ആരോഗ്യവും വ്യത്യസ്ഥ അറിവുകളും

ആരോഗ്യശീലങ്ങള്‍ അടുക്കളയില്‍ തുടങ്ങാം

ശരിയായ ശുചിത്വസംവിധാനങ്ങളില്ലാത്ത മലിനമായ അടുക്കള ഭക്ഷ്യവിഷബാധയിലേക്കുള്ള എളുപ്പ വഴിയാണ്. ഭക്ഷ്യവിഷബാധ ഒഴിവാക്കാന്‍ അടുക്കളയിലെ ശുചിത്വവും പാചകം ചെയ്യുന്നവരുടെ വ്യക്തിശുചിത്വവും ഒരുപോലെ പ്രധാനമാണ്. അടുക്കളയില്‍ നല്ല പ്രകാശവും വായുസഞ്ചാരവും വേണം.

പാചകം ചെയ്തതും അല്ലാത്തതുമായ ഭക്ഷണം പ്രത്യേകം വേര്‍തിരിച്ചു വെയ്ക്കാന്‍ ഉള്ള സൗകര്യം ഉണ്ടായിരിക്കണം. ഭക്ഷ്യവസ്തുക്കള്‍ സൂക്ഷിച്ചു വെക്കുകയും വൃത്തിയാക്കുകയും മുറിക്കുകയും ചെയ്യുന്ന പ്രിപ്പറേഷന്‍ ഏരിയ, പാചകം ചെയ്യുന്ന അടുപ്പ്, സിങ്ക് എന്നിവ ഒരു ത്രികോണത്തിന്‍റെ മൂന്നു മൂലകളില്‍ വരത്തക്കവിധം ക്രമീകരിച്ചാല്‍ ജോലി ചെയ്യാനും വൃത്തിയാക്കാനും എളുപ്പമായിരിക്കും.

പ്ളാസ്റ്റിക് കവര്‍, പേപ്പര്‍ മുതലായവ അടുക്കള മാലിന്യങ്ങള്‍ക്കൊപ്പം ഇടാതെ പ്രത്യേകം വേസ്റ്റ് ബിന്നില്‍ വയ്ക്കുക. പച്ചക്കറികള്‍, പഴങ്ങള്‍ മുതലായവയുടെ അവശിഷ്ടങ്ങള്‍ കമ്പോസ്റ്റ് ആക്കുകയോ ബയോഗ്യാസ് പ്ലാന്‍റില്‍ ഉപയോഗിക്കുകയോ ചെയ്യാം. മാംസാവശിഷ്ടങ്ങള്‍ ദുര്‍ഗന്ധമുണ്ടാക്കുമെന്നതിനാല്‍ അവ പ്രത്യേകം വേര്‍തിരിച്ച്‌ വയ്ക്കണം.

അടിമുടി വൃത്തി

പച്ചക്കറികളും മാംസവും മുറിക്കുന്നതിന് വെവ്വേറെ കട്ടിംങ് ബോര്‍ഡുകള്‍ ഉപയോഗിക്കണം. പാചകത്തിനുപയോഗിക്കുന്ന പാതകവും സിങ്കും മേശയും ദിവസവും വൃത്തിയാക്കണം. അണുനാശിനി, വിനാഗിരി, നാരങ്ങാനീര് തുടങ്ങിയവയിലേതെങ്കിലും മുക്കിയ തുണി ഉപയോഗിച്ച്‌ തുടയ്ക്കണം. കട്ടിംങ് ബോര്‍ഡ്, കത്തികള്‍, കയ്യുറ തുടങ്ങിയവ കഴുകി ഉണക്കി സൂക്ഷിക്കാന്‍ മറക്കരുത്.

പാചകം ചെയ്യുന്നതിനു മുമ്പ്  മുടി പുട്ടപ്പ് ചെയ്തു വയ്ക്കുന്നതും ഏപ്രണ്‍ ധരിക്കുന്നതും ശരീരത്തില്‍ നിന്നുള്ള മാലിന്യങ്ങള്‍ ഭക്ഷണത്തില്‍ കലരാതെയും ഭക്ഷണാവശിഷ്ടങ്ങള്‍ ശരീരത്തിലാകാതെയും സൂക്ഷിക്കാന്‍ ഉപകരിക്കും. തട പിടിയ്ക്കാന്‍ കട്ടിയുള്ള തുണികള്‍ ഉപയോഗിക്കുന്നതാണ് നല്ലത്. കഴുകിയ പാത്രങ്ങള്‍ തുടയ്ക്കാന്‍ ഈ തുണികള്‍ ഉപയോഗിക്കരുത്. അതിന് നല്ല വൃത്തിയുള്ള തുണി തന്നെ ഉപയോഗിക്കണം.

രോഗാണുക്കള്‍ പടരാം

ഒട്ടുമിക്ക അടുക്കളകളിലെയും ഏറ്റവും മുഷിഞ്ഞ വസ്തു കൈക്കലത്തുണിയായിരിക്കും. അടുപ്പില്‍ നിന്ന് ചൂടുപാത്രം ഇറക്കി വയ്ക്കുമ്പോള്‍ കൈയ്യില്‍ ചൂട് തട്ടാതിരിക്കാനായിരുന്നു ഈ തുണി ഉപയോഗിച്ചിരുന്നത്. എന്നാല്‍ വെളളവും അഴുക്കുമൊക്കെ തുടച്ച്‌ വൃത്തിയാക്കാനും പലരും അത് തന്നെ ഉപയോഗിക്കുന്നു. അത് കഴുകി വൃത്തിയാക്കുന്നതോ ആഴ്ചയില്‍ ഒരിക്കലോ മറ്റോ. അതുകൊണ്ടാണ് മാലിന്യങ്ങളുടെയും രോഗകാരികളുടെയും കേന്ദ്രമായി ഇവ മാറുന്നത്. കിച്ചണ്‍ ടവലുകളെക്കുറിച്ചു നടത്തിയ പഠനങ്ങളില്‍ രോഗകാരികളായ ഇ-കൊളൈ അടക്കമുള്ള പലതരം ബാക്ടീരിയകളെയും ഫംഗസുകളെയും അവയില്‍ കണ്ടെത്തിയിട്ടുണ്ട്. വയറിളക്കം പോലുള്ള പലതരം അസുഖങ്ങള്‍ക്ക് ഇവ കാരണമാകും. അതിനാല്‍ കൈക്കലത്തുണികള്‍ ദിവസവും കഴുകി വൃത്തിയാക്കി ഉണക്കി സൂക്ഷിക്കണം.

ഓര്‍മ്മയില്‍ സൂക്ഷിക്കാന്‍

പാകം ചെയ്ത ഭക്ഷണപദാര്‍ഥങ്ങള്‍ ഓരോന്നും പ്രത്യേകം പാത്രങ്ങളില്‍ അടച്ചു സൂക്ഷിക്കണം. ഈച്ച, പാറ്റ, പല്ലി തുടങ്ങിയവയെ അകറ്റി നിര്‍ത്താന്‍ ശരിയായ ശുചിത്വം ആവശ്യമാണ്. സ്റ്റൗ, മിക്സി, ഫ്രിഡ്ജ് മുതലായ എല്ലാ ഉപകരണങ്ങളും കൃത്യമായി സര്‍വീസ് ചെയ്യുക.

ചില ആരോഗ്യശീലങ്ങള്‍

• അഴുക്കായ പാത്രങ്ങളും തുണികളും അപ്പപ്പോള്‍ കഴുകി വൃത്തിയാക്കി ഉണക്കി സൂക്ഷിക്കുക.
• കഴുകിയതിനു ശേഷം പാത്രങ്ങള്‍ അണുവിമുക്തമാക്കുക.
• ഓരോ ഉപയോഗത്തിനു ശേഷവും പാചകത്തിനുപയോഗിക്കുന്ന കട്ടിംങ് ബോര്‍ഡ്, സ്ലാബ് തുടങ്ങിയവ കഴുകി അണുവിമുക്തമാക്കുക.
• ഒരു പ്രാവശ്യം ഉപയോഗിച്ച തുണി, വീണ്ടും പാതകം വൃത്തിയാക്കാന്‍ ഉപയോഗിക്കാതിരിക്കുക.
• അടുക്കള വൃത്തിയാക്കിയതിനു ശേഷം പച്ചവെള്ളത്തിനു പകരം ഏതെങ്കിലും അണുനാശിനി ഉപയോഗിച്ച്‌ കൈ കഴുകുക.
• ഭക്ഷണപദാര്‍ഥങ്ങളില്‍ സ്പര്‍ശിച്ച ശേഷം കൈ നന്നായി കഴുകുക.

കണ്ണിന്‍റെ അലര്‍ജി പരിഹരിക്കാന്‍ ചില ടിപ്പുകളിതാ

കണ്ണിനെ ബാധിക്കുന്ന അലര്‍ജി ശരിക്കും ബുദ്ധിമുട്ടിക്കുന്ന ഒന്നാണ്.  ചുവപ്പുനിറം, ചൊറിച്ചില്‍, എരിച്ചില്‍, വീക്കം, കണ്ണില്‍ നിന്ന് വെള്ളമൊലിക്കല്‍ തുടങ്ങിയവയാണ് കണ്ണിന്‍റെ അലര്‍ജിയുമായി ബന്ധപ്പെട്ട സാധാരണ ലക്ഷണങ്ങള്‍. തുമ്മല്‍, ചുമ, മൂക്കടപ്പ് അല്ലെങ്കില്‍ മൂക്കൊലിപ്പ് തുടങ്ങിയ പ്രശ്നങ്ങളും ഇവര്‍ക്ക് ഉണ്ടായേക്കാം. പൂമ്പൊടി, വളര്‍ത്തുമൃഗങ്ങള്‍, ഫംഗസുകള്‍ തുടങ്ങിയവയായിരിക്കും ഇത്തരം അലര്‍ജികള്‍ക്ക് പ്രേരകമാവുന്നത്. അലര്‍ജിക്ക് കാരണമാകുന്ന വസ്തുക്കള്‍ വായുവിലൂടെ കണ്ണിന്‍റെ ഉപരിതലത്തില്‍ എത്തുകയും കണ്ണീരിനോട് ചേര്‍ന്ന് കണ്ണിന്‍റെ ഉപരിതലപാളിയുമായി സമ്പര്‍ക്കത്തിലാവുകയും ചെയ്യുന്നു. ഇത് ഹിസ്റ്റമിന്‍ പോലെയുള്ള രാസപദാര്‍ത്ഥങ്ങള്‍ സ്വതന്ത്രമാക്കാന്‍ കാരണമാവുകയും അലര്‍ജിയുടെ ലക്ഷണങ്ങള്‍ പ്രകടമാവുകയും ചെയ്യും.

ചിലര്‍ക്ക് ചില സീസണുകളില്‍ മാത്രമായിരിക്കും ലക്ഷണങ്ങള്‍ അനുഭവപ്പെടുക (സീസണല്‍ അലര്‍ജിക് കണ്‍ജക്റ്റിവൈറ്റിസ്). എന്നാല്‍, മറ്റു ചിലര്‍ക്ക് എല്ലാ സമയത്തും ലക്ഷണങ്ങള്‍ (പെരിനിയല്‍ അലര്‍ജിക് കണ്‍ജക്റ്റിവൈറ്റിസ്) അനുഭപ്പെടും.  നിങ്ങള്‍ അലര്‍ജി മൂലം ബുദ്ധിമുട്ടുന്ന ആളാണെങ്കില്‍, ലക്ഷണങ്ങള്‍ക്ക് പ്രേരകമാവുന്ന വസ്തുക്കളുമായി സമ്പര്‍ക്കത്തിലാവാതിരിക്കാന്‍ ശ്രദ്ധിക്കുക.

വീടിനു വെളിയില്‍ അലര്‍ജിയുടെ പ്രേരകങ്ങളുമായുള്ള സമ്പര്‍ക്കം കുറയ്ക്കുക

• വായുവില്‍ പൂമ്പൊടിയുടെ ഗാഢത വര്‍ദ്ധിക്കുന്ന അവസരങ്ങളില്‍ (രാവിലെ അഞ്ച് മുതല്‍ 10 വരെയും വൈകുന്നേരങ്ങള്‍ക്ക് മുമ്പുള്ള സമയത്തും) വെളിയില്‍ പോകുന്നതു കുറയ്ക്കുക.
• കാറ്റുള്ള സമയങ്ങളില്‍ പൂമ്പൊടി കൂടുതലായി പറക്കും. അതിനാല്‍, കാറ്റുള്ള സമയങ്ങളില്‍ പുറത്തു പോകാതിരിക്കുക.
• വെളിയില്‍ പോകുന്ന അവസരങ്ങളില്‍, സണ്‍ഗ്ളാസുകള്‍ ഉപയോഗിക്കുന്നത് കണ്ണിലേക്ക് പൂമ്പൊടി പറന്നുവീഴുന്നത് ഒഴിവാക്കാന്‍ സഹായിക്കും.

അലര്‍ജിക്ക് കാരണമാകുന്ന വസ്തുക്കളുടെ പ്രവേശനം നിയന്ത്രിക്കുക

• വീടിന്‍റെയും വാഹനത്തിന്‍റെയും ജനാലകള്‍ അടച്ചിടുക. വീട്ടിലും കാറിലും എ സി ഉപയോഗിക്കുക. എ സി യൂണിറ്റുകള്‍ വൃത്തിയായും പൊടിയില്ലാതെയും സൂക്ഷിക്കുക.
• വിന്‍ഡോ ഫാനുകള്‍ ഉപയോഗിക്കാതിരിക്കുക, ഇത് പുറത്തു നിന്നുള്ള വായു അകത്തേക്ക് എത്തിക്കുന്നതിനാല്‍ ഫംഗസുകളും പൂമ്പൊടിയും മറ്റും വീടിനുള്ളില്‍ പ്രവേശിക്കാന്‍ കാരണമാവും.

അലര്‍ജിക്കു കാരണമാകുന്ന വസ്തുക്കളുമായി സമ്പര്‍ക്കത്തിലാവുന്നത് കുറയ്ക്കുക

• തൂക്കുന്നതും പൊടിയടിക്കുന്നതും പൊടി പറക്കുന്നതിനു കാരണമാകും. ഇത് ഒഴിവാക്കാന്‍ നനഞ്ഞ തുണിയോ മറ്റോ ഉപയോഗിച്ച്‌ പൊടി തുടയ്ക്കുക.
• കിടപ്പുമുറി വൃത്തിയായി സൂക്ഷിക്കുന്നത് പൊടിയില്‍ നിന്നുള്ള അലര്‍ജിയെ നേരിടാന്‍ സഹായകമാവും. പൊടിയില്‍ നിന്നുള്ള സൂക്ഷ്മാണുക്കളില്‍ നിന്ന് സംരക്ഷണം നല്‍കുന്ന 'മൈറ്റ് പ്രൂഫ്' കിടക്കയും കിടക്കവിരികളും തലയിണ ഉറകളും ഉപയോഗിക്കുക. കിടക്കവിരികള്‍ അടിക്കടി ചൂടുവെള്ളത്തില്‍ കഴുകുക.
• ഫംഗസ് വളരുന്നത് തടയുന്നതിനായി വീടിനുള്ളിലെ ഹ്യുമിഡിറ്റി 30-50% ആയി നിലനിര്‍ത്തുക.
• കുളിമുറികള്‍, അടുക്കള, തറ, മച്ച്‌ എന്നിവ വൃത്തിയായി സൂക്ഷിക്കുക.
• നനഞ്ഞതും ഈര്‍പ്പമുള്ളതുമായ സ്ഥലങ്ങള്‍ ഈര്‍പ്പരഹിതമാക്കി സൂക്ഷിക്കുക.
• ഫംഗസ് വളര്‍ച്ച കാണാന്‍ കഴിയുന്നുണ്ടെങ്കില്‍ അവിടം ഡിറ്റര്‍ജന്‍റും 5% ബ്ളീച്ച്‌ ലായനിയും ഉപയോഗിച്ച്‌ കഴുകി വൃത്തിയാക്കുക.
• കേന്ദ്രീകൃത എ സി സംവിധാനമാണ് ഉള്ളതെങ്കില്‍, കിടപ്പു മുറിയിലേക്കുള്ള കുഴലുകള്‍ സ്ഥിരമായി വൃത്തിയാക്കുക.
• കാര്‍പ്പറ്റുകളുടെ ഉപയോഗം കുറയ്ക്കുക. ഉപയോഗിക്കുന്ന കാര്‍പ്പറ്റുകള്‍ സ്ഥിരമായി വൃത്തിയാക്കുക.

വളര്‍ത്തുമൃഗങ്ങളുമായുള്ള സമ്പര്‍ക്കം

• വളര്‍ത്തുമൃഗങ്ങളില്‍ നിന്നുള്ള അലര്‍ജിയുണ്ടെങ്കില്‍, അതിന്‍റെ കൂട് വീട്ടില്‍ നിന്ന് പരമാവധി അകലത്തിലാക്കുക.
• വളര്‍ത്തു മൃഗങ്ങളെയും പക്ഷികളെയും മറ്റും കിടപ്പുമുറിയില്‍ പ്രവേശിപ്പിക്കരുത്, ഇത് അവയില്‍ നിന്നുള്ള അലര്‍ജിക്ക്  കാരണമായ വസ്തുക്കളോടുള്ള സമ്പര്‍ക്കം കുറയ്ക്കാന്‍ സഹായിക്കും.
  വളര്‍ത്തുമൃഗങ്ങളെ ഓമനിച്ച ശേഷം കൈകള്‍ കഴുകി വൃത്തിയാക്കുക.
  വളര്‍ത്തുമൃഗങ്ങളുള്ള വീടുകളില്‍ സന്ദര്‍ശനം നടത്തിയ ശേഷവും കൈകള്‍ വൃത്തിയാക്കുക.

കണ്ണുകള്‍ തിരുമ്മരുത്

• ചൊറിച്ചില്‍ അനുഭവപ്പെടുന്ന അവസരങ്ങളില്‍ കണ്ണുകള്‍ തിരുമ്മാതിരിക്കുക. ഇത് കണ്ണുകള്‍ക്ക് കൂടുതല്‍ അസ്വസ്ഥത ഉണ്ടാക്കുകയും കോശജ്വലനം (ഇന്‍ഫ്ളമേഷന്‍)) വര്‍ദ്ധിപ്പിക്കുകയും ചെയ്തേക്കാം.

കണ്ണുകള്‍ കഴുകുക

• ഇടയ്ക്കിടെ മുഖം കഴുകുന്നതിലൂടെ കണ്‍പീലികളിലും ചര്‍മ്മത്തിലും പറ്റിപ്പിടിച്ചിരിക്കുന്ന അലര്‍ജിക്ക് കാരണമാകുന്ന വസ്തുക്കള്‍ നീക്കംചെയ്യാന്‍ സാധിക്കും.
• വീട്ടില്‍ തിരിച്ചെത്തുന്ന അവസരത്തില്‍, പ്രത്യേകിച്ച്‌ കിടക്കാന്‍ പോകുന്നതിനു മുമ്പ്, കുളിക്കുകയും വസ്ത്രം മാറുകയും ചെയ്യുക.
• കണ്ണുകള്‍ ശുദ്ധജലത്തില്‍ കഴുകുക. കണ്ണിനുള്ളില്‍ നിന്ന് അലര്‍ജിക്ക് കാരണമാകുന്ന പദാര്‍ത്ഥങ്ങളെ പുറന്തള്ളാന്‍ ഇത് സഹായിക്കും.
• കണ്ണുകള്‍ക്ക് വീക്കവും ചൊറിച്ചിലും ഉണ്ടെങ്കില്‍, തണുത്ത വെള്ളത്തില്‍ മുക്കിയ തുണി ഉപയോഗിച്ച്‌ കണ്ണിനു ചുറ്റും അമര്‍ത്തുന്നത് ആശ്വാസം നല്‍കും.

ഡോക്ടറുടെ നിര്‍ദേശപ്രകാരമല്ലാതെ മരുന്നും ഐ ഡ്രോപ്പുകളും ഉപയോഗിക്കരുത് (

• കണ്ണുകളുടെ ചൊറിച്ചിലിന് സ്വയം മരുന്നുകള്‍ വാങ്ങി ഉപയോഗിക്കുകയോ ഫാര്‍മസിസ്റ്റുകളുടെ സഹായം തേടുകയോ ചെയ്യരുത്.
• കടകളില്‍ നിന്ന് വാങ്ങാന്‍ കഴിയുന്ന മിക്ക ഐ ഡ്രോപ്പുകളിലും മരുന്നുകളിലും കോര്‍ട്ടിക്കോസ്റ്റിറോയിഡുകള്‍ അടങ്ങിയിരിക്കും. ഇത് ഡോക്ടറുടെ മേല്‍നോട്ടത്തില്‍ അല്ലാതെ ഉപയോഗിച്ചാല്‍ ഗുരുതരമായ പാര്‍ശ്വഫലങ്ങള്‍ ഉണ്ടാക്കിയേക്കാം.
• ഇത്തരം ഐ ഡ്രോപ്പുകള്‍ ദീര്‍ഘകാലം ഉപയോഗിക്കുന്നത് നിങ്ങളുടെ അവസ്ഥ കൂടുതല്‍ മോശമാകാന്‍ കാരണമാകാം.

കോഴിയിറച്ചിയുടെ ആരോഗ്യ ഗുണങ്ങൾ.

ലോകത്ത് ഏറ്റവും കൂടുതൽ പേർ കഴിക്കുന്ന മാംസാഹാരമാണ് കോഴിയിറച്ചി. രുചികരമാണ് എന്നു മാത്രമല്ല ചില ആരോഗ്യ ഗുണങ്ങളും കോഴിയിറച്ചിക്കുണ്ട് എന്നറിയാമോ? കോഴിയിറച്ചി ആരോഗ്യത്തിന് നല്ലതാണ് എന്നു കേൾക്കുമ്പോൾ ചിലരെങ്കിലും മുഖം ചുളിച്ചേക്കാം. ബ്രോയിലർ കോഴിയല്ല നാടൻ കോഴിയിറച്ചിയാണ് ആരോഗ്യമേകുന്നത്. കറിവച്ചു കഴിക്കുന്നതാണ് നല്ലത്. വറുത്തും പൊരിച്ചും ഒക്കെ കഴിക്കുന്നത് ആരോഗ്യത്തിനു നല്ലതല്ല.

കോഴിയിറച്ചിയിൽ ധാരാളം പ്രോട്ടീൻ അഥവാ മാംസ്യം അടങ്ങിയിട്ടുണ്ട്. ഇതു പേശികൾക്കു നല്ലതാണ്. ശക്തി വർധിപ്പിക്കാൻ ആഗ്രഹിക്കുന്നവർ തീർച്ചയായും കഴിക്കേണ്ട ഭക്ഷണമാണ് കോഴിയിറച്ചി.

വളരുന്ന കുട്ടികൾക്കും ഇതു നല്ലതു തന്നെ. ആരോഗ്യ ഭക്ഷണങ്ങളുടെ ഗണത്തിൽ തീർച്ചയായും കോഴിയിറച്ചിയും പെടും. കൊഴുപ്പ് നീക്കിയ കോഴിയിറച്ചിയാണ് കഴിക്കേണ്ടത്. ആരോഗ്യകരമായ രീതിയിൽ ഇതു പതിവായി കഴിച്ചാൽ ശരീരഭാരം കുറയും എന്നതും തീർച്ച.

പ്രോട്ടീൻ കൂടാതെ കാൽസ്യം, ഫോസ്ഫറസ് ഇവയും കോഴിയിറച്ചിയിൽ ധാരാളം അടങ്ങിയിട്ടുണ്ട്. ഈ ധാതുകക്കൾ എല്ലുകളെ ആരോഗ്യമുള്ളതാക്കുന്നു. പതിവായി കോഴിയിറച്ചി കഴിക്കുന്നത് സന്ധിവാതം വരാനുള്ള സാധ്യതയും കുറയ്ക്കുന്നു. സമ്മർദം കുറയ്ക്കാൻ സഹായിക്കുന്നവയാണ് ജീവകം B5 ഉം ട്രിപ്റ്റോഫാനും. കോഴിയിറച്ചിയിൽ ഇവ ധാരാളമുണ്ട്. കൂടാതെ ആർത്തവ പൂർവ അസ്വസ്ഥതകളെ (pms) കുറയ്ക്കാൻ സഹായിക്കുന്ന മഗ്നീഷ്യവും കോഴിയിറച്ചിറച്ചിയിലുണ്ട്. ആർത്തവ സമയത്തെ മൂഡ് മാറ്റങ്ങൾ തടയാനും ഫലപ്രദം.

പനിയോ ജലദോഷമോ ഉള്ളപ്പോൾ ചിക്കൻസൂപ്പ് കഴിക്കുന്നത് നല്ലതാണെന്നു പറയാറില്ലേ. രോഗപ്രതിരോധശക്തിയേകാൻ സഹായിക്കുന്നതിനാലാണിത്.

സിങ്ക് ധാരാളം അടങ്ങിയ ഭക്ഷണം പുരുഷന്മാർ കഴിക്കുന്നത് ടെസ്റ്റോസ്റ്റീറോൺ നിലയെ നിയന്ത്രിക്കാനും ബീജോൽപ്പാദനം വർധിപ്പിക്കാനും സഹായകമാണ്.

കോഴിയിറച്ചിയിൽ ജീവകം B6 ധാരാളം അടങ്ങിയിട്ടുണ്ട്. ഹൃദയാഘാതം തടയാൻ ഇതു സഹായിക്കും. ഹൃദയാഘാത സാധ്യത കൂട്ടുന്ന ഘടകങ്ങളിലൊന്നായ ഹോമോസിസ്റ്റീനിന്റെ അളവ് കുറയ്ക്കാൻ ജീവകം B6 സഹായിക്കും. ഹൃദ്രോഗ കാരണമായ കൊളസ്ട്രോൾ കുറയ്ക്കാൻ സഹായിക്കുന്ന നിയാസിൻ കോഴിയിറച്ചിയിൽ ധാരാളമുണ്ട്. അമേരിക്കൻ ഹാർട്ട് അസോസിയേഷൻ നിർദ്ദേശിക്കുന്നത് റെഡ്മീറ്റ് ഒഴിവാക്കി പകരം ഒമേഗ 3 ഫാറ്റി ആസിഡും പൂരിത കൊഴുപ്പുകളും അടങ്ങിയ കോഴിയിറച്ചി ഉപയോഗിക്കണമെന്നാണ്.

കോഴിയിറച്ചിയിൽ വ്യത്യസ്ത അളവിലാണ് കൊഴുപ്പും കൊളസ്ട്രോളും അടങ്ങിയിരിക്കുന്നത്. ചിക്കൻ ബ്രെസ്റ്റ് ആണ് ഏറ്റവും കൊഴുപ്പ് കുറഞ്ഞത്. 28 ഗ്രാം ബ്രെസ്റ്റിൽ വെറും 1 ഗ്രാം കൊഴുപ്പ് മാത്രമേ ഉള്ളൂ. കോഴിക്കാലിൽ 2 ഗ്രാമും. കോഴിയിറച്ചി പാകം ചെയ്യും മുൻപ് കൊഴുപ്പ് മുഴുവൻ നീക്കാൻ ശ്രദ്ധിക്കണം. അത് നിങ്ങളുടെ ഹൃദയത്തിന് നല്ലതല്ല. വെളുത്ത നിറത്തിൽ കാണുന്നതാണ് കൊഴുപ്പ്. കൂടുതൽ ആരോഗ്യകരമാക്കാൻ കോഴിയിറച്ചി വൃത്തിയാക്കിയ ശേഷം മഞ്ഞൾ, തൈര് ഇവ പുരട്ടി വയ്ക്കാവുന്നതാണ്.

ബ്രോയ്‌ലർ കോഴിയും കോൾഡ് സ്റ്റോറേജിൽ സൂക്ഷിച്ച കോഴിയും ആരോഗ്യകരമല്ല. നാടൻ കോഴിയിറച്ചിയാണ് ആരോഗ്യകരം.

ഐസ്ക്രീം കഴിക്കുന്നതിനു മുമ്പ് ഇക്കാര്യങ്ങള്‍ അറിഞ്ഞിരിക്കണം

ഐസ്ക്രീമിന്‍റെ മധുരത്തിലും സൗന്ദര്യത്തിലും മയങ്ങിവീഴാത്തവര്‍ ചുരുക്കമാണ്.എന്നാല്‍, വീഴും മുമ്പ് ഐസ്ക്രീമിനെക്കുറിച്ച്‌ വിദഗദ്ധര്‍ നല്‍കുന്ന മുന്നറിയിപ്പുകള്‍ അവഗണിക്കുകയും അരുത്. ഐസ്ക്രീം, കേക്ക്, ബിസ്ക്കറ്റ്തുടങ്ങിയവയിലെല്ലാം അടങ്ങിയിരിക്കുന്ന ഫ്രക്ടോസാണ് വില്ലന്‍.

മധുരത്തിന്  മുമ്പനെങ്കിലും ഫ്രക്ടോസ് ഗുരുതര കരള്‍ രോഗങ്ങള്‍ക്ക് വരെ കാരണമായേക്കാവുന്ന ഒന്നാണ്. ചെറുപ്പത്തില്‍ തൊട്ടേയുള്ള അമിത ഐസ്ക്രീം ഉപയോഗം പൊണ്ണത്തടി, ഹൃദയസംബന്ധമായ രോഗങ്ങള്‍, പക്ഷാഘാതം എന്നിവയിലേക്കും നയിക്കപ്പെടാം. എലികള്‍ക്ക് ഫ്രക്ടോസ് നല്‍കിയാണ് പരീക്ഷണം നടത്തിയത്.എലികളുടെ കരളില്‍ കണ്ടെത്തിയ കെ.എച്ച്‌.കെ എന്ന എന്‍സൈം അമിതവണ്ണവും പൊണ്ണത്തടിയും ഉള്ള കുട്ടികളിലും കണ്ടെത്തിയിരുന്നുവെന്നാണ് ഗവേഷകരുടെ വിലയിരുത്തല്‍

ഈ ഭക്ഷണങ്ങള്‍ നിങ്ങളുടെ പല്ലുകളെ നശിപ്പിക്കും

നല്ല ചിരി സൗന്ദര്യത്തിന്‍റെ അടയാളമാണ്. നല്ല ചിരിക്ക് വേണ്ടത് മനോഹരമായ പല്ലുകളാണ്. പല്ലുകളുടെ സംരക്ഷണത്തിന് അത്രമാത്രം പ്രാധാന്യമുണ്ട്. നിങ്ങളുടെ പല്ലുകളെ നശിപ്പിക്കുന്ന ഭക്ഷണങ്ങള്‍ ഇതാ.
ചായ,കോഫി
മലയാളികളുടെ ഒരു ദിവസം തുടങ്ങുന്നതു തന്നെ ചായ അല്ലെങ്കില്‍ കോഫി കുടിച്ചുകൊണ്ടാണ്. ഇത് ശീലമായി പോയി എന്നതാണ് സത്യം. എന്നാല്‍ ഈ ശീലം നിങ്ങളുടെ പല്ലുകളെ നശിപ്പിക്കും എന്ന കാര്യം കൂടി അറിഞ്ഞോളു. കോഫിയിലെ ടാനിക് ആസിഡ്, കോഫിയില്‍ അടങ്ങിയിരിക്കുന്ന കാഫീന്‍ കൂടാതെ ചില ചായപൊടിയും പല്ലുകളിലെ ഇനാമലിനെ നശിപ്പിക്കുകയും. ഒപ്പം പല്ലുകളിലെ നിറം കെടുത്തുകയും ചെയ്യും. ചായ, കോഫി കുടിക്കുന്നത് നിര്‍ത്താന്‍ ബുദ്ധിമുട്ടുളളവര്‍ക്ക് പകരം ഗ്രീന്‍ ടീ കുടിക്കാവുന്നതാണ്. 
സിട്രിക് പഴവര്‍ഗങ്ങള്‍
നാരങ്ങ, ഓറഞ്ച്, മുന്തിരി എന്നിവയില്‍ അടങ്ങിയിരിക്കുന്ന സിട്രിക് ആസിഡ് പല്ലുകളിലെ ഇനാമലിനെ നശിപ്പിക്കുകയും പല്ലുകള്‍ കേട് വരാന്‍ വഴിയൊരുക്കുകയും ചെയ്യും. ആസിഡ് അടങ്ങിയിരിക്കുന്ന എല്ലാ ഭക്ഷണപദാര്‍ത്ഥങ്ങളും പല്ലുകളുടെ ആരോഗ്യം നിശിപ്പിക്കും.
അച്ചാര്‍
ഊണിനോടൊപ്പം അച്ചാര്‍ മലയാളികളുടെ ശീലമാണ്. അച്ചാര്‍ ഇല്ലാതെ ചോറ് കഴിക്കാത്തവരും നമ്മുക്കിടയിലുണ്ട്. പക്ഷേ അച്ചാറില്‍ ചേര്‍ക്കുന്ന വിനാഗിരി പല്ലുകളിലെ ഇനാമല്‍ നശിപ്പിക്കുന്നു.
വൈന്‍
വൈനിലെ ആസിഡ് നിങ്ങളുടെ പല്ലുകളിലെ ഇനാമലിനെ ബാധിക്കുകയും പല്ലുകളുടെ നിറം കെടുത്തുകയും ചെയ്യും. റെഡ് വൈന്‍ ഹൃദയത്തിന് നല്ലതാണെന്ന് പറയുമെങ്കിലും മഞ്ഞ നിറമുളള പല്ലുകള്‍ നിങ്ങളുടെ സൗന്ദര്യം കെടുത്തുമെന്ന കാര്യത്തില്‍ സംശയം ഇല്ല. 
മധുരമുളള മിഠായി
മധുരമുളള മിഠായി ധാരാളം കഴിക്കുന്നതും പല്ലുകളുടെ ആരോഗത്തെ ബാധിക്കും ഒപ്പം ദന്തക്ഷയം ഉണ്ടാക്കുകയും ചെയ്യും.

ഡെങ്കിപ്പനിയെ പ്രതിരോധിക്കാനുള്ള ചില വഴികളിതാ

ഡെങ്കി വൈറസ് മൂലമുണ്ടാകുന്ന ഒരു പകര്‍ച്ചവ്യാധിയാണ് ഡെങ്കിപ്പനി. കടുത്ത പനി, ശരീരവേദന, തീവ്രമായ തലവേദന തുടങ്ങിയവയാണ് ഇതിന്‍റെ ലക്ഷണങ്ങള്‍. ഈഡിസ് പെണ്‍കൊതുകുകളാണ് ഈ രോഗം പരത്തുന്നത്. മഴക്കാലത്തും മഴ കഴിഞ്ഞുള്ള അവസരങ്ങളിലുമാണ് (ജൂലൈ മുതല്‍ ഒക്ടോബര്‍ വരെ) നമ്മുടെ നാട്ടില്‍ ഡെങ്കിപ്പനി പടരുന്നത്.

ഡെങ്കിപ്പനിയുടെ പ്രതിരോധം

കൊതുകു കടിയില്‍ നിന്ന് രക്ഷനേടുകയും കൊതുകുകള്‍ പെരുകുന്നത് തടയുകയുമാണ് ഡെങ്കിയുടെ പ്രതിരോധം എന്നതുകൊണ്ട് പ്രധാനമായും ലക്ഷ്യമിടുന്നത്. ഇതിനായി, ഇനി പറയുന്ന ടിപ്പുകള്‍ സഹായിക്കും;

• നിങ്ങളുടെ വീടിനു സമീപം വെള്ളം കെട്ടിക്കിടക്കുന്നില്ല എന്ന് ഉറപ്പുവരുത്തുക. ഓടകള്‍ വൃത്തിയാക്കി വെള്ളമൊഴുക്ക് ഉറപ്പുവരുത്തുക. കുഴികള്‍ നികത്തുക. ആഴ്ചയില്‍ ഒരിക്കലെങ്കിലും പൂപ്പാത്രങ്ങളില്‍ നിന്നും കൂളറുകളില്‍ നിന്നും വെള്ളം മാറ്റുകയും ഉണങ്ങാന്‍ അനുവദിക്കുകയും ചെയ്യുക. പഴയ പാത്രങ്ങള്‍, ടയറുകള്‍ എന്നിവയില്‍ വെള്ളം കെട്ടിക്കിടക്കാന്‍ അനുവദിക്കാതിരിക്കുക.
• വെള്ളം ശേഖരിച്ചുവയ്ക്കുന്ന ടാങ്കുകളും മറ്റും കൊതുക് കടക്കാത്ത രീതിയില്‍ മൂടി സൂക്ഷിക്കുക.
• എല്ലാ ആഴ്ചയും കൂളറില്‍ നിന്ന് വെള്ളം പൂര്‍ണമായും നീക്കംചെയ്യുക. 100 ലിറ്റര്‍ വെള്ളത്തില്‍ രണ്ട് ടേബിള്‍ സ്പൂണ്‍ (30 മില്ലി) പെട്രോള്‍ അല്ലെങ്കില്‍ മണ്ണെണ്ണചേര്‍ക്കുന്നത് കൊതുകുകള്‍ മുട്ടയിട്ട് പെരുകാതിരിക്കാന്‍ സഹായിക്കും.
• വാതിലുകള്‍ക്കും ജനാലകള്‍ക്കും വലകള്‍ പിടിപ്പിക്കുന്നതിലൂടെ കൊതുകുകള്‍ അകത്തു കയറാതെ തടയാം.
• കൊതുകുനിവാരണത്തിനുള്ള ക്രീമുകള്‍, സ്പ്രേകള്‍, കോയിലുകള്‍, ലിക്വിഡുകള്‍ എന്നിവ ഉപയോഗിച്ച്‌ കൊതുകുകളില്‍ നിന്ന് സംരക്ഷണം നേടുക.
• ഉറങ്ങുമ്പോള്‍ കൊതുകുവല ഉപയോഗിക്കുക. പകല്‍ സമയത്തായിരുന്നാലും കൊച്ചുകുട്ടികളെ കൊതുകുവലയ്ക്ക് കീഴില്‍ മാത്രം ഉറങ്ങാന്‍ അനുവദിക്കുക.
• കൈകാലുകള്‍ പൂര്‍ണമായും മറയുന്ന രീതിയിലുള്ള വസ്ത്രങ്ങള്‍ ഉപയോഗിക്കുക.
• ആഴ്ചയില്‍ ഒരിക്കലെങ്കിലും വീട്ടില്‍ കീടനാശിനി സ്പ്രേ ഉപയോഗിക്കുക. സോഫ, കിടക്ക, കര്‍ട്ടന്‍ എന്നിവയ്ക്ക് പിന്നില്‍ സ്പ്രേ ഉപയോഗിക്കാന്‍ മറക്കരുത്.
• വീടിന്‍റെ പരിസരം വൃത്തിയായി സൂക്ഷിക്കുക. മാലിന്യങ്ങള്‍ വിതറിയിടാതിരിക്കുക. മാലിന്യം ശേഖരിക്കുന്ന പാത്രങ്ങള്‍ മൂടി സൂക്ഷിക്കുക.
• വീടിനു ചുറ്റും പാഴ്ചെടികള്‍ വളരാന്‍ അനുവദിക്കരുത്. ഇത് കൊതുകുകള്‍ക്ക് മറഞ്ഞിരിക്കാനുള്ള സ്ഥലം നല്‍കും.
• പകല്‍ സമയത്തും ഈഡിസ് കൊതുകുകള്‍ നമ്മെ കടിച്ചേക്കാം. അതിനാല്‍, പകല്‍ സമയത്തും കൊതുകു കടിയില്‍ നിന്നുള്ള സംരക്ഷണം ഉറപ്പാക്കണം.
• ഡെങ്കിപ്പനി ബാധിച്ചയാളെ ആദ്യത്തെ 5-6 ദിവസം കൊതുകുവലയ്ക്ക് കീഴില്‍ തന്നെ കഴിയാന്‍ അനുവദിക്കണം. ഇത് അയാളില്‍ നിന്ന് മറ്റുള്ളവരിലേക്ക് രോഗം പകരാതിരിക്കാന്‍ സഹായിക്കും.

പ്രായം നാല്‍പ്പത് കഴിഞ്ഞാല്‍ ഭക്ഷണ ശീലങ്ങളില്‍ ഒരു മാറ്റം ആവാം

നാല്‍പതുകളില്‍ ആരോഗ്യ പ്രശ്നങ്ങള്‍ ഉണ്ടാകുവാനുള്ള സാധ്യത ഏറെയാണ്. ജോലി സംബന്ധമായ തിരക്കുകള്‍, ടെന്‍ഷന്‍, വ്യായാമക്കുറവ് ക്രമംതെറ്റിയ ആഹാരരീതികള്‍ എന്നിവയാണ് ഇവക്ക് പ്രധാനകാരണം. ഭക്ഷണ ശീലങ്ങളില്‍ ചെറിയൊരു മാറ്റം വരുത്തില്‍ മതിയാവും ഇത്തരം ആരോഗ്യ പ്രശ്നങ്ങളെ പേടിക്കാതെ ജീവിക്കാന്‍.

ഭക്ഷണത്തിന്‍റെ അളവ് കുറയ്ക്കുക എന്നത് വളരെ പ്രധാനമാണ്. 20-25 വയസ്സു കഴിഞ്ഞാല്‍ ശാരീരിക പ്രവര്‍ത്തനങ്ങള്‍ നിലനിര്‍ത്താന്‍വേണ്ട ഊര്‍ജം ലഭിക്കുന്നതിന്, ആവശ്യമായ ഭക്ഷണം മാത്രം കഴിച്ചാല്‍ മതി. ഉദാഹരണത്തിന് 20-25 പ്രായത്തില്‍ ഒരാള്‍ 8 ഇഡ്ഡലി കഴിക്കുകയാണെങ്കില്‍ ഇപ്പോള്‍ അത് 3-4 മതിയാകും. അധികമായി കഴിക്കുന്നതില്‍നിന്നുള്ള ഊര്‍ജം കൊളസ്ട്രോളായും മറ്റും സംഭരിക്കുന്നത് അപകടാവസ്ഥക്ക് കാരണമാകും. ഇത് പ്രമേഹംപോലുള്ള രോഗങ്ങളിലേക്ക് നയിക്കും.

ഇറച്ചി, മുട്ട, വറുത്ത ഭക്ഷണങ്ങള്‍ എന്നിവ ഉപേക്ഷിക്കാം. അതു സാധിക്കുന്നില്ലെങ്കില്‍ അളവ് കുറയ്ക്കുക. ഉപ്പിലിട്ടത്, പപ്പടം, ബേക്കറി സാധനങ്ങള്‍, സോഫ്ട് ഡ്രിങ്ക്സ്, ടിന്‍ഫുഡ്, ഫാസ്റ്റ് ഫുഡ് എന്നിവ വളരെ അപകടകാരികളാണ്. അതിനാല്‍ അവ ഒഴിവാക്കുക തന്നെ വേണം. മീന്‍കറി, മുട്ടയുടെ വെള്ള എന്നിവ ചെറിയ അളവില്‍ കഴിക്കാം. ചെറുമത്സ്യങ്ങളായ അയില, മത്തി, നെത്തോലി തുടങ്ങിയ കഴിക്കാവുന്നതാണ്. ഒപ്പം ഭക്ഷണം സമയം എടുത്ത് ചവച്ച്‌ കഴിക്കുക. ഇടവേളകളില്‍ വിശപ്പ് തോന്നുകയാണെങ്കില്‍ പഴങ്ങളോ പഴച്ചാറുകളോ കുടിക്കാവുന്നതാണ്.

അളവ് കുറയ്ക്കേണ്ട മറ്റ് ആഹാരസാധനങ്ങളാണ് ഉപ്പ്, പഞ്ചസാര, വറുത്തതും പൊരിച്ചതും മുതലായവ. പണ്ട് പൊതുവെ കണ്ടിരുന്നതും അടുത്തകാലത്ത് മലയാളികള്‍ തീരെ ഉപേക്ഷിച്ചതുമായ ഒരു ഭക്ഷണരീതിയാണ് മോര് കുടിക്കുക, മോര് കൂട്ടി ഊണ് കഴിക്കുക എന്നത്. ഇന്ന് ഇതിന്‍റെ  സ്ഥാനത്ത് തൈരിന്‍റെ ഉപയോഗം കൂടി. തൈര് അപകടകാരിയും മോര് രക്ഷകനും ആണ്. ശരീരത്തിനുള്ളില്‍ കടന്നുകൂടുന്ന വിഷാംശങ്ങള്‍ കുടലില്‍വെച്ചും കരളില്‍വെച്ചും നീക്കംചെയ്യാന്‍ മോരിന് കഴിവുണ്ട്.

ഭക്ഷണത്തില്‍ കൂടുതലും പച്ചക്കറികള്‍ ഉപയോഗപ്പെടുത്തുക. അവയുടെ പോഷകാംശങ്ങള്‍ നിലനിര്‍ത്തുന്ന രീതിയില്‍ പാകംചെയ്യുക എന്നതും പ്രധാനമാണ്. നാം താമസിക്കുന്ന സ്ഥലത്ത് സുലഭമായി ലഭിക്കുന്ന സാധനങ്ങള്‍ ഭക്ഷണപദാര്‍ത്ഥങ്ങളായി തിരഞ്ഞെടുക്കുക. ഉദാഹരണത്തിന് നമ്മുടെ നാട്ടില്‍ സുലഭമായി ലഭിക്കുന്ന ചക്ക, പൈനാപ്പിള്‍ എന്നിവ കുടലിലെ കാന്‍സറിനെ തടയുന്നതിനും പുളിച്ചിക്ക (പുളിക്ക) ഹൃദയത്തിലും രക്തക്കുഴലുകളിലും രക്തം കട്ടപിടിക്കുന്നതിനെ തടയുന്നതിനും കൊളസ്ട്രോള്‍ കുറയ്ക്കുന്നതിനും പച്ചത്തേങ്ങ ബി.പി. കുറയ്ക്കുന്നതിനും കൊളസ്ട്രോള്‍ കുറയ്ക്കുന്നതിനും പേരയ്ക്ക വിരശല്യം തടയുന്നതിനും ഫലവത്താണ്.

അസ്ഥിക്ഷയം; ഈ കാര്യങ്ങള്‍ ശ്രദ്ധിക്കാം

എല്ലുകളുടെ ബലം കുറഞ്ഞ്​ പെ​െട്ടന്ന്​ ​ പൊട്ടിപ്പോകുന്ന അവസ്​ഥയാണ്​ അസ്​ഥിക്ഷയം. ഇടക്കി​ടെ എ​ല്ലൊടിയാന്‍ തുടങ്ങു​മ്പോള്‍ മാത്രമേ നാം രോഗം തിരിച്ചറിയൂ. രോഗം മുലം ദിനചര്യകള്‍ നിറവേറ്റാന്‍​ പോലും മറ്റുള്ളവ​രെ ആശ്രയി​ക്കേണ്ടി വരുന്നു. 10 മില്യണ്‍ അമേരിക്കക്കാര്‍ക്ക്​ അസ്​ഥിക്ഷയം ഉണ്ടെന്നും 18 മില്യണ്‍ പേര്‍ രോഗ ഭീഷണയിലാണെന്നും അമേരിക്കന്‍ അസോസിയേഷന്‍ ഓഫ്​ ഓര്‍ത്തോപീഡിക്​ സര്‍ജന്‍സി​​ന്‍റെ കണക്കുകള്‍ പറയുന്നു.

ഗുരുതരാവസ്​ഥ

ഈ രോഗമുള്ളവര്‍ക്ക്​​ ഒന്നു നടക്കാനോ മറ്റു പ്രവര്‍ത്തികള്‍ ചെയ്യാനോ കഴിയാതെ വരുന്നു. ഇത്​ ശരീരഭാരം വര്‍ധിക്കുന്നതിനും ഹൃദ്രോഗം, പ്രമേഹം പോലുള്ള രോഗങ്ങള്‍ക്കടിമയാകുന്നതിനും കാരണമാകും.നടക്കാനോ മറ്റുകാര്യങ്ങള്‍ ചെയ്യാനോ ശ്രമിക്കു​മ്പോള്‍ എല്ലൊടിയുമോ എന്ന ഭയം നിങ്ങ​ളെ വിഷാദ രോഗിയാക്കും. ബലക്ഷയം മൂലം എല്ലുകള്‍ക്കുണ്ടാകുന്ന ഒടിവുകള്‍ വേദനാജനകമാണ്​. ​ന​ട്ടെല്ലിനുണ്ടാകുന്ന ഒടിവ്​ രോഗികളുടെ നീളം കുറക്കുകയും ശരീരം കുനിഞ്ഞ അവസ്​ഥയിലാക്കുകയും ചെയ്യുന്നു. നിരന്തരമായ കഴുത്തുവേദനക്കും പുറവേദനക്കും ഇത്​ ഇടയാക്കും.

ചികിത്​സ
അസ്​ഥിക്ഷയം പൂര്‍ണമായും ചികിത്​സിച്ച്‌​ ഭേദമാക്കാനാവില്ല. അതിനാല്‍ അസുഖം മൂര്‍ച്ഛിക്കാതിരിക്കാനും ലക്ഷണങ്ങളെ നിയന്ത്രിക്കാനുമാണ്​ ചികിത്​സ കൊണ്ട്​ ലക്ഷ്യമിടുന്നത്​. എല്ലുകള്‍ ബലമുള്ളതും ആരോഗ്യമുള്ളതുമാകാന്‍ ആവശ്യത്തിന്​ കാത്​സ്യം ലഭിക്കണം. ചെറുപ്പകാലത്ത്​ ആവശ്യത്തിന്​ കാത്​സ്യം ലഭിച്ചിട്ടില്ലെങ്കില്‍ പ്രായമാകു​മ്പോള്‍ അസ്​ഥിക്ഷയമുണ്ടാകാന്‍ സാധ്യത കൂടുതലാണ്​. വൈറ്റമിന്‍ ഡി ശരീരത്തിലേക്ക്​ കാത്​സ്യം ആഗിരണം ചെയ്യാന്‍ സഹായിക്കുന്നു.

മിതമായ വ്യായാമം ശരീരത്തെ ആരോഗ്യകരമായി നിലനിര്‍ത്തും. വീഴ്​ചകള്‍ എല്ലൊടിയുന്നതിനും മറ്റും കാരണമാകുന്നതിനാല്‍ യോഗ പോലുള്ള വ്യായാമ മുറകള്‍ പരി​ശീലിക്കുന്നത്​ വീഴ്​ച തടയാന്‍ സഹായിക്കും. ഡോക്​ടര്‍മാരു​ടെ നിര്‍ദേശ പ്രകാരം മരുന്നുകള്‍ കഴിച്ചും എല്ലുകളു​െട ബലക്ഷയത്തി​​െന്‍റ വേഗത കുറക്കാം. ആര്‍ത്തവ വിരാമം വന്ന സ്​ത്രീകളില്‍ ഈസ്​ട്രജന്‍ തെറാപ്പി വഴിയും അസ്​ഥിക്ഷയം തടയാവുന്നതാണ്​.

കുട്ടികളിലെ ആസ്ത്മ: ശ്രദ്ധിക്കേണ്ട കാര്യങ്ങള്‍

ആസ്ത്മ കുട്ടികളിലും കൗമാരക്കാരിലും സാധാരണമാണെങ്കിലും കുട്ടികളിലെ ആസ്ത്മയാണ് നിയന്ത്രിക്കാന്‍ ഏറെ പ്രയാസം. ചെറുപ്രായത്തില്‍ തന്നെ ആസ്ത്മയെ തിരിച്ചറിഞ്ഞ് ചികിത്സ നേടുന്നതാണ് ഉചിതം.

ലക്ഷണങ്ങള്‍

ചുമ, ശബ്ദത്തോടെയുള്ള കൂര്‍ക്കംവലി, ശ്വസിക്കാനുള്ള ബുദ്ധിമുട്ട് എന്നീ ലക്ഷണങ്ങള്‍ കുഞ്ഞിനുണ്ടെങ്കില്‍ അത് ആസ്ത്മയുടെ തുടക്ക ലക്ഷണങ്ങളാകാം. ശിശുക്കളിലും ഇത്തരം ലക്ഷണങ്ങള്‍ കാണാറുണ്ട്. പകല്‍ യാതൊരു അസുഖവും ഉണ്ടാകാത്ത കുഞ്ഞുങ്ങള്‍ക്ക് രാത്രി ചുമയുണ്ടാകാറുണ്ട്.

മറ്റ് ചിലര്‍ക്ക് നെഞ്ചില്‍ ശ്വാസം തടഞ്ഞ് നില്‍ക്കുന്നതുപോലെയുള്ള അനുഭവവും ഉണ്ടാകാറുണ്ട്. ആസ്ത്മയുള്ള കുഞ്ഞിന്‍റെ കിടപ്പുമുറിയില്‍ നിന്നും പഴയപുസ്തകങ്ങള്‍, കട്ടിയുള്ള കര്‍ട്ടനുകള്‍, കാര്‍പ്പറ്റ്, അലമാര എന്നിവ പൂര്‍ണ്ണമായും ഒഴിവാക്കണം. ഇതില്‍ നിന്നുള്ള പൊടിയടിച്ചാല്‍ ആസ്ത്മ കൂടാനിടയുണ്ട്.

ചികിത്സ

കുഞ്ഞിന് ആസ്ത്മയാണെന്ന് സ്ഥിരീകരിച്ചാല്‍ പിന്നീടുളള ജീവിതശൈലിയില്‍ അതിയായ ശ്രദ്ധ ചെലുത്തേണ്ടതാണ്. എന്തെല്ലാമാണ് കുഞ്ഞിന്‍റെ അസുഖം വര്‍ദ്ധിപ്പിക്കുന്ന ഘടകങ്ങളെന്ന് മനസ്സിലാക്കി അതിനുവേണ്ട മുന്‍കരുതലുകളെടുക്കുക.

കുഞ്ഞുങ്ങളിലെ ആസ്ത്മകളില്‍ അധികവും അലര്‍ജി മൂലമുണ്ടാകുന്നതാണ്. ചിലരുടെ ശ്വസനസംവിധാനം ചില പ്രത്യേകവസ്തുക്കളോട് കാണിക്കുന്ന എതിര്‍പ്പാണ് ആസ്ത്മയായി മാറുന്നത്. ഇത്തരക്കാര്‍ക്ക് പൊടി, പഞ്ഞി, പുക എന്നിങ്ങനെ പലതും പ്രശ്നമായേക്കാം.

കുമ്പളങ്ങ, വെള്ളരിക്ക, ചീര, നാരങ്ങ, വെളുത്തുള്ളി, ഇഞ്ചി, മഞ്ഞള്‍, ചെറുമത്സ്യങ്ങള്‍ എന്നിവ കൊണ്ടുണ്ടാക്കുന്ന ഭക്ഷണങ്ങള്‍ ആസ്ത്മ രോഗിക്ക് അനുയോജ്യമാണ്.

ഭക്ഷണം അമിതമായി കഴിക്കാതെ കുറഞ്ഞ അളവില്‍ പല തവണയായി ചൂടോടെ കഴിപ്പിക്കണം. പഴകിയ ഭക്ഷണങ്ങള്‍ പൂര്‍ണ്ണമായും ഒഴിവാക്കണം. കൂടാതെ തൈര്, ഉഴുന്ന് എന്നിവ അടങ്ങിയ ആഹാരങ്ങള്‍ കുറയ്ക്കുക.

തയാറെടുപ്പുകള്‍

ആസ്ത്മയ്ക്കെതിരെ വീട്ടില്‍ ചില മുന്‍കരുതലുകള്‍ എടുക്കേണ്ടത് അത്യാവശ്യമാണ്. സിന്തറ്റിക് പോളിസ്റ്റര്‍ കൊണ്ടു നിര്‍മ്മിച്ച തലയണകളും മെത്തകളും മാത്രം ഉപയോഗിക്കുക.

കൂടാതെ കുഞ്ഞ് ഉപയോഗിക്കുന്ന തലയണകളും മറ്റും ആഴ്ചയിലൊരിക്കല്‍ ചൂട് വെള്ളത്തില്‍ കഴുകിയെടുക്കണം. ഇത് അലര്‍ജ്ജിയെ പ്രതിരോധിക്കും.

അച്ഛനമ്മമാര്‍ ശ്രദ്ധിക്കാന്‍

• ആസ്ത്മയെപ്പേടിച്ച്‌ പല കുട്ടികളും ഭക്ഷണം ഒഴിവാക്കാറുണ്ട്. ഇത് നല്ല പ്രവണതയല്ല. കൃത്യസമയങ്ങളില്‍ കുഞ്ഞിന് ഭക്ഷണം നല്‍കണം.
• അസുഖത്തെക്കുറിച്ച്‌ അദ്ധ്യാപകരോട് പറയുകയും ആവശ്യത്തിനുള്ള മരുന്ന് കുഞ്ഞിന്‍റെ കൈയില്‍ നല്‍കുകയും വേണം.
• രാത്രിയില്‍ അമിതമായി ഭക്ഷണം കഴിപ്പിക്കരുത്. പകരം ലഘുവായി നല്കുക.

ആയുര്‍വേദ പ്രതിവിധികള്‍

• ആടലോടകത്തിന്‍റെ ഇല വാട്ടിപ്പിഴിഞ്ഞ വെള്ളം 10 മില്ലി ഒരു ടീസ്പൂണ്‍ തേന്‍ ചേര്‍ത്ത് കൊടുക്കുക.
• കുരുമുളക് പൊടിച്ച്‌ കല്‍ക്കണ്ടം ചേര്‍ത്ത് നല്‍കുക.
• കച്ചോലചൂര്‍ണ്ണം 10 ഗ്രാം തേനില്‍ കുഴച്ച്‌ കൊടുക്കുക.
• ഇഞ്ചിനീര്, ചുവന്നുള്ളി നീര് എന്നിവ തേന്‍ ചേര്‍ത്ത് കൊടുക്കുക.
• ഉണക്കിപ്പൊടിച്ച തിപ്പലിയും പഞ്ചസാരയും ചേര്‍ത്ത് രണ്ടുനേരം നല്‍കുക.
• തുളസിയില നീരില്‍ അഞ്ച് മില്ലി തേന്‍ ചേര്‍ത്ത് കഴിപ്പിക്കുക.
• തൃഫല, കടുക്ക, നെല്ലിക്ക, താന്നിക്ക എന്നിവ ചേര്‍ത്ത് കഷായം തയാറാക്കി നല്കുക.

ചെങ്കദളിയുടെ ആരോഗ്യഗുണങ്ങള്‍

ധാരാളം ഫൈബര്‍ ചെങ്കദളിയില്‍ അടങ്ങിയിട്ടുണ്ട്. ഇത് ദഹനസംബന്ധമായി ഉണ്ടാവുന്ന എല്ലാ വിധത്തിലുള്ള പ്രശ്നങ്ങളേയും പരിഹരിയ്ക്കുന്നു. കൂടാതെ മലബന്ധത്തെ ചെറുക്കുകയും ചെയ്യുന്നു.

കിഡ്നി സ്റ്റോണ്‍ പോലുള്ള പ്രശ്നങ്ങള്‍ കൊണ്ട് വലയുന്നവര്‍ ചെങ്കദളി ശീലമാക്കിക്കോളൂ. ഇത് കിഡ്നി സ്റ്റോണിനെ ഇല്ലാതാക്കുന്നതിനും കിഡ്നിയുടെ ആരോഗ്യത്തിനും സഹായിക്കുന്നു.

പല വിധ പരീക്ഷണങ്ങള്‍ക്കൊടുവില്‍ തടി കുറയ്ക്കുന്നതില്‍ പരാജയപ്പെട്ടവര്‍ക്കും ചെങ്കദളി ശീലമാക്കാം. ചെങ്കദളി സ്ഥിരമായി കഴിച്ചു നോക്കൂ തടിയെല്ലാം ദിവസങ്ങള്‍ക്കുള്ളില്‍ തോറ്റു പോകും.

രക്തം ശുദ്ധീകരിയ്ക്കാനും രക്തയോട്ടം വര്‍ദ്ധിപ്പിക്കുന്നതിനും ചെങ്കദളി ഉഷാറാണ്. സ്ഥിരമായി ചെങ്കദളി കഴിയ്ക്കുന്നവരില്‍ ഇതിലുള്ള വിറ്റാമിന്‍ ബി 6 രക്തയോട്ടം വര്‍ദ്ധിപ്പിക്കും.

ഊര്‍ജ്ജത്തിന്‍റെ പ്രധാനകലവറയാണ് ചെങ്കദളി. ഇതിലുള്ള പഞ്ചസാര കുട്ടികള്‍ക്കും മുതിര്‍ന്നവര്‍ക്കും ഒരു പോലെ ഊര്‍ജ്ജദായകമാണ്.

പുകവലിയില്‍ നിന്നും രക്ഷനേടേണ്ടവര്‍ക്കും ചെങ്കദളി ശീലമാക്കാം. ഇതിലെ വിറ്റാമിന്‍ സി, ബി 6 എന്നിവ പുകവലിയ്ക്കാനുള്ള പ്രവണതയെ സ്വാഭാവികമായും കുറയ്ക്കുന്നു.

നെഞ്ചെരിച്ചില്‍ പോലുള്ള പ്രശ്നങ്ങളെ ഇല്ലാതാക്കുന്നതിനും ചെങ്കദളി തന്നെയാണ് കേമന്‍... ചെങ്കദളി കഴിയ്ക്കുന്നത് കൊണ്ട് നെഞ്ചെരിച്ചില്‍ വരെ ഇല്ലാതാവുന്നു.

മുലപ്പാല്‍ വര്‍ധിപ്പിക്കാന്‍ സഹായിക്കുന്ന ഭക്ഷണങ്ങള്‍

നവജാത ശിശുക്കള്‍ക്ക് ആകെയുള്ള ഭക്ഷണം മുലപ്പാല്‍ മാത്രമാണ്. അതുകൊണ്ടു തന്നെ മുലപ്പാല്‍ കുറയുന്നത് കുഞ്ഞിന്‍റെ ആരോഗ്യത്തെയും വളര്‍ച്ചയേയും ബാധിയ്ക്കും. അമ്മ കഴിയ്ക്കുന്ന ഭക്ഷണങ്ങളാണ് മുലപ്പാല്‍ വര്‍ദ്ധിപ്പിയ്ക്കാന്‍ സഹായിയ്ക്കുന്നത്. മുലപ്പാല്‍ വര്‍ദ്ധിപ്പിയ്ക്കാന്‍ സഹായിക്കുന്ന ഭക്ഷണങ്ങള്‍ ഏതൊക്കെയാണെന്ന് നോക്കാം.

ഒലീവ് ഓയില്‍, എള്ളെണ്ണ എന്നിവ മുലപ്പാല്‍ വര്‍ദ്ധിപ്പിയ്ക്കാന്‍ സഹായിക്കുന്നവയാണ്. ഭക്ഷണ പദാര്‍ത്ഥങ്ങള്‍ ഇവയില്‍ പാചകം ചെയ്യുവാന്‍ ശ്രദ്ധിയ്ക്കുക.

മുലപ്പാല്‍ വര്‍ദ്ധിപ്പിക്കാന്‍ സഹായിക്കുന്ന മറ്റൊരു ഭക്ഷണമാണ് ഓട്സ്. പോഷക സമ്പുഷ്ടമായ ഓട്സ് മുലപ്പാല്‍ വര്‍ദ്ധിപ്പിക്കുന്നതിനോടൊപ്പം ആരോഗ്യവും നല്‍കുന്നു.

എള്ള് കഴിയ്ക്കുന്നതും മുലപ്പാല്‍ വര്‍ദ്ധിപ്പിക്കുന്നു. കാല്‍സ്യം ധാരാളം അടങ്ങിയിട്ടുണ്ടെന്നതിനാല്‍ എല്ലിനും പല്ലിനും ബലവും നല്‍കും.

മുലപ്പാല്‍ വര്‍ദ്ധിപ്പിക്കുന്നതില്‍ മുന്‍പിലാണ് വെളുത്തുള്ളി. വെളുത്തുള്ളി വിവിധ തരത്തിലുള്ള ഭക്ഷണങ്ങളില്‍ ചേര്‍ത്ത് കഴിയ്ക്കുന്നതും പാലില്‍ വെളുത്തുള്ളി ചേര്‍ത്ത് കഴിയ്ക്കുന്നതും മുലപ്പാല്‍ വര്‍ദ്ധിപ്പിക്കുന്നു.

മുലപ്പാല്‍ വര്‍ദ്ധിപ്പിക്കുന്നതില്‍ മുന്നില്‍ നില്‍ക്കുന്ന മറ്റൊരു ഭക്ഷ്യ വസ്തുവാണ് നട്സ്. നട്സ് ധാരാളം കഴിയ്ക്കുന്നത് പ്രസവിച്ച സ്ത്രീകള്‍ക്കും ഗര്‍ഭിണികള്‍ക്കും നല്ലതാണ്. കുഞ്ഞിന്‍റെ ആരോഗ്യത്തിനും നട്സ് കഴിയ്ക്കുന്നത് നല്ലതാണ്.

പ്രോട്ടീനിന്‍റെ കലവറയാണ് പാല്‍. പശുവിന്‍ പാല്‍ കുടിയ്ക്കുന്നത് മുലപ്പാല്‍ ഉണ്ടാവാന്‍ നല്ലതാണ്. ആയുര്‍വ്വേദ ചായ അഥവാ ഹെര്‍ബല്‍ ടീ മുലപ്പാല്‍ വര്‍ദ്ധിപ്പിക്കുന്നു.

കാരറ്റ് കാരറ്റ് ധാരാളം കഴിയ്ക്കുന്നതും മുലപ്പാലിന്‍റെ ഉത്പാദനത്തില്‍ വര്‍ദ്ധനവുണ്ടാക്കുന്നു.

ജീരകം, ഉലുവ എന്നിവ ഭക്ഷണത്തില്‍ ഉള്‍പ്പെടുത്തുന്നതും മുലപ്പാല്‍ വര്‍ദ്ധിപ്പിയ്ക്കാന്‍ സഹായിയ്ക്കും

പിസിഒഡി; അറിഞ്ഞിരിക്കേണ്ട ചില കാര്യങ്ങള്‍

അമ്മയാകാനുള്ള സ്ത്രീകളുടെ ആഗ്രഹത്തിന് ഇന്ന് പ്രധാന വില്ലന്‍ പിസിഒഡി എന്ന ചുരുക്കപ്പേരില്‍ അറിയപ്പെടുന്ന പോളിസിസ്റ്റിക് ഒവേറിയന്‍ ഡിസീസ് ആണ്.പത്തു വന്ധ്യത കേസുകള്‍ എടുത്താല്‍ ഏഴെണ്ണത്തിനും കാരണം പിസിഒഡി ആണെന്ന് പഠനങ്ങള്‍ തെളിയിക്കുന്നു.വ്യായാമമില്ലായ്മയും കൊഴുപ്പുകൂടിയ ഭക്ഷണവും മാനസിക സമ്മര്‍ദ്ദവുമാണ് പ്രധാന കാരണങ്ങള്‍.

പുതിയ കാലത്തിന്‍റെ രോഗമാണ് പിസിഒഡി. ഓവുലേഷന്‍ അഥവാ അണ്ഡവിസര്‍ജനം പാതി വഴിയില്‍ നിന്നു പോകുന്നതു മൂലം അണ്ഡാശയത്തില്‍ മുഴകള്‍ രൂപപ്പെടുന്ന അവസ്ഥ. ഹോര്‍മോണ്‍ വ്യതിയാനം മൂലം പൂര്‍ണ്ണ വളര്‍ച്ചയെത്താത്ത അണ്ഡങ്ങള്‍ കുമിളകളായി അണ്ഡാശയത്തില്‍ അവശേഷിക്കുന്നു. അണ്ഡവളര്‍ച്ച പൂര്‍ത്തിയാകാതെ നില്‍ക്കുന്നതു കൊണ്ടു സ്ത്രീകളില്‍ പുരുഷ ഹോര്‍മോണുകളുടെ അളവ് കൂടുന്നു.

മേല്‍ച്ചുണ്ടിലും താടിയിലുമുള്ള അമിത രോമ വളര്‍ച്ച, ക്രമം തെറ്റിയ ആര്‍ത്തവം, അമിത രക്തസ്രാവം, മുഖക്കുരു ഇതെല്ലാം ലക്ഷണങ്ങളാണ്. വന്ധ്യതയാണ് പ്രധാന പ്രശ്നം. പുറമേ രക്തസമ്മര്‍ദം, പ്രമേഹം, എന്‍ഡോമെട്രിയല്‍ കാന്‍സര്‍, ഉയര്‍ന്ന കൊളസ്ട്രോള്‍, തുടങ്ങി ഹൃദയാഘാതവും ഗര്‍ഭാശയ കാന്‍സറും വരെ പിസിഒഡി നിയന്ത്രിക്കാതിരുന്നാല്‍ സംഭവിച്ചേക്കാം.

അള്‍ട്രാസൗണ്ട് സ്കാനിങ്, രക്ത പരിശോധന എന്നിവയിലൂടെ രോഗം തിരിച്ചറിയാം.മരുന്നുകൊണ്ട് പരിഹരിക്കാവുന്നവയാണ് മിക്ക പ്രശ്നങ്ങളും. സങ്കീര്‍ണ്ണമായവരില്‍ ശസ്ത്രക്രിയ വേണ്ടിവരും. രോഗം തുടക്കത്തിലെ കണ്ടെത്തുകയെന്നതാണ് പ്രധാനം.

PCOD ഉള്ളവര്‍ അറിഞ്ഞിരിക്കേണ്ട ചില കാര്യങ്ങള്‍

വറുത്തതും പൊരിച്ചതുമായ ഭക്ഷ്യ വസ്തുക്കള്‍ ഒഴിവാക്കുക .

അമിത മധുരം , കൊഴുപ്പുകള്‍ കൂടുതലുള്ള ഭക്ഷ്യ വസ്തുക്കള്‍ ഒഴിവാക്കുക. ഓര്‍ഗാനിക് ഭക്ഷ്യ വസ്തുക്കള്‍ ഉപയോഗിക്കുക

റാഗി, തിന, കുപ്പ ചീര തുടങ്ങി ആന്‍റിഓക്സിഡന്‍റ്സ്  അധിക അളവിലുള്ള ഭക്ഷ്യ വസ്തുക്കള്‍ കൂടുതല്‍ ഉപയോഗിക്കുക

ഉരുള കിഴങ്ങ് , വെള്ള അരി , വെളുത്ത പഞ്ചസാര , പാസ്ത തുടങ്ങിയവ ഒഴിവാക്കുക

ഉഴുന്ന് തൊലി കളയാതെ വേവിച്ചു കഴിക്കുന്നത് ഹോര്‍മോണ്‍ നേരെയാക്കി PCOD കുറക്കാന്‍ സഹായിക്കും.

വെളുത്തുള്ളി യുടെ ഉപയോഗം , എള്ള്, കൊപ്ര , ശര്‍ക്കര ചേര്‍ത്തു ഇടിച്ചു കഴിക്കുന്നതും PCOD കുറക്കാന്‍ സഹായിക്കും . .

ചൂട് ചോറിനോടൊപ്പം ഒരു സ്പൂണ്‍ ഉലുവ പൊടി ചേര്‍ത്തു ഉച്ച ഭക്ഷണം കഴിക്കുന്നത് ഗുണ പ്രദം.

ആര്‍ത്തവ സമയത്ത് അധിക വയറ്റുവേദന ഉണ്ടെങ്കില്‍ കറ്റാര്‍വാഴ ജെല്‍ അതി രാവിലെ 
രണ്ടു മാസം കഴിക്കുന്നത് നല്ലത്.

ചുവന്നുള്ളി ദിവസവും 50 ഗ്രാം എങ്കിലും ഭക്ഷണത്തില്‍ ചേര്‍ത്തു കഴിക്കുന്നത് PCOD കുറയാന്‍ സഹായിക്കും.

കരിംജീരകം കഷായം വെച്ച്‌ കുടിക്കുന്നത് ഗുണം ചെയ്യും

അലുമിനിയും പാത്രത്തിലെ പാചകവും പൊടി ഉപ്പിന്റെ( iodized salt ) ഉപയോഗവും ഒഴിവാക്കുക

കഴഞ്ചികുരു പരിപ്പ് ഒരെണ്ണത്തിനു 5 കുരുമുളക് എന്ന കണക്കില്‍ എടുത്തു നല്ലവണ്ണം പൊടിച്ചു രാവിലെ വെറും വയറ്റില്‍ 48 ദിവസം ചൂട് വെള്ളത്തില്‍ കലക്കി കുടിക്കുന്നത് PCOD പ്രശ്നത്തിന് പരിഹാരം ഉണ്ടാക്കും.

സ്കിം മില്‍ക്കിന്‍റെ ഗുണങ്ങള്‍

കുറഞ്ഞ കാലറി, കൂടുതല്‍ ഗുണങ്ങള്‍

സാധാരണ പാലിനെ അപേക്ഷിച്ച്‌ സ്കിം മില്‍ക്കിന് കാലറി മൂല്യം കുറവായിരിക്കും. അതായത്, ഒരു കപ്പ് സാധാരണ പാലില്‍ 150 കാലറി അടങ്ങിയിട്ടുണ്ട് എങ്കില്‍ സ്കിം മില്‍ക്കില്‍ 90 കാലറി മാത്രമാണുള്ളത്. എന്നാല്‍, രണ്ടിലും അടങ്ങിയിരിക്കുന്ന വൈറ്റമിന്‍റെയും പ്രോട്ടീനിന്‍റെയും ധാതുക്കളുടെയും അളവ് ഒരേപോലെയായിരിക്കും. അതായത്, കൊഴുപ്പ് നീക്കിയ പാല്‍ കുടിക്കുന്നതുകൊണ്ട് നഷ്ടമൊന്നും സംഭവിക്കുന്നില്ല!

കുറഞ്ഞ കൊഴുപ്പ്

സാധാരണ പാലില്‍ നിന്ന് കൊഴുപ്പ് (പാട) നീക്കിയാണ് സ്കിം മില്‍ക്ക് ഉണ്ടാക്കുന്നത്. ഇത്തരത്തില്‍, പൂരിത കൊഴുപ്പുകള്‍ കുറയുന്നത് ഭാരം കൂടാതിരിക്കാന്‍ സഹായിക്കും. ഇത് അനാവശ്യ കൊഴുപ്പുകള്‍ ശരീരത്തില്‍ അടിഞ്ഞുകൂടാതിരിക്കുന്നതിനും സഹായകമാവും.

കാത്സ്യത്തിന്‍റെ നല്ലൊരു സ്രോതസ്സാണ്

പാലും പാല്‍ ഉത്പന്നങ്ങളും ശരീരത്തിനാവശ്യമായ കാത്സ്യം നല്‍കുന്നു. ഇത് എല്ലുകള്‍ക്ക് ശക്തിപകരുന്നു. കൊഴുപ്പ് നീക്കിയ പാലിലും നല്ലൊരളവ് കാത്സ്യം അടങ്ങിയിരിക്കുന്നു. ഒരു കപ്പ് സ്കിം മില്‍ക്കില്‍ 300 മില്ലി ഗ്രാം കാത്സ്യമാണ് അടങ്ങിയിരിക്കുന്നത്.

വൈറ്റമിന്‍ സമ്പുഷ്ടം

പാലിന്‍റെ കൊഴുപ്പ് നീക്കുന്ന അവസരത്തില്‍, വൈറ്റമിനുകളും നഷ്ടമാകുന്നു. എന്നാല്‍, വൈറ്റമിന്‍ എ യും ഡി യും ചേര്‍ക്കുന്നതിലൂടെ ഇത് സാധാരണ പാലിനെക്കാള്‍ ഗുണപ്രദമാകുന്നു. അതായത്, പൂരിത കൊഴുപ്പുകളുടെ സാന്നിധ്യമില്ലാതെ വൈറ്റമിനുകള്‍ ലഭ്യമാക്കുന്നു. വൈറ്റമിന്‍ എ  ചര്‍മ്മത്തിന്‍റെയും കണ്ണുകളുടെയും ആരോഗ്യത്തിന് അത്യാവശ്യമാണ്. കാത്സ്യത്തെ സ്വാംശീകരിക്കുന്നതിന് വൈറ്റമിന്‍ ഡി സഹായിക്കുന്നു

ഹൃദയവും രക്തധമനികളും സംബന്ധിച്ച രോഗങ്ങളുടെ അപകടസാധ്യത കുറയ്ക്കുന്നു

പൂരിത കൊഴുപ്പുകളും ഉയര്‍ന്ന കൊളസ്ട്രോള്‍ നിലയും തമ്മില്‍ അടുത്ത ബന്ധമുണ്ടെന്ന് ചില പഠനങ്ങളില്‍ തെളിഞ്ഞിട്ടുണ്ട്. ഉയര്‍ന്ന കൊളസ്ട്രോള്‍ നില ഹൃദ്രോഗത്തിനുള്ള അപകടസാധ്യത വര്‍ദ്ധിപ്പിക്കുന്നു. സാധാരണ പാലിനു പകരം സ്കിം മില്‍ക്ക് ഉപയോഗിക്കുന്നതികൂടെ ഇത്തരം പ്രശ്നങ്ങളെ പ്രതിരോധിക്കാന്‍ സാധിക്കും. കാരണം, ഇതില്‍ പൂരിത കൊഴുപ്പുകള്‍ അടങ്ങിയിട്ടില്ല.

നിങ്ങള്‍ പാല്‍ പൂര്‍ണമായും ഒഴിവാക്കുകയാണെങ്കില്‍, ശരീരത്തിന് ആവശ്യമായ വൈറ്റമിനുകളും പോഷകങ്ങളും നിഷേധിക്കുകയായിരിക്കും ചെയ്യുന്നത്. എന്നാല്‍, സ്കിം മില്‍ക്ക് ഉപയോഗിക്കുന്നതിലൂടെ പാലിന്‍റെ ആരോഗ്യപരമായ എല്ലാ ഗുണങ്ങളും ലഭ്യമാക്കാന്‍ സാധിക്കും.

ആമവാതത്തിന്‍റെ ലക്ഷണങ്ങളെ അവഗണിക്കരുത്

ശക്തമായ വേദനയുളവാക്കുന്ന ഒരു തരം സന്ധി വാതമാണ്​ ആമവാതം. സാധാരണയായി ആമവാതം ശരീരത്തി​​ന്‍റെ ഇരു വശങ്ങളിലുമായി ചെറുലക്ഷണങ്ങളിലൂടെ ഇടക്കി​ടെ വന്നും പോയും സാന്നിധ്യം അറിയിക്കും. ആഴ്​ചകളോ മാസങ്ങളോ ഇടവിട്ടാണ്​ രോഗം പ്രത്യക്ഷപ്പെടുക. വ്യക്​തികള്‍ക്കനുസൃതമായി ലക്ഷണങ്ങളിലും മാറ്റമുണ്ടാകും. ഓരോ ദിവസവും വ്യത്യസ്​ത തരത്തിലായിരിക്കും ലക്ഷണങ്ങള്‍.

ശ്രദ്ധിക്കേണ്ട ലക്ഷണങ്ങള്‍:

തളര്‍ച്ച: ഏതൊരു ലക്ഷണത്തേക്കാളും മുമ്പ് അസാധാരണമായ വിധം തളര്‍ച്ച അനുഭവപ്പെടും. ആഴ്​ചകളോ മാസങ്ങളോ പിന്നിടു​മ്പോഴേക്കും തളര്‍ച്ച മറ്റ്​ ലക്ഷണങ്ങള്‍ക്ക്​ വഴി മാറും. ഈ  ലക്ഷണങ്ങള്‍ ദിനാദിനങ്ങളില്‍ വന്നും പോയുമിരിക്കും.

രാവിലെ അനുഭവപ്പെടുന്ന മരവിപ്പ്​ : വാതത്തി​​ന്‍റെ ആദ്യ ലക്ഷണമാണ്​ മരവിപ്പ്​..  ഉറക്കം കഴിഞ്ഞ്​ എഴുന്നേല്‍ക്കു​​മ്പോഴോ കുറേ സമയം ഇരുന്ന്​ എഴുന്നേല്‍ക്കു​മ്പോഴോ ശരീരത്തിന്​ മരവിപ്പ്​ അനുഭവപ്പെടും. നിമിഷങ്ങള്‍ മാത്രം നീണ്ടു നില്‍ക്കുന്നവയും ചില​പ്പോള്‍ മണിക്കൂറുകള്‍ നീണ്ടു നില്‍ക്കുകയും ചെയ്യുന്ന മരവിപ്പ്​ വാതത്തി​​ന്‍റെ ലക്ഷണമാണ്​.

സന്ധികളിലെ മരവിപ്പ്​ : ഒന്നോ അതിലധികമോ സന്ധികളില്‍ മരവിപ്പ്​ അനുഭവപ്പെടുക. ജോലി ചെയ്​തുകൊണ്ടിരിക്കു​മ്പോഴോ അല്ലാതിരിക്കു​മ്പോഴോ സന്ധികളില്‍ മരവിപ്പ്​അനുഭവപ്പെടാം. സാധാരണയായി കൈകളിലെ സന്ധികളിലാണ്​ മരവിപ്പ്​ തുടങ്ങുക​.

സന്ധിവേദന
​മരവിപ്പ്​ സന്ധി വേദനക്ക്​ വഴിമാറുന്നു. കൈകാലുകള്‍ ഇളക്കു​േമ്ബാഴോ വെറുതെയിരിക്കു​േമ്ബാഴോ സന്ധി വേദന അനുഭവപ്പെടാം. ആദ്യഘട്ടത്തില്‍ വിരലുകളിലും ​കൈക്കുഴകളിലുമാണ്​ വേദനയനുഭവപ്പെടുക. പിന്നീട്​ കാല്‍മുട്ട്​, കാല്‍പാദം, കണങ്കാല്‍, ചുമല്‍ എന്നിവിടങ്ങളില്‍ വേദന അനുഭവപ്പെടാം.

ചെറിയ സന്ധി വീക്കം
സന്ധിയിലെ ഇന്‍ഫ്ലമേഷന്‍ ചെറിയ വീക്കത്തിന്​ ഇടവരുത്തും. വീക്കം അനുഭവപ്പെടുന്ന ഭാഗത്ത്​ തൊടു​മ്പോള്‍ ചൂടുണ്ടാകും. ദിവസങ്ങള്‍ മുതല്‍ ആഴ്​ചകള്‍ വ​രെ  ഇത്​ നീണ്ടു നില്‍ക്കാം. ഇടക്കിടെ ഈ  വീക്കം ഉണ്ടാകാനും സാധ്യതയുണ്ട്​.

പനി : സന്ധിവേദനയോടും വീക്കത്തോടുമൊപ്പം പനികൂടിയു​ണ്ടെങ്കില്‍ ആമവാതമാണ്​ എന്നതി​​ന്‍റെ ആദ്യ മുന്നറിയിപ്പാണ്​ അത്​. 100 നൂറ്ഡിഗ്രി ഫാരന്‍ഹീറ്റിനേക്കള്‍ ഉയര്‍ന്ന പനി ഉ​ണ്ടെങ്കില്‍ അത്​ അണുബാധയുടെതോ മറ്റേതെങ്കിലും രോഗത്തി​​ന്‍റെയോ ലക്ഷണമാകാം.

തരിപ്പും വിറയലും :ചലന ഞരമ്പുകളിലുണ്ടാകുന്ന ഇന്‍ഫ്ലമേഷന്‍ നാഡികളില്‍ സമ്മര്‍ദം ചെലുത്തും. ഇത്​ തരിപ്പ്​, വേദന തുടങ്ങി വിവിധ പ്രശ്​നങ്ങള്‍ക്കിട വരുത്തും. കൈകള്‍ ക്ക്​ പൊള്ളലേറ്റതു പോലുള്ള തോന്നലുണ്ടാകുകയും ചെയ്യും. നടക്കു​മ്പോള്‍ കൈകാലുകളുടെ സന്ധികളില്‍ നിന്ന്​ പൊട്ടുന്നതു പോലുള്ള ശബ്​ദമുണ്ടാകും.

കൂടുതല്‍ ദൂരം നടക്കാന്‍ സാധിക്കാതിരിക്കുക: സന്ധികളിലുണ്ടാകുന്ന ഇന്‍ഫ്ലമേഷന്‍ മൂലം നാഡികളി​ലെ  ലിഗ്​മെ ന്‍റുകള്‍ വികൃതമാകും. രോഗം പുരോഗമിക്കുന്തോറും​ ചില സന്ധികള്‍ വളക്കുന്നതിനോ നിവര്‍ത്തുന്നതിനോ സാധിക്കില്ല. വേദന മൂലം കൂടുതല്‍ ദൂരം സഞ്ചരിക്കാനും സാധിക്കില്ല. സ്​ഥിരമായി മിതമായ വ്യായാമം ഇത്തരക്കാര്‍ക്ക്​ അത്യാവശ്യമാണ്​.

ഇത്തരം ലക്ഷണങ്ങള്‍ കാണുകയോ ആമവാതമെന്ന്​ സംശയം തോന്നുകയോ ചെയ്യുന്നുണ്ടെങ്കില്‍ നിര്‍ബന്ധമായും ഡോക്​ടറെ കാണണം.

ഉണക്കത്തേങ്ങയുടെ ആരോഗ്യഗുണങ്ങള്‍

ആരോഗ്യത്തിന്‍റെ കാര്യത്തില്‍ ശ്രദ്ധിക്കുന്നവര്‍ അല്‍പം കൂടുതല്‍ ശ്രദ്ധ ഭക്ഷണത്തില്‍ നല്‍കുന്നു. എന്നാല്‍ പലപ്പോഴും ഭക്ഷണത്തില്‍ അമിത ശ്രദ്ധയായാല്‍ അത് ആരോഗ്യത്തെ തകര്‍ക്കുന്നു എന്നതാണ് സത്യം. തേങ്ങ ഉപയോഗിക്കുന്നത് നമ്മുടെയെല്ലാം ശീലങ്ങളില്‍ ഒന്നാണ്. പലപ്പോഴും തേങ്ങയുടെ അമിതോപയോഗം പല വിധത്തിലുള്ള ആരോഗ്യ പ്രശ്നങ്ങളായ കൊളസ്ട്രോള്‍ പോലുള്ള പ്രതിസന്ധികള്‍ക്ക് കാരണമാകും.

എന്നാല്‍ ഉണക്കത്തേങ്ങ ഇത്തരം പ്രതിസന്ധികളെയെല്ലാം ഒഴിവാക്കി ആരോഗ്യത്തിന് വളരെയധികം ഗുണം നല്‍കുന്ന ഒന്നാണ്. പലപ്പോഴും പല വിധത്തിലുള്ള ആരോഗ്യ പ്രശ്നങ്ങള്‍ക്കും പരിഹാരം കാണാന്‍ സഹായിക്കുന്ന ഒന്നാണ് ഉണക്കത്തേങ്ങ. ഇത് കൊളസ്ട്രോള്‍ കുറക്കുകയും ആരോഗ്യം നല്‍കുകയും ചെയ്യുന്നു. ഇതിലുള്ള സാച്ചുറേറ്റഡ് ഫാറ്റ് ആണ് പലപ്പോഴും ആരോഗ്യത്തിന് സഹായിക്കുന്നത്.

നമുക്ക് യാതൊരു സംശയവും കൂടാതെ ഉണങ്ങിയ തേങ്ങ ഉപയോഗിക്കാം ഇതിന് കൊട്ടത്തേങ്ങ എന്നും പറയുന്നു. പച്ചക്കറികളോടൊപ്പവും പായസത്തിനും എല്ലാം കൊട്ടത്തേങ്ങ ഉപയോഗിക്കാം. ഇതിലുള്ള പ്രോട്ടീന്‍ ശരീരത്തിന് ഏറ്റവും അത്യാവശ്യമായിട്ടുള്ള ഒന്നാണ്. ആരോഗ്യത്തിന്റെ കാര്യത്തില്‍ വളരെയധികം സഹായിക്കുന്ന ഒന്നാണ് ഉണക്കത്തേങ്ങ. നിരവധി ആരോഗ്യ ഗുണങ്ങള്‍ ഉണക്കത്തേങ്ങക്കുണ്ട്.  പലപ്പോഴും ഇത്തരം ഗുണങ്ങളെക്കുറിച്ച്‌ നമ്മളില്‍ പലര്‍ക്കും അറിയില്ല. ഇത്തരത്തില്‍ ആരോഗ്യത്തിന് വളരെയധികം സഹായിക്കുന്ന ആരോഗ്യ ഗുണങ്ങള്‍ ഉണക്കത്തേങ്ങക്കുണ്ട്. എന്തൊക്കെയാണവ എന്ന് നോക്കാം.

ആരോഗ്യമുള്ള ഹൃദയം: ഹൃദയത്തിന് ആരോഗ്യത്തിന്‍റെ കാര്യത്തില്‍ വളരെയധികം ശ്രദ്ധിക്കേണ്ടവരാണ് നമ്മളില്‍ പലരും. പ്രത്യേകിച്ച്‌ ഇന്നത്തെ കാലത്ത് പല വിധത്തിലുള്ള മാറ്റങ്ങളാണ് ജീവിത ശൈലിയില്‍ വരുന്നത്. ഇത് ഹൃദയത്തിന്‍റെ  ആരോഗ്യത്തേയും വളരെയധികം ദോഷകരമായി ബാധിക്കും. അതിനാല്‍ ഹൃദയത്തിന് ആരോഗ്യം നല്‍കാന്‍ സഹായിക്കുന്ന മാര്‍ഗ്ഗങ്ങളില്‍ പ്രധാനപ്പെട്ട ഒന്നാണ് ഉണക്കത്തേങ്ങ. ഇതിലുള്ള ഫൈബര്‍ ആരോഗ്യത്തിന് വളരെയധികം സഹായിക്കുന്നു, ഇത് ഹൃദയം ആരോഗ്യത്തോടെയിരിക്കാന്‍ സഹായിക്കുന്നു.

തലച്ചോറിന്‍റെ ആരോഗ്യം : തലച്ചോറിന്‍റെ ആരോഗ്യത്തിന്‍റെ കാര്യത്തില്‍ വളരെയധികം സഹായിക്കുന്ന ഒന്നാണ് ഉണക്കത്തേങ്ങ. ദിവസവും ഉണക്കത്തേങ്ങ നിങ്ങളുടെ ഡയറ്റിന്‍റെ ഭാഗമാക്കൂ. ഇത് നിങ്ങളുടെ തലച്ചോറിന്‍റെ ആരോഗ്യം വര്‍ദ്ധിപ്പിക്കുന്നു. മാത്രമല്ല തലച്ചോറിനെ ബാധിക്കുന്ന പല വിധത്തിലുള്ള ആരോഗ്യ പ്രശ്നങ്ങള്‍ക്കുമുള്ള മുന്‍കരുതലാണ് ഉണക്കത്തേങ്ങ. അല്‍ഷിമേഴ്സ് പോലുള്ള പ്രശ്നങ്ങള്‍ക്ക് പരിഹാരമാണിത്.

രോഗപ്രതിരോധ ശേഷി : രോഗപ്രതിരോധ ശേഷി വര്‍ദ്ധിപ്പിക്കുന്ന കാര്യത്തിലും മുന്നില്‍ തന്നെയാണ് ഉണക്കത്തേങ്ങ. 5.2 മൈക്രോഗ്രാം സെലനിയം ഇതില്‍ അടങ്ങിയിട്ടുണ്ട്. ഇത് രോഗപ്രതിരോധ ശേഷി വര്‍ദ്ധിപ്പിക്കുന്നതിന് മുന്നിലാണ്. നിങ്ങളുടെ ഡയറ്റില്‍ തേങ്ങ ഉള്‍പ്പെടുത്തൂ. അത് നിങ്ങളുടെ രോഗപ്രതിരോധ ശേഷി വര്‍ദ്ധിപ്പിക്കുന്നു. മാത്രമല്ല ഇതിലൂടെ പല രോഗങ്ങളേയും നിങ്ങള്‍ക്ക് ഇല്ലാതാക്കാവുന്നതാണ്.

പുരുഷനിലെ വന്ധ്യത പരിഹരിക്കാന്‍ : പുരുഷന്‍മാരില്‍ എന്നും വില്ലനാവുന്ന ഒന്നാണ് വന്ധ്യത. ഇതിനെ പരിഹരിക്കാനും ഉണക്കത്തേങ്ങയിലൂടെ കഴിയുന്നു. വൈദ്യശാസ്ത്ര രംഗത്ത് തെളിയിക്കപ്പെട്ടിട്ടുള്ള ഒന്നാണ് ഇത്. ദിവസവും ഉണക്കത്തേങ്ങ ഡയറ്റില്‍ ഉള്‍പ്പെടുത്തുന്നതിലൂടെ ശരീരം സെലനിയം ഉത്പാദിപ്പിക്കുന്നു. ഇത് പുരുഷനിലെ വന്ധ്യതെ തടയുന്നു.

അനീമിയക്ക് പരിഹാരം : അനീമിയ കൊണ്ട് ബുദ്ധിമുട്ടുന്നവര്‍ക്കും ഏറ്റവും അത്യാവശ്യമായിട്ട് വേണ്ട ഒന്നാണ് വിളര്‍ച്ച തടയുക എന്നത്. ഇതിന് നല്ലൊരു പരിഹാരമാണ് ഉണക്കത്തേങ്ങ. ഉണക്കത്തേങ്ങ നിറയെ അയേണ്‍ അടങ്ങിയിട്ടുണ്ട്. ഇത് അനീമിയയെ ഇല്ലാതാക്കുകയും ഇതിനെതിരെ പോരാടുകയും ചെയ്യുന്നു. നിങ്ങളുടെ ചോറില്‍ അല്‍പം ഉണക്കത്തേങ്ങ ചേര്‍ത്ത് നോക്കൂ. ഇത് ആരോഗ്യത്തിന് വളരെയധികം സഹായിക്കുകയും വിളര്‍ച്ച തടയുകയും ചെയ്യുന്നു.

ക്യാന്‍സര്‍ സാധ്യത കുറക്കുന്നു : ക്യാന്‍സര്‍ ഇന്നത്തെ രോഗങ്ങളില്‍ എന്നും മുന്നില്‍ നില്‍ക്കുന്ന ഒന്നാണ്. എന്നാല്‍ അതിനെ വരെ തോല്‍പ്പിക്കാന്‍ സഹായിക്കുന്നു ഉണക്കത്തേങ്ങ. ഇത് ക്യാന്‍സര്‍ കോശങ്ങളോട് പൊരുതുന്നു. പ്രോസ്റ്റേറ്റ് ക്യാന്‍സര്‍, കുടലിലെ ക്യാന്‍സര്‍ തുടങ്ങിയവക്കെല്ലാം പരിഹാരം കാണാന്‍ സഹായിക്കുന്ന ഒന്നാണ് ഉണക്കത്തേങ്ങ.

ദഹനസംബന്ധമായ പ്രശ്നങ്ങള്‍ പരിഹരിക്കാന്‍ : ദഹന സംബന്ധമായ പ്രശ്നങ്ങള്‍ക്ക് പരിഹാരം കാണാന്‍ ഉണക്കത്തേങ്ങ കേമനാണ്. ഇത് മലബന്ധം, വയറ്റിലെ മറ്റ് അസ്വസ്ഥതകള്‍ എന്നിവക്കെല്ലാം പരിഹാരം നല്‍കുന്നു. അതുകൊണ്ട് തന്നെ ഇത്തരം പ്രശ്നങ്ങള്‍ക്ക് പരിഹാരം കാണാന്‍ സഹായിക്കുന്ന ഒന്നാണ് ഉണക്കത്തേങ്ങ.

ആര്‍ത്രൈറ്റിസിന് പരിഹാരം : ആര്‍ത്രൈറ്റിസ് പോലുള്ള പ്രശ്നങ്ങള്‍ക്ക് പരിഹാരം കാണാന്‍ ഏറ്റവും മികച്ച ഒന്നാണ് തേങ്ങ. ഇതിലുള്ള മിനറല്‍സാണ് ആര്‍ത്രൈറ്റിസിന് പരിഹാരം നല്‍കുന്നത്. ഇത് ആരോഗ്യമുള്ള ടിഷ്യൂകള്‍ നിര്‍മ്മിച്ച്‌ ആരോഗ്യത്തിന് വളരെയധികം സഹായിക്കുന്നു. അതിലുപരി കാല്‍വേദന, മുട്ടുവേദന എന്നിവക്കെല്ലാം പരിഹാരം നല്‍കുകയും ചെയ്യുന്നു.

കൊളസ്ട്രോളിന്റെ അളവ് കുറക്കുന്നു: കൊളസ്ട്രോളിന്‍റെ അളവ് കുറക്കാന്‍ സഹായിക്കുന്ന ഒന്നാണ് ഉണക്കത്തേങ്ങ. ശരീരത്തിലെ നല്ല കൊളസ്ട്രോളിനെ വര്‍ദ്ധിപ്പിക്കുകയും ചീത്ത കൊളസ്ട്രോളിനെ ഇല്ലാതാക്കുകയും ചെയ്യുന്നു. ഇത് ധമനികളില്‍ അടിഞ്ഞ് കൂടിയിട്ടുള്ള ചീത്ത കൊളസ്ട്രോളിനെയും കൊഴുപ്പിനേയും ഇല്ലാതാക്കുന്നു.

സിങ്കിന്‍റെ കലവറ : സിങ്കിന്‍റെ കലവറയാണ് ഉണങ്ങിയ തേങ്ങ. ഇത് സ്ഥിരമായി കഴിക്കുന്നത് സിങ്കിന്‍റെ  അഭാവം ശരീരത്തിലുണ്ടെങ്കില്‍ അതിനെ ഇല്ലാതാക്കുന്നു. അതിലുപരി ആരോഗ്യത്തിന് വളരെയധികം സഹായിക്കുന്ന ഒന്നാണ് എന്ന കാര്യത്തില്‍ സംശയമില്ലാതെ തന്നെ ഉപയോഗിക്കാവുന്നതാണ്.

കോളിഫ്ളവര്‍ ദിവസവും ഭക്ഷണത്തിന്‍റെ ഭാഗമാക്കാം

കോളിഫ്ളവര്‍ വിദേശിയാണെങ്കിലും അത് ആരോഗ്യത്തിന്‍റെ കാര്യത്തില്‍ വളരെയധികം ഗുണങ്ങളുള്ള ഒന്നാണ്. നമ്മുടെ ഭക്ഷണശീലത്തിന്‍റെ  കാര്യത്തിലും ഭക്ഷണ മേശയില്‍ ഒഴിവാക്കാനാവാത്ത ഒന്നാണ് കോളിഫ്ളവര്‍. ഒരിക്കലും യാതൊരു വിധത്തിലുള്ള ദോഷവശങ്ങളും ഇല്ലെന്ന് തന്നെ ഉറപ്പിച്ച്‌ പറയാം. ധാരാളം വൈറ്റമിന്‍, സിങ്ക്, മഗ്നീഷ്യം, സോഡിയം എന്നിവയെല്ലാം ധാരാളം അടങ്ങിയിട്ടുള്ള ഒന്നാണ് കൊളിഫ്ളവര്‍.

ഹൃദയത്തിന്‍റെ  ആരോഗ്യത്തിനും ഗര്‍ഭകാലത്ത് ആരോഗ്യത്തിനും എല്ലാം കോളിഫ്ളര്‍ ഉത്തമമായ ഒന്നാണ്. കോളിഫ്ളവറിന്‍റെ ആരോഗ്യ ഗുണങ്ങള്‍ വളരെ വലുതാണ്. പച്ചക്കറികളുടെ കൂട്ടത്തില്‍ രാജാവ് എന്ന് വേണമെങ്കില്‍ കോളിഫ്ളവറിനെ വിളിക്കാം. തടി കുറക്കാനും, കൊളസ്ട്രോള്‍ കുറക്കാനും എല്ലാം കോളിഫ്ളവര്‍ സഹായിക്കും.

ദിവസവും ഭക്ഷണത്തില്‍ കോളിഫ്ളവര്‍ ചേര്‍ക്കണം. ഇത് ആരോഗ്യത്തിന്‍റെ കാര്യത്തില്‍ യാതൊരു വിധത്തിലുള്ള കോംപ്രമൈസിനും തയ്യാറാവില്ല. കാരണം അത്രയേറെ ആരോഗ്യ ഗുണങ്ങള്‍ കോളിഫ്ളവറില്‍ അടങ്ങിയിരിപ്പുണ്ട്.

ഹൃദയാരോഗ്യം: ഇന്നത്തെ കാലത്ത് ഹൃദയസംബന്ധമായ പ്രശ്നങ്ങള്‍ കൊണ്ട് ബുദ്ധിമുട്ടുന്നവരാണ് പലരും. ഹൃദയാരോഗ്യം മോശമാവാന്‍ ഒരിക്കലും പ്രായം ഒരു ഘടകമേ അല്ല. എന്നാല്‍ ഇനി ഹൃദയസംബന്ധമായ പ്രശ്നങ്ങള്‍ക്ക് പരിഹാരം കാണാന്‍ സഹായിക്കുന്ന ഒന്നാണ് കോളിഫ്ളര്‍. ഇത് നിങ്ങളുടെ കാര്‍ഡിയോ വാസ്കുലര്‍ പ്രവര്‍ത്തനങ്ങളെയെല്ലാം സഹായിക്കുന്നു. മാത്രമല്ല ഹൃദയത്തില്‍ അടിഞ്ഞ് കൂടുന്ന കൊഴുപ്പിനെ ഇല്ലാതാക്കാനും സഹായിക്കുന്നു കോളിഫഌവര്‍.

കൊളസ്ട്രോള്‍ അളവ് കുറക്കുന്നു:കൊളസ്ട്രോളിന്‍റെ അളവ് കുറക്കാന്‍ ഏറ്റവും മികച്ച പരിഹാരമാര്‍ഗ്ഗമാണ് കോളിഫ്ളവര്‍. ഇതില്‍ നിറയെ ഫൈബര്‍ അടങ്ങിയിട്ടുണ്ട്. ഇത് തന്നെയാണ് കൊളസ്ട്രോള്‍ കുറക്കാന്‍ സഹായിക്കുന്നത്. അതുകൊണ്ട് തന്നെയാണ് കൊളസ്ട്രോളിന്‍റെ അളവ് കുറയുന്നതും. ഇത് ഭക്ഷണത്തില്‍ സ്ഥിരമാക്കിയാല്‍ ധമനികളില്‍ അടിഞ്ഞ് കൂടിയിട്ടുള്ള കൊഴുപ്പ് ഇല്ലാതാവുകയും ചെയ്യുന്നു.

രോഗപ്രതിരോധ ശേഷി വര്‍ദ്ധിപ്പിക്കുന്നു:രോഗപ്രതിരോധ ശേഷി വര്‍ദ്ധിപ്പിക്കുന്ന കാര്യത്തില്‍ കോളിഫ്ളവര്‍ മികച്ച്‌ നില്‍ക്കുന്ന ഒന്നാണ്. ആന്‍റി ഓക്സിഡന്‍റ് ധാരാളം അടങ്ങിയിട്ടുള്ള ഒന്നാണ് കോളിഫ്ളവര്‍. ഇത് ആരോഗ്യത്തിന്‍റെ കാര്യത്തില്‍ വളരെയധികം സഹായിക്കുന്നു. രോഗപ്രതിരോധ ശേഷിക്ക് വര്‍ദ്ധിപ്പിക്കുന്ന കാര്യത്തില്‍ എന്നും മുന്നിലാണ് കോളിഫ്ളവര്‍.

ഗര്‍ഭസ്ഥശിശുവിന്‍റെ വളര്‍ച്ച: ഗര്‍ഭസ്ഥശിശുവിന്‍റെ വളര്‍ച്ചക്ക് അത്യാവശ്യമായിട്ടുള്ള പല ഘടകങ്ങളും ലഭിക്കുന്നത് കോളിഫ്ളവറില്‍ നിന്നാണ്. വിറ്റാമിന്‍ ബി, വിറ്റാമിന്‍ എ എന്നിവയെല്ലാം ഇത്തരത്തില്‍ കുഞ്ഞിന്‍റെ ആരോഗ്യത്തിന് വളരെ അത്യാവശ്യമായിട്ടുള്ള ഒന്നാണ്. ഇതെല്ലാം തന്നെ കോളിഫ്ളവറില്‍ ധാരാളം അടങ്ങിയിട്ടുണ്ട്. ഇത് ഗര്‍ഭപാത്രത്തില്‍ കുഞ്ഞിന്‍റെ  വളര്‍ച്ച വളരെയധികം വേഗത്തിലാക്കുകയും ആരോഗ്യമുള്ളതാക്കി മാറ്റുകയും ചെയ്യുന്നു.

കാല്‍സ്യത്തിന്‍റെ ഉറവിടം: കാല്‍സ്യത്തിന്‍റെ ഉറവിടമാണ് കോളിഫ്ളവര്‍, ഇത് എല്ലിനും പല്ലിനും ആരോഗ്യവും തിളക്കവും നല്‍കുന്നു. അതിലുപരി ശരീരത്തിനാവശ്യമായ എല്ലാ പ്രവര്‍ത്തനങ്ങളേയും ഏകോപിപ്പിക്കുന്നതിനും അതിന് വേണ്ട കരുത്ത് നല്‍കുന്നതിനും സഹായിക്കുന്നു. മാത്രമല്ല നാഡീഞരമ്പുകളുടെ പ്രവര്‍ത്തനത്തിനും ഇത് സഹായിക്കുന്നു.

മിനറല്‍ സോഴ്സ്: മിനറല്‍സ് ധാരാളം അടങ്ങിയിട്ടുള്ള ഒന്നാണ് കോളിഫ്ളവര്‍. സിങ്ക്, മാംഗനീസ്, ഫോസ്ഫറസ്, മഗ്നീഷ്യം എന്നിവയെല്ലാം ധാരാളം അടങ്ങിയിട്ടുണ്ട് കോളിഫ്ളവറില്‍. മാത്രമല്ല ഇവയെക്കൂടാതെ സോഡിയം, സെലനിയം എന്നിവയും ധാരാളം അടങ്ങിയിട്ടുണ്ട്. ഇതെല്ലാം ആരോഗ്യത്തിന് വളരെയധികം സഹായിക്കുന്ന ഒന്നാണ്.

ക്യാന്‍സര്‍ സാധ്യത ഇല്ലാതാക്കുന്നു: ക്യാന്‍സറിനെ കുറക്കാനും ആരോഗ്യം വര്‍ദ്ധിപ്പിക്കാനും ഇനി ശരീരത്തില്‍ ക്യാന്‍സര്‍ കോശങ്ങള്‍ ഉണ്ടെങ്കില്‍ അതിനെ പ്രതിരോധിക്കാനും കോളിഫ്ളവറിന് കഴിയുന്നു. സ്തനാര്‍ബുദം, ശ്വാസകോശാര്‍ബുദം, ഗര്‍ഭപാത്രത്തിലെ ക്യാന്‍സര്‍ എന്നിവയെ എല്ലാം ഇല്ലാതാക്കാന്‍ കോളിഫ്ളവറിന്‍റെ ഉപയോഗത്തിലൂടെ കഴിയുന്നു.

തടി കുറക്കാന്‍സഹായിക്കുന്നു :തടി കുറക്കാന്‍ കഷ്ടപ്പെടുന്നവര്‍ക്ക് നല്ലൊരു പരിഹാര മാര്‍ഗ്ഗമാണ് കോളിഫ്ളവര്‍. തടി കുറക്കുന്നവരുടെ ഡയറ്റ് ലിസ്റ്റില്‍ ഏറ്റവും ആദ്യം ഉള്‍പ്പെടുത്തേണ്ട ഒന്നാണ് ഈ പച്ചക്കറി എന്ന കാര്യത്തില്‍ സംശയമില്ല. വിറ്റാമിന്‍ സി ധാരാളം അടങ്ങിയിട്ടുണ്ട് ഇതില്‍. അതുകൊണ്ട് തന്നെ കൊഴുപ്പിനെ ഇല്ലാതാക്കാന്‍ വിറ്റാമിന്‍ സി സഹായിക്കുന്നു. ഇത് കലോറി കുറക്കുകയും ആരോഗ്യത്തിന് സഹായിക്കുകയും ചെയ്യുന്നു.

ടോക്സിനെ പുറന്തള്ളുന്നു: ടോക്സിനെ പുറന്തള്ളുന്നതിനും ഏറ്റവും മികച്ച മാര്‍ഗ്ഗമാണ് ഇത്. കോളിഫ്ളവര്‍ ആരോഗ്യത്തിന് വളരെ സഹായിക്കുന്നു. എന്നതിലുപരി ശാരീരിക പ്രവര്‍ത്തനത്തിന്‍റെ ഫലമായി ശരീരത്തില്‍ അടിഞ്ഞ് കൂടുന്ന കൊഴുപ്പിനേയും വിഷാംശങ്ങളേയും പുറന്തള്ളുന്നതിനും വളരെയധികം സഹായിക്കുന്ന ഒന്നാണ് കോളിഫ്ളവര്‍.

വിറ്റാമിന്‍ കെ ധാരാളം: കോളിഫഌവറില്‍ വിറ്റാമിന്‍ കെ ധാരാളം അടങ്ങിയിട്ടുണ്ട്. ഇത് നിങ്ങളുടെ ഭക്ഷണശീലത്തിന്‍റെ ഭാഗമാണ് എന്ന കാര്യത്തില്‍ സംശയമേതും വേണ്ട. കാരണം നാം കഴിക്കുന്ന ഭക്ഷണത്തില്‍ നിന്നും വേണം വിറ്റാമിന്‍ കെ ശരീരത്തിന് ലഭിക്കേണ്ടത്. ശരീരത്തില്‍ ആവശ്യത്തിന് വിറ്റാമിന്‍ കെ ഇല്ലെങ്കില്‍ അത് പല വിധത്തിലുള്ള ബുദ്ധിമുട്ടുകളും നിങ്ങളില്‍ ഉണ്ടാക്കുന്നു.

കടപ്പാട് : ഇൻഫോ മാജിക്