള്ള പൊട്ടാസ്യം സഹായിക്കും. വെണ്ടയ്ക്കയിലുളള ജലത്തില് ലയിക്കുന്നതരം നാരുകള് രക്തത്തിലെ സെറം കൊളസ്ട്രോള് നില കുറയ്ക്കുന്നതിനു സഹായിക്കുന്നു. സ്ത്രീകളുടെ ആരോഗ്യ ജീവിതത്തിനും വെണ്ടയ്ക്ക ഗുണകരം. പ്രത്യേകിച്ചു ഗര്ഭിണികളുടെ ആരോഗ്യ ഉത്തമമാണ് വെണ്ടയ്ക്ക.
മീസല്സ് റൂബെല്ല വാക്സിന് യജ്ഞത്തിന് സംസ്ഥാനത്ത് തുടക്കമായി. അംഗന്വാടികളിലൂടെയും മറ്റ് ആരോഗ്യ കേന്ദ്രങ്ങളിലൂടെയും കുട്ടികള്ക്ക് വാക്സിനുകള് കുത്തിവെക്കുകയും ഭാവിയിലെ വലിയ രോഗങ്ങളില് നിന്നും പ്രതിരോധിക്കുകയും ചെയ്യുക എന്നതാണ് മീസല് റൂബെല്ല യജ്ഞത്തിന്റെലക്ഷ്യം. എം.ആര് യജ്ഞത്തെ കുറിച്ച് ചില കാര്യങ്ങള് മനസ്സിലാക്കാം.
എന്താണ് മീസല്സ്, റൂബെല്ല?
മണ്ണന്, പൊക്കന് എന്നിങ്ങനെ നാട്ടിന്പുറങ്ങളില് അറിയപ്പെടുന്ന അസുഖമാണ് മീസല്സ് അഥവാ അഞ്ചാം പനി. ന്യൂമോണിയ, വയറിളക്കം, മസ്തിഷ്ക അണുബാധ (എന്സെഫിലൈറ്റിസ്) എന്നിവയിലേക്ക് നയിച്ച് മരണം വരെ സംഭവിക്കാവുന്ന രോഗമാണ് മീസല്സ്. അതേസമയം അഞ്ചാം പനിയേക്കാളും വലിപ്പമുള്ളതും ചിക്കന് പോക്സിനേക്കാളും ചെറുതുമായ കുരുക്കള് ശരീരത്തില് പ്രത്യക്ഷപ്പെടുന്ന രോഗമാണ് റുബെല്ല അഥവാ ജര്മ്മന് മീസല്സ്. ഇത് ഗര്ഭാവസ്ഥയില് പിടിപെട്ടാല് ഗര്ഭസ്ഥ ശിശുവിനെ സാരമായി ബാധിക്കാറുണ്ട്. ഗര്ഭമലസല്, ജനിക്കുന്ന കുഞ്ഞിന് അംഗവൈകല്യം, കാഴ്ച ഇല്ലായ്മ, കേള്വി ഇല്ലായ്മ, ബുദ്ധിമാന്ദ്യം, ഹൃദയത്തിന് അസുഖം എന്നിവയുണ്ടാക്കുന്നു.
എന്താണ് മീസല്സ് റൂബെല്ല വാക്സിന്?
ഒറ്റ വാക്സിന് കൊണ്ട് മീസല്സ്, റൂബെല്ല എന്നീ 2 അസുഖങ്ങളെ ചെറുക്കാനായി ഒന്നിച്ച് നല്കുന്ന കുത്തിവയ്പ്പാണ് മീസല്സ് റൂബെല്ല വാക്സിന്. ഇതിന് യാതൊരു പാര്ശ്വ ഫലങ്ങളുമില്ലെന്നാണ് കണ്ടെത്തല്.
ലോകാരോഗ്യ സംഘടനയുടെ നിര്ദേശാനുസരണം ദേശീയ പ്രതിരോധ കുത്തിവയ്പ്പിന്റെ ഭാഗമായി ഇന്ത്യയിലെ 8 ഓളം സംസ്ഥാനങ്ങളില് മീസല്സ് റുബെല്ല പ്രതിരോധ കുത്തിവയ്പ്പുകള് പൂര്ത്തിയാക്കിയിരുന്നു. കേരളത്തില് സെപ്റ്റംബര് 3 മുതല് നവംബര് 3 വരെയായിരിക്കും പ്രതിരോധ കുത്തിവയ്പ്പുകള് നടത്തുക.
ആര്ക്കാണ് മീസല്സ് റൂബെല്ല കുത്തിവയ്പ്പ് എടുക്കേണ്ടത്?
9 മാസം മുതല് 15 വയസുവരെയുള്ള ആണ്കുട്ടികളും പെണ്കുട്ടികളും ഉള്പ്പെടെ എല്ലാവര്ക്കും ഈ കുത്തിവയ്പ്പ് എടുക്കേണ്ടതാണ്. മീസല്സിനെ തുടച്ച് നീക്കുകയും റൂബെല്ലയെ നിയന്ത്രണ വിധേയമാക്കുകയും ചെയ്യുക എന്നതാണ് ഈ ദൗത്യത്തിന്റെ ലക്ഷ്യം.
ഒരിക്കല് എടുത്തവര്ക്ക് എടുക്കാമോ?
മുമ്പ് മീസല്സ് റൂബെല്ല കുത്തിവയ്പ്പുകളെടുത്ത എല്ലാ കുട്ടികള്ക്കും ഈ കുത്തിവയ്പ്പ് എടുക്കേണ്ടതുണ്ട്. നേരത്തെയെടുത്ത കുത്തിവയ്പ്പുകളിലൂടെ കുട്ടിക്ക് പ്രതിരോധ ശേഷി പൂര്ണമായും കൈവന്നിട്ടില്ലെങ്കില് ഈ കുത്തിവയ്പ്പോടെ അതിന് പരിഹാരമാകും. ഇപ്പോള് കുത്തിവയ്പ്പെടുക്കുന്നതിനാല് അധിക ഡോസ് ആകുമെന്ന ഒരു പേടിയും വേണ്ടെന്നാണ് ഡോക്ടര്മാരുടെ വിലയിരുത്തല്.
അസുഖമുണ്ടെങ്കില് എടുക്കാമോ?
കീമോതെറാപ്പി എടുക്കുന്ന കുട്ടികളും ആശുപത്രിയില് അഡ്മിറ്റായ കുട്ടികളും ഒഴികെ സ്കൂളില് വരാന് പറ്റുന്ന ആരോഗ്യമുള്ള കുട്ടികള്ക്ക് മീസല്സ് റൂബെല്ല വാക്സിന് എടുക്കാവുന്നതാണ്. മുമ്പ് ഇതുപോലെയുള്ള വാക്സിന് എടുത്തപ്പോള് അലര്ജിയുണ്ടായിട്ടുള്ളവര് അക്കാര്യം ഡോക്ടറുടെ ശ്രദ്ധയില്പ്പെടുത്തേണ്ടതാണ്. ഈ വാക്സിന് എടുത്ത് കഴിഞ്ഞ് ആറേഴ് ദിവസം കഴിയുമ്പോള് ചെറിയ പനിവരാന് സാധ്യതയുണ്ടെങ്കിലും പേടിക്കാനില്ല.
ശാരീരികാരോഗ്യം സന്തുലിതമായി നിലനിര്ത്താന് ഏറ്റവും അനിവാര്യം ഭക്ഷണക്രമീകരണമാണ്. ഭക്ഷണത്തെ അസിഡിക്, ആല്ക്കലൈന് എന്നിങ്ങനെ രണ്ടായി തിരിക്കാം. ശരീരത്തെ ആരോഗ്യകരമായി നിലനിര്ത്താന് ആല്ക്കലൈന് ഭക്ഷണം കഴിക്കണം. എന്നാല്, നാം കഴിക്കുന്നവയില് ഭൂരിഭാഗവും അസിഡിക് ഭക്ഷണമാണ്.
ശരീരത്തിലെ പിഎച്ച് ലെവലിനെ ആശ്രയിച്ചാണ് ഭക്ഷണം ആല്ക്കലൈനാണോ അസിഡിക്കാണോയെന്ന് വേര്തിരിക്കുന്നത്. ആല്ക്കലൈന് ഭക്ഷണം ധാരാളമായി നിത്യവും മെനുവില് ഉള്പ്പെടുത്തുന്നത് ശാരീരിക അസ്വാസ്ഥ്യങ്ങള് ഒഴിവാക്കി ശരീരം ആരോഗ്യത്തോടെയിരിക്കാന് സഹായിക്കും . എന്നാല് പൂര്ണ്ണമായും ശരീരത്തെ ആല്ക്കലൈനായി നിലനിര്ത്താന് കഴിയില്ല. പഴവര്ഗ്ഗങ്ങളും പച്ചക്കറികളും ആഹാരത്തില് ഉള്പ്പെടുത്തുന്നത് ശരീരം ആല്ക്കലൈനായി സൂക്ഷിക്കാന് സഹായിക്കുന്നു. പഴങ്ങളും പച്ചക്കറികളും പോഷക സമ്പന്നമാണെങ്കിലും അവയില് അടങ്ങിയിരിക്കുന്ന പഞ്ചസാര പുളിക്കുന്നതിന്റെ (ഫെര്മെന്റേഷന്)) ഫലമായി അസിഡിക് ആകുന്നു. അതുപോലെ തന്നെ പച്ചക്കറികള് പാചകം ചെയ്യുന്നതും റഫ്രിജറേറ്ററില് സൂക്ഷിച്ച് ഉപയോഗിക്കുന്നതും അതിന്റെ ആല്ക്കലൈന് അവസ്ഥ മാറ്റി അസിഡിക്കായി മാറ്റുന്നു .
ആല്ക്കലൈന് ഭക്ഷണങ്ങള് പഴങ്ങള്, പച്ചക്കറികള്, ഇലക്കറികള് എന്നിവയാണ്. മറ്റെല്ലാം അസിഡിക് ആണ് (ചോറ്, ഇറച്ചി, മീന്, മുട്ട, പാല്, പാലുല്പന്നങ്ങള്, സോഫ്ട് ഡ്രിങ്ക്സ്, മൈദ). അസിഡിക് അവസ്ഥയില് ശരീരത്ത് രോഗാണുക്കള് വളര്ന്നു പെരുകാനുള്ള സാധ്യത വളരെ കൂടുതലാണ്.
ആല്ക്കലൈന് ഭക്ഷണം
അസിഡിക് ഭക്ഷണം
ആഴ്ചയിലൊരിക്കല് വെജിറ്റേറിയന് ഡെ
പച്ചക്കറികളും പഴങ്ങളും കൂടുതലടങ്ങിയ ഡയറ്റ് രോഗപ്രതിരോധശക്തി നല്കും. കഴിക്കുന്ന ആഹാരം കൂടുതലും അസിഡിക് ആകുമ്പോള് രോഗങ്ങളുണ്ടാകാന് സാധ്യയേറും. രക്തത്തില് ആല്ക്കലൈന് സ്വഭാവം അല്പം കൂടിയിരിക്കുന്നതാണ് രോഗങ്ങളെ പ്രതിരോധിക്കാന് നല്ലത്. ആഴ്ചയില് ഒരു ദിവസം വെജിറ്റേറിയന് ഡേ ആയി തീരുമാനിച്ച് അന്ന് സസ്യാഹാരം മാത്രം കഴിക്കാം. വേണ്ടത്ര നാരുകള് (ഫൈബര്)) ലഭിക്കാന് പഴങ്ങളും പച്ചക്കറികളും ദിവസം 250 ഗ്രാമെങ്കിലും ഭക്ഷണത്തിലുള്പ്പെടുത്തണം.
മഴവില് ഭക്ഷണം
ഇടത്തരം വലുപ്പമുളള ബൗള് നിറയെ പഴങ്ങളും സാലഡും കഴിക്കുക. ഓരോ ദിവസവും ഓരോ തരത്തിലുളള സാലഡ് ഉണ്ടാക്കണം. വൈകുന്നേരമോ രാവിലെയോ സാലഡ് കഴിക്കാം. സാലഡില് അല്പം ഒലിവ് ഓയില് കൂടി ചേര്ത്താല് ഗുണം കൂടും. പല നിറങ്ങളിലുളള പച്ചക്കറികളും പഴങ്ങളും കഴിക്കുക. റെയിന്ബോ ഫുഡ് എന്നാണീ ആഹാരരീതി അറിയപ്പെടുന്നത്. ആഴ്ചയില് ഏതെങ്കിലും മൂന്ന് നിറത്തിലുളള പഴങ്ങള് കഴിക്കണം. ജ്യൂസിനേക്കാള് ഗുണം പഴങ്ങള് അതേപടി കഴിക്കുന്നതാണ്. പ്രധാന ആഹാരത്തിന്റെ കൂടെ പഴങ്ങള് കഴിക്കാതെ അതിന് ഒരു മണിക്കൂര് മുമ്പോ ശേഷമോ കഴിക്കുക. മധുരം കഴിക്കാന് തോന്നുമ്പോള് പഴങ്ങള് കഴിക്കുന്നത് ശീലമാക്കാം.
ചീത്ത കൊഴുപ്പ് ഒഴിവാക്കാം
കൊഴുപ്പ് എന്നു കേള്ക്കുമ്പോഴേ പേടിക്കാതെ ചീത്ത കൊഴുപ്പാണ് ഒഴിവാക്കേണ്ടത്. ബദാം എണ്ണ, വെളിച്ചെണ്ണ, ഒലിവ് ഓയില് ഇതെല്ലാം നല്ലതാണ്. ഒമേഗ-3 ഫാറ്റി ആസിഡ് അടങ്ങിയ അയല, മത്തി തുടങ്ങിയ മത്സ്യങ്ങള് ആഴ്ചയില് രണ്ടു ദിവസമെങ്കിലും കഴിക്കുന്നത് ഹൃദയാരോഗ്യത്തിനു നല്ലതാണ്. ദിവസവും ഒരു കൈപ്പിടി നിറയെ നട്ട്സ് (ഉണക്കമുന്തിരി, നിലക്കടല, ബദാം, ഈന്തപ്പഴം, കാഷ്യൂ തുടങ്ങിയവ ചേര്ത്ത്) കഴിക്കുക.
മനുഷ്യശരീരത്തിലെ ഏറ്റവും കട്ടിയുള്ളതും ദൃഢവുമായ ഭാഗമാണ് പല്ല്. ദഹനപ്രക്രിയയില് പ്രഥമ സ്ഥാനം വഹിക്കുന്നതും പല്ലാണ്. പല്ലിനുണ്ടാകുന്ന വേദന കഠിനവും അസഹ്യവുമാണ്. അതുകൊണ്ട്തന്നെ ദന്തസംരക്ഷണം വളരെ പ്രാധാന്യമേറിയ ഒന്നാണ്. പ്രായം കൂടുംതോറും പല്ലുകളുടെ ബലവും നഷ്ടപ്പെട്ടുകൊണ്ടിരിക്കും. അത് ഒരു പരിധിവരെ ഒഴിവാക്കാന് സാധിക്കും. ബലക്ഷയത്തിന് കാരണങ്ങള് ഇതാണ്.
മോണരോഗം
പ്രായമായവരില് ഏറ്റവും കൂടുതല് കണ്ടുവരുന്ന ഒരു രോഗമാണിത്. ശുചിത്വക്കുറവുമൂലം ആഹാരസാധനങ്ങളുടെ അവശിഷ്ടങ്ങള് പല്ലുകള്ക്കിടയില് അടിഞ്ഞ്കൂടുകയും അത് പിന്നീട് കട്ടപിടിക്കുകയും ചെയ്യുന്നു. ഇങ്ങനെയുള്ള അഴുക്ക് കുറേ കാലങ്ങള്ക്ക്ശേഷം പല്ലുകളുടെ ബലക്കുറവിനും ഇളകുന്നതിനും രക്തസ്രാവത്തിനും കാരണമാകും. മോണ താഴേക്ക് ചുരുങ്ങുന്നതിനും പല്ലുകളുടെ വേര് പുറമെ കാണാനും ഇത് കാരണമാകുന്നു. പ്രമേഹരോഗികളില് മോണരോഗം സാധാരണയായി കണ്ടുവരാറുണ്ട്.
ആസിഡിന്റെ പങ്ക്
മധുരവും അന്നജവും അടങ്ങിയ ആഹാരം പല്ലിന് അപകടകരമാണ്. വായിലെ ബാക്ടീരിയകള് അവയില് പ്രവര്ത്തിച്ച് ആസിഡുണ്ടാക്കുന്നു. ഈ ആസിഡ് പല്ലിന്റെ ഇനാമലിനെ ക്ഷയിപ്പിക്കുന്നു. അത് മൂലം പല്ലിന് കേടുപാടുകളുണ്ടാകും. കാര്ബണേറ്റഡ് ശീതള പാനീയങ്ങള് കൂടുതല് അപകടകാരികളാണ്.
വായിലെ വരണ്ട അവസ്ഥ
വരണ്ട വായില് ദന്തക്ഷയവും മോണരോഗവും വേഗം വരും. ഉമിനീര് പല്ലുകളെ വൃത്തിയായി സൂക്ഷിക്കാനും ആസിഡുകളെ കുറയ്ക്കാനും സഹായിക്കുന്നു. ചില മരുന്നുകള് ഉമിനീരിന്റെ അളവ് കുറയ്ക്കുകയും വായ് വരണ്ടതുമാക്കുന്നു. വായ് നാറ്റത്തിനുള്ള പ്രധാനകാരണങ്ങളില് ഒന്നാണ് വറ്റിവരണ്ട വായ്.
കറപിടിച്ച പല്ലുകള്
ചായ കാപ്പി, ചില ആയുര്വേദ മരുന്നുകള്, പുകയില ഉല്പന്നങ്ങള് എന്നിവ പല്ലുകളില് കറവരുത്തുന്നു. നൂതന ടൂത്ത്പേസ്റ്റിലൂടയെയും ബ്ളീച്ചിംഗ് ചികിത്സയിലൂടെയും പല്ലിന്റെ നിറവും വെണ്മയും മെച്ചപ്പെടുത്താവുന്നതാണ്.
തെറ്റായ ബ്രഷിംഗ് രീതി
ഹാര്ഡ് ബ്രഷുകളുടെ ഉപയോഗവും തെറ്റായ ബ്രഷിംഗ് രീതികള് കൊണ്ടും പല്ലുകളുടെ തേയ്മാനത്തിനും പുളിപ്പ് അനുഭവപ്പെടുന്നതിനും കാരണമാകുന്നു.
പല്ലിറുമ്മല്
പല്ലുകള് നേരിടുന്ന മറ്റൊരു പ്രശ്നമാണ് രാത്രികാലങ്ങളിലെ ബ്രക്സസം അധവാ പല്ലിറുമ്മല്. ഇത് പല്ലുകളുടെ തേയ്മാനത്തിന് കാരണമാകുന്നു.
പല്ലുകള് ആരോഗ്യത്തോടെ സംരക്ഷിക്കാം
ക്രമമായും കൃത്യ നിഷ്ഠയോടെയും ആഹാരം കഴിക്കുക
പോഷകസമ്പുഷ്ടമായ , പ്രത്യേകിച്ച് വൈറ്റമിന് സി. അടങ്ങിയ ആഹാരം കഴിക്കുക
കറയുണ്ടാക്കുന്ന ആഹാരം ഒഴിവാക്കുക
രാവിലെയും രാത്രിയിലും പല്ല് തേക്കുക
കാര്ബണേറ്റഡ് ശീതള പാനീയങ്ങള് കുറയ്ക്കുക
വായുടെ വരള്ച്ചക്ക് കാരണമാകുന്ന മരുന്നുകള് ഉണ്ടെങ്കില് അവമാറ്റം വരുത്താന് ആവശ്യപ്പെടുക
ആറ് മാസം കൂടുമ്പോള് ദന്തല് ചെക്കപ്പിനും ക്ലീനിംഗിനും തയ്യാറാകുക
ഏതെങ്കിലും രീതിയില് പല്ലുകള് നഷ്ടപ്പെട്ടാല് ഫിക്സഡ് രീതിയിലോ മാറ്റാവുന്നതോ ആയ പല്ലുകള് വെച്ച്പിടിപ്പിക്കുക
ചെറിയ രോഗവും നിസാരമായി കാണാതെ ദന്താശുപത്രിയില് പോയി പരിഹാരം കാണണം.
ഒരുതരം സന്ധിവാതമാണിത്. അഞ്ചു വയസ്സിനും പതിനഞ്ച് വയസ്സിനുമിടയ്ക്കുളള കുട്ടികള്ക്കാണ് ഈ രോഗം കൂടുതലായി കാണുന്നത്. തൊണ്ടവേദന, ടോണ്സിലൈറ്റിസ് ഇവയുണ്ടാക്കുന്ന സ്ട്രെപ്റ്റോകോക്കസ് എന്ന അണുബാധയെത്തുടര്ന്ന് ശരീരത്തിലുണ്ടാകുന്ന പ്രതികരണമാണ് ഇതെന്ന് പറയുന്നു.
പനിയും മാറിമാറിയുളള സന്ധിവേദനയും അനുഭപ്പെടും. ഒരു സന്ധിയില് നിന്ന് മറ്റൊരു സന്ധിയിലേക്ക് മാറിമാറിയാണ് നീരും വേദനയും കാണുക.
കൈമുട്ടുകളെയും കാല്മുട്ടുകളെയുമാണ് സാധാരണ ഇത് ബാധിക്കുന്നത്. പിന്നീട് ഹൃദയത്തിന്റെ വാല്വുകള്ക്ക് കേട് വരുത്തുന്നു എന്നതാണ് ഈ രോഗത്തിന്റെ മുഖ്യദോഷം.
അസുഖം ഹൃദയത്തെ ബാധിക്കുമ്പോള് കുട്ടി വളരെ ക്ഷീണിതനായി കാണും. നാഡിയിടിപ്പിന്റെയും ശ്വാസോച്ഛ്വാസത്തിന്റെയും നിരക്ക് കൂടും. മുഖത്തും ശരീരത്തിലും നീര്ക്കോളുമുണ്ടാവാം.
സ്റ്റെതസ്കോപ്പ് വച്ച് ഹൃദയം പരിശോധിക്കുമ്പോള് പ്രത്യേകതരം ഇരമ്പല് ശബ്ദം ഡോക്ടര്ക്ക് കേള്ക്കാന് കഴിയും. കുട്ടികള്ക്ക് സന്ധിയില് വേദനയും നീരും പൊതുവില് ക്ഷീണവും പനിയും തോന്നിയാല് റുമാറ്റിക് ഫിവര് തന്നെയാവും കാരണം. ഉടനെ ചികിത്സ കൂടിയേ തീരൂ.
ധാന്യങ്ങളുടെ കൂട്ടത്തില് പെട്ട ഒന്നാണ് ബാര്ലി. എന്നാല് ഇതിന് പ്രാധാന്യമേറെ പൊതുവെ നല്കാറില്ല. ബാര്ലിയ്ക്ക് ആരോഗ്യപരമായ പല ഗുണങ്ങളുമുണ്ട്. ചില അസുഖങ്ങള്ക്കുള്ള പരിഹാരം കൂടിയാണ് ബാര്ലി. ബാര്ലി ശീലമാക്കുന്നത് പലതരം പ്രശ്നങ്ങള്ക്കുള്ള നല്ലൊരു പരിഹാരമാണ്. ഇതെക്കുറിച്ചു കൂടുതലറിയൂ,
ഓട്സില് കാണുന്ന ബീറ്റ ഗ്ലൂക്കാന് ബാര്ലിയിലും അടങ്ങിയിട്ടുണ്ട്. ധാരാളം നാരുകള് അടങ്ങിയ ഈ ധാന്യം ശരീരത്തില് നിന്നും വിഷാംശം പുറത്തുകളയാന് സഹായിക്കുന്നു.
ഇതേ രീതിയില് ഇത് കൊഴുപ്പകറ്റുകയും ചെയ്യും. കൊഴുപ്പു മാത്രമല്ല, വയറിനും അതുവഴി ആരോഗ്യത്തിനും ദോഷം ചെയ്യുന്നവ ബാര്ലി ശരീരത്തില് നിന്നും നീക്കം.
മൂത്രതടസം മാറ്റാനും കിഡ്നി സംബന്ധമായ പ്രശ്നങ്ങള്ക്കുമുള്ള നല്ലൊരു മരുന്നു കൂടിയാണ് ബാര്ലി.
ഇതു കഴിയ്ക്കുന്നത് വാതസംബന്ധമായ പ്രശ്നങ്ങള്ക്കുള്ള പരിഹാരം കൂടിയാണ്. വാതപ്രശ്നങ്ങള് മാറണമെങ്കില് ഇത് കൂടുതല് കഴിയ്ക്കണമെന്നു മാത്രം.
ദഹനപ്രശ്നം അകറ്റുക, മലബന്ധം ഒഴിവാക്കുക എന്നിവയ്ക്കു പുറമെ ക്യാന്സര്പോലുള്ള രോഗങ്ങളില് നിന്നും സംരക്ഷമം നല്കാനും ബാര്ലിയ്ക്കു സാധിക്കും.
ബാര്ലി വാങ്ങി നല്ലപോലെ വേവിയ്ക്കുക. ഇത് വേവിക്കാന് അല്പം വെള്ളം കൂടുതല് എടുക്കാം. ഈ വെള്ളം അരിച്ചെടുത്ത് ഇതില് അല്പം ചെറുനാരങ്ങനീര് ചേര്ക്കുക. വേണമെന്നുള്ളവര്ക്ക് മധുരത്തിനു വേണ്ടി അല്പം തേനോ ഷുഗര് ഫ്രീയോ ചേര്ക്കാം. ഇത് ഫ്രിഡ്ജില് വച്ച് ദീര്ഘകാലം ഉപയോഗിക്കാം.
നാം സാധാരണയായി സൗന്ദര്യ സംരക്ഷണത്തിനായാണ് സുഗന്ധതൈലങ്ങള് ഉപയോഗിക്കുന്നത്. എന്നാല്, ഇവയ്ക്ക് മറ്റു പല ഗുണങ്ങളുമുണ്ട്. ഇവ പൊതുവായ ആരോഗ്യസംരക്ഷണത്തിനും പ്രയോജനപ്രദമാണ്
സുഗന്ധതൈലങ്ങള്ക്ക് ഹോര്മോണ് സന്തുലനാവസ്ഥ സൃഷ്ടിക്കുന്നതിന് കഴിവുണ്ടെന്ന് കണ്ടെത്തിയിട്ടുണ്ട്. ആര്ത്തവത്തിനു മുമ്പുള്ള അസ്വസ്ഥകളും (പിഎംഎസ്) കോച്ചിപ്പിടുത്തവും നേരിടുന്നതിനുള്ള വീട്ടുചികിത്സകളിലും ഇവയ്ക്ക് സ്ഥാനമുണ്ട്. ഹോര്മോണ് അസന്തുലിതാവസ്ഥ, ഉത്കണ്ഠ, സാധാരണ വേദനകള്, പിരിമുറുക്കം എന്നിവ നിയന്ത്രിക്കുന്നതിന് ഇവ സുരക്ഷിതമായി ഉപയോഗിക്കുന്നത് സഹായിക്കും.
ഹോര്മോണ് സന്തുലനാവസ്ഥയ്ക്കും ആരോഗ്യകരമായ ജീവിതശൈലിക്കും പൊതുവായ ക്ഷേമത്തിനും സഹായിക്കുന്ന ചില സുഗന്ധതൈലങ്ങളിതാ...
ക്ളാരി സേജ് : മുന്തിയ ബ്രാന്ഡുകളിലുള്ള സുഗന്ധതൈല നിര്മ്മാതാക്കളെല്ലാം ഹോര്മോണ് സന്തുലനാവസ്ഥ ഉറപ്പുവരുത്തുന്നതിനായി തങ്ങളുടെ ഉത്പന്നങ്ങളില് ഉള്പ്പെടുത്തുന്ന ഒരു ചേരുവയാണ് ക്ളാരി സേജ്. സ്ത്രീ ലൈംഗിക ഹോര്മോണ് ആയ ഈസ്ട്രജന്റെ സന്തുലനാവസ്ഥയ്ക്ക് ഇത് സഹായിക്കുമെന്നാണ് കരുതപ്പെടുന്നത്. പിഎംഎസ്, ആര്ത്തവസമയത്തെ കോച്ചിവലിക്കല് തുടങ്ങി പ്രസവവേദനവരെ കുറയ്ക്കാന് ഇതിനു കഴിയുമെന്നാണ് കരുതുന്നത്.
ലാവണ്ടര് ഓയില് : മോഹിപ്പിക്കുന്ന സുഗന്ധം പകരുമെന്നതിനു പുറമെ, ഹോര്മോണ് സന്തുലനത്തിനും ലാവണ്ടര് സഹായിക്കും. വേദന കുറയ്ക്കുന്നതിനൊപ്പം ഹോര്മോണ് അസന്തുലിതാവസ്ഥ പരിഹരിക്കുന്നതിനും പിരിമുറുക്കവും വിഷാദവും കുറയ്ക്കുന്നതിനും ലാവണ്ടര് സഹായിക്കുന്നു. ലാവണ്ടര് ഓയില് മണക്കുന്നതിലൂടെ തലവേദനയ്ക്കു ശമനം ലഭിക്കുന്നു.
കുന്തിരിക്കം: പിഎംഎസ്, ഗര്ഭം തുടങ്ങിയ അവസ്ഥകളില് ചില സ്ത്രീകള്ക്ക് മാനസികനിലയില് പെട്ടെന്നുള്ള മാറ്റം സംഭവിച്ചേക്കാം. കുന്തിരിക്കത്തിന് മനോനിലയില് അനുകൂലമായ മാറ്റം ഉണ്ടാക്കുന്നതിനുള്ള കഴിവുണ്ട്. നിങ്ങള്ക്ക് നിഷേധാത്മകത അനുഭപ്പെടുന്ന അവസരത്തില് സ്വയം അതിനെ മറികടക്കാന് ശ്രമിക്കുകയും ഒപ്പം കുന്തിരിക്കത്തിന്റെ ഗന്ധം പേറുന്ന അല്പ്പം വായു ശ്വസിക്കുകയും ചെയ്യൂ, നിങ്ങളുടെ മനോനിലയില് മാറ്റം സംഭവിക്കും തീര്ച്ച!
ജമന്തി : ഒരിനം ജമന്തിയാണ് ചാമോമൈല്.. ചാമോമൈല് ചായയെ കുറിച്ച് നമ്മില് ചിലരെങ്കിലും കേട്ടിരിക്കും. എന്നാല്, ഇവ സുഗന്ധതൈലങ്ങളുടെ ഒരു അവിഭാജ്യഘടകം കൂടിയാണ്. ഇതിന് മസിലുകളുടെ കോച്ചിപ്പിടുത്തം ലഘൂകരിക്കുന്നതിനുള്ള കഴിവുണ്ട്. ആര്ത്തവസമയത്തെ കോച്ചിപ്പിടുത്തം, പ്രസവ വേദന എന്നിവ ലഘൂകരിക്കുന്നതിനും ഇത് സഹായിക്കും. ഉദരസംബന്ധമായ പ്രശ്നങ്ങള്ക്കും ഉറക്കമില്ലായ്മയ്ക്കും എതിരെയും ഇത് പ്രയോജനപ്പെടുത്താവുന്നതാണ്.
കര്പ്പൂര തുളസി : പിഎംഎസ്, ഗര്ഭം തുടങ്ങിയ അവസരങ്ങളില് സ്ത്രീകളുടെ ആരോഗ്യത്തിന് കര്പ്പൂരതുളസി ഏറെ പ്രയോജനം ചെയ്യും. തലവേദനയുടെ കാഠിന്യം കുറയ്ക്കുന്നതിന് കര്പ്പൂരതുളസി തൈലത്തിനു കഴിയും. ആര്ത്തവ ദിനങ്ങളിലെ ആലസ്യവും മന്ദതയും കുറച്ച് മനോനിലയില് മാറ്റം സൃഷ്ടിക്കുന്നതിനും ഇത് സഹായിക്കും. വേദനാസംഹാരിയായി പുറമേ പുരട്ടുന്നതിന് ഇത് ഉപയോഗിക്കാവുന്നതാണ്. എന്നാല്, ഇവയോട് നിങ്ങള്ക്ക് അലര്ജി ഇല്ല എന്ന് ഉറപ്പുവരുത്താന് മറക്കേണ്ടതില്ല.
ചുമ ശ്വാസനാളിയിലെ സ്രവങ്ങള് പുറത്ത് എത്തിക്കാന് സഹായിക്കുമെങ്കിലും നിര്ത്താതെയുള്ള ചുമ അസ്വസ്ഥതയുളവാക്കുന്ന ഒരു അനുഭവമായിരിക്കും. ജലദോഷത്തിനു ശേഷം ആളുകള്ക്ക് ഏറ്റവും അസ്വസ്ഥത പകരുന്ന ഒരു കാര്യമാണ് ആഴ്ചകള് അല്ലെങ്കില് മാസങ്ങള് നീണ്ടു നില്ക്കുന്ന വരണ്ട ചുമ. ദീര്ഘകാലം നിലനില്ക്കുന്ന ചുമയെ പ്രതിരോധിക്കുന്നതിന് ശരിയായ രീതിയിലുള്ള രോഗ പ്രതിരോധശേഷി ആവശ്യമാണ്.
ചുമയ്ക്കുള്ള കാരണങ്ങള്
അണുബാധകള്, പൊടിയില് നിന്നും പുകയില് നിന്നുമുള്ള അലര്ജികള്, പരിസ്ഥിതിയില് നിന്ന് ഉണ്ടാകുന്ന അസ്വസ്ഥതകളോടുള്ള ശരീരത്തിന്റെ സ്വാഭാവിക പ്രതിരോധം എന്നിങ്ങനെ നിരവധി അവസ്ഥകളുടെ സൂചനയായിട്ടാവാം ചുമ ഉണ്ടാവുന്നത്. ജലദോഷവും പനിയുമാണ് മിക്കപ്പോഴും ചുമയ്ക്കുള്ള കാരണമാവുന്നത്. ഇതിലൂടെ, ബാഹ്യവസ്തുക്കളെ കഫത്തിലൂടെ പുറന്തള്ളാന് ശരീരം ശ്രമിക്കുന്നു. മൂക്കിനു മുകളില് നിന്നുള്ള ഒലിപ്പ്, ആമാശയത്തിലെ ദഹനരസം തിരികെ അന്നനാളത്തിലെത്തുന്ന ആസിഡ് റിഫ്ളക്സ്, മരുന്നുകളുടെ പാര്ശ്വഫലങ്ങള് എന്നിവയും ചുമയ്ക്ക് കാരണാമാവാം.
ചുമയെ പ്രതിരോധിക്കാനുള്ള വഴികള്
കൈകള് കഴുകുകയും അണുവിമുക്തമാക്കുകയും ചെയ്യുക: അണുബാധ പകരാതിരിക്കാനുള്ള ഏറ്റവും ലളിതമായ വഴിയാണ് കൈകള് വൃത്തിയായി കഴുകുന്നത്. സാധാരണ അണുബാധകള് പ്രതിരോധിക്കാന് കൈകള് ഹാന്ഡ് വാഷ് ഉപയോഗിച്ച് വൃത്തിയായി കഴുകുന്നത് സഹായിക്കും. ജലദോഷം മാത്രമല്ല, ഏതൊരു രോഗത്തെ പ്രതിരോധിക്കുന്നതിനും വ്യക്തിശുചിത്വം പാലിക്കുന്നത് സഹായിക്കും.
ശ്വാസകോശ അണുബാധയുള്ളവരുമായി സമ്പര്ക്കത്തില് ഏര്പ്പെടുന്നത് ഒഴിവാക്കുക : ശ്വാസകോശ അണുബാധയുള്ളവര്ക്ക് ഹസ്തദാനം നല്കുക, അവര് കഴിക്കുന്ന പാത്രത്തില് നിന്ന് ഭക്ഷണം കഴിക്കുക തുടങ്ങിയ നടപടികള് അണുബാധ പകരാന് കാരണമായേക്കാം. രോഗബാധിതരില് നിന്ന് സൗകര്യപ്രദമായ അകലം സൂക്ഷിക്കുന്നത് എപ്പോഴും നല്ലതാണ്.
വസ്ത്രങ്ങളും കൈലേസും മറ്റും അണുവിമുക്തമാക്കുക: വസ്ത്രങ്ങളും ടവ്വലുകളും കിടക്കവിരിയും മറ്റും കൃത്യമായി അലക്കുകയും പൊടിവിമുക്തമാണെന്ന് ഉറപ്പുവരുത്തുകയും ചെയ്യണം. കിടക്കമുറിയിലെ തുണികളിലും മറ്റും അടിഞ്ഞുകൂടുന്ന പൊടിയില് ബാക്ടീരിയകള് വളരാന് സാധ്യതയേറെയാണെന്ന് മനസ്സിലാക്കുക. വൃത്തിയാക്കുന്ന അവസരത്തില് ഒന്നോ രണ്ടോ തുള്ളി ഡെറ്റോള് പോലെയുള്ള അണുനാശിനികളും ഉപയോഗിക്കുക. മുഷിയുന്നതിന് അനുസരിച്ച് വസ്ത്രങ്ങള് കഴുകുന്ന ഇടവേളകളും കുറയ്ക്കുക.
നിര്ജലീകരണം ഒഴിവാക്കാന് ധാരാളം വെള്ളം കുടിക്കുക: ആവശ്യമായ തോതില് വെള്ളം കുടിക്കുന്നത് കഫം നേര്ത്തതാക്കുകയും അത് പുറന്തള്ളുന്നതിന് സഹായകമാവുകയും ചെയ്യും. അയാസരഹിതമായി കഫം പുറത്തു പോകുന്നത് ചുമ കുറയ്ക്കും.
വീട്ടില് തന്നെ കഴിയുക: നിങ്ങള്ക്ക് അസ്വസ്ഥത അനുഭവപ്പെടുകയാണെങ്കില് ജോലി അല്ലെങ്കില് പഠനത്തില് നിന്ന് തല്ക്കാലം വിട്ടുനില്ക്കുക. മറ്റുള്ളവരിലേക്ക് അണുബാധപകരാനുള്ള സാധ്യത ജോലിസ്ഥലത്തും സ്കൂളിലും വളരെ കൂടുതലാണ്.
പ്രതിരോധ കുത്തിവയ്പ്: വില്ലന് ചുമയെ പ്രതിരോധിക്കുന്നതിന് പെര്ട്യൂസിസ് വാക്സിന് എടുക്കുന്നത് സഹായിക്കും. നിങ്ങളുടെ കുട്ടിക്ക് മാത്രമല്ല നിങ്ങള്ക്കും പ്രതിരോധ കുത്തിവയ്പ് എടുക്കേണ്ടതാണ്. ഇക്കാര്യം ഓര്ക്കുക, പെര്ട്യൂസിസ് വാക്സിന് എടുത്താല് പോലും വില്ലന് ചുമ പിടിപെടാം.
ഇടയ്ക്കിടെ മുഖത്ത് സ്പര്ശിക്കുന്നത് ഒഴിവാക്കുക: അണുബാധയുണ്ടാക്കുന്ന സ്രവങ്ങള് വീണ പ്രതലങ്ങളില് (മേശ, പുസ്തകങ്ങള് തുടങ്ങിയവ) സ്പര്ശിച്ച ശേഷം മുഖത്ത്, പ്രത്യേകിച്ച് കണ്ണുകള്, മൂക്ക്, വായ, സ്പര്ശിക്കുന്നത് ജലദോഷവും ചുമയും ഉണ്ടാകാനുള്ള സാധ്യത വര്ദ്ധിപ്പിക്കുന്നു.
പാസീവ് സ്മോക്കിംഗ് (നിഷ്ക്രിയ ധൂമപാനം) നിര്ത്തുക: ഏതു തരത്തിലുള്ള പുകയില ഉപയോഗവും ശ്വാസനാളിയില് അസ്വസ്ഥത ഉണ്ടാക്കും. അത് വരണ്ട ചുമയുടെ രൂപത്തിലായിരിക്കും പ്രത്യക്ഷമാവുക. പാസീവ് സ്മോക്കിംഗ് ആസ്ത്മയ്ക്കും മറ്റ് ശ്വസന തകരാറുകള്ക്കും കാരണമായേക്കാം. നിക്കോട്ടിന് പുന:സ്ഥാപന (നിക്കോട്ടിന് റീപ്ളേസ്മെന്റ് തെറാപ്പി) ചികിത്സ നടത്തുന്നതിലൂടെ പുകവലിയില് നിന്ന് മോചനം നേടാന് സാധിക്കും.
പച്ച തേങ്ങയില് നിന്നുള്ള വെളിച്ചെണ്ണ: ഇത് പരുപരുത്തതും ചൊറിച്ചില് ഉള്ളതും അടരുകള് ഉള്ളതുമായ ചര്മ്മത്തിന് ഫലപ്രദമായ ഒരു മോയിസ്ചറൈസര് ആണ്. ചര്മ്മത്തില് പ്രശ്നമുള്ള സ്ഥലത്ത് നേര്മ്മയായി പുരട്ടുക. കുളി കഴിഞ്ഞിട്ട് അല്ലെങ്കില് ഉറങ്ങാന് പോകുന്നതിനു മുമ്പ് പുരട്ടുന്നതാണ് ഉത്തമം. വെളിച്ചെണ്ണയോട് അലര്ജി ഉള്ളവര് ഉപയോഗിക്കരുത്.
ഓട്ട്മീല്. ചര്മ്മ സംരക്ഷണത്തിനും ചികിത്സയ്ക്കും പ്രയോജനപ്രദമായ നിരവധി സംയുക്തങ്ങള് ഓട്മീലില് അടങ്ങിയിട്ടുണ്ട്. കൊളോഡിയല് ഓട്മീല് ചര്മ്മത്തില് അസ്വസ്ഥതയുണ്ടാക്കുന്ന വസ്തുക്കളില് നിന്ന് സംരക്ഷണം നല്കുമെന്ന് ഗവേഷണങ്ങളില് തെളിഞ്ഞിട്ടുണ്ട്. ഇത് ഒരു മോയിസ്ചറൈസറായി പ്രവര്ത്തിക്കുന്നു. ഒരു നുള്ള് ഓട്മീല് പൊടി വെള്ളത്തില് ചേര്ക്കുക. ഉടന് തന്നെ വെള്ളം പാല് നിറത്തിലാവും. ഓട്മീല് പൊടി കുളിക്കാനുള്ള ഇളം ചൂടുവെള്ളത്തില് കലര്ത്തി ഉപയോഗിക്കാം. അല്ലെങ്കില്, ബാത്ത് ടബ്ബിലെ വെള്ളത്തില് ചേര്ത്ത ശേഷം 15 മിനിറ്റു നേരം ടബ്ബില് ചെലവഴിക്കുക.
മോയിസ്ചറൈസ്: ചര്മ്മം ഈര്പ്പമുള്ളതാക്കി നിലനിര്ത്തുന്നത് തടിപ്പുകള് ഭേദമാവാന് സഹായിക്കും. കുളി കഴിഞ്ഞ ശേഷം മോയിസ്ചറൈസിംഗ് ക്രീം പുരട്ടാന് മറക്കരുത്.
ഉരച്ചുകഴുകല്: അലര്ജിയുണ്ടാക്കുന്ന ഏതെങ്കിലും ഒരു വസ്തുവുമായി സമ്പര്ക്കത്തില് ഏര്പ്പെട്ട ശേഷം സോപ്പും വെള്ളവുമുപയോഗിച്ച് ചര്മ്മം നന്നായി ഉരച്ചു കഴുകുന്നത് കോണ്ടാക്റ്റ് ഡെര്മാറ്റൈറ്റിസില് നിന്ന് ആശ്വാസം ലഭിക്കാന് സഹായിക്കും.
കോള്ഡ് കമ്പ്രസ്: സാധാരണ തടിപ്പുകള് ഇല്ലാതാക്കാന് ബാധിച്ച ചര്മ്മ ഭാഗം കോള്ഡ് കമ്പ്രസിലൂടെ തണുപ്പിക്കുന്നത് സഹായിക്കും.
തണുത്ത വെള്ളത്തിലെ കുളി: തണുത്ത വെള്ളത്തില് കുളിച്ച ശേഷം ശരീരം തുടച്ച് വൃത്തിയാക്കുകയും മോയിസ്ചറൈസര് പുരട്ടുകയും ചെയ്യുക.
കട്ടിയില്ലാത്ത അയഞ്ഞ വസ്ത്രങ്ങള്: ലളിതവും അയഞ്ഞതുമായ വസ്ത്രങ്ങള് ധരിക്കുന്നത് ചര്മ്മത്തിനുണ്ടാവുന്ന അലര്ജിയെ നിയന്ത്രിക്കാന് സഹായിക്കും.
ഒടിസി മരുന്നുകള്: ചര്മ്മത്തില് പ്രശ്നങ്ങളുള്ള സ്ഥലത്ത് കലാമിന് ലോഷന് അല്ലെങ്കില് ഒടിസി - ഹൈഡ്രോകോര്ട്ടിസോണ് ക്രീം പുരട്ടുക.
ചൊറിയുന്നത് ഒഴിവാക്കുക: അലര്ജി ബാധിച്ച ചര്മ്മ ഭാഗങ്ങളില് ചോറിച്ചില് അനുഭപ്പെടുമ്പോള് അവിടെ കൈകളോ മറ്റു വസ്തുക്കളോ ഉപയോഗിച്ച് ചൊറിയാന് ശ്രമിക്കരുത്.
ശ്രദ്ധിക്കുക: ചര്മ്മത്തിലെ അലര്ജി മാറ്റമില്ലാതെ തുടരുകയാണെങ്കിലോ മുകളില് പറഞ്ഞ വഴികള് ഫലപ്രദമായി തോന്നുന്നില്ല എങ്കിലോ ഉടന് ഡോക്ടറുടെ ഉപദേശം തേടേണ്ടതാണ്. ഇത് ചര്മ്മസംബന്ധമായ മറ്റെന്തെങ്കിലും ഗുരുതരമായ സാഹചര്യമാകാന് സാധ്യതയുണ്ട്.
പണ്ട് കാലത്തെ പാത്രങ്ങള് വെറും പാത്രങ്ങളായിരുന്നില്ല. ഓരോന്നും അക്കാലത്തെ ആളുകളുടെ ആരോഗ്യവുമായി ബന്ധപ്പെട്ട് കിടക്കുന്നതായിരുന്നു. മണ്പാത്രവും പിച്ചള ഗ്ലാസുമെല്ലാം ചെറിയ ഉദാഹരണങ്ങള് മാത്രം. മണ്കൂജയിലെ വെള്ളം കുടിക്കുന്നതു പോലെ പിച്ചള പാത്രത്തില് വെള്ളം കുടിക്കുന്നതും നല്ല്താണ്. ചെമ്പിന്റെയും നാകത്തിന്റെയും ഒരു ലോഹസങ്കരമാണ് പിത്തള അഥവാ പിച്ചള. പാത്രത്തിലുള്ള നാകവും ചെമ്പും നിങ്ങളുടെ രോഗപ്രതിരോധ ശക്തി കൂട്ടുകയും രോഗം വരാതെ സംരക്ഷിക്കുകയും ചെയ്യും.
ഇത് അതിസാരം, ഡിസെന്റി, മഞ്ഞപ്പിത്തം തുടങ്ങി വെള്ളത്തില് നിന്നുമുണ്ടാകുന്ന രോഗങ്ങളെ തടയും. ചെമ്പിനെ പറ്റിയുള്ള ഏറ്റവും അതിശയിപ്പിക്കുന്ന കാര്യം എന്താണെന്നു വെച്ചാല് അയേണ് അബ്സോര്ബ് ചെയ്യുമ്പോള് സെല്ലുകള് കൂടിച്ചേരുവാന് വേണ്ടി സഹായിക്കും എന്നതാണ്. ഇത് ശരീരത്തിന്റെ മറ്റു പ്രവര്ത്തികള്ക്ക് വേണ്ടിയും വളരെയധികം ആവശ്യമുള്ള ഒരു മിനറല് കൂടിയാണ്. രക്തയോട്ടവും ഹീമോഗ്ലോബിനില് അടങ്ങിയിട്ടുള്ള ഹീമിയെ ക്രമപ്പെടുത്തുവാനും ഇതു സഹായിക്കും.
പക്ഷെ പിച്ചള പാത്രത്തില് വെച്ച വെള്ളത്തിലും കിടാണുക്കളും മാലിന്യങ്ങളും വരാന് സാധ്യതയുണ്ട്. ഇത്തരത്തിലുള്ള വെള്ളം നല്ലതാണോ എന്നറിയാനും മാര്ഗമുണ്ട്. വെള്ളം പിച്ചള പാത്രത്തില് വയ്ക്കുന്നതിനു മുന്പ് തിളപ്പിക്കുക. ഈ പത്രങ്ങള് ഉപയോഗിക്കുന്നതിനു മുന്നേ നന്നായി വൃത്തിയായി സൂക്ഷിക്കുക, അപ്പോള് കിടാണുവിന്റെയും മാലിന്യങ്ങളുടെയും ശല്യമുണ്ടാവില്ല. വെള്ളം അശുദ്ധമാവാതിരിക്കാന് എപ്പോഴും അടച്ചു വെയ്ക്കുക. ആവശ്യമുള്ള വെള്ളം കോരി എടുക്കുന്നതിനു വേണ്ടി എപ്പോഴും ഒരു തവി കൂടെ വെയ്ക്കുക
പാത്രത്തില് വെച്ചിരിക്കുന്ന വെള്ളത്തില് കൂടുതല് ചെമ്പിന്റെ അംശം കലര്ന്നാലും പേടിക്കേണ്ട ആവശ്യമില്ല. കാരണം 10 ലിറ്റര് വെള്ളത്തില് അടങ്ങിയിട്ടുള്ള ചെമ്പു ആണെങ്കിലും ഇതു നമ്മുടെ ശരീരത്തിന് ഏകദേശം ആവശ്യമുള്ള ചെമ്പിന്റെ അളവിനേക്കാളും കുറവാണ്.
ക്യാബേജ് ഇലക്കറികളില് പെട്ട ഒന്നാണ്. ആരോഗ്യഗുണങ്ങള് ഏറെയുള്ള, നാരുകളുടെ പ്രധാന ഉറവിടം.
സാധാരണ ഇളം പച്ച നിറത്തിലെ ക്യാബേജാണ് നാം ഉപയോഗിയ്ക്കാറ്. എന്നാല് പള്പ്പിള് അഥവാ വയലറ്റ് നിറത്തിലെ ക്യാബേജും ലഭ്യമാണ്.
വയലറ്റ് നിറത്തിലെ ക്യാബേജിന് ആരോഗ്യഗുണങ്ങള് ഏറെയുണ്ട്. റെഡ് ക്യാബേജ് എന്നു ഇതറിയപ്പെടുന്നുണ്ട്.
ഈ ക്യാബേജില് മറ്റേ ക്യാബേജിലില്ലാത്ത ആന്തോസയാനിന് എന്നൊരു പ്രത്യേക ഘടകം അടങ്ങിയിട്ടുണ്ട്. നല്ലൊരു ആന്റിഓക്സിഡന്റും ധാരാളം വൈറ്റമിന് സി, ഇ എന്നിവയുടെ ഉറവിടവുമാണിത്.
ഇതിലെ സയാന്തിന്, ല്യൂട്ടിന് എന്നീ ഘടകങ്ങള് കണ്ണിന്റെ ആരോഗ്യത്തിന് ഏറെ ഉത്തമമാണ്. അള്ട്രാവയലറ്റ് രശ്മികളില് നിന്നും കണ്ണിന് സംരക്ഷണം നല്കുന്നവ.
രക്താണുക്കളുടെ നിര്മാണത്തിന് പര്പ്പിള് ക്യാബേജ് ഏറെ ഗുണകരമാണ്. ഇത് രക്തചംക്രമണ വ്യവസ്ഥയെ സഹായിക്കും.
വയലറ്റ് ക്യാബേജ് ഒരു കപ്പു കഴിച്ചാല് 216 മില്ലീഗ്രാം പൊട്ടാസ്യം ലഭിയ്ക്കും. ഇതുകൊണ്ടുതന്നെ ഹൃദയാരോഗ്യത്തിന് ഉത്തമം.
സള്ഫര് ധാരാളമടങ്ങിയ ഇത് കൊളസ്ട്രോള് തോതു കുറയ്ക്കാന് ഏറെ നല്ലതാണ്. ഇതുപോലെ യൂറിക് ആസിഡും.
ഫ്രീ റാഡിക്കലിനോടു ചെറുത്തു നില്ക്കുന്ന ഇതിലെ ആന്റിഓക്സിഡന്റുകള് ക്യാന്സര് തടയാന് നല്ലതാണ്. ക്യാന്സര് കോശങ്ങളുടെ വളര്ച്ചയ്ക്കും നല്ലത്.
ഇതില് വൈറ്റമിന് സി ധാരാളമുണ്ട്. ഇതുകൊണ്ടുതന്നെ ശരീരത്തിന്റെ പ്രതിരോധശേഷി വര്ദ്ധിപ്പിയ്ക്കും.
വൈറ്റമിന് കെ ധാരാളമുള്ളതുകൊണ്ടതുന്നെ എല്ലുകളുടെ ആരോഗ്യത്തിന് ഏറെ ഗുണകരമാണ് ഈ നിറത്തിലെ ക്യാബേജ്.
ഇതിലെ വൈറ്റമിന് സി, ഇ, എ എന്നിവ ചര്മത്തിന് പ്രായക്കുറവു തോന്നിയ്ക്കാന് സഹായിക്കും. കൊളാജന് ഉല്പാദനത്തിന് സഹായിക്കുന്നതാണ് കാരണം.
മുറിവു സംഭവിക്കുമ്പോഴും ആണിയോ മറ്റോ ദേഹത്ത് തുളച്ചു കയറുമ്പോഴും ഡോക്ടര്മാര് ചോദിക്കാറുണ്ട്, ആറുമാസത്തിനിടയ്ക്ക് ടെറ്റനസ് ഇഞ്ചക്ഷന് എടുത്തിട്ടുണ്ടോ എന്ന്. എന്താണി ടൈറ്റനസ് ഇഞ്ചക്ഷന്, എന്തിനു വേണ്ടിയാണിതെടുക്കുന്നത് എന്ന് ചിന്തിച്ചിട്ടുണ്ടോ നിങ്ങള്. പലരും ധരിച്ചിരിക്കുന്നത് ഇത് മുറിവ് പഴുക്കാതിരിക്കാനുള്ള ഇഞ്ചക്ഷനാണ് എന്നാണ്.
അറിയാമോ ടൈറ്റനസ് രോഗബാധയുണ്ടായാല് ആത്യന്തികമായി മരണമാണ് സംഭവിക്കുക. ഈ രോഗബാധയുണ്ടാകുന്ന 60 മുതല് 80 ശതമാനം ആളുകളും മരണത്തിന് കീഴടങ്ങേണ്ടി വരുന്നതാണ് കണ്ടുവരുന്നത്. ക്ലോസ്ട്രീഡിയം ടെറ്റനി എന്ന രോഗണുക്കളാണ് ഈ രോഗമുണ്ടാക്കുന്നത്.
സാധാരണ മുറിവുകള് പഴുക്കുന്നത്, മുറിവില് കൂടി രോഗാണുക്കള് ശരീരത്തിനുള്ളില് പ്രവേശിക്കുന്നതിനാല് അവയെ പ്രതിരോധിക്കുന്നതിന്റെ ഭാഗമായുള്ള ശരീരത്തിന്റെ നടപടിയാണ്. ടൈറ്റനസ് ഇഞ്ചക്ഷന് എടുത്താല് മുറിവ് പഴുക്കുന്നത് ഒരുപരിധിവരെ കുറയും എന്നതിനാലാണ് ആളുകള് മുറിവു പഴുക്കാതിരിക്കാനുള്ള ഇഞ്ചക്ഷനായി ഇതിനേ കരുതാന് കാരണം.
ചെറിയ മുറിവുകളാണെങ്കില് സാധാരണ കുറഞ്ഞ് ഡോസിലുള്ള മരുന്നാകും കുത്തിവയ്ക്കുക. ഡോക്ടര് നിര്ദേശിച്ച രീതിയില് കുത്തിവയ്പ്പ് എടുക്കുകയാണെങ്കില് അതിന്റെ പ്രതിരോധശക്തി അഞ്ചു മുതല് പത്ത് കൊല്ലം വരെ നീണ്ടുനില്ക്കും. 15 വയസായ വിദ്യാര്ഥികള്ക്ക് സ്കൂളുകളില് കൂടി ഈ കുത്തിവയ്പ്പ് നടത്താറുള്ളത് എന്തിനാണെന്ന് ഇപ്പോള് മനസിലായില്ലേ.
രണ്ടുതരം കുത്തിവയ്പുകളാണുള്ളത്. മുറിവിന്റെ മാരക സ്വഭാവമനുസരിച്ച് ചിലപ്പോള് രണ്ടും ഒരുമിച്ച് എടുക്കേണ്ടിവരും. സെറം രണ്ടു തരത്തിലുണ്ട്. മനുഷ്യരില് നിന്ന് എടുക്കുന്നതും കുതിരകളില് നിന്ന് എടുക്കുന്നതും. കുതിരകളില് നിന്ന് എടുക്കുന്നതിന് റിയാക്ഷന് കൂടും. ഗര്ഭിണികള്ക്കും ടെറ്റനസിന് എതിരായ കുത്തിവയ്പ് എടുക്കേണ്ടതുണ്ട്.
നവജാത ശിശുക്കള്ക്ക് പൊക്കിള് കൊടിയിലൂടെ ഈ രോഗം ബാധിക്കാതിരിക്കാനാണിത്. നവജാത ശിശുക്കള്ക്ക് കുത്തിവയ്പിന്റെ രീതി എല്ലാ ആശുപത്രികളിലും ഡോക്ടര്മാര് വിശദീകരിച്ചു നല്കും. പ്രമേഹം കുത്തിവയ്പിന് തടസമല്ല. മുറവ് ഉണങ്ങിയാല് ഡോക്ടറെ കണ്ട് ഉപദേശം തേടുക. കുത്തിവയ്പ് വേണ്ടവിധത്തിലല്ലെങ്കില് അതിന്റെ ദൂഷ്യഫലം ഹൈപ്പര് ഇമ്മ്യൂണൈസേഷന് ആയിരിക്കും.
നാട്ടിന്പുറങ്ങളില് സുലഭമായി കിട്ടുന്നവയാണ് ചക്കയും കുടംപുളിയും. എന്നാല് ഇന്ന് ചക്ക കഴിക്കുന്നവര് വളരെ വിരളമാണ്. ചക്ക തയ്യാറാക്കുന്നതിന്റെ ബുദ്ധിമുട്ടാവാം ഇതിന് കാരണം.
ചക്കയും കുടംപുളിയും അര്ബുദത്തെ തടയാന് നല്ലതാണ്. ചക്ക പലതരത്തിലുണ്ട്. ഇവയില് വരിക്കച്ചക്കയാണ് അര്ബുദത്തെ തടയാന് ഒന്നുകൂടി ഉത്തമം. ചക്ക പോലെതന്നെ ചക്കക്കുരുവും പോഷകസമൃദ്ധമാണ്.
ചക്കക്കുരുവിന്റെ കരിതൊലി കളയരുത്. അതിലാണ് ഔഷധമൂല്യം അടങ്ങിയിരിക്കുന്നത്. ചക്കക്കുരു ഉപയോഗിച്ചുണ്ടാക്കുന്ന ടോണിക്കുകളും മറ്റും ആയുര്വേദ കടകളില് നിന്ന് ലഭിക്കും. ഇത് കുട്ടികള്ക്ക് കഴിക്കാന് നല്കുന്നത് അവരുടെ രോഗപ്രതിരോധശേഷി വര്ദ്ധിപ്പിക്കാന് സഹായിക്കും.
ജീവിതത്തിലെ ഏറ്റവും സുന്ദരമായ കാലഘട്ടമാണ് കുട്ടിക്കാലം. കളിച്ചും ചിരിച്ചും ആർത്തുല്ലസിക്കേണ്ട പ്രായത്തിൽ പലപ്പോഴും രോഗപീഡ കുട്ടികളെയെന്നപോലെ അവരുടെ മാതാപിതാക്കളെയും മാനസിക സമ്മർദത്തിലാഴ്ത്താറുണ്ട്. അത്തരത്തിലൊരു രോഗമാണ് സോറിയാസിസ്. ജനിതകപരമായ കാരണങ്ങൾകൊണ്ടാണ് ഈ രോഗം ഉണ്ടാകുന്നത്. അച്ഛനോ അമ്മയ്ക്കോ സോറിയാസിസ് ഉണ്ടായാൽ മക്കൾക്കുണ്ടാകാനുള്ള സാധ്യത പതിനാലു ശതമാനമാണ്. എന്നാൽ രണ്ടുപേർക്കും ഈ രോഗം ഉണ്ടായാൽ മക്കൾക്കുണ്ടാകാനുള്ള സാധ്യത നാൽപതു ശതമാനം വരും.
കെരാറ്റിനൈസേഷൻ: നമ്മുടെ ചർമത്തിൽ നടക്കുന്ന കെരാറ്റിനൈസേഷൻ എന്ന പ്രക്രിയയിൽ നടക്കുന്ന വൈകല്യങ്ങളാണ് സോറിയാസിസിന് കാരണം. എപ്പിഡെർമിസിന്റെ ഏറ്റവും താഴെ സ്ഥിതിചെയ്യുന്ന വളരെ വേഗം വിഭജിക്കുന്ന കോശങ്ങൾക്കു രൂപമാറ്റം സംഭവിച്ചാണ് ചർമത്തിന്റെ ഏറ്റവും ഉപരിതലത്തിൽ കാണപ്പെടുന്ന മൃതകോശങ്ങളായ സ്ട്രാറ്റം കോർണിയം ഉണ്ടാകുന്നത്. ഈ പ്രക്രിയയ്ക്കിടയ്ക്കാണ് നമ്മുടെ ചർമത്തിലെ പ്രധാന മാംസ്യങ്ങളായ കെരാറ്റിൻ ഉത്പാദിപ്പിക്കുന്നത്. അതുകൊണ്ടാണ് ഇതിനെ കെരാറ്റിനൈസേഷൻ എന്നു വിളിക്കുന്നത്. സാധാരണയായി ഈ പ്രക്രിയയ്ക്ക് രണ്ടാഴ്ച സമയമെടുക്കും. എന്നാൽ സോറിയാസിസ് ഉള്ളവരിൽ ഈ പ്രക്രിയ ചുരുങ്ങിയ സമയംകൊണ്ട് നടക്കും. തത്ഫലമായി ചർമോപരിതലത്തിൽ മൃതകോശങ്ങൾ കട്ടിപിടിച്ചു കിടക്കുന്നു. ഇത് ചർമോപരിതലത്തിൽ ശൽക്കങ്ങളായി കാണപ്പെടുന്നു.
കാരണങ്ങൾ: കുട്ടികളിൽ ഈ രോഗം വരുന്നതിന് ഒരു പ്രധാന കാരണമാണ് മാനസിക സമ്മർദം. താങ്ങാൻ കഴിയാത്ത സിലബസ്, കുടുംബാന്തരീക്ഷം, സ്കൂളിലുണ്ടാകുന്ന പ്രശ്നങ്ങൾ എന്നിവ അസുഖം വരുന്നതിനോ മൂർഛിക്കുന്നതിനോ കാരണമാകാറുണ്ട്. പരീക്ഷക്കാലത്ത് രോഗം വർധിക്കുന്നതും അവധിക്കാലത്ത് ശമിക്കുന്നതും പതിവാണ്. വിദ്യാലയാന്തരീക്ഷവും കുടുംബാന്തരീക്ഷവും തൃപ്തികരമാണെങ്കിൽ പൊതുവേ ഈ അസുഖം പ്രശ്നങ്ങൾ സൃഷ്ടിക്കാറില്ല. സ്ട്രെപ്റ്റോകോക്കസ് മൂലമുള്ള അണുബാധ കുട്ടികളിൽ സോറിയാസിസ് വരുന്നതിനു കാരണമാണ്. ചില മരുന്നുകളുടെ ഉപയോഗം സോറിയാസിസ് ആദ്യമായി പ്രത്യക്ഷപ്പെടാനോ ഉള്ള രോഗം അധികമാകാനോ കാരണമാകാറുണ്ട്. വേദനസംഹാരികൾ, മലേറിയയ്ക്കെതിരേ ഉപയോഗിക്കുന്ന മരുന്നുകൾ, വിഷാദരോഗത്തിനെതിരേയുള്ള മരുന്നുകൾ മുതലായവയാണിവ
രോഗലക്ഷണങ്ങൾ: ശരീരത്തിന്റെ മുഴുവൻ ഭാഗങ്ങളിലും ഒരുപോലെ രോഗലക്ഷണങ്ങൾ പ്രത്യക്ഷപ്പെടാറില്ല. കുട്ടികളിൽ സോറിയാസിസിന്റെ ലക്ഷണങ്ങൾ കാണുന്നത് കാൽമുട്ട്, മുഖം, കൈമുട്ട്, തലയോട്ടി എന്നിവിടങ്ങളിലാണ്. ഇവിടങ്ങളിൽ വലിയ ചുവന്ന തടിപ്പുകൾ ചൊറിച്ചിലോടെ പ്രത്യക്ഷപ്പെടുന്നു. തടിപ്പുകൾക്ക് മുകളിൽ വെള്ളിനിറത്തിലുള്ള ശൽക്കങ്ങൾ കാണാം. ഈ ശൽക്കങ്ങൾ അടർത്തിമാറ്റിയാൽ ചർമത്തിൽ രക്തം പൊടിയുന്നത് കാണാം. ചിലയവസരങ്ങളിൽ ചെതുമ്പലുകൾ രോമാവൃതമായ ഭാഗങ്ങൾ കടന്ന് നെറ്റിയിലേക്കും കഴുത്തിലേക്കും വ്യാപിച്ചിരിക്കാം. മുതിർന്നവരിൽ നഖങ്ങളിലും സോറിയായിസിന്റെ ലക്ഷണങ്ങൾ കാണാറുണ്ട്. ചെറിയ അതിസൂഷ്മങ്ങളായ കുഴികൾ പ്രത്യക്ഷപ്പെടുന്നു. തുടർന്ന് നഖങ്ങൾ നഷ്ടപ്പെടുന്ന അവസ്ഥയിലേക്ക് എത്തുന്നു.
തെറ്റിദ്ധാരണകൾ അകറ്റാം: ഒന്നിച്ചിരുന്നതുകൊണ്ടോ ഒന്നിച്ചു ഭക്ഷണം കഴിച്ചതുകൊണ്ടോ ഹസ്തദാനം ചെയ്തതുകൊണ്ടോ വിനോദങ്ങളിൽ ഏർപ്പെട്ടതുകൊണ്ടോ സോറിയാസിസ് പകരില്ല. കുട്ടികളിലുള്ള സോറിയാസിസ് മൂലം സഹപാഠികൾ അവരെ ഒറ്റപ്പെടുത്താറുണ്ട്. ഇവയെ പകർച്ചവ്യാധികളെന്നു തെറ്റിദ്ധരിക്കുന്ന സന്ദർഭങ്ങളും ധാരാളം. ഇതെല്ലാം കുട്ടികളിൽ മാനസികസമ്മർദം ഏറുന്നതിനും രോഗം കൂടാനും കാരണമാകാം.
ചികിത്സ: രോഗത്തിന്റെ സ്വഭാവത്തെപ്പറ്റി അവരെ ബോധവാന്മാരാക്കുക എന്നതാണ് ആദ്യപടി. കുട്ടികളിൽ സിലബസ്, പരീക്ഷകൾ ഇവമൂലമുള്ള മാനസികസമ്മർദം ലഘൂകരിക്കാനുള്ള നടപടികൾ ചെയ്യേണ്ടതുണ്ട്. യോഗ, ധ്യാനം എന്നിവ ഇതിനുപകരിക്കും. വേദനസംഹാരികൾ, മാനസികസമ്മർദത്തിനുള്ള മരുന്നുകൾ ഇവ കഴിവതും ഒഴിവാക്കണം. അണുബാധമൂലമുള്ള സോറിയാസിസിന് ആന്റിബയോട്ടിക്കുകളാണ് ചികിത്സയ്ക്ക് ഉപയോഗിക്കുന്നത്. ശരീരത്തിന് എണ്ണമയം പ്രദാനം ചെയ്യുന്ന ലേപനങ്ങൾ കൂടെക്കൂടെ പുരട്ടണം.
ഭക്ഷണരീതി: ഉപവാസവും കലോറിമൂല്യം കുറഞ്ഞ ഭക്ഷണവും സോറിയാസിസിന്റെ കാഠിന്യം കുറയ്ക്കുമെന്ന് പഠനങ്ങൾ തെളിയിച്ചിട്ടുണ്ട്. ആവശ്യത്തിനു മാത്രം ഭക്ഷണം കഴിക്കുക, അനവസരത്തിലുള്ള ഭക്ഷണം ഒഴിവാക്കണം. ടിവി കാണുമ്പോൾ വല്ലതും കൊറിച്ചുകൊണ്ടിരിക്കുക നമ്മിൽ പലരുടെയും ശീലമാണ്. കൂടാതെ കലോറികമൂല്യം കുറഞ്ഞ ഭക്ഷണംതന്നെ ശീലമാക്കണം. ദുർമേദസ് ഉള്ളവരിൽ സോറിയാസിസ് വരാനും വർധിക്കാനും സാധ്യതയുണ്ട്.
നമ്മുടെ ശരീരത്തില് നമുക്കു തന്നെ ചെയ്യാവുന്ന ഒന്നാണ് മസാജ്. ശരീരത്തിലെ രക്തപ്രവാഹം വര്ദ്ധിപ്പിയ്ക്കുന്നതിനും സൗന്ദര്യം വര്ദ്ധിപ്പിയ്ക്കുന്നതിനും മാത്രമല്ല, പല അസുഖങ്ങള്ക്കുമുള്ള മരുന്നു കൂടിയാണ് മസാജിംഗ്. മസാജ് ഓരോ ഭാഗത്തും ഓരോ രീതിയിലും ചെയ്യുന്നതിന് വ്യക്തമായ ഉദ്ദേശങ്ങളുണ്ട്. കിടക്കും മുമ്പ് പാദത്തിനടിയില് മസാജ് ചെയ്യുന്നത് ദഹനപ്രക്രിയയെ സഹായിക്കും. പ്രത്യേകിച്ചു രാത്രി ഭക്ഷണം ദഹിയ്ക്കാന്. ഇങ്ങനെ മസ്സാജ് ചെയ്യുന്നതു കൊണ്ട് നല്ല ഉറക്കവും കിട്ടും.
ശരീരത്തിലെ രക്തപ്രവാഹം സുഗമമായി നടക്കാനും ഇതുവഴി ഉറക്കത്തില് ശരീര പ്രവര്ത്തനങ്ങള് സുഖമാക്കാനും മസാജ് നല്ലൊരു വഴിയാണ്. രാത്രി ശരീരത്തില് അപചയപ്രക്രിയ നടത്തുന്നുണ്ട്. ഇതുവഴി തടി കുറയ്ക്കാന് നല്ലതാണ്. പാദത്തിനടിയില് മസാജ് അപചയ പ്രക്രിയയെ സഹായിക്കും. ശരീരവേദനകള് പലപ്പോഴും ഉറക്കത്തിന് തടസം നില്ക്കും.
പാദമസാജ് ശരീരവേദനകള് പരിഹരിയ്ക്കാനുള്ള നല്ലൊരു വഴിയാണ്. ഇത് ലാക്ടിക് ആസിഡ് ഒഴിവാക്കുന്നതു വഴിയാണിങ്ങനെ ശരീര വേദന ഇല്ലാതാകുന്നത്.
കോശങ്ങളിലേയ്ക്കു പോഷകങ്ങള് എത്തിയ്ക്കുന്നതിനുള്ള വഴിയാണിത്. ഇതുവഴി ശരീരത്തിന്റെ ആരോഗ്യം മെച്ചപ്പെടുന്നു.
പല അസുഖങ്ങള്ക്കുമുള്ള നല്ലൊരു പരിഹാരമാണ് പാദം മസ്സാജ് ചെയ്യുന്നത് . പ്രത്യേകിച്ചു രക്തപ്രവാഹ സംബന്ധമായ പ്രശ്നങ്ങള് ഇല്ലാതാക്കുന്നു.
വരണ്ടതും വിണ്ടുകീറിയതുമായ പാദങ്ങള്! മൂലം വിഷമിക്കുന്ന നിരവധി സ്ത്രീകള് ഉണ്ടായിരിക്കും. ഇത് ശ്രദ്ധക്കുറവിന്റെ സൂചനയാണ്. കൈകളും കാലുകളും മുഖവും മോയിസ്ചറൈസ് ചെയ്യാന് ആരും മറക്കാറില്ല. എന്നാല്, കാല്പ്പാദങ്ങളുടെ കാര്യം അവഗണിക്കുകയായിരിക്കും പതിവ്! വിവിധ ഭൂപ്രകൃതികളെയും കാലാവസ്ഥകളെയും തരണംചെയ്യുന്ന പാദങ്ങള്ക്കും മറ്റെല്ലാ ഭാഗങ്ങള്ക്കും നല്കുന്നതുപോലെയുള്ള ശ്രദ്ധ നല്കേണ്ടത് അത്യാവശ്യമാണ്. സ്പാകളില് പോകുന്നതും പെഡിക്യൂര് ചെയ്യുന്നതും മറ്റും ചെലവേറിയ കാര്യങ്ങളായിരിക്കും. മിക്കവര്ക്കും ഇതിനുള്ള സമയം ലഭിച്ചുവെന്നും വരില്ല. അതിനാല്, വിണ്ടുകീറിയ പാദങ്ങള്ക്ക് വീട്ടില് തന്നെ ചികിത്സ നല്കാവുന്നതാണ്. ഇതിലൂടെ പാദങ്ങള്ക്ക് സുഖം പകരുകയും അവയെ മൃദുലങ്ങളും സ്നിഗ്ധവുമാക്കുകയും ചെയ്യാം.
വെജിറ്റബിള് ഓയില് മാസ്ക്
സുലഭമായി ലഭിക്കുന്ന സസ്യ എണ്ണകള് പാദങ്ങള് വിണ്ടുകീറുന്നത് സുഖപ്പെടുത്താന് ഉപയോഗിക്കാം. സാധാരണ മോയിസ്ചറൈസറുകള്ക്ക് പകരം ഒലിവെണ്ണ, സൂര്യകാന്തി എണ്ണ, ബദാം എണ്ണ എന്നിവ ഉപയോഗിച്ച് പാദങ്ങള് മോയിസ്ചറൈസ് ചെയ്യാം. ഇത് ഉപയോഗിക്കുന്ന രീതിയും വളരെ ലളിതമാണ്. രാത്രി ഉറങ്ങാന് പോകുന്നതിനു മുമ്പ്, മുകളില് പറഞ്ഞിരിക്കുന്ന എണ്ണകളില് ഏതെങ്കിലും ഒന്ന് പാദത്തില് പുരട്ടി സാവധാനത്തില് മസാജു ചെയ്യുക. എണ്ണ പുരട്ടുന്നതിനു മുമ്പ് പാദങ്ങള് വൃത്തിയാക്കണം. ഈ രീതി പിന്തുടരുകയാണെങ്കില്, ഏതാനും ആഴ്ചകള്ക്കുള്ളില് പ്രകടമായ വ്യത്യാസം ഉണ്ടാകും.
ഗ്ളിസറിന് മാസ്ക്
ഗ്ളിസറിന് മെഡിക്കല് സ്റ്റോറുകളില് വാങ്ങാന് ലഭിക്കും. ഗ്ളിസറിന് റോസ് വാട്ടറിനൊപ്പം ചേര്ത്ത് ഉപയോഗിക്കുന്നത് പാദങ്ങള് വിണ്ടുകീറുന്നത് ഭേദമാക്കും. ഗ്ളിസറിന് പാദങ്ങള് മൃദുലമാക്കാന് സഹായിക്കും. റോസ് വാട്ടര് വൈറ്റമിനുകള് നല്കുകയും പാദങ്ങള് വൃത്തിയാക്കുകയും ചെയ്യും. റോസ് വാട്ടറും ഗ്ളിസറിനും തുല്യ അളവിലെടുത്ത് പാദങ്ങളില് പുരട്ടുക. പുരട്ടിയ ശേഷം വൃത്തിയുള്ള സോക്സ് ധരിക്കുന്നത് നന്നായിരിക്കും. ഉറങ്ങാന് പോകുന്നതിനു മുമ്പ് പുരട്ടുന്നതായിരിക്കും ഉത്തമം.
നാരങ്ങാ നീര്
നാരങ്ങാനീര് നല്ലൊരു എക്സ്ഫോലിയേറ്ററും ബ്ളീച്ചും ആയി പ്രവര്ത്തിക്കുന്നു. ഇതില് അടങ്ങിയിരിക്കുന്ന അമ്ലം വിണ്ടുകീറിയ സ്ഥലത്തു നിന്നുള്ള വരണ്ട ചര്മ്മം നീക്കം ചെയ്യാന് സഹായിക്കും. ഉപ്പും നാരങ്ങാനീരും ചേര്ത്ത ഇളം ചൂടുള്ള വെള്ളത്തില് പാദങ്ങള് മുക്കിവയ്ക്കുക. അതിനുശേഷം, ഒരു സ്ക്രബര് ഉപയോഗിച്ച് പാദങ്ങളിലെ മൃതകോശങ്ങളെ നീക്കംചെയ്യുക. വിള്ളലുകള് സുഖപ്പെടുന്നതിനായി റോസ് വാട്ടറും ഈ മിശ്രിതത്തിനൊപ്പം ചേര്ക്കാം. നാരങ്ങാനീരിനൊപ്പം ഗ്ളിസറിനും റോസ് വാട്ടറും ചേര്ന്ന മിശ്രിതവും പാദങ്ങള് വിണ്ടുകീറുന്നത് സുഖപ്പെടുത്താനായി ഉപയോഗിക്കാം.
വെളിച്ചെണ്ണ
പാദങ്ങള് വിണ്ടുകീറുന്നത് സുഖപ്പെടുത്താനും വെളിച്ചെണ്ണ ഉപയോഗിക്കാം. പാദങ്ങള് വൃത്തിയാക്കിയ ശേഷം വെളിച്ചെണ്ണ നന്നായി പുരട്ടുക മാത്രമാണ് നിങ്ങള് ചെയ്യേണ്ടത്. ഒരു സ്വാഭാവിക മോയിസ്ചറൈസറായി പ്രവര്ത്തിക്കുന്ന വെളിച്ചെണ്ണ പാദങ്ങള്ക്ക് സുഖം പകരും. ചര്മ്മത്തിന്റെ ഉള് പാളികളിലേക്കും ആഴ്ന്നിറങ്ങാനുള്ള കഴിവ് ഉള്ളതിനാല് പാദങ്ങള്ക്ക് പൊതുവായ ആരോഗ്യം നല്കുന്നതിനും വെളിച്ചെണ്ണയ്ക്ക് കഴിയും. ഏതാനും ദിവസം വെളിച്ചെണ്ണ ഉപയോഗിക്കുന്നതിലൂടെ മാറ്റങ്ങള് അനുഭവിച്ചറിയാന് സാധിക്കും. ദിവസങ്ങള്ക്കുള്ളില് പാദങ്ങള് മൃദുലസുന്ദരങ്ങളാക്കാന് ഈ രീതികള് സഹായിക്കും.
പലരെയും അലട്ടുന്ന ആരോഗ്യ പ്രശ്നങ്ങളിലൊന്നാണ് തൈറോയ്ഡ്. സ്ത്രീകളിലാണ് കൂടുതലായും ഈ രോഗാവസ്ഥ കാണുന്നത്. നമ്മുടെ ഭക്ഷണമുള്പ്പെടയുള്ള കാരണങ്ങളാണ് തൈറോയ്ഡിന് കാരണമാകുന്നത്. മരുന്നിനൊപ്പം ഭക്ഷണക്രമത്തിലും ജീവിതരീതികളിലും മാറ്റം വരുത്തിയാല് തൈറോയ്ഡ് മൂലമുണ്ടാകുന്ന ബുദ്ധിമുട്ടുകള് തടയാന് സാധിക്കും.
കാബേജ്, ബ്രൊക്കോളി, കോളിഫ്ലവര് എന്നീ പച്ചക്കറികള് തൈറോയ്ഡ് പ്രശ്നമുള്ളവര് ഒഴിവാക്കണം. ഇവയില് അടങ്ങിയിരിക്കുന്ന ഗോയ്റ്ററൊജെന്സ് എന്ന പദാര്ഥം ശരീരം അയോഡിന് ആഗിരണം ചെയ്യുന്നതിനെ തടയുകയും രോഗാവസ്ഥ മൂര്ച്ഛിക്കുന്നതിന് കാരണമാകുകയും ചെയ്യും.
അമിതമായി ടെന്ഷന് തോന്നുമ്പോള് ശരീരത്തില് കോര്ട്ടിസോള് എന്നൊരു ഹോര്മോണ് ഉണ്ടാകുകയും ഇത് തൈറോയ്ഡ് പ്രശ്നങ്ങള് ഉണ്ടാക്കുകയും ചെയ്യും. പുകവലി, അമിതമായ മദ്യപാനം, സ്ത്രീകള് ഉപയോഗിക്കുന്ന ഗര്ഭനിരോധന ഗുളികള് എന്നിവയും തൈറോയ്ഡിന് കാരണമാണ്.
വീടുകളില് കൂടുതലായി ഉപയോഗിക്കുന്ന നോണ്സ്റ്റിക് പാത്രങ്ങളുടെ കോട്ടിംഗില് അടങ്ങിയിരിക്കുന്ന പെര്ഫ്യൂറോക്ടേന് സള്ഫോണേറ്റ്, പെര്ഫ്യൂറനോക്ടനോയിക് ആസിഡ് എന്നീ കെമിക്കലുകള് തൈറോയ്ഡ് രോഗികള്ക്ക് ഭയക്കേണ്ടതാണ്. തൈറോയ്ഡ് ഹോര്മോണിന്റെ പ്രവര്ത്തനത്തെ തടഞ്ഞ് തൈറോയ്ഡ് എന്ന രോഗാവസ്ഥയെ ഗുരുതരമാക്കാന് ഈ ഘടകങ്ങള്ക്ക് കഴിയും.
നടുവേദന ദൈനംദിന ജീവിതത്തില് വലിയ പ്രശ്നമായി അലട്ടുന്നവരാണ് കൂടുതല് പേരും. ഡിസ്ക് സംബന്ധിച്ചവ, വിവിധ ട്യൂമറുകള്, പ്രമേഹം, ബലക്ഷയം, തേയ്മാനം, അണുബാധ, സന്ധിവാതങ്ങള്, രക്തക്കുഴലുകള് സംബന്ധിച്ചവ തുടങ്ങി പല കാരണങ്ങളും നടുവേദനയുണ്ടാക്കാം. സ്ത്രീകളാണ് കൂടുതലും നടുവേദനയില് വേദന അുഭവിക്കുന്നവര്. നടുവേദനയ്ക്ക് ആശ്വാസമേകാന് ചില ഒറ്റമൂലികളിതാ..
വെളിച്ചെണ്ണയും നാരങ്ങാനീരും തുല്യ അളവിലെടുത്ത് നടുവേദനയുള്ള ഭാഗത്ത് പുരട്ടുക. പെട്ടെന്ന് വേദന ശമിക്കും.
ആടലോടകത്തിന്റെ ഇലയുടെ നീരില് പച്ചെണ്ണ ചേര്ത്ത് കഴിക്കുന്നതും വേദന ശമിപ്പിക്കും.
തൊട്ടാവാടി ഇടിച്ചുപിഴിഞ്ഞ നീര് തേന് ചേര്ത്ത് രാവിലെയും വൈകുന്നേരവും കഴിക്കുക.
തവിടു കിഴികെട്ടി നടുവിനു വയ്ക്കുന്നതും വേദന കുറയ്ക്കും.
കരിനൊച്ചിയില ഇടിച്ചു പിഴിഞ്ഞ നീര് ആവണക്കെണ്ണയും ചേര്ത്ത് രാവിലെ കഴിച്ചാല് നടുവേദനയ്ക്ക് ഉടന് ആശ്വാസം ലഭിക്കും.
നടുവേദന കുറയാന് കവുങ്ങിന്റെ മൂക്കാത്ത ഇലയുടെ നീരില് എണ്ണ ചേര്ത്ത് പുരട്ടാം.
ഇളംചൂടുള്ള പാലില് മഞ്ഞള്പ്പൊടിയും ശര്ക്കരയും ചേര്ത്ത് കഴിച്ചാല് വേദന കുറയും.
ഫോണ് സംസാരിക്കാനാണെങ്കിലും പാട്ടു കേള്ക്കാന് ആണെങ്കിലും എന്തിന് വീഡിയോ കാണാന് പോലും ഇയര് ഫോണ് ഇല്ലാതെ നടക്കില്ല എന്ന അവസ്ഥയാണ്. അതുകൊണ്ടു തന്നെ എല്ലാവരുടെ കയ്യിലും എപ്പോഴും ഒരു ഇയര്ഫോണുമുണ്ടാകും. സുഹൃത്തുക്കള്ക്കൊപ്പമിരുന്ന് പാട്ടു കേള്ക്കുമ്പോള് ഇയര്ഫോണ് മാറി മാറി ഉപയോഗിക്കുന്നത് നമ്മുടെ ഒരു ശീലവുമാണ്.
എന്നാല് ഇതില് വലിയൊരു അപകടം ഒളിഞ്ഞു കിടപ്പുണ്ട്. നിങ്ങളുടെ ചെവിയുടെ ആരോഗ്യത്തേയാണ് ഈ ശീലം പ്രതികൂലമായി ബാധിക്കുന്നത്. ഓരോരുത്തരുടെയും ചെവിയിലെ മാലിന്യങ്ങളില് മാരകമായ ബാക്ടീരിയകള് അടങ്ങിയിട്ടുണ്ട്. ഒരാള് ഉപയോഗിച്ച ഇയര് ഫോണ് മറ്റൊരാള് ഉപയോഗിക്കുമ്പോള് ബഡ് വഴി ഇവ ഒരാളില് നിന്ന് മറ്റൊരാളിലേക്ക് പകരുന്നു. ഇത് ചെവിയില് പുതിയ ബാക്ടീരിയകള് രൂപപ്പെടുന്നതിന് കാരണമാകുന്നു.
ഭാവിയില് കേള്വിക്കുറവിനും ഇത് ഇട വരുത്തും. മാത്രമല്ല ഈ ബാക്ടീരിയകള് ശരീരത്തിലോ രോമകൂപത്തിലോ കടക്കുന്നത്ചര്മ്മത്തില് അണുബാധയുണ്ടാക്കാനും കാരണമാകുമെന്ന് വിദഗ്ധര് പറയുന്നു. അതുകൊണ്ട് പാട്ട് കേട്ടോളു. ഇയര്ഫോണും ഉപയോഗിച്ചോളു. പക്ഷേ മറ്റൊരാളുടെ ഇയര്ഫോണ് ഉപയോഗിക്കുന്നത് ഒഴിവാക്കുന്നതാണ് ആരോഗ്യത്തിന് നല്ലത്.
വേനല് കാലത്ത് കൂടുതലായി കാണപ്പെടുന്ന ഒരു രോഗമാണ് മഞ്ഞപ്പിത്തം . ത്വക്കും കണ്ണുമെല്ലാം മഞ്ഞ നിറമാകുന്നതാണ് ഇതിന്റെ പ്രകടമായ ലക്ഷണം. മഞ്ഞപ്പിത്തം കരളിനെ ബാധിക്കുന്ന ഒരു അസുഖമാണ്. കൂടാതെ കരള് രോഗങ്ങളുടെയെല്ലാം ആദ്യ ലക്ഷണവും മഞ്ഞപ്പിത്തം തന്നെ. മഞ്ഞപ്പിത്തം തുടക്കത്തിലേ ചികില്സിച്ചില്ലെങ്കില് മരണം വരെ സംഭവിക്കാന് സാധ്യത കൂടുതല് ആണ്. മഞ്ഞപ്പിത്തത്തിന് തികച്ചും സ്വാഭാവികമായ ഒരു ചികിത്സാമാര്ഗമാണ് കരിമ്പിന് ജ്യൂസ്. കരളിന്റെ പ്രവര്ത്തനങ്ങള് നല്ല രീതിയില് നടത്താനും ഇതുവഴി മഞ്ഞപ്പിത്തത്തിന് ഇടയാക്കുന്ന ബിലിറൂബിന് എന്ന പദാര്ത്ഥത്തിന്റെ ഉല്പാദനം തടയാനും കരിമ്പിന് ജ്യൂസ് സഹായിക്കും. എന്നാല് ജ്യൂസുകളുടെ കൂട്ടത്തില് പലപ്പോഴും നാം കരിമ്പ്ജ്യൂസിന് പ്രാധാന്യം നല്കാറില്ല. ഇത് എല്ലായിടത്തും എല്ലാക്കാലവും ലഭിക്കില്ലെന്നതും ഒരു കാരണമാണ്. കരിമ്പ് ജ്യൂസ് ദാഹവും എനര്ജിയും നല്കാന് മാത്രമല്ല ഉപയോഗിക്കുന്നത്, പല രോഗങ്ങള്ക്കുമുള്ള ഒരു പരിഹാരം കൂടിയാണ് കരിമ്പിന് ജ്യൂസ്. ഔഷധഗുണമുള്ള ജ്യൂസ് എന്നു വേണമെങ്കില് ഇതിനെ വിശേഷിപ്പിക്കാവുന്നതാണ്.
ശരീരത്തിലെ പല അണുബാധകളും തടയാനുള്ള ഒരു വഴി കൂടിയാണ് കരിമ്പ് ജ്യൂസ് കുടിയ്ക്കുന്നത്. യൂറിനറി ഇന്ഫെക്ഷന്, ദഹനപ്രശ്നങ്ങള്, ലൈംഗികരോഗങ്ങള് എന്നിവ പരിഹരിക്കാന് കരിമ്പിന് ജ്യൂസ് നല്ലൊരു മരുന്നാണ് . കിഡ്നി സ്റ്റോണ് തടയാനും കരിമ്പ് ജ്യൂസ് സഹായിക്കും.
മാത്രമല്ല കരിമ്പിന് ജ്യൂസ് മൂത്രക്കല്ലിനെ പൊട്ടിച്ചു കളയുകയും അതുമല്ലെങ്കില് മൂത്രക്കല്ലുകള് അലിയിച്ചു കളയാനുള്ള കഴിവും കരിമ്പിന് ജ്യൂസിനുണ്ട്. കരിമ്പിന് ജ്യൂസ് ഇനി മുതല് ജീവിതത്തില് നിന്ന് ഒഴിവാക്കല്ലേ.
ഭക്ഷണത്തിലൂടെ സ്ത്രീകളിലെ ഹോര്മോണ് തകരാറുകള് പരിഹരിക്കാം
ഇന്ന് വലിയൊരു വിഭാഗം സ്ത്രീകളും നേരിടുന്ന വെല്ലുവിളിയാണ് ഹോര്മോണ് തകരാറുകള്. വന്ധ്യതയുടെ ഒരു മുഖ്യ കാരണവും ഈ ഹോര്മോണ് പ്രശ്നങ്ങളാണ്.
മുഖത്തും ശരീരത്തിലും ഉണ്ടാവുന്ന അധിക രോമവളര്ച്ച, കഴുത്തിനു ചുറ്റുമുണ്ടാകുന്ന വല്ലാത്ത തടിപ്പ്, കരുവാളിപ്പ് എന്നിവയുടെയും പ്രധാന കാരണം ഹോര്മോണ് പ്രശ്നങ്ങള് തന്നെയാണ്. ആഹാരം, വ്യായാമം തുടങ്ങിയവയില് ദിവസേന അല്പം ശ്രദ്ധിച്ചാല് ഹോര്മോണ് തകരാറുകള് പരിഹരിക്കാന് കഴിയും.
മിതമായ അളവില് മാത്രം ഭക്ഷണം കഴിക്കുന്നതും പൊറോട്ട, ചിക്കന് മുതലായ ഭക്ഷണ സാധനങ്ങള് ഒഴിവാക്കുന്നതു വഴിയും ഇത്തരം പ്രശ്നങ്ങള്ക്ക് പരിഹാരം കാണാന് സാധിക്കും.
ചീര, മുരിങ്ങയില, വെണ്ടയ്ക്ക, ചേന, ചേമ്പ്, കാച്ചില്, പപ്പായ, പയറ്, കടല തുടങ്ങിയവ നിത്യവും ആഹാരത്തില് ഉള്പ്പെടുത്തുന്നതു വഴി ഹോര്മോണ് പ്രശ്നങ്ങള്ക്ക് പരിഹാരം കാണാന് സാധിക്കും.
കടപ്പാട് : ഇൻഫോ മാജിക്
അവസാനം പരിഷ്കരിച്ചത് : 2/15/2020