ആരോഗ്യകാര്യങ്ങള്‍
ആരോഗ്യകാര്യങ്ങള്‍
- കുട്ടികളിലെ അമിതവണ്ണം എന്ന വില്ലന്‍
- സുഗന്ധവ്യജ്ഞനങ്ങള്‍ ഉപയോഗിക്കുന്നതിന്‍റെ ഗുണങ്ങള്‍
- ജലദോഷത്തില്‍ നിന്ന് രക്ഷ നേടാം
- തഴുതാമ എന്ന പുനര്‍നവ
- ഓജസ്സും തേജസ്സും നിലനിര്‍ത്താന്‍ ആയുര്‍വേദം
- മഴക്കാലം പനിക്കാലം
- പപ്പായ ഉപയോഗിക്കൂ, രോഗങ്ങളെ അകറ്റൂ
- സൗന്ദര്യത്തിനും ആരോഗ്യത്തിനും നല്ല ഭക്ഷണം
- പ്രഭാതഭക്ഷണം ഒഴിവാക്കരുതേ..
- തുളസിയിട്ട പാല്‍.
കുട്ടികളിലെ അമിതവണ്ണം എന്ന വില്ലന്‍
മുതിര്‍ന്നവരില്‍ മാത്രമല്ല കുട്ടികളിലും പലപ്പോഴും അമിതവണ്ണം ആരോഗ്യ പ്രശ്നങ്ങള്‍ സൃഷ്ടിക്കും. മുതിര്‍ന്നവരിലുള്ളതിനേക്കാള്‍ അല്‍പം കൂടി ഗുരുതര മായിരിക്കും. ഇന്നത്തെ കാലത്തെ ജീവിതശൈലിയും ഭക്ഷണ രീതിയുമാണ് ഇതിന്‍റെ പ്രധാന കാരണം. അമിതവണ്ണക്കാരായ കുട്ടികള്‍ക്ക് ആരോഗ്യം കുറവാ ണെന്നതും ഒരു പ്രധാന ഘടകമാണ്.
മുലപ്പാലിന്‍റെ അഭാവമാണ് കുട്ടികളുടെ അമിതവണ്ണത്തിന്‍റെ പ്രധാന കാരണം. കുട്ടികളില്‍ ആരോഗ്യമുണ്ടാക്കാനുള്ള ഏറ്റവും നല്ല വഴിയാണ് മുലപ്പാല്‍. ഇതിന് അമിതവണ്ണത്തെ തടയാനുള്ള ശേഷിയുണ്ട്. ഇത് കുട്ടികളിലെ മെറ്റബോളിസത്തിന്‍റെ അളവ് കൃത്യമാക്കുന്നു. കുട്ടികള്‍ക്ക് ഒരു പ്രായംവരെ മുലപ്പാല്‍ നല്‍കേണ്ടത് അത്യാവശ്യമാണ്.
കുട്ടികള്‍ ഭക്ഷണം കഴിക്കാന്‍ തുടങ്ങിയാല്‍ പെട്ടന്ന് ദഹിക്കാന്‍ പാക ത്തിലുള്ള ഭക്ഷണം കൊടുക്കാന്‍ കഴിവതും ശ്രമിക്കുക. കുട്ടികള്‍ക്ക് വളര്‍ച്ച ക്കാവശ്യമായ പച്ചക്കറികളും പഴവര്‍ഗ്ഗങ്ങളും കൊടുക്കാന്‍ പ്രത്യേകം ശ്രദ്ധ പതിപ്പിക്കണം.
ധാന്യങ്ങളും കുട്ടികളുടെ വളര്‍ച്ചക്ക് അത്യാവശ്യമാണ്. അതുകൊണ്ട് തന്നെ ഒരു പ്രത്യേക പ്രായമായാല്‍ ധാന്യങ്ങളും കൊടുക്കാന്‍ ശ്രദ്ധിക്കുക. ഉയര്‍ന്ന കലോറി അടങ്ങിയ ജങ്ക്ഫുഡ്ഡിനെ അകറ്റി നിര്‍ത്താന്‍ പ്രത്യേകം ശ്രദ്ധിക്കുക.
സോഡയും സോഫ്റ്റ് ഡ്രിങ്കുകളും ഒരിക്കലും കുട്ടികളില്‍ അടുപ്പിക്കരുത്. പ്രത്യേകിച്ച് കുട്ടികളില്‍ അമിതവണ്ണം വരുത്തുന്നതില്‍ ഇത് മുന്‍പിലാണ്. നാരുകള്‍ അടങ്ങിയ ഭക്ഷണം കൂടുതല്‍ നല്‍കാന്‍ ശ്രമിക്കുക. ഇത് കുട്ടികളുടെ വളര്‍ച്ചക്ക് അത്യാവശ്യമാണ്.
അമിത ഭക്ഷണം എന്ന ശീലം കുട്ടികളില്‍ നിന്ന് മാറ്റിയെടുക്കുക. വിശപ്പി നാവശ്യമുള്ള ഭക്ഷണം മാത്രം കൊടുത്ത് ശീലിപ്പിക്കുക. ആവശ്യമില്ലാതെ അമിതമായ രീതിയില്‍ ഭക്ഷണം കഴിക്കാന്‍ നല്‍കുന്നത് ഒബേസിറ്റിയുടെ പ്രധാന കാരണങ്ങളില്‍ ഒന്നാണ്.
വീട്ടില്‍ നിന്നും ഭക്ഷണം പാകം ചെയ്ത് കൊടുക്കുക. പുറത്തുനിന്നുള്ള ഭക്ഷണ ശീലത്തെ ഒരിക്കലും പ്രോത്സാഹിപ്പിക്കരുത്. ഇത് കുട്ടികളുടെ ആരോഗ്യത്തെ വളരെ പ്രതികൂലമായി തന്നെയാണ് ബാധിക്കുക.
സുഗന്ധവ്യജ്ഞനങ്ങള്‍ ഉപയോഗിക്കുന്നതിന്‍റെ ഗുണങ്ങള്‍
ചുവപ്പ്, മഞ്ഞ, പച്ച, ബ്രൗണ്‍, കറുപ്പ് തുടങ്ങി പല നിറങ്ങളില്‍, പല രുചികളില്‍ മനുഷ്യന് ഒഴിച്ച്കൂടാനാവാത്ത തരത്തിലാണ് ഇന്ത്യന്‍ സുഗന്ധ വ്യജ്ഞനങ്ങളുടെ ലോകം. ചെറിയ റായി മുതല്‍ കാലിമിരി വരെ, ആകര്‍ഷകമായ കേസര്‍ മുതല്‍ മഞ്ഞള്‍ വരെ. അങ്ങനെ സുഗന്ധവ്യജ്ഞനങ്ങള്‍ ഇന്ത്യയൊട്ടാകെ സ്ഥാനം പിടിച്ചിരിക്കുന്നു. ഇവ നമുക്ക് പൂര്‍ണ്ണത നല്‍കുന്നു. ഓരോ പാചകക്കാ രനും ഉപ്പിനു നല്‍കുന്നത്പോലെ പ്രാധാന്യം സുഗന്ധവ്യജ്ഞനങ്ങള്‍ക്കും നല്‍കുന്നു. അത്തരത്തില്‍ അതിശയിപ്പിക്കുന്ന ഒരു സുഗന്ധവ്യജ്ഞനമാണ് കറുവാപ്പട്ട. ഇവ നീളമുള്ള കമ്പുപോലെയാണ്. അതുകൊണ്ട് തന്നെ നിങ്ങള്‍ ഒരു പാചകവിദഗ്ദന്‍ അല്ലെങ്കില്‍ അപൂര്‍വ്വമായി മാത്രമെ ഇവയുടെ സാന്നിധ്യം ഭക്ഷണത്തില്‍ നിന്നും തിരിച്ചറിയൂ. എന്നാല്‍ സുഗന്ധവ്യജ്ഞനങ്ങള്‍ സാമ്പത്തി കമായും രുചിപരമായും അവയുടെ കര്‍മ്മങ്ങള്‍ നിറവേറ്റുന്നു. കറുവാപ്പട്ട ഹൃദയത്തിന് നല്ലതാണ്. ദിവസവും ഒരു സ്പൂണ്‍ കറുവാപ്പട്ട കഴിക്കുന്നത് നിങ്ങളുടെ ശരീരത്തിലെ എല്‍.ഡി.എല്‍ കൊളസ്ട്രോള്‍ കുറക്കുമെന്ന് പഠനങ്ങള്‍ ചൂണ്ടിക്കാണിക്കുന്നു. ഇത് പ്രമേഹത്തെ നിയന്ത്രിക്കുന്നു. കറുവാപ്പട്ടക്ക് രക്ത ത്തിലെ ഗ്ലൂക്കോസിന്‍റെ അളവ് നിയന്ത്രിക്കാനുള്ള കഴിവുണ്ട്. അതിനാല്‍ ടൈപ്പ് 2 പ്രമേഹം ഉള്ളവര്‍ക്ക് ഇത് വളരെ നല്ലതാണ്. ഇത് ബാക്ടീരിയയുടെ വളര്‍ച്ച തടഞ്ഞ് ഭക്ഷണം കേടുകൂടാതെ സൂക്ഷിക്കുന്നു. അത്കൊണ്ട് ഇതിനെ പ്രകൃതിദത്ത കെമിക്കല്‍ എന്നും വിളിക്കാം. ഇത് ഫലപ്രദമാകാനായി ചെറിയ അളവില്‍ ഉപയോഗിക്കണം. അധികമായാല്‍ ഫലവും വിപരീതമാവും. മറ്റൊരു സുഗന്ധവ്യജ്ഞനമാണ് കായം അഥവാ ഹിംഗ്. ഇത് സാധാരണയായി മണത്തിനാണ് ഉപയോഗിക്കുന്നത്. ആരോഗ്യപ്രദമായ ഒരു സുഗന്ധവ്യജ്ഞന മാണിത്. വില്ലന്‍ചുമ, ആസ്മ, ബ്രോങ്കൈറ്റ്സ് തുടങ്ങിയ ശ്വാസകോശ രോഗങ്ങ ളുടെ ചികിത്സക്കായി ഉപയോഗിക്കുന്നു. ഇത് സ്ത്രീകളിലെ വന്ധ്യത, ഗര്‍ഭഛിദ്രം, അമിതമായ ആര്‍ത്തവം തുടങ്ങിയവയുടെ ചികിത്സക്കായും ഉപയോഗിക്കുന്നു.
ജലദോഷത്തില്‍ നിന്ന് രക്ഷ നേടാം
കാലാവസ്ഥ പെട്ടന്നൊന്ന് മാറിയാല്‍ ഉടന്‍ തുമ്മലും മൂക്കൊലിപ്പും ശരീരവേദനയും പിടിമുറുക്കും. പലരുടെയും പ്രശ്നമാണ് അടിക്കടി ഓടിയെത്തുന്ന ജലദോഷം. ഒരു മഴ നനയുകയോ മഴക്കാലമാവുകയോ ചെയ്താല്‍ പിന്നെ പറയുകയും വേണ്ട. വീട്ടില്‍ തളര്‍ന്ന് കുത്തിയിരിക്കുന്ന സമയത്ത് ഉടന്‍ ഇംഗ്ലീഷ് മരുന്നിലേക്ക് തിരിയുന്നവരാണ് നാം എല്ലാം. എന്നാല്‍ പെട്ടന്നുണ്ടാവുന്ന താരതമ്യേന വലിയ പ്രശ്നക്കാരനല്ലാത്ത ڇകോള്‍ഡിڈനെ നേരിടാന്‍ വീട്ടുമരുന്നുകള്‍ക്ക് കഴിയും. ഉടന്‍ പാരസെറ്റാമോളുമായി തുമ്മലും മൂക്കൊലിപ്പും നേരിടുന്നതിന് പകരം ഈ മാര്‍ഗ്ഗങ്ങള്‍ പരീക്ഷിക്കാവുന്നതാണ്.
കൂടുതല്‍ വെള്ളം ശരീരത്തിന് ലഭ്യമാക്കുക. ദ്രാവകരൂപത്തിലുള്ള എന്തും ശരീരത്തിന് നല്ലതാണ്. തിളപ്പിച്ചാറിയ വെള്ളം, ഇഞ്ചിയിട്ട ചായ, മഞ്ഞള്‍ ചേര്‍ത്ത ചൂട് പാല്‍ തുടങ്ങി തണുത്തത് അല്ലാത്ത പാനീയങ്ങള്‍ യഥേഷ്ടം കുടിക്കുക. ഉപ്പുവെള്ളം കവിള്‍ കൊള്ളുന്നതും ജലദോഷത്തെ പ്രതിരോധിക്കാന്‍ സഹായിക്കും.
ഇടക്കിടക്ക് വായില്‍ ചൂടുവെള്ളത്തില്‍ മുക്കിയ തുണി വെക്കുന്നതും നല്ലതാണ്. തേനും ഉള്ളിയും ചാലിച്ച് സിറപ്പായി കുടിക്കുന്നതും ജലദോഷം പെട്ടന്ന് ഭേദമാക്കാന്‍ സഹായിക്കും. ആവി പിടിപ്പിക്കുന്നത് മൂക്കടപ്പ് തടയാനും ശ്വാസതടസ്സം ഒഴിവാക്കാനും സഹായിക്കും. ബാം നെഞ്ചിലും മൂക്കിലും തലയിലും പുരട്ടുന്നതും പെട്ടന്ന് ജലദോഷത്തില്‍ നിന്ന് രക്ഷപ്പെടാന്‍ സഹായി ക്കും. തുളസിയില അരച്ച് പുരട്ടുന്നതും ഉത്തമമാണ്.
തഴുതാമ എന്ന പുനര്‍നവ
പ്രത്യേക പരിചരണയൊന്നും ഇല്ലാതെ തന്നെ വീട്ടുമുറ്റത്ത് ധാരാളമായി വളര്‍ന്നിരുന്ന ഔഷധ സസ്യമാണ് തഴുതാമ. തഴുതാമക്ക് പുനര്‍നവയെന്നാണ് സംസ്കൃതത്തില്‍ പേര്. ഒട്ടനേകം ഗുണങ്ങള്‍ ഈ സസ്യത്തിനുണ്ട്. മഴക്കാ ലത്ത് സമൃദ്ധമായി ഇവ വളരും. തഴുതാമ ഇലകളും തണ്ടും ചേര്‍ത്ത് സ്വാ ദിഷ്ടമായ തോരന്‍ തയ്യാറാക്കാം. തഴുതാമയിലകൊണ്ട് തയ്യാറാക്കുന്ന സൂപ്പ് ആരോഗ്യദായകമാണ്.
തഴുതാമയില രക്തക്കുറവ് പരിഹരിക്കുന്നതിനും ശരീരത്തിലെ നീര്‍ക്കെട്ടും വേദനയും ഇല്ലാതാക്കുന്നതിനും നല്ലതാണ്. രോഗപ്രതിരോധശക്തി ലഭിക്കും. മഞ്ഞപ്പിത്തവും വൃക്കരോഗങ്ങളും വരാതിരിക്കുന്നതിനും തഴുതാമയുടെ ഉപയോ ഗം ഗുണം ചെയ്യുന്നു. തഴുതാമയിലയിട്ട് തിളപ്പിച്ച വെള്ളം ദാഹശമിനിയായി ഉപയോഗിക്കാവുന്നതാണ്. ഇത് മൂത്രതടസ്സം മാറുന്നതിനും വൃക്കയുടെ ആരോഗ്യ ത്തിനും അത്യുത്തമമാണ്. നല്ല വിശപ്പും ഉേډഷവും പ്രദാനം ചെയ്യുന്നതിനും ഇത് സഹായിക്കുന്നു.
ശരീരത്തിലടിഞ്ഞുകൂടിയ മാലിന്യങ്ങള്‍ നീക്കം ചെയ്യാനും ഉദരസംബന്ധ മായ അസുഖങ്ങള്‍ ഇല്ലാതാക്കാനും തഴുതാമക്ക് കഴിയും.
തടി കുറക്കാനും ശരീരത്തില്‍ കെട്ടിക്കിടക്കാനിടയുള്ള അനാവശ്യദ്രാവക ങ്ങളുടെ നിര്‍മാര്‍ജനത്തിനും സഹായിക്കുന്നു. ആരോഗ്യവും ഓജസ്സും വര്‍ദ്ധിപ്പി ക്കാനും ഉപകരിക്കും. പ്രതിരോധശക്തി വര്‍ദ്ധിപ്പിക്കുന്നതിനും ടെന്‍ഷന്‍ കുറക്കാനും സഹായിക്കും. ഹൃദ്രോഗനിവാരണത്തിന് നന്ന്.
ഓജസ്സും തേജസ്സും നിലനിര്‍ത്താന്‍ ആയുര്‍വേദം
ലോകത്തിലെ ഏറ്റവും പഴക്കമുള്ള ചികിത്സാരീതിയാണ് ആയുര്‍വേദം. ആയുര്‍വേദം എന്ന വാക്കിനെ പല രീതിയില്‍ വ്യാഖ്യാനിക്കാം. ആയുസ്സി ന്‍റെ അറിവെന്നോ ആയുസ്സിന് വേണ്ടിയുള്ള ശാസ്ത്രമെന്നോ എങ്ങനെ ആയാലും ആയുസ്സും ആരോഗ്യവും നിലനിര്‍ത്താന്‍ ആയുര്‍വേദത്തിന് സാധിക്കുമെന്ന് ഇതിനകം തെളിയിക്കപ്പെട്ടതാണ്. ആരോഗ്യത്തെക്കുറിച്ച് വേവലാതിപ്പെടാത്ത ആളുകള്‍ കുറവാണ്. ശരീരത്തിന്‍റെ ഓജസ്സും തേജസ്സും നിലനിര്‍ത്താനും വീണ്ടെടുക്കാനും ആയുര്‍വേദത്തില്‍ പ്രത്യേക ചികിത്സശാഖ തന്നെയുണ്ട്. ആയുര്‍വേദത്തിലെ രസായന ചികിത്സ കൊണ്ട് യൗവനം നിലനിര്‍ത്താന്‍ കഴിയും. ആയുര്‍വേദത്തിലെ എട്ട് ചികിത്സാശാഖ കളില്‍ ഒന്നാണ് ഇത്. രസായന ചികിത്സക്ക് ആയുര്‍വേദം നല്‍കുന്ന വ്യാഖ്യാനം പുനര്‍ജീവനം എന്നാണ്.
സംസ്കൃതത്തില്‍ രസമെന്നാല്‍ സത്ത് എന്നും അയനം എന്നാല്‍ പാത എന്നുമാണ് അര്‍ഥം. രസായന ചികിത്സയുടെ ലക്ഷ്യം നഷ്ടപ്പെട്ട ഓജസ്സ് വീണ്ടെടുക്കുക, ദീര്‍ഘായുസ്സ് നല്‍കുക എന്നിവയാണ്. ആയുര്‍വേദ ചികിത്സയില്‍ ശരീരത്തിനാകമാനമുള്ള ചികിത്സയാണ് നല്‍കുന്നത്. പ്രകൃതിയുമായി ബന്ധപ്പെട്ടതാണ് ആയുര്‍വേദ ചികിത്സരീതികളൊക്കെ.
ഇന്നത്തെ തിരക്കു നിറഞ്ഞ ജീവിത്തില്‍ സന്തോഷവും, സൗഖ്യവും ആരോഗ്യവും തിരിച്ചറിയാനും വീണ്ടെടുക്കാനും ആയുര്‍വേദത്തിന് സഹായി ക്കാന്‍ കഴിയും. ആയുര്‍വേദ കൃതികളില്‍ പറയുന്നത് ഇന്ദ്രിയങ്ങളെ ഉണര്‍ത്താനും കോശങ്ങളെ പുനര്‍ജീവിപ്പിക്കാനും അതിലൂടെ ആരോഗ്യം നിലനിര്‍ത്താനും ആയുസ്സ് വര്‍ദ്ധിപ്പിക്കാനും യൗവനം കാത്തുസൂക്ഷിക്കാനും രസായന ചികിത്സയിലൂടെ സാധിക്കുമെന്നാണ്.
ഇന്ന് വ്യാപകമായി പ്രയോഗത്തിലുള്ള രസായന ചികിത്സ പഞ്ചകര്‍മ്മ ചികിത്സയാണ്. ശരീരത്തിലെ മാലിന്യങ്ങളെ പുറംതള്ളി നവജീവനം നല്‍കുക എന്നതാണ് പഞ്ചകര്‍മ്മ ചികിത്സയുടെ ലക്ഷ്യം. ശരീരത്തിന് പ്രകൃത്യാ തന്നെയുള്ള രീതികളും അവസ്ഥയുമുണ്ട്. അത് വീണ്ടെടുക്കു ന്നതിലൂടെ ശരീരത്തിന്‍റെ രോഗാവസ്ഥ മാറി ആരോഗ്യവും സൗന്ദര്യവും നിലനിര്‍ത്താമെന്നതാണ് മെച്ചം. രോഗങ്ങള്‍ ഒഴിവാകുന്ന അവസ്ഥയെത്തു മ്പോള്‍ ശരീരത്തിലെ നാഡികള്‍ ഉത്തേജിപ്പിക്കപ്പെടുകയും മാനസികമായ ആരോഗ്യം മെച്ചപ്പെടുകയും ചെയ്യും. മാനസികാരോഗ്യമാണ് ശാരീരികാരോ ഗ്യത്തിന്‍റെ പ്രധാന മാനദണ്ഡമെന്നാണ് ആയുര്‍വേദ മതം.
രസായന ചികിത്സയുടെ നേട്ടങ്ങള്‍
ശരീരത്തിന്‍റെ യൗവനവും ഓജസ്സും നിലനിര്‍ത്തുന്നു.
ആരോഗ്യവും ദീര്‍ഘായുസ്സും നല്‍കുന്നു.
ശാരീരികവും മാനസികവുമായ ഉണര്‍വ് ലഭ്യമാക്കുന്നു.
ചര്‍മസൗന്ദര്യം വര്‍ധിപ്പിക്കുന്നു.
ഓര്‍മശക്തി കൂട്ടുന്നു.
പ്രതിരോധശേഷി വര്‍ധിപ്പിക്കുന്നു.
ഇന്ദ്രിയങ്ങളുടെ പ്രവര്‍ത്തനശേഷി മെച്ചപ്പെടുത്തുന്നു.
മഴക്കാലം പനിക്കാലം
മഴക്കാലം എന്നും ആഹ്ലാദകരങ്ങളാണ്. അതുപോലെ സൂക്ഷിച്ചില്ലെങ്കില്‍ ദുഖകരമാവുമെന്ന പ്രത്യേകതയുമുണ്ട്. രോഗകാരികളുടെ വരവ് വെള്ളത്തിന്‍റെ യും, കൊതുകുകളുടെയും ഈച്ചകളുടെയും രൂപത്തില്‍ വ്യാപിക്കുന്ന സമയം കൂടിയാണ്. അതുകൊണ്ട്തന്നെ വൃത്തി കുറയുന്നത് അസുഖം വിളിച്ച് വരുത്തും. ഡങ്കുപോലുള്ള അസുഖങ്ങള്‍ വ്യാപിക്കുന്ന സമയം കൂടിയാണിത്.
കൈകഴുകുക
ഏത് രോഗമായാലും അത് പകരാന്‍ നമ്മുടെ കൈകളും ഒരു പങ്ക്
വഹിക്കുന്നു. കൈകള്‍ വൃത്തിയായി കഴുകുന്നതോടെ അങ്ങനെ വരാന്‍ സാധ്യതയുള്ള രോഗങ്ങളില്‍ നിന്ന് രക്ഷ നേടാം. ബാക്ടീരിയായും മറ്റും കൈകളിലൂടെ നിങ്ങളിലേക്കെത്താം. അസുഖമുള്ളവര്‍ സ്പര്‍ശി ച്ചിടത്ത് പൊതു സ്ഥലങ്ങളിലാവുമ്പോള്‍ നമ്മളും സ്പര്‍ശിക്കുന്നുണ്ടാ വാം. അത് രോഗത്തിലേക്ക് നയിക്കാം. അതിനുള്ള പ്രതിവിധി സാധിക്കുമ്പോഴൊക്കെ കൈകള്‍ സോപ്പിട്ട് കഴുകുക എന്നതാണ്.
മലിനജലത്തില്‍ നിന്നകലെ
മഴക്കാലമാവുന്നതോടെ കെട്ടിക്കിടക്കുന്ന മലിനജലവും ഓടപൊട്ടിയെ ത്തുന്ന മലിനജലവും ഒരു കാഴ്ചയാണ്. ഇതൊക്കെ ജലത്തില്‍ നിന്ന് രോഗം പകരുന്നതിന് കാരണമാകും. ഡയറിയ, കോളറ, ഫംഗസ് അസുഖങ്ങള്‍ തുടങ്ങിയവ എല്ലാം തന്നെ മലിനജലത്തിലൂടെ എത്തു ന്നവയാണ്. മലിനജലത്തില്‍ ഇറങ്ങേണ്ടി വരുന്ന സാഹചര്യം കൂടുത ലാണ്. അതുകൊണ്ട്തന്നെ ചെരുപ്പുകളും മറ്റും ഉപയോഗശേഷം വൃത്തിയായി സൂക്ഷിക്കുക. ഉണക്കി സൂക്ഷിക്കാന്‍ മഴക്കാലത്ത് ബുദ്ധിമുട്ടാണ്. വീട്ടിലെത്തിയാല്‍ കാലും മറ്റും സോപ്പിട്ട് കഴുകുകയും വേണം. റബ്ബര്‍ ഷൂസുകള്‍ ഒരു പരിധിവരെ സംരക്ഷണമൊരുക്കും.
തെരുവോര ഭക്ഷണം.
വളരെ രുചിയോടെ കഴിക്കുന്ന തെരുവോര ഭക്ഷണം ഏറെ സൂക്ഷിക്കേ ണ്ട സമയങ്ങളാണ് ജലദൗര്‍ലഭ്യമുള്ള സമയവും ജല ധാരാളിത്തമുള്ള സമയവും. ഈ രണ്ട് സമയങ്ങളും അസുഖങ്ങള്‍ വരാന്‍ സാധ്യത ഏറെയാണ്. തുറസായ സ്ഥലങ്ങളില്‍ പാചകം ചെയ്യുന്ന ആഹാരസാ ധനങ്ങള്‍ വായു, ജലമലിനീകരണം മൂലം അസുഖവാഹകരാകുന്നുണ്ട്. ബാക്ടീരിയ ഇവിടെ രോഗഹേതു ആകുന്നുണ്ട്. എപ്പോഴും നല്ലത് ശുദ്ധ വും വീട്ടിലുണ്ടാക്കുന്നതുമായ ആഹാരസാധനങ്ങള്‍ തന്നെയാണ്.
കൊതുകുകള്‍ അകലെ.
മണ്‍സൂണ്‍കാലം കൊതുകിന്‍റെ കാലംകൂടിയാണ്. കെട്ടിക്കിടക്കുന്ന ജലം വ്യാപകമാകുന്നതോടെ കൊതുകുകള്‍ പെരുകും. ഇത് സര്‍വ്വ സാധാര ണമാണ്. എന്നാല്‍ ഇതില്‍ നിന്നും രക്ഷപ്പെടുന്നതില്‍ വിജയിക്കാനാവു ന്നില്ലെന്നതാണ് രോഗമുണ്ടാവാന്‍ കാരണം. വീട് വൃത്തിയാക്കുകയാണ് കൊതുകിനെ അകറ്റാന്‍ അത്യന്താപേക്ഷിതമായിട്ടുള്ളത്. വടിന്‍റെ മുക്കും മൂലയും വൃത്തിയാക്കണം. കഴുകാനുള്ള വസ്ത്രങ്ങള്‍ അടപ്പുള്ള ബക്കറ്റുകളിലോ മറ്റോ സൂക്ഷിക്കുക. ഫല്‍വര്‍ പോട്ട് പോലെ കെട്ടിക്കിടക്കുന്ന വെള്ളമുള്ളവ വൃത്തിയായി ഈ സീസണ്‍ കഴിയും വരെയെങ്കിലും അടച്ച് സൂക്ഷിക്കുക. വീട്ടിലും പുറത്തും കൊതുകുകടി ഏല്‍ക്കാതെ സൂക്ഷിക്കുക. കൊതുകുവല ഉപയോഗിക്കുക.
കാപ്സിക്കം ഒഴിവാക്കരുത്
ജീവിതരീതികളാണ് മനുഷ്യരെ രോഗികളാക്കുന്നതില്‍ വലിയ പങ്ക് വഹി ക്കുന്നത്. അനാരോഗ്യകരമായ ഭക്ഷണരീതികള്‍ ഹൈപ്പര്‍ടെന്‍ഷനും ഡയബറ്റീ സിനും ഹൃദയസംബന്ധിയായ രോഗങ്ങള്‍ക്കും കാരണമാകുന്നു. കാപ്സിക്കം ഉപയോഗിക്കുന്നതിലൂടെ പൊണ്ണത്തടിയും ഡയബറ്റീസും കുറയുന്നതായി പഠനം ചൂണ്ടിക്കാണിക്കുന്നു.
മഞ്ഞയും ചുവപ്പും നിറത്തിലുള്ള കാപ്സിക്കം കഴിക്കുന്നവരില്‍ കാര്‍ബോ ഹൈഡ്രേറ്റിന്‍റെയും കൊഴുപ്പിന്‍റെയും ദഹനം മന്ദഗതിയിലാക്കുന്നതായാണ് ശാസ്ത്രജ്ഞډാരുടെ കണ്ടെത്തല്‍. ഹൈപ്പര്‍ഗ്ലൈക്കേമിയയും ഹൈപ്പര്‍ ലിപ്പിഡെ മിയയ്ക്കുള്ള സാധ്യത ഇതോടെ കുറയുന്നതായും പഠനത്തില്‍ പറയുന്നു.
സലാഡുകളില്‍ അധികം പാകമാകാത്ത കാപ്സിക്കം ഉപയോഗിക്കുന്ന താണ് ആരോഗ്യത്തിന് ഉത്തമം. പച്ച നിറത്തിലുള്ള കാപ്സിക്കത്തേക്കാള്‍ ചുവപ്പും മഞ്ഞയും നിറത്തിലുള്ള കാപ്സിക്കത്തിനാണ് പോഷകമൂല്യം കൂടുതല്‍.
പപ്പായ ഉപയോഗിക്കൂ, രോഗങ്ങളെ അകറ്റൂ
സൗന്ദര്യവര്‍ദ്ധകവസ്തുവായി പൊതുവെ അറിയപ്പെടുന്ന പഴമാണ് പപ്പായ. എന്നാല്‍ സൗന്ദര്യവര്‍ദ്ധനവിന് മാത്രമല്ല വിവിധതരം രോഗങ്ങളില്‍ നിന്ന് മുക്തി നേടുന്നതിനും ഉത്തമ ഔഷധമാണ് പപ്പായ. ഒരിക്കല്‍ ഉപയോഗിച്ച് കഴിഞ്ഞാല്‍ പപ്പായ ഇഷ്ടപ്പെടാത്തവര്‍ ചുരുക്കമാണ്. എന്നാല്‍ എല്ലാവര്‍ക്കും ഇത് ഇഷ്ടപ്പെ ടണമെന്നും ഇല്ല. പപ്പായ പഴം മാത്രമല്ല. ചെടിയുടെ വിവധ ഭാഗങ്ങളും അമൂല്യ മായി കരുതേണ്ടവയാണ്.
ദഹനസംബന്ധിയായ പ്രശ്നങ്ങള്‍ക്ക് ഉത്തമ ഔഷധമാണ് പപ്പായ . പപ്പായ യില്‍ അടങ്ങിയിരിക്കുന്ന പാപ്പൈയിന്‍ എന്ന എന്‍സൈമാണ് ദഹനത്തിന് സഹായിക്കുന്നത്. ദഹനപ്രശ്നങ്ങളും മലബന്ധവും പരിഹരിക്കുന്നതിന് ഒരു ഗ്ലാസ് പപ്പായ ജ്യൂസ് കുടിക്കുന്നത് ഉത്തമമാണ്. ഇത് മുമ്പ് തന്നെ ഇത്തരം പ്രശ്നങ്ങള്‍ പരിഹരിക്കാന്‍ വീടുകളില്‍ ഉപയോഗിച്ചു പോന്നിരുന്ന ഒരു ഒറ്റമൂലിയാണ്.
തീപ്പൊള്ളല്‍ ഏറ്റുള്ള വ്രണങ്ങള്‍ ശമിപ്പിക്കാനും പപ്പായയില്‍ അടങ്ങിയിരി ക്കുന്ന മറ്റ് എന്‍സൈമുകള്‍ സഹായകരമാണ്. ആന്‍റി ഓക്സിഡന്‍സിനാല്‍ സമ്പുഷ്ടമായ പപ്പായ ഹൃദയ സംബന്ധിയായ അസുഖങ്ങളില്‍ നിന്ന് ശരീരത്തെ സംരക്ഷിക്കാന്‍ പ്രാപ്തമാണ്. ക്യാന്‍സറിനെപ്പോലും ചെറുക്കാനുള്ള പോഷക ഗുണങ്ങളും പപ്പായയില്‍ അടങ്ങിയിട്ടുണ്ട്.
പ്രമേഹത്തിനുള്ള ഒരു ഉത്തമ ഔഷധം കൂടിയാണ് പപ്പായ. പപ്പായയുടെ ഉപയോഗം രക്തത്തിലെ പഞ്ചസാരയുടെ അളവ് നിയന്ത്രിച്ച് നിര്‍ത്തുന്നതിന ്ഒപ്പം ഫൈബറിന്‍റെ അളവ് കൂടുന്നതു മൂലമുള്ള കൊളസ്ട്രോളിനെ നിയന്ത്രിക്കുന്ന തിനും സഹായിക്കുന്നു. ഇന്ത്യയുടെ വടക്കു കിഴക്കന്‍ സംസ്ഥാനങ്ങളില്‍ പപ്പായച്ചെടിയുടെ പൂക്കള്‍ ഇതിനായി ഉപയോഗിച്ച് വരുന്നുണ്ട്.
വിറ്റാമിന്‍ എ,ബി,സി,കെ എന്നിവയുടെ കലവറയാണ് പപ്പായ. പ്രതിരോധ ശേഷി വര്‍ദ്ധിപ്പിക്കാനുള്ള ഏറ്റവും നല്ല ഔഷധമാണ് പപ്പായ. ശരീര കലകളുടെ വളര്‍ച്ചക്ക് പപ്പായ വളരെയധികം സഹായിക്കുന്നു. തലമുടിയുടെ വളര്‍ച്ചയെ ത്വരിതപ്പെടുത്തുന്നതിനും ഒപ്പം ത്വക്കിനെ സംരക്ഷിക്കുന്നതിനും പപ്പായ ഗുണകരമാണ്. പപ്പായയുടെ ദിവസേനയുള്ള ഉപയോഗം ശരീരത്തിലെ വിറ്റാമിന്‍ വര്‍ദ്ധിപ്പിക്കുന്നു.
സൗന്ദര്യവര്‍ദ്ധക വസ്തു എന്ന നിലയിലും മുന്‍പന്തിയിലാണ് പപ്പായ. ഒന്നാന്തരം ക്ലെന്‍സറാണ് പപ്പായ. ത്വക്കിലെ മാലിന്യങ്ങളെ അകറ്റുന്നതില്‍ അത്ഭുതപ്പെടുത്തുന്ന കഴിവാണ് പപ്പായക്കുള്ളത്.
കാത്സ്യം,പൊട്ടാസ്യം, മഗ്നീഷ്യം കോപ്പര്‍ തുടങ്ങിയധാതുക്കളാലും സമ്പന്നമാണ് പപ്പായ. പപ്പായയുടെ നിത്യേനയുള്ള ഉപയോഗം ശരീരത്തിലെ കാത്സ്യത്തിന്‍റെ നിക്ഷേപം വര്‍ദ്ധിപ്പിക്കുകയും ഇത് വാതത്തെ അകറ്റി നിര്‍ത്തുന്ന തിന് സഹായിക്കുകയും ചെയ്യുന്നു.
പപ്പായച്ചെടിയുടെ ഇലകള്‍ ഡെങ്കിപ്പനിക്കുള്ള ഔഷധമായി ഉപയോഗിച്ച് പോരുന്നു. രക്തത്തിലെ പ്ലേറ്റ്ലെറ്റുകളുടെ എണ്ണം ക്രമാതീതമായി നശിപ്പിക്കാന്‍ ഡങ്കി അണുക്കള്‍ക്ക് സാധിക്കും. ഇത് നിയന്ത്രിക്കാന്‍ പപ്പായയുടെ ഇലകള്‍ക്ക് കഴിവുണ്ട്. ഡങ്കി ബാധിച്ച രോഗിക്ക് പപ്പായയുടെ ഇലകള്‍ ഉപയോഗിച്ച് തയ്യാറാക്കിയ ജ്യൂസ് നല്‍കുകയാണ് പ്ലേറ്റ്ലറ്റുകളുടെ എണ്ണം ഉയര്‍ത്താനുള്ള മാര്‍ഗ്ഗം. ഇലയില്‍ നിന്നും ശേഖരിച്ച സത്ത് അല്‍പ്പം വെള്ളം കൂടി യോജിപ്പിച്ച് വേണം ഉപയോഗിക്കാന്‍. പപ്പായയില്‍ കലോറിയുടെ അളവ് കുറവായതിനാല്‍ പ്രഭാതഭക്ഷണമായും പപ്പായ ഉപയോഗപ്പെടുത്താവുന്നതാണ്. കലോറി കുറവായതിനാല്‍ തടി കൂടുമെന്ന് പേടിയും വേണ്ട.
സൗന്ദര്യത്തിനും ആരോഗ്യത്തിനും നല്ല ഭക്ഷണം
സൗന്ദര്യം ആരോഗ്യത്തിന്‍റെ ലക്ഷണമാണ്. പട്ടുപോലുള്ള മുടിയിഴകളും തിളക്കമാര്‍ന്ന ചര്‍മ്മവും ആരോഗ്യത്തിന്‍റെ പ്രതിഫലനമാണ്. യൗവ്വനം കാത്തു സൂക്ഷിക്കാന്‍ നല്ല ഭക്ഷണം അത്യാവശ്യമാണ്.
സിങ്ക് അടങ്ങിയ ഭക്ഷണം.
ശരീരത്തിലെ ഏറ്റവും അത്യാവശ്യമുള്ള മിനറല്‍സില്‍ ഒന്നാണ് സിങ്ക്. ആട്ടിറച്ചി, ഓയിസ്റ്റര്‍ എന്നിവ സിങ്കിനാല്‍ സമൃദ്ധമാണ്. ശരീരത്തിലെ എണ്ണമയമുണ്ടാകുന്നത് നിയന്ത്രിക്കാന്‍ സിങ്കിന് സധിക്കും. ശരീരത്തില്‍ സിങ്കിന്‍റെ അളവ് കുറയുന്നതാണ് മുഖക്കുരുവിന് ഒരു പ്രധാന കാരണം.
മുട്ട
മുട്ടയിലെ മഞ്ഞക്കരു വൈറ്റമിന്‍ ഇയുടെ പ്രധാന ശ്രോതസ്സാണ്. ചര്‍മ്മത്തില്‍ ചുളിവ് വരുന്നത് തടയാന്‍ ഒരു പരിധിവരെ ഇത് കൊണ്ട് സാധിക്കും.
കുരുമുളക്
സുഗന്ധവിളകൂടിയായ കുരുമുളക് വൈറ്റമിന്‍ ഇയുടെ കലവറയാണ്. കോളോജന്‍റെ സംയോജനമുള്ളതിനാല്‍ വൈറ്റമിന്‍ ഇ സൂര്യപ്രകാശം ഏറ്റാലുണ്ടാകുന്ന കരുവാളിപ്പില്‍ നിന്നും സംരക്ഷണം ലഭിക്കും. ഒപ്പം ചര്‍മ്മത്തിന്‍റെ ചെക്സ്ച്ചര്‍ നന്നാവാനും സഹായിക്കും.
കോളിഫ്ളവര്‍
എളുപ്പത്തില്‍ പൊട്ടിപ്പോകുന്ന നഖങ്ങള്‍ മിക്കവരും നേരിടുന്ന പ്രശ്നമാണ്. കോളിഫ്ളവര്‍, ബ്രോക്കോളി, കാബേജ് എന്നിവ കരളിന്‍റെ ആരോഗ്യം സംരക്ഷിക്കാന്‍ സഹായിക്കുന്നു.
മീനെണ്ണ
ശരീരത്തിന്‍റെ നൈസര്‍ഗ്ഗികമായ മിനുപ്പ് നിലനിര്‍ത്താന്‍ മീനെണ്ണ സഹായിക്കും. ഫോളിക് ആസിഡ് അടങ്ങിയതിനാല്‍ ചര്‍മ്മത്തിലെ ഈര്‍പ്പം നിലനിര്‍ത്താനും സാധിക്കുന്നു.
ബയോട്ടിന്‍ അടങ്ങിയ ഭക്ഷണം.
നേന്ത്രപ്പഴം, തവിടടങ്ങിയ അരി, മുട്ട എന്നിവ ബയോട്ടിനാല്‍ സമൃദ്ധ മാണ്. വൈറ്റമിന്‍ ഇ നഖത്തിന്‍റെയും, മുടിയുടെയും, ചര്‍മ്മത്തിന്‍റെയും ആരോഗ്യത്തിന് അത്യാവശ്യമാണ്. മേല്‍പ്പറഞ്ഞ ഭക്ഷണ സാധനങ്ങള്‍ നിത്യഭക്ഷണത്തില്‍ ഉള്‍പ്പെടുത്തിയാല്‍ ഒട്ടുമിക്ക സൗന്ദര്യപ്രശ്നങ്ങള്‍ ക്കും പരിഹാരമാണ്.
നാരകവര്‍ഗ്ഗങ്ങള്‍
കോളോജിന്‍റെ ശരിയായ ഉത്പാദനത്തിന് വൈറ്റമിന്‍ ഇ അത്യാവശ്യ മാണ്. മൃതകോശങ്ങളെ അകറ്റി പുതിയ കോശങ്ങളെ ഉണ്ടാവാന്‍ ഇത് സഹായിക്കുന്നു.
ഇലക്കറികള്‍
കണ്ണിന് താഴെയുള്ള കറുപ്പ് നിറം അകറ്റാന്‍ ഇലക്കറികള്‍ കഴിക്കുന്നത് വഴി സാധിക്കും. സംസ്കരിച്ച ഭക്ഷണം കഴിക്കുന്നത് കണ്ണിന്‍റെ ആരോഗ്യത്തിന് നല്ലതല്ല.
പ്രഭാതഭക്ഷണം ഒഴിവാക്കരുതേ..
ഒരു ദിവസം മുഴുവന്‍ ഉന്‍മേഷവും ഊര്‍ജ്ജവും നിലനിര്‍ത്തണമെങ്കില്‍ പ്രഭാതഭക്ഷണം ഏറെ പ്രധാനമാണ്. ഏറെ പ്രോട്ടീന്‍ അടങ്ങിയിട്ടുള്ള പ്രഭാതഭക്ഷണം കഴിക്കുന്നവര്‍ക്ക് ദിവസം മുഴുവന്‍ ഉേډഷം നിലനിര്‍ത്താനാകുമെന്നാണ് വിവിധ പഠനങ്ങള്‍ വ്യക്തമാക്കിയിട്ടുള്ളത്. കൂടാതെ ശരീരവണ്ണവും ഭാരവും കുറക്കാന്‍ ആഗ്രഹിക്കുന്നവര്‍ ഉറപ്പായും പ്രഭാത ഭക്ഷണം കഴിക്കണമെ ന്നാണ് വിദഗ്ദര്‍ പറയുന്നത്. പ്രഭതഭക്ഷണം ഒഴിവാക്കിയാല്‍ എന്തൊക്കെയാണു ണ്ടാവുക എന്ന് നോക്കാം.
രാവിലത്തെ വ്യായാമം വെറുതെയാകും
ആരോഗ്യ സംരക്ഷണത്തില്‍ പ്രധാനമാണ് വ്യായാമം. മിക്കവരും ശരീര ഭാരവും വണ്ണവും കുറക്കുന്നതിനായി രാവിലെ വ്യായാമം ചെയ്യും. അതിനൊപ്പം പ്രഭാത ഭക്ഷണം ഒഴിവാക്കുകയും ചെയ്യും. എന്നാല്‍ പ്രഭാതഭക്ഷണം ഒഴിവാക്കിക്കൊണ്ട് വ്യായാമം മാത്രം ചെയ്യുന്നത്കൊണ്ട് കാര്യവുമില്ല.
എപ്പോഴും വിശപ്പ്
രാവിലെ ഭക്ഷണം ഒഴിവാക്കുന്നവര്‍ക്ക് ദിവസം മുഴുവന്‍ ക്ഷീണം അനുഭവപ്പെടുക സ്വാഭാവികമാണ്. കൂടാതെ എപ്പോഴും വിശക്കുന്ന തായി തോന്നുകയും ചെയ്യും. രാവിലെ കഴിക്കാതെ ഉച്ചക്കും രാത്രിയും കഴിച്ചാല്‍ പോലും ഇടക്കിടെ ഈ വിശപ്പ് നിങ്ങളെ അലട്ടും.
ദിവസം മുഴുവന്‍ മന്ദത അനുഭവപ്പെടും.
പ്രഭാത ഭകഷണം ഒഴിവാക്കുന്നവരെ ദിവസം മുഴുവന്‍ ഒരു മന്ദത പിടിപെടും. ചെയ്യുന്ന കാര്യങ്ങളിലൊക്കെ, അത് ജോലിയായാലും മറ്റ് എന്തായാലും ഒരു വേഗക്കുറവ് അനുഭവപ്പെടും. പ്രഭാതഭക്ഷണം ഒഴിവാ ക്കുക വഴി ഉഷാര്‍ കുറയുന്നതിന്‍റെ ഭാഗമായണ് ഇത് സംഭവിക്കുന്നത്.
ശരിയല്ലാത്ത ഉച്ചഭക്ഷണശീലം
പ്രഭാത ഭക്ഷണം ഒഴിവാക്കുന്ന ഒരാള്‍ക്ക് സ്വാഭാവികമായും ഉച്ചയാകു മ്പോള്‍ നല്ല വിശപ്പും ക്ഷീണവും ആര്‍ത്തിയും തോന്നും. ഇത് കാരണം കൊഴുപ്പേറിയ ഭക്ഷണത്തോടും മറ്റും കൂടുതല്‍ ആര്‍ത്തി തോന്നും. ഇത് ആരോഗ്യകരമല്ലാത്ത ഭക്ഷണശീലമായി മാറും. ദിവസങ്ങളോളം ഇത്തരം അനാരോഗ്യകരമായ ഭക്ഷണശീലം തുടരു മ്പോള്‍ പ്രമേഹം ഉള്‍പ്പെടയുള്ള ജീവിതശൈലീ രോഗങ്ങള്‍ നിങ്ങളെ തേടിയെത്തും.
വണ്ണവും ഭാരവും ഒട്ടും കുറയുകയുമില്ല.
ചിലര്‍ ശരീരഭാരവും വണ്ണവും കുറക്കാന്‍വേണ്ടി പ്രഭാത ഭക്ഷണം ഒഴിവാക്കും. എന്നാല്‍ രാവിലെ ഭക്ഷണം കഴിക്കാതിരിക്കുക വഴി ശരീരവണ്ണവും ഭാരവും ഒട്ടും കുറയുകയില്ല. ഉച്ചക്കും രാത്രിയും കഴിക്കുന്ന ഭക്ഷണത്തിന്‍റെ അളവാണ് ശരീരഭാരവും വണ്ണവും കുറയുന്നതിനെയോ കൂടുന്നതിനോയോ സ്വാധീനിക്കുന്നത്.
തുളസിയിട്ട പാല്‍.
പാലിന് രോഗം ശമിപ്പിക്കാനുള്ള കഴിവില്ലെങ്കിലും ആരോഗ്യത്തിന് ഏറെ
ഉത്തമമാണ്. ശരീരത്തിന് പ്രതിരോധശേഷി നല്‍കാനും എല്ലിന് കാത്സ്യത്തിലൂ ടെ കരുത്തേകാനും സാധിക്കും.
എന്നാല്‍ പാലിനൊപ്പം മറ്റ് ചില ചേരുവകള്‍ കൂടി ചേര്‍ക്കുന്നത് പലപ്പോഴും ഔഷധഗുണവും നല്‍കാറുണ്ട്. ഉദാഹരണത്തിന് പാലില്‍ മഞ്ഞള്‍പൊടി കലക്കി കുടിക്കുന്നത് കോള്‍ഡിന് നല്ലൊരു മരുന്നാണ്.
ഇത്പോലെയാണ് തുളസിയുടെ കാര്യവും. പാലില്‍ തുളസിയില ചേര്‍ത്ത് തിളപ്പിച്ച് കുടിക്കുന്നത് പല ആരോഗ്യ ഗുണങ്ങളും ചെയ്യും.
തുളസിയില്‍ യുജെനോള്‍ ആന്‍റി ഓക്സിഡന്‍റ് അടങ്ങിയിട്ടുണ്ട്. ഇത് ഹൃദയാരോഗ്യത്തിന് ഏറെ ഗുണകരമാണ്. പാലാകട്ടെ ഹൃദയത്തിന് ആവശ്യമായ പല ധാതുക്കളും നല്‍കും. ഇവ രണ്ടും ചേര്‍ന്നാല്‍ ആരോഗ്യം ഇരട്ടിക്കും.
പാലില്‍ തുളസി ചേര്‍ത്ത് കഴിക്കുന്നത്കൊണ്ട് സ്ട്രെസ്, ടെന്‍ഷന്‍ എന്നിവ കുറക്കാന്‍ ഏറെ നല്ലതാണ്. ഹോര്‍മോണ്‍ ബാലന്‍സ് വഴിയാണ് ഇത് സാധിക്കുന്നത്.
ശരീരത്തിലെ യൂറിക് ആസിഡ്തോത് നിയന്ത്രിക്കാനും കിഡ്നി സ്റ്റോണ്‍ മാറ്റാനുമുള്ള നല്ലൊരു വഴിയാണ് തുളസി ചേര്‍ത്ത പാല്‍.
ശരീരത്തിന് പ്രതിരോധശേഷി നല്‍കുന്നതിനും ക്യാന്‍സര്‍ തടയുന്നതിനും തുളസി ചേര്‍ത്ത പാല്‍ ഏറെ നല്ലതാണ്.
ആന്‍റി ബാക്ടീരിയല്‍ ഗുണങ്ങളുള്ളതുകൊണ്ട് തന്നെ ശ്വസന സംബന്ധമായ പ്രശ്നങ്ങള്‍ പരിഹരിക്കാന്‍ പാലില്‍ തുളസി ചേര്‍ത്ത് കുടിക്കുന്നത് ഗുണം ചെയ്യും.
ചൂടുള്ള പാലില്‍ തുളസി ചേര്‍ത്ത് കുടിക്കുന്നത് തലവേദന മാറാന്‍ ഏറെ നല്ലതാണ്.
കടപ്പാട് : ആരോഗ്യമാസിക
അവസാനം പരിഷ്കരിച്ചത് : 2/15/2020
കൂടുതല്‍ വിവരങ്ങള്‍
ആഹാരപദാര്ഥടങ്ങള്‍ ദഹിക്കാതിരിക്കുന്ന അവസ്ഥ
കൂടുതല്‍ വിവരങ്ങള്‍
അമിതവണ്ണം നിയന്ത്രിക്കുന്നതില് ആഹാര നിയന്ത്രണത്തിന...
